Morgunblaðið - 06.07.1997, Blaðsíða 8

8 SUNNUDAGUR 6. JÚLÍ 1997
MORGUNBLAÐIÐ
FRETTIR
. KIRKJAN OG
ÞEIR eru farnir að tala tung-um, meira að segja okkar tungu, skjáta mín . . .
Skipulags- og umferðarnefnd breytir lóðum við Egilsgötu
Bensínsala heimiluð
þrátt fyrir gagnrýni
BORGARYFIRVÖLD hafa ákveðið að heimila bensínsaf-
greiðslu við gatnamót Egilsgötu og Snorrabrautar, þrátt
fyrir andstöðu borgarverkfræðings. Eins og sjá má er
gert ráð fyrir aðkomu að dælunni við ljósastýrð gatnamót
Flókagötu og Snorrabrautar. Jafnframt er gert ráð fyrir
að lagður verði rampur aftan við Domus Medica til að
tengja bílastæðin neðan við húsið og við Snorrabraut.
BORGARRÁÐ hefur samþykkt til-
lögu skipulags- og umferðarnefndar
um að heimila olíufélagi að setja upp
bensíndælu á lóð við Egilsgötu 5,
með aðkomu frá Snorrabraut. í
umsögn borgarverkfræðings kemur
fram að bensíndæla á þessum stað
sé óæskileg, þar sem aðkoman verði
óeðlileg og að hún muni auka um-
ferð um Snorrabraut.
Tillagan var samþykkt með sex
atkvæðum gegn einu í skipulags-
og umferðarnefnd. í bókun meiri-
hlutans kemur fram að samþykktin
feli í sér lóðabreytingar og nýja að-
komu frá Snorrabraut að lóðunum
við Egilsgötu 5, þar sem bensíndæl-
an verður sett upp, að Egilsgötu 3
eða Domus Medica og að Skátabúð-
inni við Snorrabraut. Bent er á að
komið sé til móts við óskir íbúa við
Egilsgötu um lokun fyrir inn og
útakstur, sem nú er við Egilsgötu.
Ólafur F. Magnússon Sjálfstæðis-
flokki greiddi atkvæði gegn tillög-
unni og bar við umferðaröryggi.
íbúar mótmæla
íbúar við Egilsgötu hafa ítrekað
mótmælt fyrirhugaðri bensíndælu á
lóðinni og bent á að vandséð sé
hvaða þörf sé fyrir bensínafgreiðslu
þar. Borgarverkfræðingur hefur
einnig gagnrýnt þessi áform og í
umsögn sem hann gaf í nóvember
sl. kemur fram að eftir samráð við
yfirverkfræðing umferðardeildar
telji hann að bensíndæla á lóðinni
sé óæskileg, þar sem hún muni
auka umferð um Snorrabraut og
Egilsgötu.
Umferð um Egilsgötu sé þegar
óvenju mikil á íbúðargötu og við
Snorrabraut sé umferðarhávaðinn
við nokkur hús yfir viðmiðunar-
mörkum. Þar við bætist að aðkoma
að lóðinni verði ekki eðlileg nema
frá Egilsgötu en eindregið sé mælt
gegn þeirri lausn. Eini möguieikinn
sé að innkeyrslan verði af einni ak-
rein við umferðarljós við gatnamót
Snorrabrautar og Flókagötu en slíka
aðkomu beri að forðast.
Bensíndæla óæskileg, segir
borgarverkfræðingur
í síðari umsögn borgarverkfræð-
ings frá því í maí sl. vísar hann til
fyrri umsagnar sinnar og ítrekar að
hann telji enn sem fyrr að bensín-
dæla á þessum stað sé óæskileg.
Hún muni auka umferð um Snorra-
braut en mikilvægt sé að þjónustu-
stig götunnar sé gott og að hún
geti með góðu móti tekið við þeirri
litlu umferðaraukningu, sem spáð
sé í hverfinu að óbreyttu án þess
að umferðin fari að leita í nærliggj-
andi götur. Tekið er fram að erfitt
sé að spá hversu mikil umferðar-
aukningin verði vegna bensíndæl-
unnar. Bent er á að þar sem lokað
yrði fyrir innakstur frá Egilsgötu
myndi draga úr umferð þar. Fyrri
afstaða til aðkomu við gatnamót
með umferðaljós sé óbreytt. Hún sé
stílbrot og virki óeðlilega.
Fram kemur í bréfi frá umferðar-
deild borgarverkfræðings, að sam-
kvæmt talningu fari um 4 þúsund
bílar á sólarhring um Egilsgötu, um
11 þús. bílar um neðri hluta Eiríks-
götu við Snorrabraut og 4 þúsund
bílar um Eíríksgötu við Barónsstíg,
en um 1.600 bílar á sólarhring um
Bergþórugötu.
Fjölbreytt Listasumar á Akureyri
Mikil uppsveifla
í menningarlífinu
Ragnheiður Ólafsdóttir
LISTASUMAR á Ak-
ureyri stendur nú
yfir í fimmta sinn
og verður boðið upp á fjöl-
breytta dagskrá fram eftir
sumri, svo sem endranær.
En skyldi hátíðin vera með
svipuðu sniði og undanfar-
in ár? Því svarar Ragn-
heiður Ólafsdóttir fram-
kvæmdastjóri:
„Það er svolítið erfitt
að segja enda hefur hvert
sumar haft sitt yfirbragð.
Það sem einkennir þetta
sumar öðru fremur er að
mun fleiri heimamenn
taka nú þátt í hátíðinni
en áður hefur verið. Þessa
dagana hanga til að
mynda verk 43 Akur-
eyringa uppi í Deiglunni.
Allt eru þetta starfandi
myndlistarmenn, þótt bakgrunn-
urinn sé ólíkur, sumir eiga langa
skólagöngu að baki en aðrir eru
sjálfmenntaðir í myndlist. Það
er ákveðin stefna að virkja
krafta Akureyringa að þessu
sinni en mér hefur hingað til
þótt skorta svolítið á frumkvæði
þeirra. Að vísu hafa fram-
kvæmdastjórar Listasumars allt-
af verið aðkomufólk, sem kann
að hafa dregið úr þeim kjarkinn
að einhveiju leyti."
-Verða einhverjar aðrar
áhersiur?
„Já, þar ber hæst þtjá fasta
liði. I fyrsta lagi verða myndlist-
arsýningar allt sumarið; í öðru
lagi verða djasstónleikar í Deigl-
unni alla fímmtudaga og í þriðja
lagi verður söngvaka tvisvar í
viku inni í Minjasafnskirkju. Til
viðbótar kemur síðan að óvenju-
margar konur taka þátt í Lista-
sumri að þessu sinni — sem
reyndar er tilviljun — auk þess
sem fyrirlestrar af ýmsum toga
og bókmenntir fá nú rými í dag-
skránni. Þannig efndu ung og
upprennandi skáld frá Akureyri
til upplestrarkvölds á dögunum
sem var mjög gleðilegt, þar sem
lítið hefur borið á þeim á síðustu
áratugum. Þá er stefnt að nám-
skeiði í skapandi skrifum um
verslunarmannahelgina og bók-
menntavöku í framhaldi af því,
auk þess sem uppi eru hugmynd-
ir um að efna til málþings um
kvenlýsingar í Vefaranum mikla
frá Kazmír.“
-Verða margir erlendir gestir
á hátíðinni?
„Já, síðasta fimmtudagskvöld
var Tríó Sunnu Gunnlaugs til
að mynda með djass-
tónleika í Deiglunni en
í því eru tveir Banda-
ríkjamenn. í næstu
viku eigum við síðan
von á danska mynd-
listarmanninum
Hanne Gravgaard og á eftir
henni koma myndlistarmenn frá
Bandaríkjunum og Sviss. Jafn-
framt verður töluvert um norræn
samstarfsverkefni í sumar. Við
vorum til að mynda svo heppin
að fá hingað lúðrasveit frá Rand-
ers, vinabæ Akureyrar í Dan-
mörku, sem setti ákaflega glæsi-
legan svip á opnunardaginn í
sumar. 11. og 12. júlí verður
síðan leiksýning á vegum FENR-
IS, sem er leiklistarsamstarf
Akureyrar og vinabæja á Norð-
urlöndunum, en í tengslum við
hana mun tónlistarstjóri FENR-
IS, Kristian Blak, efna til tón-
leika með nokkrum heimamönn-
um. Aðalsprengjan verður síðan
17. ágúst, þegar Manuela Wiesl-
►Ragnheiður Ólafsdóttir
fæddist árið 1960 í Borgar-
nesi. Hún lauk tónlistarkenn-
araprófi frá Kennaraháskóla
íslands árið 1989 og hefur síð-
an starfað sem kennari og
kórstjóri á Akranesi og Akur-
eyri. Þá hefur Ragnheiður
komið fram sem djass- og þjóð-
lagasöngkona. Á hún tvær
dætur, Elísu og Hilmu. Maður
hennar er Börge Bakken.
er flautuleikari heldur tónleika."
-Hvernig hafa viðtökurnar
verið til þessa?
„Frábærar — aðsóknin hefur
verið mjög góð. Við áttum hins
vegar alveg eins von á því enda
eru Akureyringar jafnt og þétt
að vakna til vitundar um Lista-
sumar. Þeir kunna sífellt betur
að meta hátíðina og eru farnir
að átta sig á því að það skiptir
þá máli að eitthvað sé á seyði í
bænum. Þetta er mjög jákvæð
þróun og vonandi verður fram-
hald þar á.“
-Er Listasumar á Akureyri
þá að festa sig í sessi?
„Já, það vona ég svo sannar-
lega. Þessi hátíð er frábrugðin
öðrum listahátíðum að því leyti
að tvö síðustu ár hefur dagskrá-
in ekki verið negld niður fyrir-
fram, þótt stærstu línurnar séu
vitaskuld lagðar, enda er íslenski
stíllinn þannig að hægt er að
breyta og bæta fram á síðustu
stundu. Reyndar stafar þetta
jafnframt af því að við höfum
ekki fjármagn til að kaupa fólk
hingað norður, listamennirnir
taka með öðrum orðum alla fjár-
hagslega áhættu sjálf-
ir. Okkar hlutverk er
hins vegar að liðsinna
þeim. Helsti kosturinn
við þetta er sá að lista-
menn geta ákveðið að
skella sér norður með
skömmum fyrirvara, svo framar-
lega sem koma þeirra fellur að
dagskránni.“
-Hefur Listasumarið ekki
verið mikil lyftistöng fyrir menn-
ingarlífíð á Akureyri?
„Jú, ég held að það sé óhætt
að segja það. Sjálf fínn ég í það
minnsta mikinn mun á bænum
eftir að hátíðin kom til og get
ekki ímyndað mér annað en fólk
sé ánægt með það líf sem er í
bænum í kringum hana. Lista-
safnið hefur líka haft áhrif en
það er álíka nýtt af nálinni og
Listasumarið, að ekki sé talað
um kaffíhúsamenninguna. Það
er því óhætt að segja að mikil
uppsveifla sé í menningarlífínu
á Ákureyri um þessar mundir.“
Fleiri heima-
menn taka nú
þátt en áður