Morgunblaðið - 21.04.1998, Blaðsíða 62

62 ÞRIÐJUDAGUR 21. APRÍL 1998
MORGUNBLAÐIÐ
FÓLK í FRÉTTUM
Með fullri reisn
vann BAFTA-
verðlaunin
ROBERT Carlyle úr Með fullri
reisn og Judi Deneh úr „Mrs.
Brown“ voru verðlaunuð fyrir
besta leik í aðaihlutverki.
SEAN Connery fagnar heið-
ursverðlaununum fyrir ævi-
framlag sitt til kvikmynda með
samlanda sínum Billy Connolly.
SIGOURNEY Weaver var valin
besta leikkonan í aukahlutverki.
BAFTA-verðlaunin, sem veitt eru
af bresku kvikmyndaakademíunni,
voru afhent síðastliðið sunnudags-
kvöld í London. Breska gaman-
myndin „The Full Monty“ eða Með
fullri reisn var valin besta kvik-
myndin en bandaríska stórmyndin
Titanic, sem fékk ellefu
Oskarsverðlaun, fékk enga náð fyr-
ir augum kvikmyndaspekúlanta í
Bretlandi.
Tvær fatafellur úr myndinni Með
fullri reisn voru verðlaunaðar. Ro-
bert Carlyle fyrír besta leik í aðal-
hlutverki og Tom Wilkinson fyrir
besta leik í aukahlutverki. Fjórðu
verðlaunin sem féllu í skaut mynd-
inni voni áhorfendaverðlaun
BAFTA og er þetta í fyrsta skipti
sem slík verðlaun eru veitt.
A meðal þeirra sem veittu verð-
laun voru óskarsverðlaunahafarnir
Juliette Binoche og Kevin Spacey,
en þau leika bæði í uppfærslum í
West End í London. Einnig var þar
Robert Duvall, sem er í London til
að kynna „The Apostle“ og Hugh
Grant og Julia Roberts sem byrja á
mánudag í tökum á framhaldsmynd
Fjögurra brúðkaupa og jarðarfar-
ar. Enn hefur hefur ekki verið
ákveðið hvað framhaldsmyndin
heitir.
Sean Connery var heiðraður fyr-
ir æviframlag sitt til kvikmynda og
gerður að félaga kvikmyndaaka-
demíunnar. Billy Connolly tilkynnti
samlanda sínum þetta úr pontu og
sagði: „Hann býr yfir stórmennsku
sem Skotland hefur aldrei kynnst í
neinum manni.“
Hátíðarkvöldverðurinn sem fór
fram í Grosvenor House tók
óvænta stefnu þegar David
Puttnam, varaforseti BAFTA, steig
í pontu með tárin í augunum og til-
kynnti andlát Lindu McCartney,
sem hafði verið gert opinbert með-
an athöfnin fór fram. Hann sagðist
hafa unnið fyrst með henni fyrir 30
árum og lofaði hana fyrir að vera
„fullkomlega jákvæð kona“. Hann
bað áhorfendur um að standa upp
og gefa henni „stutt en hlýlegt lófa-
klapp“.
BgL 50IH 1 50!H A (~x£énL
lHk BRIIISH BRITISH
flpll ACADEMY 1 ACADlMii^ pCv j||»
mmm * ' íitttlM g]
HUGO Speer, Steve Huison, William Snape, Paul Barber og Mark Addy léku í
Með fullri reisn sem var valin besta kvikmyndin.
BAFTA VERÐLAUN - bresku kvikmyndaakademíunnar
Leikstjóri Baz Luhrmann: „Rómeó og Júlía“
Leikkona Judi Dench: „Mrs. Brown“
Leikari Robert Carlyle: „Meö fullri reisn“
Frumsamið handrit Gary Oldman: „Nil By Mouth"
Aðlagað handrit Pearce/Luhrmann: „Rómeó og Júlía“
Leikkona í aukahlutverki Sigourney Weaver: „The lce Storrn"
Karlleikari í aukahlutverki Tom Wilkinson: „Meö fullri reisn“
Erlend kvikmynd „L'Apparfement“
Áhorfendaverðlaun „Meö fullri reisn“
Kvikmyndataka Eduardo Serra: „The Wings of the Dove“
Búningahönnun Deirdre Clancy: „Mrs. Brown“
Klipping Peter Honess: „L.A. Confidential"
jlf. Hljóð „L.A. Confidential“
. Umgjörð Catherine Martin: „Rómeó og Júlía“
Tónlist Hooper, De Vries, Armstrong: „Rómeó og Júlía“
/ \\ Tæknibrellur „The Fifth Element"
^ Hár og förðun „The Wings of the Dove“
Stutt teiknimynd Nabarro, Rose, Box: „Stage Fright"
Stuttmynd Sprague, Cousins, Volk: „The Deadness of Dad“
Korda verðlaunin „Nil By Mouth"
Balcon verðlaunin Michael Roberts
Meðlimur Akademíunnar Sean Connery
ELIZABETH Hurley og Hugh
Grant voru viðstödd hátíðina.

Sérblaðið Heimili/fasteignir fylgir Morgunblaðinu alla
þriðjudaga. í blaðinu er að finna fasteignir frá öllum
helstu fasteignasölum landsins. Auk þess eru birtar
fréttir og pistlar um fasteignaviðskipti og ýmis góð ráð
um hvernig prýða má heimilið. Á Fasteignavef
Morgunblaðsins, www.mbl.is/fasteignir, er hægt að
tilgreina á einfaldan hátt óskir um húsnæði og listi yfir
fasteignir, sem uppfylla þær óskir, birtist á skjánum.
Fasteignavefurinn er öllum opinn.