Morgunblaðið - 08.09.1999, Blaðsíða 24

24 MIÐVIKUDAGUR 8. SEPTEMBER 1999
ERLENT
MORGUNBLAÐIÐ
„Líbýska eldflaugin" var til sýnis í Tripoli í gær. Sagt er, að
Gaddafi hafi notað hverja lausa stund í mörg ár til upphugsa
þennan heimsins öruggasta bfl.
Gaddafí boðar bylt-
ingu í bflasmíði
„Líbýska eldflaugin“ sú örugg-
asta í öllum heimi
MUAMMAR Gaddafi Líbýuleið-
togi hefur hannað rennilega bif-
reið í anda James Bond og er
hún að sögn sú öruggasta, sem
fyrirfinnst í heiminum. Hefur
verið ákveðið að koma upp verk-
smiðju til að fjöldaframleiða bíl-
inn.
Bíllinn var afhjúpaður á 30 ára
byltingarafmæli Gaddafis og að
viðstöddum mörgum frammá-
mönnum í Einingarsamtökum
Afríkuríkja að sögn BBC, breska
ríkisútvarpsins. Heitir hann
Saroukh el-Jamahiriya á arab-
ísku en það útleggst Líbýska
eldflaugin. Er hann fyrir fimm
farþega auk ökumanns, straum-
línulagaður og ekki ólíkur eld-
flaug til endanna. Er hann búinn
loftpúðum, innbyggðu vamar-
kerfi og höggvara, sem brotnar
saman við árekstur og hlífir því
bílnum að öðru leyti og farþeg-
unum vel.
Dukhali Al-Megahareff, for-
maður Líbýsk-arabíska fjárfest-
ingarfélagsins, sem framleiddi
frumgerðina, sagði hana vera
byltingu í bílasmíði enda væru
allar öryggishugmyndirnar
komnar frá Gaddafi. Verður haf-
ist handa við að reisa verksmiðju
í höfuðborginni, Tripoli, í næsta
mánuði til að framleiða bílinn.
Sagði hann, að þessi öruggasti
bíll í heimi væri sönnun þess, að
inntak líbýsku byltingarinnar
væri hamingja og velferð manns-
ins.
Friðflytjandinn
Gaddafí
Fréttamaður BBC segir, að
bílinn sé svar Gaddafis við mikl-
um slysförum á líbýskum vegum
auk þess sem hann sé önnum
kafinn við að bæta ímynd sína
eftir að refsiaðgerðum vegna
Lockerbie-hryðjuverksins var
aflétt í apríl.
Al-Megahareff sagði, að eld-
flaugarnafnið á bílnum væri til
að leggja áherslu á, að þegar
aðrir smíðuðu eldflaugar í tor-
tímingarskyni, þá smíðuðu Lí-
býumenn þær með mannúð og
frið að leiðarljósi.
Alan Clark látinn
London. Reuters.
ALAN Clark, hinn litríki þingmað-
ur breska íhaldsflokksins, lést á
sunnudag, að því er greint var frá í
gær en Clark gekkst í sumar undir
skurðaðgerð vegna krabbameins í
heila. Clark, sem var 71 árs, er aðal-
lega þekktur fyrir stjórnmáladag-
bækur sínar sem lýstu m.a. Margar-
et Thatcher, fyrrverandi forsætis-
ráðherra Bretlands, á afar umbúða-
lausan hátt.
Clark var undirráðherra í ríkis-
stjórnum Thatcher á níunda ára-
tugnum, hætti síðan þingmennsku
1992 en snéri aftur í síðustu kosn-
ingum, 1997. Viðurkenndi hann þá
að hann hefði saknað þess að sitja á
þingi.
Clark var vel kunnur fyrir sagn-
fræðiskrif sín um fyrri og síðari
heimsstyrjöldina en varð hins vegar
þjóðþekktur fyrir bersögular dag-
bækur sínar, sem gefnar voru út
1993. Þar lýsti Clark samskiptum
sínum við Thatcher og öðrum ráð-
herrum ríkisstjómar hennar á afar
umbúðalausan hátt, auk þess sem
hann kryddaði skrifin enn frekar
með frásögnum af framhjáhaldi
sínu.
Jeltsín æfur vegna ástandsins í Dagestan
Vill tafarlausa sókn
gegn skæruliðunum
Moskvu. Reuters.
BORIS Jeltsín, forseti Rússlands,
stýrði í gær fundi í þjóðaröryggis-
ráðinu þar sem hann kallaði þá, sem
ráðist hafa inni í Dagestan frá
Tsjetsjníju „úrkynjaðan lýð og
morðingja". Skipaði hann yfirmönn-
um rússneska hersins að stökkva
þeim burt á stundinni.
Rússneska hernum hefur enn
ekki tekist að sigrast á þeim ís-
lömsku skæruliðum, um 1.000 tals-
ins, sem réðust inn í landið um síð-
ustu helgi og ráða þar nú nokkrum
þorpum. Létu þeir til skarar skríða
aðeins fáum klukkustundum eftir að
bílsprengja eyðilagði fimm hæða
fjölbýlishús í hermannahverfi í
bænum Búínaksk. Að minnsta kosti
64 menn týndu lífi, þar af 25 börn
og 22 konur. Hefur rússneska ör-
yggislögreglan handtekið einn
mann vegna hryðjuverksins og leit-
ar annarra tveggja.
Sakar herforingjana
um kæruleysi
Jeltsín er sagður æfareiður
vegna ástandsins í Dagestan og því
ákvað hann að stýra fundi öryggis-
ráðsins sjálfur í stað þess að láta
Vladímír Pútín forsætisráðherra
það eftir. Hafði NTV-sjónvarps-
stöðin það eftir forsetanum, að ekki
ætti að kalla skæruliðana múslima
eða íslamista vegna þess, að þeir
„berðust gegn eigin fólki og væru
úrkynjaður lýður og morðingjar".
Yrði herinn að bregðast við skjótt
og ákveðið. Á fyrri fundi með Pútín
hafði Jeltsín sakað herforingjana
um kæruleysi vegna sprengingar-
innar í Búínaksk.
Talsmaður rússneska vamar-
málaráðuneytisins sagði í gær, að
herinn hefði náð á sitt vald bænum
Karamakhi og umhverfi hans úr
höndum skæruliða. Áður hefur
komið fram, að herstjómarlist
Rússa í þessum átökum sé að
þreyta andstæðinginn áður en ráð-
ist er beint gegn honum.
Reuters
RÚSSNESKAR herflugvélar hafa gert árásir á bækistöðvar skæruliða í Tsjetsjníju og þar á meðal á bæinn
Zamay-Yurt. Hér gráta nokkrar konur ástvini sína, sem týndu lífí í árásinni.
Bætur fyrir nauðungarvinnu í Þýskalandi á stríðsárunum
Varað við viðskipta-
stríði verði ekki samið
Berlín. Reuters.
STJÓRNVÖLD í Þýskalandi vör-
uðu ýmis helstu fyrirtæki landsins
við í gær og sögðu, að fjölgaði ekki í
hópnum, sem vildi greiða bætur fyr-
ir nauðungarvinnu á stríðsámnum,
mætti búast við viðskiptastríði við
Bandaríkin.
Otto Lambsdorff, sem annast
hefur viðræðumar við stjómvöld í
Bandaríkjunum og samtök þeirra,
sem í nauðungarvinnunni vora,
sagði, að fyrirtækjunum hefði fjölg-
Opinberunarbókin“
’oðunarkirkjan
:]m®
Við höfum ánægju af hwí að hjálpa
fólki að kynnast Biblíunni betur
og sýna hvað hún hefur að segja um
spurningar, sem leita á fólk.
Aðloi,

e'oi rjin
e"aust h
uBtri yfj
aía
yHyfirr
bod
wihalti

maylirl
mun>t>úööi
wení/a
a»m
aúui
an skilm
Wuliun,
'áknum
"pPáUúm
um
^innZ
Mánudaga og miðvikudaga ki. 20.00.
Hittumst tvisvar I viku!
Við byrjum 13. seplember.
Þar sem fjöldi þátttakenda er takmarkaður,
er skynsamlegt að innritast sem lyrst.
Með einu símtali tryggir þú þér þatttöku.
Þátttaka, Biblía og litprentuð námsgögn
í möppu, ókeypis.
*SSSiÖ3T
^Háteí is'andú Rrrouta 9
Leiðbeinandi er dr.
Steinþór Þórðarson,
sem hefur staðið fyrir
slíkum námskeiðum
, áratugum saman
á islandi og erlendis.
Innritun og nánari upplýsingar alla daga í símum 554 6850, 564 6268 og 861 5371.
að um meira en helming eftir fund
Gerhard Schröders kanslara með
frammámönnum í þýsku atvinnulífi
á mánudag. Þau væra þó enn ekki
nema 35, sem væri hvergi nærri
nóg. Af þeim, sem vora í nauðung-
arvinnu í Þýskalandi á stríðsárun-
um, era allt að tvær milijónir
manna enn á lífí. Sagnfræðingar
telja, að fangar hafi verið í vinnu hjá
langflestum fyrirtækjum í landinu á
þessum tíma.
Gífurlegum bóta-
kröfum vísað á bug
Shröder vonast til, að samningar
um bótagreiðslumar náist ekki sið-
ar en í október þótt ekki verði þá
búið að hnýta alla lausa enda, til
dæmis þá kröfu þýskra fyrii’tækja,
að þeim verði hlíft við frekari bóta-
kröfum. Hann vísaði hins vegar á
bug gífurlegum fjái’kröfum sumra
lögfræðinganna en þær era um allt
að 2.000 milljörðum ísl. kr.
„Kröfur sumra lögfræðinganna
og sumra samtaka fyrrverandi
fanga era út í hött,“ sagði Schröder
en gaf jafnframt í skyn, að þýska
ríkið myndi leggja sitt af mörkum
vegna þess, að fangar hefðu verið í
vinnu mörgum sveitarfélögum í
landinu. Upplýsti hann einnig, að
frá stríðslokum hefðu Þjóðverjar
greitt um 4.100 milljarða kr. í bætur
vegna nauðungarvinnunnar.
Sæst á 730 milljarða kr.?
Lambsdorff sagði, að það væri í
þágu fyrirtækjanna sjálfra að taka
þátt í bótagreiðslunum. „Geram
okkur grein fyrir því, sem gerist ef
engir samningar nást. Það mun
leiða til viðskiptastríðs við Banda-
ríkin og fyrirtækin munu fljótlega
finna fyrii’ því,“ sagði hann og tók
undir með Schröder í því, að bóta-
kröfumar væru sumar fáránlegar.
Hann sagði hins vegar, að talan,
sem þýsku fyrirtækin hefðu nefnt,
um 73 milljarðar kr., væri of lág.
Nefndi hann sem hugsanlegar bæt-
ur 730 milljarða kr. í eitt skipti fyrir
öll.
Fyrirtækin, sem við sögu koma,
era ýmis þau stærstu í Þýskalandi,
t.d. bankasamsteypan Deutsche
Bank, Volkswagen-bílasmiðjurnar
og tryggingafyrirtækið ÁUianz.
Wolfgang Gibowski, samningamað-
ur fyrirtækjanna, telur, að mörg
fyrirtæki muni bætast í hópinn fái
þau tryggingu fyrir því, að ekkert
framhald verði á fjárkröfunum.