Morgunblaðið - 08.07.1998, Blaðsíða 14

14 MIÐVIKUDAGUR 8. JÚLÍ 1998
LANDIÐ
MORGUNBLAÐIÐ
________AKUREYRI_________
Útgerðarfélag Akureyringa og
Fiskiðjusamlag Húsavíkur
Kaupa hlut hrepps-
ins í Laugafíski
UTGERÐARFELAG Akureyr-
inga og Fiskiðjusamlag Húsavíkur
hafa keypt 20% hlut Reykdæla-
hrepps í Laugafiski.
Fyrir átti ÚA 60% í fyrirtækinu
en FH og Reykdælahreppur 20%
hlut hvort. Eftir söluna á ÚA 75%
hlut en FH 25%. Kaupverð hlutar-
ins var 16,8 milljónir króna sem
svarar til gengisins 2,0.
Laugafiskur byggir starfsemi
sína á þurrkun fiskafurða og er að-
alafurð félagsins hertir þorskhaus-
ar fyrir Nígeríumarkað. Lauga-
fiskur er 10 ára gamalt fyrirtæki,
var stofnað 1988 á Laugum í Reyk-
dælahreppi þai- sem fyrirtækið
hefur byggt upp rekstur sinn. A
síðasta ári færði félagið út kvíarnar
með því að stofna dótturfyrirtæki,
Laugaþurrkun hf. í Reykjanesbæ.
Heildarvelta félaganna á síðasta
ári var 163 milljónir króna, lítils-
háttar tap varð af rekstrinum, 365
þúsund krónur. Aætlað er að velta
ársins verði um 250 milljónir króna
og að hagnaður verði af starfsem-
inni.
Morgunblaðið/Bjöm Gíslason
N ámsmannalína
Búnaðarbankans
Tjónlaus
akstur
ELLA Vala Ármannsdóttir á
Akureyri hlaut viðurkenningu
fyrir tjónlausan akstur úr bíl-
prófsstyrkjapotti Námsmanna-
línu Búnaðarbankans. Þeir fé-
lagar í Námsmannalínunni sem
eru að taka bflpróf geta sótt um
bflprófsstyrki og eru veittir 15
styrkir ársfjórðungslega eða
alls 60 styrkir á ári, hver að
upphæð 10 þúsund krónur.
Næst verða veittir styrkir til
þeirra sem tóku bflpróf í aprfl,
maí eða júní á þessu ári og er
umsóknarfrestur til 15. júlí
næstkomandi.
Á myndinni afhendir Ásgrím-
ur Hilmisson útibússtjóri Bún-
aðarbankans á Akureyri Ellu
Völu viðurkenninguna, 25 þús-
und krónur.
Skólastjóri
Brekkuskóla
Tveir
sækja um
TVÆR umsóknir hafa borist um
starf skólastjóra Brekkuskóla á
Akureyri, en frestur til að sækja
um stöðuna rann út á mánudag.
Þeir sem sóttu um voru Björn
Þórleifsson, deildarstjóri búsetu-
og öldrunardeildar Akureyrar, en
hann var áður skólastjóri Húsa-
bakkaskóla í Svarfaðardal og Sig-
mar Ólafsson sem áður var skóla-
stjóri við Hafralækjarskóla í Aðal-
dal.
Skólanefnd mun fjalla um um-
sóknirnar á fundi á morgun,
fimmtudag. Staðan var auglýst
fyrr í vor og barst þá ein umsókn,
frá Sveinbimi M. Njálssyni sem
gegndi stöðu skólastjóra síðastlið-
inn vetur en hann dró umsókn sína
til baka og var staðan því auglýst
að nýju.
Fyrirlestrar um
íslenska hestinn
SUMARHÁSKÓLINN á Akureyri
gengst fyrir fyrirlestrahaldi í
tengslum við Landsmót hesta-
manna sem hefst á Melgerðismel-
um í Eyjafjarðarsveit á morgun,
miðvikudaginn 8. júlí. Alls verða
haldnir þrír fyrirlestrar sem tengj-
ast íslenska hestinum.
Erlingur Sigurðarson forstöðu-
maður Sigurhæða - Húss skáldsins
heldur fyrirlestur á morgun, 8. júlí
kl. 17 sem nefnist Islándische
Lyrik in neunzehnten und zwanz-
igsten Jahrhundert - Beispiele von
einigen Texten. Á fimmtudag flyt-
ur Ingimar Sveinsson B.sc.hons
fyrirlestur sem nefnist The
Icelandic horse - Special charact-
eristics and traits og hefst hann kl.
17. Á sama tíma flytur Sigurður A.
Magnússon rithöfundur fyrirlestur
sem nefnist The horse in Icelandic
culture.
Fyrirlestrai-nir verða fluttir í
stofu 16 í húsnæði Háskólans á
Akureyri, við Þingvallastræti og er
aðgangseyrir 1.200 krónur.
Sóknarprestur Tálknfírðinga gengur í hjónaband
Buðu öllu
plássinu í
veisluna
Tálknafirði. Morgunblaðið.
SÓKNARPRESTURINN á
Tálknafirði, sr. Sveinn Valgeirs-
son, gekk á laugardaginn að eiga
unnustu sína, Asdísi Ehnu Auð-
unsdóttur þroskaþjálfa og fór at-
höfnin fram í Stóra-Laugardals-
kirkju í Tálknafirði. Brúðhjónin
lágu ekki lengi yfír því hveijum
ætti að bjóða úr plássinu; öllum
Tálknfirðingum var boðið til
brúðkaupsveislunnar auk fjöl-
skyldna brúðhjónanna og vina
annars staðar að.
„Sveinn gat ekki hugsað sér að
gera upp á milli sóknarbarna
sinna og þess vegna ákváðum við
einfaldlega að bjóða öllum; við
stóðum bara hér úti í garði og
hrópuðum að allir væru vel-
komnir,“ sagði brúðurin í samtali
viðMorgunblaðiö.
Á Tálknafirði búa um 320
manns og í veislunni voru 140.
„Þetta var mikið fjör og gaman
og ekta tálknfirsk veisla, því að
allt, sem á borðum var, er héðan
úr firðinum, ýmist upp úr sjónum
eða átti leið um loftið og var
skotið niður,“ sagði Ásdís. Brúð-
kaupsveislan var haldin í félags-
heimilinu Dunhaga á Tálknafirði
Morgunblaðið/Halldór Sveinbjörnsson
FYRIR kirkjudyrum í Stóra-Laugardal að athöfn lokinni. Brúðhjónin
Ásdís Elín Auðunsdóttir og sr. Sveinn Valgarðsson með svaramennina,
feður sína, hvorn við sína hlið, en að baki þeim standa Ragnar Sveins-
son, sonur þeirra, og sr. Guðjón Skarphéðinsson sem gaf þau saman.
og annaðist Kvenfélagið Harpa
veitingarnar.
Af skiljanlegum ástæðum
þurfti að þessu sinni að kveðja
annan prest til verks í Stóra-
Laugardal. Það var sr. Guðjón
Skarphéðinsson, sóknarprestur á
Staðastað á Snæfellsnesi, en þau
Ásdís Elín eru systkinabörn.
Svaramenn voru feður brúð-
hjónanna þeir Auðun Guðjónsson
og Valgeir Sigurðsson.
Örnefnaskífa á Stokkseyri
Stokkseyri - Sunnudaginn 6. júlí sl.
komu félagar í Stokkseyringafélag-
inu í Reykjavík til Stokkseyrar í
þeim tilgangi að halda upp á 55 ára
afmæli félagsins og færðu Stokks-
eyringum af því tilefni örnefnaskífu
að gjöf. Skífunni var fundinn staður
á sjóvarnargarðinum við höfnina þar
sem sést vel yfir fjöruna en á skíf-
unni koma meðai annars fram öll
helstu örnefni sem í fjörunni er að
finna. Einnig hefur verið komið fyrir
á þessum stað leguakkeri sem náðist
upp úr höfninni en þau höfðu verið
notuð til að geyma við bátana hér
fyrr á öldinni.
Félagar í Stokkseyringafélaginu
byrjuðu á því að fara í kirkju og að
guðsþjónustu lokinni lögðu þeir Ein-
ar Jósteinsson, formaður Stokkseyr-
ingafélagsins, og séra Úlfar Guð-
mundsson sóknarprestur blómvönd
að minnismerki um drukknaða sjó-
menn á Stokkseyri. Þaðan var hald-
ið að útsýnisskífunni þar sem Sig:
urður Ingimundarson flutti ræðu. í
máli hans kom meðal annars fram
að Stokkseyringafélagið hefði verið
stofnað 21. nóvember 1943 og á
þessum 55 árum hafa aðeins fimm
félagar gegnt formennsku í félaginu.
Einnig kom fram að margt hefur
verið gert til þess að styrkja og efla
tengslin við Stokkseyri meðal ann-
ars með útgáfu Stokkseyringasögu,
fyrsta og annars bindis, sem Guðni
Jónsson samdi, og ekki síður Ból-
staðir og búendur í Stokkseyrar-
hreppi sem Guðni samdi einnig, sem
þykir hreint þrekvirki, enda hlaut
hann doktorsnafnbót fyrir. Þessi rit
eru fyrir löngu orðin ófáanleg.
Einnig má nefna byggingu Isólfs-
skála sem gefinn var af einum
fremsta listamanni þjóðarinnar, Páli
Isólfssyni, en hann fæddist á
Stokkseyri. Auk þess lét félagið
byggja eftirlíkingu af sjóbúð sem
heitir Þuríðarbúð, kennd við Þuríði
Einarsdóttur formann.
I ræðunni kom fram að ástæða
þess að Stokkseyringum var færð
örnefnaskífa yfir fjöruna og næsta
nágrenni að gjöf er sú hversu miklar
breytingar hafa orðið á atvinnulífinu
síðustu árin með þeim afleiðingum
að æ færri koma í fjöruna og tengsl-
in rofna við iðandi fugla- og dýralíf.
Börn heyra æ sjaldnar nöfn eins og
Baðstofuklettar, Danapollur, Skæl-
ur o.fl.
Það kemur af sjálfu sér að nöfnin
gleymast og landsvæðið hættir að
heita eitthvað, verður eins og Tómas
Guðmundsson segir í einu kvæða
sinna: „... landslag yrði lítils virði, ef
það héti ekki neitt“. Að ræðu lokinni
afhjúpaði Sigríður Þórarinsdóttir frá
Sandprýði ömefnaskífuna. Að þessu
loknu var haldið í íþróttahúsið þar
sem yfir 200 manns þáðu kaffiveit-
ingar í boði Stokkseyringafélagsins.
Vestmannaeyjabær gefur
Rauða krossinum húsnæði
Vestmannaeyjum - Vestmannaeyja-
bær afhenti á laugardaginn Rauða-
krossdeildinni í Vestmannaeyjum
húsið Arnardrang að gjöf. Gjöfin var
afhent í tilefni af 25 ára goslokaaf-
mælinu og er þakkarvottur Eyja-
manna til Rauða krossins fyrir þátt-
töku hans í björgunarstörfum í eld-
gosinu í Eyjum og uppbyggingu
Eyja að því loknu.
Árnardrangur á sér talsverða
sögu og húsið tengist mikið Rauða-
krossdeildinni í Eyjum. Ólafur Lár-
usson, fyrsti formaður deildarinnar,
byggði húsið og stofnfundur Rauða-
krossdeildarinnar í Eyjum var hald-
inn í Arnardrangi.
Rauðakrossdeildin í Eyjum hefur
ákveðið að auk þess að hýsa starf-
semi deildarinnar verði Arnar-
drangur notaður undir ýmiss konar
menningarstarfsemi og munu m.a.
Listvinafélag Vestmannaeyja og
Sögufélagið fá þar aðstöðu. Þá hefur
verið ákveðið að Lionsklúbbur Vest-
mannaeyja verði með aðstöðu fyrir
starfsemi sína í húsinu en fyrsti
Morgunblaðið/Sigurgeir Jónasson
GUÐJÓN Hjörleifsson bæjarstjóri afhendir Hermanni Einarssyni, for-
manni Rauðakrossdeildarinnar í Vestmannaeyjum, gjafabréf fyrir hús-
inu Arnardrangi.
fundur Lionsklúbbs Vestmannaeyja
var einmitt haldinn í Arnardrangi.
Guðjón Hjörleifsson bæjarstjóri
afhenti Rauðakrossdeildinni í Eyj-
um Arnardrang formlega á 25 ára
afmælishátíð gosloka í Eyjum og tók
Hermann Einarsson, formaður
deildarinnar, við því.
I
i
t
i
i
i
I
i
i
\
i
i
i
i
\
i
i
\
i
i
i
i