Morgunblaðið - 20.11.1996, Qupperneq 16

16 MIÐVIKUDAGUR 20. NÓVEMBER 1996
MORGUNBLAÐIÐ
ERLENT
Ermarsundsgöngum lokað vegna eldsvoða í flutningalest
Skelfing greip um sig
er eldurinn blossaði upp
Calais, London, París. Reuter.
ÖRYGGISRAÐSTAFANIR I ERMARSUNDSGONGUNUM
Átta manns voru fluttir á sjúkrahús með reykeitrun eftir eldsvoða
í járnbrautarlest í Ermarsundsgöngunum. Það er fyrsta stórslysið
í göngunum frá því opnuðu fyrir tveimur árum.
Öryggiskerfi Ermarsundsganganna eru hönnuð til að göngin standist jarðskjálfta,
sprengjutilræði hryðjuverkamanna og ásókn sýktra hunda.
Oryggisráðstafanir
• Reykingar bannaðar.
• Bannað að lyfta húddi og
vinna í vél meðan á ferð stendur.
Eldvarnir
® Froða og handslökkvitækjum
beitt gegn smáeldum.
• Lífshættulegir eldar slökktir með
veiku halógengasi.
• Eldvarnarhurðir sem halda reyk
og báli í skefjum í hálftíma.
• Lagnir frá báðum gangnamunnum tryggja óhindrað flæði til brunahana.
Fjarstýrðir eða handstýrðir þjónustuvagnar.
Geta ferðast í báðaráttir og eru hannaðir
ýmist til að flytja slökkviliðsmenn, til
sjúkraflutninga eða til lögreglueftirlits.
REUTERS
ÁTTA manns voru færðir á sjúkra-
hús, tveir illa haldnir, vegna reykeitr-
unar í kjölfar elds í bílflutningalest
í Ermarsundsgöngunum í fyrrakvöld.
Er það fyrsta stórslysið í göngunum,
sem opnuð voru fyrir umferð fyrir
tæpum tveimur árum, og í fyrsta
sinn, sem loka verður þeim vegna
neyðarástands. Gert er ráð fyrir að
takmörkuð umferð verði leyfð um
göngin í dag.
Eldur kviknaði í lestinni er hún
hafði ekið 17 kílómetra, eðaþriðjung
leiðarinnar frá Frakklandi til Bret-
lands. Augljóst þykir, að hann hafi
brotist út í einum flutningabílanna,
en ekki er vitað hvers vegna. Óstað-
festar fregnir herma, að í honum
hafi verið farmur af eldfímu einangr-
unarplastefni. Sjötíu og fimm sér-
þjálfaðir enskir og franskir slökkvi-
liðsmenn börðust við eldana og tókst
að slökkva þá um nóttina.
í flutningalestinni voru 34 menn,
áhöfn hennar og bílstjórar flutninga-
bílanna. Greip mikil skelfing um sig
þegar lestin staðnæmdist vegna
brunans. „Þarna voru monthanar,
sem brotnuðu saman og lögðust á
bæn,“ sagði einn bílstjóranna.
Starfsfélagi hans sagði hópinn hafa
fleygt sér niður á gólf og emjað af
hræðslu. „Eg kúrði í einu horninu
og reyndi að búa mig undir dauð-
ann. Þóttist viss um að eiga ekki
afturkvæmt," sagði hann.
Að sögn talsmanna Eurotunnel,
sem rekur göngin, gekk björgun
fólksins, sem varð innlyksa er lestin
stöðvaðist, að óskum. Allir hefðu
verið komnir út 28 mín. eftir að
eldurinn kviknaði. Nokkrir bílstjórar
kvörtuðu þó undan skorti á öndunar-
búnaði og vatnsúðurum í lestinni.
Rafmagnskaplar og aðrar lagnir í
jarðgöngunum eyðilögðust af Völdum
eldsins í jámbrautarlestinni og var
talið, að viðgerð gæti tekið nokkrar
vikur. I lestinni eyðilögðust sex vöru-
bílar. Kviknaði eldurinn aftarlega í
Iestinni, sem var 730 metra löng en
hún getur flutt allt að 28 stóra vöru-
flutnignabíla samtímis. Óljóst er
hvers vegna eldurinn kviknaði en
atvikið átti sér stað á tíunda tímanum
í fyrrakvöld.
Farþegum, sem bókað áttu far
með Ermarsundslestunum í gær, var
komið á leiðarenda með feijum eða
flugvélum. Talsmenn frönsku ríki-
sjámbrautanna (SNCF) sögðust
myndu endurgreiða þeim öllum far-
gjaldið þar sem ferð þeirra milli
áfangastaða tæki lengri tíma en þijár
stundir, sem er ferðatíminn með lest-
unum milli Parísar og London.
Atvikið virtist ekki hafa skotið
neinum skeik í bringu. Farþegar á
Waterloo-lestarstöðinni í London,
sem biðu þess að verða fluttir með
öðrum hætti til Parísar en um göng-
in, luku upp einum rómi og sögðust
reiðubúnir að fara um þau strax og
opnað yrði fyrir umferð. „Ég hef
engar áhyggjur, fór um göngin í maí
og það var stórkostleg upplifun,"
sagði eftirlaunaþegi. „Slysin eiga sér
stað alls staðar," bætti hann við.
„Það var einvörðungu vegna lest-
arinnar sem ég keypti farmiða til
Parísar, annars hefði ekki hvarflað
að mér að fara þangað. Og ég fer
frekar með lest en flugvél," sagði
leigubílstjóri, sem ætlaði að halda upp
á afmæli konunnar með Parísarferð.
Víðtækt öryggiskerfi er í Ermar-
sundsgöngunum, sem m.a. voru
hönnuð til að þola gífurlega öflugan
jarðskjálfta. Eurotunnel-fyrirtækið
heldur því fram, að 25 sinnum örugg-
ara sé að fara með neðansjávarlest-
unum en hefðbundnum járnbrautar-
lestum. Öryggiskerfin voru hönnuð
þannig að göngin stæðust meðal
annars stórbruna og hryðjuverka-
árás. Ennfremur að flökkuhundar
kæmust ekki til baka lifandi voguðu
þeir sér inn í þau.
Neðanjarðarlestarnar eru sagðar
eldtraustar og í þeim fullkomnir eld-
varar og brunavarnabúnaður. Lest-
arstjórarnir geta öllum stundum
skoðað hvern vagn að innan með
innanhússmyndavélum. Hermt var,
að öryggisbúnaður ganganna hafi
reynst vel í fyrrinótt.
NATO
hættulaust
Rússum
ÍGOR Rodínov, varnarmálaráð-
herra Rússlands, sagði í
Moskvu í gær, að hann teldi
ekki, að örygi Rússlands staf-
aði lengur nein hætta af NATO,
Atlantshafsbandalaginu. Oleg
Grínevskí, sendiherra Rúss-
lands í Svíþjóð, sagði hins veg-
ar í Stokkhólmi í gær, að yrði
NATO stækkað í austur án
samráðs við Rússa, myndi það
leiða til þess, að þeir reiddu sig
meira en nú væri á kjarnorku-
varnirnar. Myndi jafnt Banda-
ríkjunum em Evrópu stafa auk-
in hætta af því.
Ciorbea nýr
oddviti
VICTOR Ciorbea, borgarstjóri
í Búkarest, verður forsætisráð-
herra nýrrar stjórnar í Rúme-
níu. Var það tilkynnt í gær á
fréttamannafundi, sem Bænda-
flokkurinn boðaði til, en hann
er nú stærsti fokkurinn á þingi.
Emil Constantineseu, sem sigr-
aði í forsetakosningunum um
síðustu helgi, er bændaflokks-
maður. Ciorbea bar sigurorð
af Ilie Nastase, frambjóðanda
flokks fyrrverandi kommún-
ista, í borgarstjórnarkosning-
um í Búkarest í júní.
Lofa algeru
banni
BRESKI Verkamannaflokkur-
inn hét því í gær að setja al-
gert bann við skammbyssueign
í landinu komist hann til valda
í næstu kosningum en frum-
varp þar að lútandi var fellt á
breska þinginu í gær. Þess í
stað var samþykkt tillaga
stjórnarinnar um að leyfilegt
verði að eiga skammbyssur
með hlaupvíddinni .22 svo
fremi þær séu geymdar í húsa-
kynnum skotfélaga. Foreldrar
barnanna, sem myrt voru í
Dunblane í mars sl., og breskir
fjölmiðlar réðust hart gegn
stjórninni vegna þessa máls í
gær.
I
I
I
)
(
I
>
l
I
I
I
ft
Brotlending V alu J et-þ otunnar í Flórída
Skelfingaróp farþega
er eldur breiddist út
London. Daily Telegraph.
HRYLLINGUR síðustu fjögurra mínútnanna
í lífi 110 manns sem fórust með DC-9 þotu
bandaríska flugfélagsins ValuJet í Everglad-
es-fenjasvæðinu í Flórída 11. maí sl. kemur
berlega í ljós á hljóðrita þotunnar, segul-
bandsupptöku í stjórnklefa hennar. Afrit af
því sem þar heyrðist var birt opinberlega
vegna vitnaleiðslna, sem hófust í Washing-
ton í fyrradag.
Skelfingaróp farþega um eld í þotunni
heyrast á upptökunni og einnig örvæntingar-
fullar tilraunir flugfreyja til að fá súrefnis-
grímur til að falla. Sömuleiðis kemur fram
hvernig flugmennirnir missa smám saman
vald á þotunni þar sem stjórntæki hennar
og stýrifletir brunnu og urðu óvirkir í hönd-
unum á þeim. Þotan steyptist beint á nefið
ofan í fenjasvæðið
Talið er, að eldur hafi kviknað í vörulest
þotunnar og hafi smám saman breiðst út.
Grunur leikur á, að eldinn megi rekja til
gamalla súrefniskúta, sem verið var að flytja
til Atlanta til endurnýtingar, en þeir hefðu
aldrei átt að vera um borð í farþegaflugvél.
Allt virtist eðlilegt fyrstu sex mínútur
ferðar þotunnar, sem var á leið frá Miami
til Atlanta. En þá byija torkennileg smá-
hljóð að heyrast í stjórnklefanum og í hátal-
arakerfi þotunnar.
„Hvað er þetta?“ spyr flugstjórinn.
„Veit það ekki“ svarar flugmaðurinn að
bragði.
„Það er eitthvað að rafkerfinu," segir
flugstjórinn nokkrum sekúndum seinna.
„Já, hleðslumælirinn slæst til og frá. Ó,
við eigum..."
„Það er allt að bila,“ gellur í flugstjóran-
um.
í sama mund heyrist í flugumferðarstjóra
á Miami-flugvelli, sem kveður glaður í bragði
og biður flugmennina að skipta yfir á aðra
flugstjórnarrás.
„Við þurfum, við þurfum að snúa við og
koma aftur til Miami,“ svarar flugstjórinn.
Sekúndu eftir það heyrast hróp farþega
aftan úr þotunni. Augnabliki síðar gellur í
FRÁ rannsókn á brotlendingu ValuJet-
þotunnar í Everglades-fenjasvæðinu.
Braki hefur verið safnað saman í flug-
skýli og fremst liggja hreyflar þotunnar.
konu: „Eldur, eldur, eldur, eldur.“ Og karl-
mannsrödd bætir strax við: „Það er kviknað
í, það er kviknað í.“
Viðvörunarhljóð yfirgnæfa
Viðvörunarhljóð, svipað viðvörun frá lend-
ingarbúnaði, yfirgnæfir þau í þrjár sekúnd-
ur. Flugvélin fær heimild til að snúa aftur
til Miami og eru flugmennirnir beðnir um
að lækka flugið í 7.000 fet. Hróp farþega
hljóðna.
Nokkrum sekúndum síðar spyr flugturn-
inn í Miami hvers konar vanda flugmennim-
ir eigi við að glíma. „Eldsvoða,11 svarar flug-
stjórinn og meðan á þessum samskiptum
stendur hvín í flautum í stjórnklefanum.
Aðstoðarflugmaðurinn kemur í talstöðina
og bætir um betur: „Það er reykur í farþega-
klefanum ... reykur í stjórnklefanum."
„Ég skil,“ svarar flugumferðarstjórinn.
Enn heyrast hvers kyns hljóð, m.a. sex
bjölluhljóð. Flugfreyja kemur fram i og seg-
ir: „Við þurfum á súrefni að halda, súrefnis-
kerfið aftur í virkar ekki.“ Eftir nokkrar
sekúndur spyr hún hvort engin leið sé að
prófa hvort tækin séu biluð og heyrist síðan ^
ræskja sig og hósta. p
Flugumferðarstjóri biður nú um að þotan JL
breyti örlítið um stefnu og lækki flugið í ™
5.000 fet. Er þá liðin rösk mínúta frá því
dró til tíðinda um borð, samkvæmt hljóðrit-
anum.
Hrópin deyja út
Hróp úr farþegaklefanum heyrast nú að
nýju á segulbandinu. Heyrist nú flugfreyja
tilkynna, að flugvélin sé alelda. Hrópin úr p?
farþegaklefanum deyja út og aðstoðarflug-
maðurinn heyrist stynja hálft orð en margs
konar hljóð yfirgnæfa allt annað. Tuttugu ^
sekúndum seinna kallar flugmaðurinn í tal-
stöðina og segist þurfa fá að lenda á þeim
flugvelli sem næstur sé.
„Þeir eru reiðubúnir að taka á móti ykk-
ur. Þið getið skipulagt...“ og síðan heyrist
ekkert í 72 sekúndur. Að því búnu heyrast
hljóð á upptökunni að nýju, ýmist þytur eða
smellir. Hálfri mínútu seinna stöðvast upp-
takan. Liðu svo 25 sekúndur þar til ValuJet- {
þotan, sem var af gerðinni DC-9, brotlenti p,
í fenjunum. Þá voru fjórar mínútur liðnar ^
frá því flugstjórinn spurði aðstoðarflug- ™
manninn um hljóðin torkennilegu.