Morgunblaðið - 08.09.1999, Síða 54

I 54 MIÐVIKUDAGUR 8. SEPTEMBER 1999
MORGUNBLAÐIÐ
Dýraglens
Ferdinand
Smáfólk
Ætti ég að hlaupa út Kannski ég bíði þar Ég get ekki látið
ogsækja hundadall- til styttir upp? hundinnminn
inn eða bíða þar til Nei, farðu núna. svelta til bana.
styttir upp? Svona, farðu nú
Farðu núna
Hins vegar er engin Láttu mig vita
skynsemi í því að þegar styttir upp.
verða rennandi
blautur.
Farðu, sama hvað á bjátar
BREF
TIL BLAÐSINS
Kringlunni 1 103 Reykjavík • Sími 569 1100 • Símbréf 569 1329
Oft má betur brúka
miðla en til lítil-
lækkunar á saklausum
Svar til ívars Benediktssonar
Frá Stefáni Pór Stefánssyni:
ÍÞRÓTTAMENN í fremstu röð í
heiminum eru sífellt að taka áhættu.
Eðli íþrótta er áhætta. Flestir kepp-
enda í íþróttakeppnum heims eiga sí
og æ við meiðsl og jafnvel sjúkdóma
af ýmsum toga að stríða. Það er bara
spumingin hvort þau muni hrjá þá
þegar mest skiptir máli. Þó svo að
eitthvað ami að þegar á hólminn er
komið, þýðir ekki að gefast upp fyr-
irfram án þess að reyna, sérstaklega
þegar um stór mót er að ræða, svo
lengi sem þokkalegur möguleiki er á
að hægt sé að ná sem næst sínu
besta eða betur.
Hugsanagangurinn hjá íþrótta-
fólki í vafasömu formi er líklega um
það bil þessi: Hvað ef ég hætti við?
Kannski fæ ég aldrei svona tæki-
færi aftur? Hvað ef ég nú kemst í
gegn án vandræða og næ góðum ár-
angri? Er langur og strangur und-
irbúningur allur unninn fyi’ir gýg?
Nei, það verður bara að kýla á það
og sjá hvað gerist! Þegar kemur að
þessum stóru stundum, er lítið sem
ekkert eftir af keppnistímabilinu
sem máli skiptir, þannig að það er
allt í lagi að láta slag standa. Ef
eitthvað bilar, þá verður farið með
það í viðgerð á eftir. Það þýðir ekk-
ert að svekkjast ef hlutirnir ganga
ekki upp, það var þó reynt. Vissu-
lega er munur á að í einstaklingsí-
þrótt geta keppendur einungis
brugðist sjálfum sér, en í hópíþrótt
geta keppendur í mikilli áhættu
eyðilagt fyrir liðsmönnum sínum
með þátttöku.
Það á að ítreka að íþróttafólk á
fyrst og fremst að standa í þessu
stússi iyrir sjálft sig, allt annað kem-
ur á eftir. Vissulega er það stolt af
því að keppa fyrir þjóð sína, en
pressan frá henni má ekki setja hlut-
ina úr samhengi. Iþróttafólkið á að
hafa létt gaman af þátttökunni, þá
gengur því yfírleitt best. Þetta sést á
því að fjölmörg met eru sett á smá-
um og fjörlegum mótum þegar jafn-
vel síst er búist við bætingum. Þá
kemur rétta afslöppunin fram og
tæknin skilar sér í réttri tímasetn-
ingu og með réttum áherslum. Þegar
pressan, alvarleikinn og yfireinbeit-
ingin tekur völdin, fara þessir mikil-
vægu hlutir oft út í buskann, en í
staðinn kemur stífleiki og sljóleiki.
Það þarf mátulegan skammt af létt-
leika og kæruleysi til að létta pressu-
baggann.
Fréttaflutningur um vonbrigði og
að árangur sem reiknað var með
hafi ekki náðst, er ekki til neins
góðs. Fréttafólk er í því að inna
íþróttafólkið um hvernig það muni
nú halda að sér gangi og hvernig er
svo sem hægt að svara svoleiðis
spurningum nema að það ímyndi
sér að sér muni ganga vel? Það er
hinn eini rétti hugsanaháttur, já-
kvæðni og bjai’tsýni, það eru sam-
eiginlegir eiginleikar þeirra bestu.
Svo er þessum fréttum komið á
framfæri og ef eitthvað bjátar á fær
keppandinn á baukinn fyi’h’ að vera
að gefa býsna miklar yfirlýsingar.
Það er nógu sárt að hafa komið á
hólminn og þurft að skerast úr leik
eða ná ekki að uppfylla drauminn
með sínu allra besta, að skilningslít-
ið og kröfuhart fréttafólk þurfi auk-
inheldur að ausa salti í opin sárin.
Væntingar eiga ekkert að vera neitt
meira en góðlátleg ósk um vel-
gengni. Það er ekki skortur á hyll-
ingum þegar vel gengur, en ef ár-
angurinn nægir ekki til að vera
meðal þeirra allra fremstu í það og
það skiptið, þá þýðir ekki annað en
að segja, þótt allir séu sárir: Við
reyndum eins og við gátum, súrt
epli, lærum og gerum betur næst.
Haldið áfram að berjast! Öðruvísi
hefst það ekki. Baráttukveðjur.
STEFÁN ÞÓR STEFÁNSSON,
fyrrverandi keppnismaður í
frjálsíþróttum,
Texas, Bandaríkjunum.
Hvað er stiörmikort?
Frá Þorsteini Sæmundssyni:
FYRIR fáeinum árum hefði ekki
þurft að spyrja þessarar spurning-
ar. Þá hefðu flestir vitað að
stjörnukort er uppdráttur af
stjörnuhimninum á sama hátt og
landakort er uppdráttur af yfir-
borði jarðar. Nú hefur það gerst að
menn sem kalla sig stjörnuspek-
inga hafa tekið upp á því að þýða
erlenda orðið hóróskóp með ís-
lenska orðinu stjörnukort. Um
ástæðuna fyrir þessari orðvillu veit
ég ekki, en varla geta þessir menn
verið svo fáfróðir um eigin „fræði-
grein“ að þeir viti ekki að íslenskan
hefur lengi átt ágætt orð um þetta
fyrirbæri: stjörnumát. Nafnið
stjömuspákort hefur líka verið notað
án þess að valda misskilningi. Ef
stjömuspekingum finnst þessi orð
ekki boðleg lengur, ættu þeir að róa
á ný mið, en láta í friði orð sem rót-
gróið er í annarri merkingu í ís-
lensku máli.
ÞORSTEINN SÆMUNDSSON
stjömufræðingur.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt til að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.
í í dag er I;
Í56
dag er langlangbesti tíminn.. en bara í dag!
-1-
J