Morgunblaðið - 19.07.1998, Side 14

14 SUNNUDAGUR 19. JÚLÍ 1998
GOLF
MORGUNBLAÐIÐ
Hannes Guðmundsson, forseti GSÍ, er ánægður með framgang golfíþróttarinnar á íslandi
„Framfarirnar eru
ótrúlega miklar“
Landsmóið í golfí, sem fer fram á Suðurnesjum í
annarri viku ágústmánaðar, verður haldið með
öðru sniði en undanfarin ár. Edwin Rögnvaldsson
og Skúli Unnar Sveinsson hittu Hannes Guð-
mundsson, forseta Golfsambands Islands, að máli
og ræddu við hann um framkvæmd landsmótsins
og þróun golfíþróttarinnar hér á landi.
Morgunblaðið/Ásdís
HANNES Guðmundsson, forseti Golfsambands íslands, sem er
nú orðið næststærsta sérsambandið innan ÍSÍ, á eftir Knatt-
spyrnusambandinu.
Fjöldi skráðra félaga í golfklúbb-
um landsins eykst ört, segir
Hannes Guðmundsson, forseti GSI.
Þeir eru nú orðnir um 6.800 talsins
og því styttist í að breyta þurfí
keppnisfyrirkomulagi landsmótsins.
Keppt hefur verið í forgjafarflokk-
um, en keppendum hefur fjölgað ört
að undanfömu og því verður mótið
haldið á þremur völlum í ár;
Hólmsvelli í Leiru, Húsatóftavelli í
Grindavík og Vallahúsavelli í Sand-
gerði. Meistaraflokkur og fyrsti
flokkur karia og kvenna auk 2.
flokks kvenna leikur í Leiru, annar
flokkur karla leikur í Grindavík, en
sá þriðji í Sandgerði.
Keppendum verður fækkað eftir
þrjá keppnisdaga af fjórum og allir
flokkar leika síðasta hringinn á
Hólmsvelli. 24 keppendur fá að
leika síðasta hringinn í meistara-
flokki, en tólf í öðrum flokkum.
Sjónvarpsstöðin Sýn mun sýna
beint frá landsmótinu, sem er
nýlunda.
Hannes, nú er keppnisfyrirkonm-
lag landsmótsins öðruvísi en verið
hefur. Hvernig heldurðu að til tak-
ist í ár?
„Vitaskuld vona ég að það takist
mjög vel. Ég var satt best að segja
orðinn svolítið vondaufur um að
okkur tækist að finna fyrirkomulag
sem gengi. Ég hélt að nú væri kom-
ið að því að við yrðum að játa að
mótið væri endanlega sprungið
vegna fjölda þátttakenda. Þá komu
þeir Leirumenn með tillögu sem
hefur þann kost að hún gefur mönn-
um færi á því að vera áfram með
þennan mikla fjölda keppenda og
halda því fyrirkomulagi sem verið
hefur að mestu. Þetta fyrirkomulag
er séríslenskt, því hvergi í heimin-
um þekkist að keppt sé í forgjafar-
flokkum á Landsmóti, sem er aðal-
mót sumarsins. Venjan er að keppt
sé í opnum flokki karla og kvenna.
í mínum huga er alveg ljóst að
við verðum einhvern tímann að taka
slíkt fyrirkomulag upp. Það er að-
eins spurning um tíma hvenær
menn ákveða að kominn sé tími fyr-
ir það. Einhverjum finnst sá tími
þegar kominn, en þó eru þeir enn
fleiri sem telja að við eigum að
reyna að hanga á gamla fyrirkomu-
laginu eins lengi og hægt er. Það
höfum við gert undanfarin ár því
keppnisskilmálum hefur verið
breytt á hverju ári til þess að reyna
að flnna fyrirkomulag sem gengur
með því að gefa sem flestum kost á
að vera með.
I ár gerum við nokkuð sem ekki
hefur verið gert í mörg herrans ár,
að halda landsmót á níu holu velli.
Ég verð að viðurkenna að ég hef
ekki hugmynd um hvaða áhrif það
hefur á þátttökuna - hvort kylfing-
ar séu tilbúnir að hald landsmót á
slíkum velli. Ég vona sannarlega að
menn mæti því báðir vellirnir eru
fínir og í góðu ástandi. Við ætlum
sem sagt að hanga á gamla fyrir-
komulaginu í að minnsta kosti eitt
ár enn.“
Eitt ár enn, segir þú. Er ekki eft-
irsjá ígamla fyrirkomulaginu?
„Auðvitað verður eftirsjá í því
fyrirkomulagi þegar að því kemur
að við verðum að hætta því alveg.
Þegar við verðum komin með
Landsmótið á einn átján holu völl,
með opinn flokk karla og kvenna,
munu menn sjá að það er töluvert
sem menn eru að missa. Þetta fyrir-
komulag gefur mótinu óneitanlega
mikinn lit. Þarna koma tvö til þrjú
hundruð manns og makar koma
gjarnan með og þá skapast
skemmtileg stemmning, eins og
raunin hefur orðið á í Vestmanna-
eyjum og á Akureyri.
Ég held að menn átti sig ekki á
því hvað menn eru að missa fyrr en
þeir standa frammi fyrir þessu og
sjá hvað hefur gerst. Hins vegar
vinnur tíminn með okkur að því
leytinu til að áhuginn á golfíþrótt-
inni vex ört og það eru fleiri og fleiri
sem vilja koma og horfa á þá bestu
spila. Þegar við skiptum yflr í nýtt
fyrirkomulag verða áhorfendur von-
andi orðnir það margir að menn
finni ekki fyrir neinu.“
Pað eru nokkuð mörg ár síðan
keppendum var fækkað eftir tvo
hringi. Nú verðum þeim fækkað eft-
ir þrjá hringi og aðeins þeir bestu í
hverjum flokki leika fjórða og síð-
asta hringinn. Er þetta ekki viss
afturför?
„Ég veit ekki hvað skal segja.
Fyrir nokkrum árum var keppend-
um fækkað eftir 36 holur og það
þótti mistakast, því þátttakan var
mjög döpur. Nú verður þetta gert
eftir þrjá daga og ég heyri engar at-
hugasemdir vegna þessa. Menn
segja sem svo: „Ef ég er ekki á
meðal þeirra bestu eftir þrjá daga
er alveg eins gott að sleppa síðasta
deginum." Það munar heilmiklu líka
að fá þrjá hringi í stað tveggja eins
og síðast þegar fækkað var. Síðan
held ég að þeir sem vilja leika fjórða
hring geti gert það, bæði í Grinda-
vík og í Sandgerði."
Tilraunastarfsemi
Þeir sem komast áfram úr neðrí
flokkunum leika fjórða og síðasta
hringinn í Leirunni, er ekki skrýtið
að láta menn leika eitt mót á tveim-
ur völlum?
„Menn geta tekið æfingadag í
Leirunni fyrir mótið því það eru
þrír dagar sem ætlaðir eru til æf-
inga á öllum völlunum. Mér heyrist
á mönnum að þeir séu bara spenntir
fyrir því að spila til úrslita í
Leirunni. Þetta fyrirkomulag er að
vissu leyti byggt á því að menn voru
talsvert að horfa til sjónvarps,
hvernig mætti gera þetta að
skemmtilegum lokadegi og þetta er
tilraun til þess. Sýn fylgist að sjálf-
sögðu með okkar bestu kylfingum
en ekki þeim sem eru að berjast í
öðrum eða þríðja flokki, þó að sjálf-
sagt verði brugðið á skjáinn mynd-
um af þeim sem eru að ljúka keppni
á síðustu flöt. Ég hlakka til að sjá
hvernig þessi tilraun tekst.
Það eru ekki ýkja mörg ár síðan
farið var að sýna frá landsmóti í
golfi og í raun hefur þetta verið til-
raunastarfsemi. Við þurftum að út-
vega styrktaraðila til að fá þetta
sýnt í sjónvarpi en smám saman
hefur þetta fest sig í sessi. Nú er
sýningarrétturinn orðinn tekjulind
fyrir okkur og samningurinn við
Sýn skiptir sambandið miklu máli. í
upphafl höfðu menn á tilfinningunni
að þetta myndi skila sér á einhverj-
um árum, og það hefur gengið eft-
ir.“
Heldur þú að það uuki þátttöku
manna að vita af því að mótið verð-
ur sýnt beint í sjónvarpi?
„Eg veit það ekki. Öll umfjöllun
um golf, hvort sem er í blöðum eða í
sjónvarpi, hefur einhver margföld-
unaráhrif á þátttöku fólks í golfi.
Fjölgunin hefur verið 5-15% á ári
síðustu árin sem er gífurleg aukn-
ing. Hverju þessi aukning er ná-
kvæmlega að þakka er erfitt að
segja til um, en allt hefur þetta ein-
hver áhrif. Sjónvarpsmyndir frá
golfmótum eru yfirleitt fallegar, iða-
grænir vellir og margt fólk að fylgj-
ast með þannig að fólk sér að það er
í lagi að fara út á völl og horfa á.“
Það tekur langan tíma að leggja
golfvöll og kylfingum fjölgar ört.
Ertu ekki hræddur um að allt sé að
fyllast?
„Það tekur ekki nokkum tíma að
gera golfvöll. Ef maður horfir á
gamlar myndir frá golfmótum hér
sjá menn hvernig vellirnir voru hér
fyrir tuttugu árum. Maður trúir því
ekki að ástandið hafi verið svona
slæmt. Framfarirnar eru ótrúlega
miklar og menn átta sig hreinlega
ekki á þeim. Kylfingar sem eru
skráðir í klúbba eru nú um 6.800
talsins þannig að Golfsambandið er
næststærsta sérsambandið, á eftir
Knattspyrnusambandinu, og að
auki eru um þrjú til fjögur þúsund
manns í kringum þetta og gífurleg-
ur fjöldi á leiðinni. Iþróttagrein sem
þannig háttar til hjá þarf ekki að
hafa áhyggjur.
Ég hef meiri áhyggjur af því að
fjölgunin verði svo ör að golfvellirn-
ir anni henni ekki. Hingað til hefur
þetta gengið upp vegna þess að búið
er að gera svo marga nýja golfvelli.
Rétt handan við hornið sýnist mér
að fjölgunin verði enn örari og þar
sem það eru ekki margir vellir á
teikniborðinu gæti hugsast að vand-
ræðaástand skapaðist innan mjög
fárra ára.“
Hvað verður þá gert?
„Þegar klúbbamir eru orðnir full-
ir er um fátt annað að ræða fyrir þá
en setja menn sem vilja ganga í
klúbbana á biðlista. Það er alltaf
einhver hreyfing þannig að menn
komast í klúbbana, en það er ekki
hægt að fjölga endalaust því þá
komast félagar í klúbbunum aldrei
á völlinn."
Vellirnir
mjög góðir
„Framfarirnar á völlunum hafa
verið mjög miklar og flestir þeirra
eru í mjög góðu standi í sumar. Það
hafa verið vandamál með flatimar í
Grafarholtinu og í Grindavík en það
er allt að komast í lag. Framfarirn-
ar í íþróttinni eru sem sagt á öllum
sviðum og varðandi vellina hefur
það auðvitað áhrif að svona margir
hafi farið til útlanda og lært hvernig
á að leggja golfvelli og hvernig eigi
að hugsa um þá. Það má þó segja að
eitt vandamál steðji að íþróttinni og
það er að okkur vantar fleiri kenn-
ara, en það er bara tímabundið
vandamál."
Sérðu einhverja yngri kylfínga
sem eiga möguleika á að feta í fót-
spor Birgis Leifs Hafþórssonar?
„Já, já! Það eru margir ungir
strákar á uppleið. Ég er algerlega
sannfærður um það að Birgir Leifur
mun ná frekari árangri. Eitt það
besta sem komið gæti fyrir golfið á
Islandi er að Birgir Leifur slái í
gegn í atvinnumennskunni. Það er
svo mikill hvati falinn í því fyrir
íþróttina. Þá eykst þátttaka barna
og unglinga. Ég bíð eftir því - og ef
það verður ekki seinna í sumar,
verður það næsta sumar. Ég spái
því.
Varðandi aðra sem eru á leiðinni,
era vitaskuld margir efnilegir
strákar með mikinn metnað. Menn
verða auðvitað að átta sig á því þeg-
ar þeir horfa á Birgi Leif að þetta