Morgunblaðið - 19.01.1997, Page 14

14 SUNNUDAGUR 19. JANÚAR 1997
MORGUNBLAÐIÐ
ÍÞRÓTTIR
Hinn útvaldi"
Bandaríkjamaðurínn Tiger Woods hefur
heldur betur slegið í gegn eftir að hann
gerðist atvinnumaður í golfí 28. ágúst
í fyrra. Skúli Unnar Sveinsson kynnti
sér feril piltsins og komst m.a. að því
að foreldramir ólu Tiger ekki einungis
upp til að verða besti kylfíngur heims,
heldur einnig til að breyta heiminum
og gera hann mannúðlegri.
Hef beðið
lengi
GOLFGOÐSÖGNIN Jack Nick-
laus - „Gullbjörninn" - er hrif-
inn af Woods, eins og reyndar
flestir kylfingar. „Það hafa eig-
inlega engir mjög góðir kylfing-
ar komið fram síðustu tíu árin.
Auðvitað hafa skotið upp koll-
inum einn og einn, en þeir hafa
ekki enst á toppnum, hvað þá
verið allsráðandi þar. Ég hef
beðið nokkuð lengi eftir ein-
hveijum virkilega góðum og ég
held að Woods sé sá sem ég
hef beðið eftir,“ segir Nicklaus.
Ohætt er að segja að kylfingur-
inn Tiger Woods hafi skotist
eins og svört elding inn á banda-
ríska mótaröð atvinnukylfinga í
ágúst. Hann tók þátt í fimm mót-
um í fyrra, sigraði í tveimur og
varð í einu af fimm efstu sætunum
á hinum. Raunar höfðu margir
beðið eftir því að Woods hæfi
keppni sem atvinnumaður því
hann hafði þrívegis orðið banda-
rískur meistari áhugamanna,
nokkuð sem engum öðrum hefur
tekist, og þeir sem best til þekkja
í golfinu þóttust sjá mikið efni í
pilti. Og þeir höfðu svo sannarlega
rétt fyrir sér og stóryrðin hafa
ekki verið spöruð. „Ótrúlegur!
Goðsögn! Sá besti!“ Þannig hafa
fyrirsagnir dagblaða og golftíma-
rita verið um pilt síðan í ágúst og
í desemberhefti Sports Illustrated,
sem valdi hann íþróttamann ársins
í Bandaríkjunum, var fyrirsögnin
einföld: „Hinn útvaldi".
Alinn upp til að
verða bestur
Tiger, eða Eldrick Woods eins
og hann heitir, var ekki einungis
alinn upp til að verða besti kylfing-
ur allra tíma. Hann var alinn upp
í þeirri trú að hann ætti eftir að
breyta heiminum. Earl, faðir
Woods, hélt mjög heilnæma ræðu
þegar sonur hans tók við verðlaun-
unum sem íþróttamaður Banda-
ríkjanna. Gamli maðurinn var
klökkur og sagði meðal annars:
„Hjarta mitt fyllist gleði þegar ég
hugsa til þess að hann á eftir að
bylta golfíþróttinni og kynna
heimsbyggðinni nýjar víddir í
mannúðarstefnu. Heimurinn verð-
ur betri staður en nokkru sinni tii
að búa í. Ég átti aðeins lítinn þátt
í þessu, en ég veit að ég var val-
inn af Guði til að ala þennan unga
mann upp og koma honum að
þeim punkti að hann geti miðlað
mannúð til umheimsins. Hann er
minn fjársjóður og ég bið ykkur
að þiggja hann og nota af vark-
árni.“
Já, faðirinn er ekki í nokkrum
vafa, enda hefur uppeldi Woods
verið mjög sérstakt og má sem
dæmi nefna að foreldrar hans
hafa aldrei fengið barnapíu, ekki
eina einustu kvöldstund. Faðir
hans er Bandaríkjamaður en af
afrísku bergi brotinn og móðir
hans, Kultida, eða Tida eins og
hún er kölluð, er tælensk. „Tiger
er alheimsbarn á vissan hátt. Hann
hefur tælenskt blóð í sér, einnig
afrískt, kínverskt og evrópskt auk
indjánablóðsins," segir hún. Earl
var kvæntur áður en hann kynnt-
ist Tidu og á þijú börn af fyrra
hjónabandi. Hann segir líf sitt
hafa verið tiltölulega tilgangs-
laust, en hann barðist tvívegis í
Víetnam og slapp þaðan á ótrúleg-
an hátt. Tiger fæddist síðan 30.
desember 1975. Hann segir að
fljótlega eftir fæðinguna hafi hann
sannfærst um tilgang sinn í lífinu.
„Eru mörg sex mánaða gömul
börn sem standa í lófa föður síns
og halda jafnvægi, jafnvel á meðan
gengið er um?“, spyr Earl. „Eru
margir 11 mánaða sem herma
eftir golfsveiflu föður síns þegar
hann æfir í bílskúrnum?“ Tiger
var ekki nema fjögurra ára þegar
faðir hans skíldi hann eftir dag
eftir dag á golfvellinum, skutlaði
honum þangað kl. niu á morgnana
og sótti aftur kl. fimm síðdegis.
Og þá var hann með fulla vasa
af seðlum, hafði lagt nokkra van-
trúaða sem voru jafnvel tíu tii
tuttugu árum eldri en hann.
Það var fleira í uppeldinu sem
miðaði að því að gera Tiger að
besta kylfingi allra tíma. A unga
aldri fékk hann mjög góðan ungl-
ingaþjálfara, leitað var aðstoðar
íþróttasálfræðings, umboðsmaður
var ráðinn og lögfræðingur auk
þess sem golfkennari, sem leið-
beinir keppendum í PGA atvinnu-
mannamótaröðinni, var látinn
fylgjast með sveiflu Tigers. Hann
var ekki heldur gamall þegar móð-
ir hans fór með hann til Tælands
þar sem hann heimsótti búdda-
munka, til að „kynnast því besta
í báðum menningarheimunum,"
segir faðir hans, en Tida er búdd-
isti og Tiger segist hallast mest
að þeirri trú. Móðir hans er honum
mikils virði og hefur ótrúlega ró-
andi áhrif á hann. Hún var vön
að draga fyrir hann á barna- og
unglingamótum og var óvægin við
strák. Ef hann sýndi einhver veik-
leikamerki, reiddist til dæmis, þá
bætti hún óhikað við einu eða
tveimur höggum á holuna.
Því er ekki að undra að piltur
er fullur sjálfstrausts. „Ég hef allt-
af vitað hvað ég vil og ekkert
hefur truflað mig í h'finu. Ég veit
hvað ég vil og til hvers ég er hér,“
svarar hann spurningu sjónvarps-
manns um hvort hann hafi búist
við að ná svo langt í fyrstu mótun-
um. Þannig hefur bandarísk
íþróttastjarna aldrei talað.
Golfið enn vinsælla
Golf hefur verið vinsæl íþrótt
en áhorfendum hefur fjölgað mikið
eftir að Tiger hóf keppni í PGA,
talað er um að á fyrstu fjórum
mótum kappans hafi hann einn
og sér dregið að rúmlega 150.000
áhorfendur. Sagan segir að þegar
hann samþykkti að keppa á Di-
sney-mótinu fyrir áramótin hafí
forráðamennirnir orðið svo glaðir
að þeir hafi hoppað út í sundlaug
í jakkafötunum. „Til að skilja nú-
tíma golf eiga menn ekki að fylgj-
ast með Tiger Woods,“ skrifar
Rick Reilly í Sports Illustrated.
„Fylgist með hveijir fylgjast með
Woods. Ungar þeldökkar stúlkur
í þröngum gallabuxum og háhæl-
uðum skóm, hvítir athafnamenn
með GSM símana sína, krakkar
úr unglingaskólum, sem hafa aldr-
ei áður komið á golfvöll og meira
að segja fullorðnir blaðamenn sem
hafa skrifað um golfmót í fjölda
ára eru farnir að kíkja út úr blaða-
mannatjaldinu. Woods setur mark
sitt á sögu golfsins svo til dag-
lega.“
Vinsældir Tigers minna um
margt á vinsældir poppstjarna.
Krakkar klæða sig sem Tiger
Woods á hrekkjavöku og þegar
hann er á ferðalagi safnast fólk
fyrir utan hótelið þar sem hann
gistir og öskrar og æpir og linnir
ekki látunum fyrr en hann kemur
út í glugga og vinkar. Ekki ósvip-
að og páfinn þarf að gera.
Undirmeðvitundin nýtt
Tiger Woods er um margt
óvenjulegur, enda alinn þannig
upp. Hann skrifar til dæmis aldrei
niður á miða það sem hann ætlar
að segja þegar hann þarf að fara
í pontu og þakka fyrir sig eða
segja eitthvað annað. Þegar hann
þarf að muna eitthvert símanúmer
tekur hann upp símann og horfir
á hvað fingurinn gerir. Eins er það
úti á golfvellinum. Ef hann þarf
að slá 100 metra langt högg, und-
ir tijágrein og síðan yfir tjörn þá
sér hann ekki höggið fyrir sér,
eins og flestir kylfingar gera. Nei,
hann horfir á holuna og dregur
síðan allt á milli hennar og sín
inní sig, ekki inn í hugann eins
og menn gera gjaman, nei, heldur
í líkama sinn, hendurnar, úlnliðinn
og mjaðmirnar og þannig fær
hann líkamann til að finna hvernig
best er að slá. Flókið? Já, auðvit-
að, enda er enginn nema Tiger sem
gerir þetta. Ef hann er spurður
eftir mót hvernig hann hafi slegið
hitt eða þetta höggið, sem blaða-
mönnum þykir ótrúlegt að hægt
sé að gera, svarar hann jafnan:
„Ég veit það eiginlega ekki.“
Helsti ókostur Tigers, að sögn
föður hans, er hversu fijór hann
er í hugsun. Faðir hans hefur
kennt honum að halda alltaf haus,
eins og sagt er, sama á hveiju
gangi. Þetta lærði Earl í stríðinu
í Víetnam og hefur komið vel til
skila til sonar síns. „Ég hef líka
kennt honum að nota undirmeðvit-
undina. Það varð maður að gera
í stríðinu og þá komst ég að þvi
að oftar en ekki bregst maður
rétt við þegar henni er hlýtt,“ seg-
ir Earl og Tiger bætir við: „Eg
hef lært að treysta undirmeðvit-
undinni og eðlisávísun mín hefur
aldrei sagt mér ósatt,“ segir Ti-
ger. Þetta er í raun í samræmi
við það uppeldi sem hann fékk hjá
tælenskri móður sinni; Austur-
landabúar trúa því að hlutirnir
gerist en Vesturlandabúar vilja
frekar láta hlutina gerast.
Menn verða
að endast
Þó svo að Tiger Woods hefji
atvinnumannaferil sinn betur en
nokkur annar velta menn því fyrir
sér hvort hann muni endast. Þó
svo að hann hafi verið alinn upp
til að verða yfirburðarmaður í
golfi benda sumir sérfræðingar á
að allt sé í heiminum hverfult og
hugsanlega árangur Woods einn-
ig. Það sem helst er talið geta
orðið til þess að aðrir kylfingar
nái að narta í hæla hans er að í
fyllingu tímans muni hann kvæn-
ast og eignast fjölskyldu og þá
breytist allt hjá mönnum. Hann
gefi sér ekki eins mikinn tíma til
að æfa og um leið fái aðrir tæki-
færi til að nálgast hann. Aðrir
segja að haldi hann áfram að leika
eins og hann hefur gert undan-
farna mánuði þá megi bóka í
80-90% tilfella að Tiger sigri á
mótum sem hann tekur þátt í,
aðrir muni beijast um næstu sæti
þar fyrir neðan. Flestir virðast þó
sammála um að Tiger Woods sé
það mesta, og það langmesta, efni
sem fram hefur komið í golfinu.
Það er ekki bara högglengdin eða
nákvæmni högganna. Framkoma
hans og allt viðmót bendir til að
hann sé allt að því fullkominn
kylfingur.
Það verður að hafa í huga að
hann er aðeins 21 árs og á því
ein tíu til fimmtán ár eftir þar til
hann nær toppnum sem kylfingur.
Það hefur verið mikið látið með
strákinn eins og oft vill verða með
undrabörn. Honum var ungum
boðið að leika æfingahring með
Jack Nicklaus og Arnold Palmer,
Greg Norman og Ray Floyd og
þeim Nick Faldo og Fred Couples.
Margir hefðu ofmetnast af því, en
Tiger tekur þessu eins og hverri
annarri æfingu. „Ég hef ekki átt
mér neinn uppáhaldskylfíng í
gegnum tíðina. Þeir hafa margir
verið góðir og ég hef reynt að
fylgjast vel með þeim bestu og
tileinka mér það besta í leik hvers
og eins þeirra þijátíu bestu,“ seg-
ir Tiger og bendir á að góð leið
til að læra golf sé að fylgjast með
þeim bestu. Hann heldur því ávallt
andlitinu útá við og Iætur það
ekki trufla sig þótt hann leiki með
frægustu kylfingum heims. Enda
mun hann verða einn þeirra, ef
hann er ekki þegar orðinn það.
Peter Jacobsen, sem keppir í
PGA mótaröðinni, á lokaorðin: „Ef
hann spilar alltaf svona, þá er
þetta búið. Hann er mikilfengleg-
asti kylfingur í sögu íþróttarinn-
ar.“