Morgunblaðið - 06.07.1997, Side 15

MORGUNBLAÐIÐ
SUNNUDAGUR 6. JÚLÍ 1997 15
ÍÞRÓTTIR
BoKon skoðar Amar
COLIN Todd, knattspyrnustjóri
enska úrvalsdeildarliðsins Bol-
ton, var væntanlegur til íslands
í gær til að fylgjast með lands-
liðsmiðherjanum Arnari Gunn-
laugssyni hjá í A í leiknum gegn
Keflvíkingum á Akranesi í dag.
Guðni Bergsson, fyrirliði ís-
lenska landsliðsins, leikur sem
kunnugt er með Bolton og var
raunar fyrirliði liðsins þegar
það sigraði með glæsibrag í 1.
deildinni í Englandi nú í vor og
endurheimti þar með sæti sitt í
úrvalsdeildinni.
Todd hefur hug á að styrkja
lið sitt fyrir komandi tímabil,
þar á meðal með því að kaupa
nýjan framheija, og Arnar er
einn þeirra sem til greina koma.
Þess má getaað „njósnari"
frá norska stórliðinu Lilleström
var á KR-vellinum síðastliðinn
miðvikudag, þegar KR sigraði
LA, til að fylgjast með Amari
Gunnlaugssyni. Það var fyrsti
leikur hans með í A eftir að hann
snéri heim á leið á ný frá Soc-
haux í Frakkiandi, en þaðan er
hann laus allra mála. Arnar
hafði verið frá vegna meiðsla
meira og minna í eitt og hálft
ár, en tók reyndar þátt í síðustu
leikjum Sochaux á nýliðnu
keppnistímabili. Hann kom hins
vegar heim til þess að koma sér
í góða æfingu og stefndi að því
að komast aftur utan. Nú virðist
sú geta orðið raunin - jafnvel
fyrr en hann áætlaði.
ARNAR Gunnlaugsson
Evander Holyfield segirTyson-málið geta orðið h nefalei ka íþrótti n n i til happs
„Ber engan kala til hans“
Evander Holyfield kom fram í
spjallþætti Larry Kings á
bandarísku sjónvarpsstöðinni CNN
á þriðjudag. Þar sagðist hann íhuga
að beijast á ný í nóvember, en þó
ekki gegn Mike Tyson. Ekki hefur
enn verið ákveðið, hvaða andstæð-
ingi Holyfield mætir. Meistarinn
sagði jafnframt að bit Tysons, í
bardaga þeirra um heimsmeistara-
titil WBA í þungavigt hnefaleika
um síðustu helgi, gæti hugsanlega
haft góð áhrif á framtíð hnefaleika,
ef réttri refsingu yrði beitt.
í þættinum sagðist meistarinn
búast við að Tyson fengi a.m.k.
tveggja ára keppnisbann fyrir að
bíta sig í bæði eyrun og flipa úr
öðru þeirra í viðureign þeirra fyrir
viku. Hann sagði ennfremur að ann-
ar bardagi á milli þeirra tveggja
væri vissulega mögulegur ef Tyson
„keppti enn í hnefaleikum" eftir
bannið. Holyfield setti tvö önnur
skilyrði fyrir slíkum endurfundi -
að Tyson yrði á ný sá besti á meðal
áskorenda og að áhugi væri fyrir
bardaganum.
í viðtali við MSNBC kapalsjón-
varpsstöðina sagðist Holyfield
hlynntur þeirri ákvörðun íþrótta-
nefndar Nevadaríkis að dæma Tyson
í bráðabirgðabann og frysta þátt-
tökufé hans þar til yfirheyrslur fara
fram um miðja vikuna. Einnig von-
aði Holyfíeld að refsing Tysons yrði
til þess að auka veg og virðingu
hnefaleika sem íþróttagreinar. „Eg
tel nefndina hafa brugðist rétt við
með því að grípa til aðgerða gagn-
vart Mike [Tyson], því það var hann
sem framdi verknaðinn," sagði Holy-
fíeld í viðtalinu.
íþróttanefndin tilkynnti eftir
fund sinn á þriðjudag að formleg
ákæra yrði gefin út á hendur Tyson
fyrir vítaverða og óíþróttamanns-
lega hegðun. Eftir yfirheyrslurnar
verður ákveðið hvort hann verður
sektaður um 210 milljónir króna,
sem er tíundi hluti af því fé sem
hann átti að fá fyrir bardagann,
eða dæmdur í keppnisbann - nema
hvort tveggja verði. Ekki er leyfi-
legt að sekta Tyson um meira en
tíunda hluta af þátttökufénu.
„Nefndin á að refsa honum á viðeig-
andi hátt til að koma í veg fyrir
að aðrir hnefaleikamenn geri þetta.
Ég held að þetta atvik geti haft
góð áhrif á framgang íþróttarinnar
til lengri tíma litið ef réttri refsingu
verður beitt. Ég tel að atvikið hafi
orðið íþróttinni mun meira til góðs
en ills,“ sagði Holyfield. Hann sagði
að þung refsing gagnvart Tyson
myndi eflaust verða til að breyta
hegðunarmynstri margra annarra
hnefaleikakappa.
Þakkar drottni
Holyfield sagðist í viðtalinu við
Larry King hafa fyrirgefið andstæð-
ingi si'num. „Ég fyrirgef honum, en
tíminn einn mun leiða í ljós hvort
yfírlýsingin hafí komið frá hjart-
anu.“ Meistarinn sagði að hnefaleik-
ar myndu þróast áfram þó Tyson
nyti ekki við. „Framtíð hnefaleika
er ekki háð neinum einstaklingi,
Reuter
EVANDER Holyfield eftlr aö stykkið, sem Mlke Tyson belt úr hœgra eyra hans, hafðl verlð saumað aftur á slnn stað.
ekki einu sinni mér sjálfum," sagði
Holyfíeld, sem sagði einnig að Tyson
yrði að gera sig að betri manni til
að geta keppt á ný.
„Eg slapp við varanleg meiðsl
og þakka drottni fyrir það. Litli flip-
inn, sem er horfinn úr öðru eyranu,
skiptir ekki öllu máli, en ég vona
að Tyson hafi lært eitthvað af uppá-
tæki sínu,“ sagði Holyfíeld. Hann
hefur ákveðið að kæra Tyson ekki.
Holyfield sagðist hafa beðist
fyrir í hringnum þegar hlé var
gert á viðureigninni eftir fyrra bit
Tysons. „Fyrst vildi ég bíta hann
á móti,“ sagði hann. „Ég tel að
íþróttin hafi þurft á þessu að halda.
Nú eru augu okkar allra ioks opin
þannig að við getum gert íþróttina
betri fyrir hnefaleikamenn framtíð-
arinnar," sagði kappinn. Að hans
sögn, hafa íþróttanefndarmeðlim-
irnir möguleika á að sjá til þess
að hnefaleikamenn vilji aldrei leika
uppátæki Tysons eftir. Því næst
skoraði hann á sjónvarpsáhorfend-
ur. „Tökum höndum saman til að
auka veg og virðingu hnefaleika,"
sagði Holyfield.
Aðspurður hvort hann teldi
tveggja ára keppnisbann nógu
þunga refsingu, sagði hann, „Já,
eða lengri, vegna þess að menn
beijast ekki nema einu sinni eða
tvisvar á ári.“ Hinn 34 ára heims-
meistari WBA sagðist reiðubúinn
til að ræða við Tyson. „Ég ber eng-
an kala til hans. Þetta er búið og
gert. Það er kominn tími til að gera
þetta að jákvæðum atburði og hann
getum við notað til að koma í veg
fyrir að þetta endurtaki sig.“
Aldrei skallað neinn viljandi
Holyfield var ekki reiðubúinn til
að viðurkenna að hann hefði skallað
Tyson af ásetningi skömmu áður en
hann beit hann í bæði eyrun. „Ég
hef aldrei skallað neinn viljandi því
ég veit að menn geta hlotið alvarleg
meiðsl af,“ sagði Holyfield. Tyson
sagðist hafa misst stjórn á skapi
sínu þegar Holyfield skallaði hann
og að um viljaverk hefði verið að
ræða. „Ef menn skoða myndband
af bardaganum, sést greinilega að
ég skallaði hann ekki,“ sagði meist-
arinn. „Ég sló hann með vinstri
hendi og hann hlaut skurðinn af
völdum þess.“
Holyfield sagði að Tyson hefði
bitið hann í mikilli örvæntingu.
„Hann hélt að hann væri reiðubúinn
í þetta skiptið," sagði hann, en Holy-
fíeld sigraði í fyrri viðureign þeirra
í nóvember sl. „Hann fann á sér að
sagan var að endurtaka sig og tók
að örvænta. Hann beit mig ekki í
síðara skiptið af því að hann missti
stjórn á sér. Menn endurtaka ekki
verknaðinn þegar þeir ganga af
göflunum um stundarsakir,“ sagði
Holyfíeld.
í viðtali sínu við NBC sagðist
hann reiðubúinn að beijast í ný við
Tyson þegar hann hefíir lokið við
keppnisbannið og barist við réttu
mennina. „Ég fagna slíkum viðburði
ef fólk hefur áhuga á honum,“ sagði
Holyfield.
Þróun heimsmets-
ins í 10 km hlaupi
HAILE Gebrselassie frá Eþíópíu setti stórkostlegt heimsmet í 10
kílómetra hlaupi á Bislett leikunum í Osló í fyrrakvöld, eins og greint
var frá í blaðinu í gær. Þetta var í fjórða skipti sem heimsmetið á
vegalendinginni er bætt á Bislett-leikvanginum. Til gamans má sjá
hér hvernig heimsmetið í þessu vinsæla hlaupi hefur þróast síðustu
áratugina.
29.28.2 Emil Zatopek (Tékkóslóvakíu).....................11.6.49
29.27.2 ViljoHeino (Finnlandi)............................1.9.49
29.21.2 Zatopek.........................................22.10.49
29.02,6 Zatopek.............................................4.8.50
29.01,6 Zatopek............................................1.11.53
28.54.2 Zatopek...........................................1.6.54
28.42.8 Sandorlharos (Ungveijalandi).....................15.7.56
28.30.4 VladimirKuts (Sovétríkjunum).....................11.9.56
28.18.8 Pyotr Bolotnikov (Sovétríkjunum)................15.10.60
28.18.2 Bolotnikov.......................................11.8.62
28.15,6 Ron Clarke (Ástralíu).............................18.12.63
27.39.4 Clarke.........................................14.7.65
27.38.4 Lasse Viren (Finnlandi)...........................3.9.72
27.30.8 David Bedford (Bretlandi)........................13.7.73
27.30.5 Samson Kimobwa (Kenýa)...........................30.6.77
27.22.5 Henry Rono (Kenýa)...............................11.7.78
27.13,81 Fernando Mamede (Portúgal).........................2.7.84
27.08,23 Arturo Barrios (Mexíkó)...........................18.8.89
27.07,91 Richard Chelimo (Kenýa)............................5.7.93
26.58,38 YobesOndieki (Kenýa)............................ 10.7.93
26.52,23 William Sigei (Kenýa).............................22.7.94
26.43,53 Haile Gebrselassie (Eþíópíu).......................5.6.95
26.38,08 Salah Hissou (Marokkó)............................23.8.96
26.31,32 Gebrselassie......................................4.7.97
•Það voru Ron Clarke (1965), Yobes Ondieki og William Sigei sem
settu fyrri metin þijú á Bislett.