Morgunblaðið - 03.09.1997, Page 24

24 MIÐVIKUDAGUR 3. SEPTEMBER 1997
MORGUNBLAÐIÐ
LISTIR
Starfsár
Kammer-
músík-
klúbbsins
að hefjast
STARFSÁR Kammermúsíkklúbbs-
ins, hið 41. í röðinni, hefst næstkom-
andi sunnudag en fimm tónleikar
verða á vegum klúbbsins í Bústaða-
kirkju í vetur.
Átta tónlistarmenn koma fram á
fyrstu tónleikum starfsársins í Bú-
staðakirkju næstkomandi sunnudag,
7. september, kl. 20.30: Sigrún Eð-
valdsdóttir, Sigurlaug Eðvaldsdóttir,
Helga Þórarinsdóttir, Bryndís Halla
Gylfadóttir, Sigrún Hjálmtýsdóttir,
Anna Guðný Guðmundsdóttir, Þor-
kell Jóelsson og Sigurður I. Snorra-
son. Á efnisskrá verða eingöngu
verk eftir Franz Schubert.
Á öðrum tónleikum vetrarins, 12.
október, verður Kodály-kvartettinn
frá Ungverjalandi í aðalhlutverki en
hann kemur hingað til lands á vegum
Kammermúsíkklúbbsins og Japis, í
og með í tilefni af tíu ára afmæli
útgáfufyrirtækisins Naxos.
„Kodály-kvartettinn er einn af
virtustu strengjakvartettum sem nú
eru starfandi og hefur hljóðritað fjöl-
marga kvartetta á undanförnum
árum, meðal annars eftir Debussy,
Ravel, Haydn, Schubert og fleiri.
Hann hefur uppskorið mikið lof,
bæði fyrir hljóðritanir sínar og leik
í tónleikasölum víða um heim,“ seg-
ir í kynningu frá Kammermúsík-
klúbbnum en á tónleikunum í Bú-
staðakirkju munu þeir félagar flytja
tónlist eftir Haydn, Kodály og
Brahms.
Á þriðju tónleikunum, 9. nóvem-
ber, munu Einar Jóhannesson, Sig-
rún Eðvaldsdóttir, Anna Guðný Guð-
mundsdóttir og fleiri leika verk eftir
Bartók, Prokofiev og Beethoven.
Bernardel-kvartettinn verður síðan
í sviðsljósinu 18. janúar en á efnis-
skránni verða verk eftir Mozart,
Beethoven og Jón Nordal.
Lokatónleikar starfsársins verða
22. febrúar, þegar Edda Erlends-
dóttir, Guðný Guðmundsdóttir, Auð-
ur Hafsteinsdóttir, Ragnhildur Pét-
ursdóttir, Junach Chung og Bryndís
Halla Gylfadóttir munu leika tónlist
eftir Chausson og Shostakovitsj.
Verið er að leggja drög að útgáfu
geisladisks með nokkru af því efni
sem flutt var á tónleikum klúbbsins
á síðasta vetri en allir tónleikarnir,
utan einir, voru hljóðritaðir í tilefni
af fjörutíu ára afmæli klúbbsins.
Hamrahlíðarkórinn á kórhátíðinni Europa Cantat í Austurríki
HAMRAHLÍÐARKÓRINN í upptöku fyrir þýska sjónvarpið á siglingu á Dóná.
Kórinn flyt-
ur íslensk
verk í þýska
sjónvarpinu
EUROPA Cantat er stærsta og veigamesta
kórhátíð Evrópu og er haldin á þriggja ára
fresti víðs vegar um Evrópu. Hátíðin var
fyrst haldin 1961 og að henni stendur Evr-
ópusamband æskukóra. Hamrahlíðarkórinn
er eini íslenski aðilinn i sambandinu (EFJC)
og kórinn hefur tekið þátt í Europa Cantat
hátíðinni sem fulltrúi Isiands í hvert sinn
síðan 1976. Hátíðin var að þessu sinni hald-
in í borginni Linz í Austurríki, dagana
18.-28. júlí. Hamrahlíðarkórinn hefur gert
sér far um að kynna íslenska tónlist sérstak-
lega og ávallt flutt óiíka íslenska efnisskrá
á hverri hátíð og tekið með ný íslensk tón-
verk.
Félagar í Hamrahlíðarkórnum, sem þátt
tóku í Europa Cantat XIII, voru 49 og komu
þeir úr Hamrahlíðarkórnum og Kór Mennta-
skólans við Hamrahlíð á aldrinum 17-27
ára. f fylgd með kórnum í ferðinni til
Austurríkis voru Þorgerður Ingólfsdótti
kórstjórnandi og Gunnlaugur Astgeirsson
kennari. Þrjú þúsund þátttakendur frá 40
löndum komu til hátíðarinnar, kórsöngvar-
Á TÓNLEIKUM kórsins í Linzer Schloss
söng Ólafur Rúnarsson einsöng í verki
Hildigunnar Rúnarsdóttur, Andvökunótt.
Tónskáldið tileinkaði Ólafi verkið.
ar, hljóðfæraleikarar og stjórnendur. 77
kórar voru skráðir á hátíðina og af þeim
voru 23 valdir til að halda sjálfstæða tón-
leika, þ.á m. Hamrahliðarkórinn. Fjórir kór-
ar voru valdir til að koma fram á opnunar-
tónleikum hátíðarinnar og var Hamrahlíð-
arkórinn valinn sem fulltrúi Norður-Evr-
ópu.
Aðaltónleikar Hamrahlíðarkórsins voru
haldnir í Linzer Schloss 22. júlí þar sem
eingöngu var flutt íslensk tónlist. Þýska
sjónvarpið (ZDF) vann að þáttagerð um
hátíðina og gerði upptöku með Hamrahlíð-
arkórnum í bátsferð á Dóná þar sem flutt
voru íslensk lög. Nýjasta íslenska tónverkið
á efnisskrá kórsins var Andvökunótt eftir
Hildigunni Rúnarsdóttur sem samið var sér-
staklega fyrir kórinn og barítonsöngvara.
Þá söng kórinn við hámessu í Minoritenkirc-
he í Linz, 27. júlí, og flutti íslenska kirkju-
tónlist.
Hamrahlíðarkórinn tók þátt í flutningi á
Credo og Te Deum eftir Arvo Párt undir
stjórn Tonu Kaljuste frá Eistlandi. Kórinn
var jafnframt valinn til að fara með sóló-
hlutverk í Te Deum. Þorgerður segir tón-
list Arvo Part vera mjög áhrifamikla en
fá verka hans hafi verið flutt á Islandi.
Kórinn hafi því kosið að kynna sér tónlist
Parts í þessari ferð auk þess sem kórstjórn-
andinn, Tonu Kaljuste, sé meðal þeirra
fremstu í heiminum í dag. Sá tími, sem
kórinn dvaldi á hátíðinni í Linz hafi verið
krefjandi en jafnframt lærdómsríkur og
skemmtilegur.
Að sögn Þorgerðar vakti Hamrahlíðar-
kórinn mikla athygli á hátiðinni og fékk
frábærar viðtökur. Kórfélagar fengu líka
tækifæri til að fara til Vínarborgar og heim-
sækja þar sögufræga staði og fræðast um
sögu og menningu. Var sú ferð farin fjrir
tilstuðlan og velvild aðalræðismanns Islands
í Austurríki, dr. Cornelia Schubrig.
Þunður Guðmundsdóttir
fékk Bókmenntaverðlaun
Guðmundar Böðvarssonar
Kleppjárnsreykjum. Morgunblaöið.
A SAMKOMU I félagsheimilinu
Logalandi í Reykholtsdal sunnudag-
inn 31. ágúst sl. var kunngert hveij-
ir hlytu Bókmenntaverðlaun Guð-
mundar Böðvarssonar og Borg-
firsku menningarverðlaunin árið
1997.
Það er Minningarsjóður Guð-
mundar Böðvarssonar, skálds og
bónda á Kirkjubóli, og Ingibjargar
Sigurðardóttur, konu hans, sem
veitir verðlaunin. Aðilar að minn-
ingarsjóðnum eru félagasamtök í
Borgarfirði, erfingjar og Rithöf-
undasamband íslands.
Verðlaunin voru fyrst veitt árið
1994 en 1. september það ár hefði
Guðmundur Böðvarsson orðið ní-
ræður. Hann lést vorið 1974. Það
var Hannes Sigfússon skáld sem
hlaut Ljóðaverðlaun Guðmundar
Böðvarssonar þá og Borgfirsku
menningarverðlaununum var skipt
milli Ara Gíslasonar og Bjama
Bachmanns fyrir störf þeirra að
fræði- og safnamálum Borgfirð-
inga.
Ljóðaverðlaun Guðmundar Böðv-
arssonar hlaut að þessu sinni skáld-
ið Þuríður Guðmundsdóttir.
Fyrsta Ijóðabók Þuríðar Guð-
mundsdóttur „Aðeins eitt blóm“
kom út árið 1969. Ljóðabækur
hennar eru orðnar sjö að tölu, síð-
asta ljóðabók hennar, „Nóttin hlust-
ar á mig“ kom út árið 1994.
Þess má geta til gamans að Þur-
íður er sveitungi Guðmundar Böðv-
arssonar, frá Sámsstöðum í Hvítár-
síðu.
Borgfirsk menning-
arverðlaun
Borgfirsk menningarverðlaun
hlaut að þessu sinni Orgelsjóður
Reykholtskirkju.
Þegar byggingu hinnar nýju og
glæsilegu kirkju í Reykholti var
farið að miða vel áfram fóru Reyk-
dælir að velta fyrir sér hljóðfæri
sem hæfði henni. Þá stóð svo á að
hið gamla hljóðfæri Dómkirkjunnar
í Reykjavík skyldi víkja fyrir nýrra
og fullkomnara hljóðfæri.
Orgelsjóður Reykholtskirkju
réðst því í það stórvirki að festa
kaup á gamla Dómkirkjuorgelinu
og láta fara fram viðhlítandi við-
gerð á því. Hér er um sögufrægt
hljóðfæri að ræða, það var um skeið
eina pípuorgelið á íslandi og á það
léku m.a. Sigfús Einarsson og Páll
ísólfsson.
Með framtaki sínu gerir Orgel-
sjóður Reykholtskirkju Borgfirðing-
um fært að hlýða í heimahéraði á
orgeltónlist leikna á dágott hljóð-
færi sem áreiðanlega á eftir að laða
til sín orgelsnillinga.
Bjarni Guðráðsson i Nesi, organ-
isti Reykholtskirkju og helsti frum-
kvöðull orgelkaupanna, veitti verð-
Morgunblaðið/Bemhard Jóhannesson
INGIBJÖRG Bergþórsdóttir, til hægri á myndinni, afhendir Þur-
íði Guðmundsdóttur verðlaunin fyrir hönd úthlutunarnefndar.
laununum viðtöku.
Samkoman í Logalandi var vel
sótt, bæði af heimamönnum og öðr-
um. Boðið var upp á fjölbreytta
dagskrá, Jóhann Matthíasson leik-
ari las úr verkum Þuríðar Guð-
mundsdóttur, Samkór Mýramanna
söng, Jónína Eiríksdóttir, Bjarnfríð-
ur Leósdóttir, Flosi Ólafsson og
Edda Magnúsdóttir fluttu saman-
tekt úr verkum Guðmundar Böðv-
arssonar og Dagrún Hjartardóttir
söng einsöng við undirleik Jónínu
Arnardóttur.