Morgunblaðið - 08.09.1999, Blaðsíða 14

14 MIÐVIKUDAGUR 8. SEPTEMBER 1999
MORGUNBLAÐIÐ
HÖFUÐBORGARSVÆÐIÐ
Ný skolphreinsistöð
hefur starfsemi
Morgunblaðið/Arni Sæberg
Ný skolphreinsistöð tók til starfa í Hafnarfirði í sumar,
en stöðin er vestast á Óseyrarbrautinni.
Hafnarfjörður
NÝ skolphreinsistöð tók til
starfa í Hafnarfirði í sumar
en stöðin hafði áður verið
ræst í ágústmánuði í fyrra
en varð að hætta starfsemi
eftir viku, þar sem galli
koin fram í hreinsibúnaði.
Nú hafa hinsvegar verið
gerðar breytingar á búnað-
inum og gengur starfsemin
eins og best verður á kosið,
að sögn Bergsveins Sig-
urðssonar stöðvarstjóra.
Stöðin, sem tók til starfa
15. júní, er staðsett vestast
á Óseyrarbrautinni í nýju
húsi sem byggt, var á upp-
fyllingu við suðurhöfnina
og nam kostnaður við bygg-
ingu stöðvarinnar um 134
milljónum króna. Lóðin er
enn ófrágengin en að sögn
Bergsveins stendur það allt
til bóta og er áætlað að
Ijúka frágangi í haust en að
því loknu verður umhverfið
hið snyrtilegasta.
Allt mjög hreint og tiltölu-
lega lítil lykt
Við stöðina starfa tveir
menn, Bergsveinn og Búi
Guðmundsson. Aðstaðan
innandyra er til mikillar
fyrirmyndar, en þar er allt
mjög hreint og tiltölulega
lítil lykt miðað við
hverslags starfsemi þar fer
fram. Bergsveinn sagði að
lyktinni væri haldið niðri í
kjallaranum, þar sem skolp-
ið rennur inn í stöðina, með
yfirþrýstingi, niðri er lyktin
því nánast óbærileg.
„Áður en stöðin tók til
starfa rann skolpið óhreins-
að úr bænum þessa hefð-
bundnu leið út í sjó,“ sagði
Bergsveinn. „Reyndar
rennur það enn óhreinsað
út í sjó frá ákveðnum hlut-
um bæjarins."
Stöðin getur mest afkast-
að um 500 lítrum af skolpi á
sekúndu, en afkastar nú að-
eins hluta af því magni eða
um 120 h'trum á sekúndu. I
stöðina kemur skolp frá
suðurbænum, en skolpið frá
mið- og norðurbænum
rennur enn óhreinsað út í
sjó. Skolpinu, sem kemur í
stöðina, er veitt niður í
kjallara og þaðan er því
dælt í gegnum síur og það
sem kemst í gegnum síurn-
ar rennur sína leið út í sjó
en hratinu sem eftir verður
er safnað í gám og urðað
upp í Álfsnesi.
„Við getum leyft okkur
að veita þessu út í sjó því
hér er nóg af vatni, en víða
erlendis er þetta bara
hringrás, þar sem hreinsað
vatn er notað aftur,“ sagði
Búi.
í fyrra þegar stöðin var
ræst komst hratið ekki úr sí-
unum og upp í gám því rör-
in sem fluttu þau út í gám
stóðu fjóra metra lóðrétt
upp í loftið og dælan réði
ekki við að pumpa hratinu
upp. Búnaðinum hefur nú
verið breytt þannig að rörin
standa láréttari og síðan er
snigill inni í þeim sem flytur
hratið út í gám.
Innan tíðar verður allt
skolp hreinsað
Bergsveinn sagði að inn-
an tíðar myndi allt skolp
frá bænum verða hreinsað.
I rammaljárhagsáætlun
bæjarsjóðs Hafnarfjarðar
kemur fram að ráðgert sé
að ljúka við hönnun dælu-
stöðvar við norðurgarð árið
2001 og byggð verði lítil
dælustöð á Mölum og lögð
þrýstilögn frá henni að
norðurgarði. Kostnaður við
holræsaáætlun á því ári er
áætlaður um 31 milljón
króna. Árið 2002 er áætlað
að byggja dælustöð við
norðurgarð og er áætlaður
kostnaður talinn nema um
75 milljónum króna. Að
þessum framkvæmdum
Ioknum verður allt skolp
frá byggð í Hafnarfirði
grófhreinsað, nema skolp
frá iðnaðarsvæðinu í
Hellnahrauni, Áslandi, Völl-
um og hluta Hvaleyrar-
holts.
Tveir starfsmenn vinna við nýju skolphreinsistöðina, þeir Bergsveinn Sigurðsson og Búi
Guðmundsson, en innandyra er allt mjög snyrtilegt og tiltölulega lítil lykt miðað við
hverslags starfsemi fer þar fram.
Skólastarf tefst í
Fossvogsskóla
Fossvogur
SKÓLASTARF í Fossvogs-
skóla er ekki hafið að fullu
ennþá og er ekki reiknað með
að allir nemendur setjist á
skólabekk fyrr en í næstu
viku. Framkvæmdir við ný-
byggingu skólans hafa tafist
og í síðustu viku var ekki
hægt að taka á móti 9-12 ára
nemendum þar sem engin
húsgögn voru komin í stof-
urnar. Nemendur hafa því
ýmist farið í vettvangsferðir
á vegum skólans eða setið
heima.
Óskar Einarsson skóla-
stjóri segir að ætlunin hafi
verið að hafa börnin heima
fram að síðustu helgi og síð-
an hafi tveir dagar verið
skipulagðir sem vettvangs-
ferðir á mánudag og þriðju-
dag. Hann segist hafa átt von
á að skólahald gæti hafist í
dag, en það sé bara svo mikið
óklárt að ákveðið hafi verið
að börnin yrðu heima í tvo
daga til viðbótar og mættu
síðan í skólann föstudaginn
10. september. Þá verður
annaðhvort kennsla í skólan-
um eða farið í vettvangsferð.
Það eru 9-11 ára böm sem
missa mest úr skólanum, eða
fjóra daga alls. Nú eru aðeins
12 ára nemendur í skólanum
sem notast við gamla stóla og
borð. Ennþá vantar nokkuð
af húsgögnum og loftræst-
ingin er ekki komin í gang.
Óskar segir að framkvæmd-
um eigi að mestu að vera lok-
ið eftir þessa viku og skóla-
hald eigi að geta hafist af
fullum krafti eftir næstu
helgi.
Vegna stækkunar skólans
voru lausar kennslustofur
fjarlægðar sem voru á skóla-
lóðinni. Óskar segist hafa far-
ið munnlega fram á að hafa
stofumar áfram til áramóta,
enda séu ákveðnir hlutai'
hússins sem á ekki að Ijúka
fyrr en um áramót. Hann seg-
ir að það hafi auðvitað verið
búið að ráðstafa þessum hús-
um við aðra skóla, enda vanti
húsnæði víða við skólana.
„Við erum búin að bíða eft-
ir húsi í 25 ár og þó þessu
seinki um nokkra daga þykii'
mér það ekkert tiltökumál,
“segir Óskar. Foreldrar hafa
ekki kvartað mikið undan
þessu og sýnt þessu fullan
skilning að sögn Óskars.
Ibúar þrýsta á aðgerðir vegna hraðaksturs á Selásbraut
Hraðahindranir
gagnslausar
Morgunblaðið/Ámi Sæberg
Lúðvíg Halldórsson ásamt ungum vegfaranda við Selásbraut, en íbúar við götuna
hafa lengi barist fyrir aðgerðum til að draga úr umferðarhraða við göt.una.
ÍBÚAR við Selásbraut hafa
undanfarin ár ítrekað þrýst
á aðgerðir borgaryfirvalda
vegna hraðaksturs á göt-
unni. Umferðarhraði á göt-
unni er að jafnaði mun meiri
en leyfilegt er og hafa 85%
bifreiða mælst á um 67 km
hraða á meðan hámarks-
hraði er 50 km. Hraðahindr-
anir sem settar hafa verið
upp til að stemma stigu við
hraðanum hafa reynst
gagnslitlar.
Lúðvíg Halldórsson, íbúi
við Selásbraut, segir að
þarna sé mikil umferð barna
yfir götuna og honum fínn-
ist skelfilegt að sjá krakk-
ana þurfa að leita sér færis
til að komast yfir götuna.
Lúðvíg segir að þetta séu
bæði eldri krakkar sem eru
að fara niður í Arbæjar-
skóla, og síðan yngri krakk-
ar sem séu að fara í Selás-
skóla og það sé stóra málið.
Þarna sé oft ótrúlega mikill
hraði á bílum og keyri í raun
úr hófi fram.
Undanfarin ár hafa íbúar
við Selásbraut sent borgar-
yfirvöldum ábendingar og
ítrekanir varðandi umferð-
aröryggi í götunni. Lúðvíg
telur það með ólíkindum hve
seint hafi gengið að ráða á
þessu bót. Hann segir að
menn hafi oft velt vöngum
yfir þessu, en ekkert hafi
gerst nema að settar hafi
verið upp hraðahindranir
sem séu gagnslausar, vegna
þess að ökumenn á góðum
bílum viti ekki af þeim. Lúð-
víg vakti athygli á því í einu
erinda sinna til skipulags-
og umferðamefndar að um-
ferðarhraði bifreiðar hafi
verið mældur yfir 90 km,
eftir að hún fór yfir hraða-
hindrun á Selásbrautinni við
Reykás.
„Eg held að það sé ekki
spuming um hvort, heldur
hvenær þama verður alvar-
legt slys,“ segir Lúðvíg.
Koma þarf til móts við
kröfur íbúanua
Erindi íbúa við Selásbraut
vora tekið fyrir á fundi um-
ferðaröryggisnefndar
Reykjavíkurborgar 16. júní
sl. Fundurinn ályktaði að
allai' raunhæfar aðgerðir í
götunni væru dýrar, en
nefndin væri því samþykk
að úrbóta væri þörf.
Fyrir rúmu ári lagði Gutt-
ormur Þormar verkfræðing-
ur fram álitsgerð um um-
ferðarskipulag við Selás-
braut, þar sem teknar vora
saman tillögur um hvemig
draga mætti úr ökuhraða í
götunni. I áliti sínu leggur
hann sérstaka áherslu á að
umferðaraðstæður við
Reykás verði bættar vegna
leikskólans og aðalgöngu-
leiðar yfir Selásbraut á þeim
stað. Innkeyrslu að bflastæði
leikskólans verði breytt til
samræmis við upphaflegt
skipulag og steinlögð gang-
stétt verði við innkeyrsluna.
Þá leggur hann til að 2-3
metra breiðri miðeyju verði
komið fyrir á Selásbraut
sunnan Reykáss þar sem að-
algönguleið liggur yfir göt-
una. Einnig að gerð verði ný
innkeyrsla að húsinu Selás-
braut 42-54 frá Selásbraut
norðan hússins en núverandi
innkeyi’slu frá bflastæði leik-
skólans verði lokað.
Guttormur leggur jafn-
framt til að auk miðeyjunnar
við Reykás verði breiðum
miðeyjum komið fyrir á Sel-
ásbraut við gangbraut á
móts við Norðurás, við
strætisvagnabiðstöð sunnan
Næfuráss, sunnan Rauðáss
og við strætisvagnabiðstöð
norðan Sauðáss-Skógaráss.
Tilgangur miðeyjanna er að
brjóta beina aksturslínu á
götunni og draga þannig úr
hraða.
I lokaorðum álitsgerðar
Guttorms kemur fram að
þessar hugmyndir séu
kostnaðarsamar í fram-
kvæmd en hann telur jafn-
framt að óánægju íbúanna
linni ekki fyrr en komið
verður til móts við kröfu
þeirra um aðgerðir sem
dugi.
Samkvæmt upplýsingum
frá umferðardeÚd Reykja-
víkurborgar er gert ráð fyr-
ir að unnið verði að tillögum
að úrbótum á grandvelli
þeirra tillagna sem Gutt-
ormur hefur lagt fram fyrir
næsta fjárhagsár.