Morgunblaðið - 20.11.1996, Qupperneq 2

2 MIÐVIKUDAGUR 20. NÓVEMBER 1996
MORGUNBLAÐIÐ
FRÉTTIR
Strandríkin og ESB boða til nýs fundar um síldveiðar í næsta mánuði
Rætt um að auka heild-
arkvótann á næsta ári
ENGIN niðurstaða varð af fundi ís-
lands, Noregs, Rússlands og Færeyja
með fulltrúum Evrópusambandsins í
London um stjórn veiða á norsk-
íslenzku síldinni. Ákveðið var að boða
til annars fundar í næsta mánuði.
Rætt var um að svigrúm gæti orðið
til að auka heildarkvótann frá síð-
asta ári.
Strandríkin hafa lagt áherzlu á
að Evrópusambandið virði samkomu-
lag það um síldveiðarnar, sem löndin
fjögur gerðu í maí síðastliðnum og
hyggjast endurnýja. Að sögn Jó-
hanns Siguijónssonar, aðalsamn-
ingamanns íslands, voru allir aðilar
á fundinum í London, sem stóð í gær
og fyrradag, sammála um að það
væri mikilvægt verkefni að koma
fuilri stjórn á síldveiðamar.
Viðræðum haldið áfram
fyrir miðjan desember
Jóhann segir að rætt hafi verið
um síldveiðarnar á þessu ári, ástand
stofnsins og stöðu mála varðandi
síldina almennt. Ljóst sé að
skoðanamunur sé milli strandríkj-
anna og ESB, en andinn í viðræðun-
um hafi ekki verið neikvæðari en
svo, að ákveðið hafi verið að halda
viðræðunum áfram fyrir miðjan des-
ember.
Heildarkvóti sá, sem strandríkin
fjögur ákváðu fyrir þetta ár, er
1.107.000 tonn. Þar að auki tók
Evrópusambandið sér 150.000 tonna
kvóta einhliða. Ekki liggur fyrir hver
heildarveiðin í ár er orðin, enda eru
skip sumra ríkja enn að síldveiðum.
Jóhann segir að á fundinum hafi
verið rætt um að leitast við að fylgja
ráðgjöf Alþjóðahafrannsóknaráðsins
um heildarafla á næsta ári. „Út úr
henni má lesa að óhætt sé að veiða
heldur meira en gert hefur verið
undanfarin ár og á þessu ári. Það
má því búast við aukningu, en um
þetta er ekkert ákveðið,“ segir Jó-
hann.
Ole Tuegaard, aðalsamningamað-
ur Evrópusambandsins í fiskveiði-
málum, vildi ekki tjá sig um gang
viðræðnanna í samtali við Morgun-
blaðið.
Karfi efst á baugi
á ársfundi NEAFC
Ársfundur Norðaustur-Atlants-
hafsfiskveiðinefndarinnar (NEAFC)
hefst í London í dag. Fyrst ekki náð-
ist samkomulag milli strandríkjanna
og ESB um síldveiðarnar, verður að
öllum líkindum lítið rætt um síld á
fundinum. Framlenging samkomu-
lags um veiðar á úthafskarfa á
Reykjaneshrygg verður hins vegar
efst á baugi.
Skófludag-
ur í Eyjum
VESTMANNAEYJAR eru eitt-
hvert snjóléttasta byggðarlag
á íslandi og það þykir saga til
næsta bæjar að um miðjan
nóvember séu snjóruðnings-
tæki þar í önnum eftir kafalds-
byl meðan snjóföl liggur yfir
nágrannabyggðunum á megin-
landinu. En það var skófludag-
ur í Eyjum í gær þegar þar
slotaði austanbálinu sem skall
á um hádegi á mánudag og
gerði hvorttveggja í senn að
kyngja niður snjó og safna í
skafla. Vart sást út úr augum
og flestar götur í bænum urðu
ófærar. Bæjarstarfsmenn á
ruðningstækjum höfðu í nógu
að snúast í gær og bíleigendur
þurftu margir að ryðja úr vegi
nokkrum rúmmetrum af snjó
áður en þeir gátu sest undir
stýri.
Höggmynd eftir Gerði
Helgadóttur afhent SÞ
Genf. Morgunblaðið.
GUNNAR Snorri Gunnars-
son, fastafulltrúi íslands hjá
alþjóðastofnunum í Genf, af-
henti Sameinuðu þjóðunum í
gær fyrir hönd ríkisstjórnar
Islands höggmynd eftir Gerði
Helgadóttur að gjöf, í tilefni
af því að 50 ár voru liðin síð-
an ísland gekk í Sameinuðu
þjóðirnar.
Vladimír Petrovsky, yfir-
maður stofnana SÞ í Genf, tók
við höggmyndinni í viðurvist
gesta.
Höggmyndin, Óþekkti póli-
tíski fanginn, stendur á áber-
andi stað á gangi milli tveggja
stórra fundarsala SÞ í ný-
byggingu við Þjóðahöllina.
Fundir Mannréttindastofnun-
arinnar eru haldnir þar og
sagði Gunnar Snorri högg-
myndina einmitt vera valda
með baráttu SÞ fyrir mann-
réttindum og mannúðarmál-
um í huga. Höggmyndin verð-
ur væntanlega í húsakynnum
Mannr éttindastofnunar innar,
ef hún fær eigin húsakynni í
framtíðinni.
Gunnar Snorri benti á í
ávarpi sínu að ísland hefði
gengið í SÞ einu og hálfu ári
eftir að þjóðin fékk fullt sjálf-
stæði. Það hefði verið skref
hennar til fulltingis við aðrar
þjóðir á alþjóðavettvangi. Síð-
an hafa nokkrir íslendingar
starfað hjá Mannréttinda-
stofnuninni og honum væri
þóst hversu mikilvægt starf
væri unnið þar.
Gestum var boðið upp á
hressingu að afhendingunni
lokinni áður en þeir lögðu aft-
ur út í hráslagalegt nóvember-
veður sem Gunnar Snorri
sagði að minnti á ísland.
VLADIMÍR Petrovsky, yfirmaður stofnana Sameinuðu
þjóðanna í Genf, og Gunnar Snorri Gunnarsson sendiherra
við mynd Gerðar Helgadóttur, Óþekkta pólitíska fangann.
Grófu niður á fjöru-
kamb í Hafnarstræti
STARFSMENN Gatnamálastjóra
grófu í gær að talið er niður í
gamlan kjallara og niður á fjöru-
kambinn sem húsið Hafnarstræti
21 í Reykjavík var reist á árið
1880.
Nikulás Úlfar Másson, arkitekt
hjá Árbæjarsafni, mun kanna um-
merki á staðnum nánar í dag.
Hann segir að eftir lauslega skoð-
un sýnist sér að hús þau sem byggð
voru á fjörukambinum hafi verið
byggð á súlum og að sjórinn hafi
verið látinn leika undir þau um
fjörukambinn.
I gær hafði aðeins verið opnuð
lftil rás ofan í kjallarann en hún
verður víkkuð í dag. Þá mun Niku-
lás kanna hvað býr undir í hinum
forna kjallara sem er Tryggva-
götumegin við húsið sem hýsir
Borgarbílastöðina.
Morgunblaðið/Sigurgeir
Höfuðborgarsvæðið
••
Ondunarfærasýk-
ing herjar á börn
MIKIÐ hefur verið um margs kon-
ar sjúkdóma meðal barna á höfuð-
borgarsvæðinu að undanförnu. Að
sögn Atla Árnasonar yfirlæknis
Heilsugæslustöðvarinnar í Grafar-
vogi er það aðallega öndunarfæra-
sýking sem heija á börnin, en slík
sýking getur valdið berkjubólgu
og jafnvel lungnabólgu. „Um er
að ræða bakteríuna microplasma
sem veldur Iangvarandi hósta, hita
og uppgangi. Slík sýking er oft á
ferðinni hérlendis en í þetta sinn
er um hálfgerðan faraldur að
ræða,“ segir Atli.
Börn frá eins árs aldri og fram
á fyrstu ár í grunnskóla eru mót-
tækilegust fyrir slíkri sótt en dæmi
eru einnig um að eldra fólk hafi
orðið fyrir barðinu á henni.
Ástæða er að mati Atla til að biðja
fólk um að fara sérstaklega var-
lega ef það finnur fyrir tyúkdóms-
einkennum.
Ýmislegt bendir einnig til að
parainflúensa hafí stungið sér nið-
ur hérlendis, en hún veldur hefð-
bundnum flensueinkennum, s.s.
háum hita, höfuðverk og bein-
verkjum. „í kjölfar slíkrar vírus-
sýkingar er fólk veikara en ella
fyrir bakteríusýkingu, s.s. micro-
plasma, berkjubólgu, lungnabólgu
og eyrnabólgu,“ segir Atli.
Augnsýkingar og hálsbólga
einnig sjúkdómsvaldar
Hugsanleg skýring á miklum
lasleika barna undanfarið er, að
mati Atla, köld veðrátta í október
og nóvember. Frá í haust hafa
augnsýkingar hjá ungum börnum
einnig verið algengar en einkennin
eru gröftur í augnkrókum og rauð
augu. Auk þess hefur hálsbólga
af gerðinni streptococca verið
skæð, en henni fylgir ígerð í hál-
skirtlum og stundum útbrot en
kallast þá skarlatssótt. Hins vegar
hefur, að sögn Atla, lát orðið á
kvefpestum sem geisað höfðu.
Engin tilfelli Asíuinflúensu hafa
enn sem komið er verið greind
hérlendis, en Atli segir hana vera
árlegan viðburð sem getur skotið
upp kollinum frá október og fram
í apríl. „Asíuflensan er misskæð
en búið er að bólusetja talsvert
við henni, aðallega veikburða og
fullorðið fólk.“
Heimsókn
frá Namibíu
SJÁVARÚTVEGSRÁÐHERRA
Namibíu, Hifikepunye Pohamba, er
í opinberri heimsókn hér á landi og
hittir m.a. Þorstein Pálsson sjávarút-
vegsráðherra að máli.
Að sögn Þorsteins er heimsókn
starfsbróður hans fyrst og fremst
vegna samstarfs sem tekist hefur
með íslendingum og Namibíubúum,
en ráðherrann mun einnig kynna sér
fískveiðistjórnun og rannsóknir hér.
Heimsókn sjávarútvegsráðherrans
lýkur á föstudag.
MEÐ blaðinu í dag fylgir fjögurra
síðna auglýsingablað frá BYKO.