Morgunblaðið - 24.10.1999, Page 13

MORGUNBLAÐIÐ
SUNNUDAGUR 24. OKTÓBER 1999 B 13

það. Þetta er vélaglamur. En svo
er annað vel og skemmtilega gert,
sem betur fer.“
KK: „Ef þú skoðar öll helstu tón-
listarblöð núna sérðu að þau eru
mest að fjalla um músík sem samin
var fyrir 20-30 árum. Þau eru
komin út í sagnfræði."
Hvað segir það okkur?
KK: „Að við erum komin á enda-
punkt. Eins og Magnús hefur orð-
að það: I endinum upphafið býr.
Þarna ertu kominn með fyrirsögn-
ina á viðtalið. Stundum gildir þetta
einnig um líf okkar. I dauðanum
lífið býr.“
Skuggadalir
Þú ert trúaður og farinn að
syngja um það?
KK: „Eru ekki allir trúaðir?
Sumir trúa á peninga eða völd og
kannski pínulítið á guð. Sumir trúa
á sjálfa sig. Og svo framvegis."
Magnús: „Hann er að tala um
guðdóminn, almættið."
Samanber lagið þitt Eg fann ást:
„Eg vil hafa allt á hreinu með minn
guð“?
Magnús: „Ef þú syndgar heyr-
irðu suð...“
En þú Magnús?
Magnús: „Já, ég get ekki annað
en trúað því að eitthvert afl stjórni
öllu. Manni er stundum hjálpað
þegar maður á hrikalega bágt. Ef
ég hefði ekki fundið það væri ég
áreiðanlega orðinn mjög geðbilað-
ur. Þetta afl er til staðar ef ég
hleypi því að mér. Stundum er
maður staddur í skuggadal og mót-
tökuskilyrði ljóssins slæm.“
KK: „Stundum kastar maður
sjálfur þessum skuggum. Hefur
fyllt líf sitt af þeim.“
Magnús: „Með því að draga að
sér púka og útiloka öfl ljóssins. Það
er til bæði björt veröld og dimm.
Nú er ég farinn að tala eins og
prestur. En ég held ekkert um
þetta, ég veit það. Og við skiljum
ekki allt, kannski sem betur fer.“
KK: )rAf því við erum mannleg-
ir.“
Þú varst að tala áðan um
skuggadalina, Magnús: Þú misstir
eiginkonu þína í vor. Hvernig
glímdirðu við þann stóra skugga?
Magnús: „Með því að biðja guð
að hjálpa mér.“
Og gerði hann það?
Magnús: „Mér fannst það og ég
trúi því. Maður á aldrei von á að
verða fyrir svona reynslu. Hún
kemur fyrir aðra. En ég hugga mig
við að hún eignaðist fimmtíu góð ár
og þrjá góða stráka. Sumir fá
meira, sumir minna.“
KK: „Fjóra stráka. Að þér með-
töldum. Fjóra góða stráka.“
Og þú helltir þér út í tónlistina,
hélst áfram að vinna?
Magnús: „Ég pakkaði mér niður
og tók gítarinn upp. Menn geta flú-
ið í margar áttir frá persónulegum
hremmingum. Sumir flýja í áfengi,
í geðlyf og svo framvegis. Svo geta
menn flúið í tónlist..."
KK: „Ef maður er heppinn.11
Magnús: „Og ég var svo heppinn
að geta það. Ég gat haldið áfram að
syngja og gleðjast í gegnum þennan
miðil. Ég veit að það hefði konan
mín viljað, hvar sem hún er.“
Blúsinn
Eru einvörðungu frumsamdir
blúsar á nýju plötunni?
Magnús: „Flestir eru það. Flest-
ir koma úr þessum stóra potti tón-
reynslunnar í kringum okkur.“
KK: „Blúsinn er eins og rauður
þráður gegnum alla dægurtónlist.
Hann kemur fyrst - á undan djass-
inum, rokkinu og öllu því sem síðan
hefur fylgt. Og hann kemur alltaf
aftur þótt vinsældirnar séu stund-
um meiri og stundum minni.“
Magnús: „Blúsinn er ævinlega
undirliggjandi.“
KK: „Allt frá þvf Chuck Berry
fór að þróa hann yfir í rokk og ról.
Ég er reyndar þeirrar skoðunar að
Johnny B. Goode hafi verið íslend-
ingur því hann bjó í torfkofa:
„Deep down in Louisiana, close to
New Orleans, way back in the
woods among the evergreens,
there stood an old cabin, made of
earth and wood...“ Er þetta ekki
borðliggjandi?“
Og platan kemur út undir merkj-
um gömlu blúshljómsveitarinnar
þinnar, Magnús, Blues Company,
sem starfað hefur með hléum síðan
á sjöunda áratugnum?
Magnús: ,Alveg eins. Þetta er
allt eitt stórt blúskompaní. Núna
eru með okkur Jjrautreyndir blús-
menn, Ásgeir Oskarsson og Har-
aldur Þorsteinsson. Við hlökkum til
að spila nýju lögin því þetta er
hörkuband. Blues Company var að
vinna að plötu fyrir tæpum áratug
með allt öðrum mönnum, en ég
lagði hana á hilluna þegar tveir af
liðsmönnum okkar gegnum tíðina
létust, Karl Sighvatsson og Guð-
mundur Ingólfsson. Þá sló í bak-
seglin og við snerum okkur að
öðru. Reyndar var Kristján líka í
Blues Company. Var það ekki
fyrsta hljómsveitin sem þú lékst
með opinberlega?“
KK: „Ég held það. í Glæsibæ."
Magnús: „Kristján var að vinna
hjá mér í Rín og við höfðum verið
að spila saman í búðinni. Ég bauð
honum að troða upp með okkur.“
Hvernig afgreiðslumaður var
Kristján?
Magnús: „Mjög duglegur og
röskur.“
Sambandið
Hvernig kynntust þið?
KK: „Við vorum nágrannar á
Frakkastígnum. Þar bjó ég og þar
var verslunin Rín. Allir tónlistar-
menn vita frá tíu ára aldri hver
Maggi í Rín er. Þá koma þeir til
hans og spyrja: Hvað kostar ódýr-
asti gítarinn?“
Það er töluverður aldursmunur á
ykkur?
Magnús: „Hann fer minnkandi.
En ellefu ár samkvæmt hefð-
bundnu tímatali.“
KK: „Ég vann hjá þér í tvö ár og
við pældum saman í músík, mönn-
um á borð við JJ Cale og einhverj-
um blúsurum. Svo fluttist ég til út-
landa og við skrifuðumst á. Ein-
hvern tíma sendi ég þér bjórkassa,
getur það ekki verið?“
Magnús: „Já, eða marijúana. Ég
man það ekki.“
KK: „Ég held ég hafi gert hvort
tveggja. Svo kom bréf til baka frá
Magga þar sem hann hafði límt á
pappírinn nokkra brumknappa.
Það var að koma vor!“
Nú hafið þið verið að þvælast
saman lengi um landið. Semur ykk-
ur alltaf?
KK: „Maggi fær bara að ráða.
Þá er allt í lagi.“
Magnús: „Þessi var lúmskur. En
við erum báðir svo andskoti laun-
frekir að við verðum að fara vel
hvor að öðrum. Við erum báðir það
þroskaðir að við höldum að við höf-
um vitið meira!“
KK: „Sátt og samlyndi eru auð-
veldari þegar áfengi og önnur
fíkniefni eru ekki til staðar. Þau
gera mann ergilegan og þreyttan.
Við erum blessunarlega lausir við
þau.“
Hvernig myndfrðu lýsa Krist-
jáni, Magnús?
Magnús: „Ég held hann megi
eiga það að hann er góður félagi."
Og öfugt Kristján?
KK: „Magnús er skemmtilegur
félagi og sögumaður góður.“
Gamlir bandarískir blúsmenn
halda áfram að syngja og spila
fram í andlátið. Hvernig munuð þið
eldast hér í tónlistinni?
Magnús: „Ef við höfum í fram-
tíðinni áhuga á að sinna dægurtón-
list má ljóst vera að stærsti mark-
aðurinn verður í Félagi eldri borg-
ara...“
DSRO
Þráðlaus
/ •
Með númerabirti
simi
Sími með höfuðheyrnartóli
Kr. 16.890
HÚSASMIÐJAN
Sími 525 3000 • www.husa.is
• Borðhleðslutæki
• Dregur 300 metra.
• Taltími 6 klst.
• Tengi fyrir
h öfuðheyrnartól
12.900kr

Andlitskremin frá n\EiSD í tilboöspakkningum
1. Duo-Liposome krem,
dag- og næturkrem
2. Free Radical gel, til
að fjarlægja úrgangs-
efhi úr húðinni.
3. AHA krem til að
fjarlægja dauðar
húðfrumur.
Notist sem nætur-
krem eina viku í
mánuði.
ÚTSÖLUSTAÐIR: Lyf og heilsa, Kringlunni (Ingólfs Apótek),
Rima Apótek, Grafarvogi, Hringbrautar Apótek.
Með Trend næst árangur
Nýjung! Þýsk gæðavara
Ekta augnahára- og augnabrúnalitur,
er samanstendur af litakremi og geli
sem blandast saman, allt í einum
pakka. Mjög auðveldur í notkun,
fæst í þremur litum og gefur frábær-
an árangur. Hver pakki dugir í 20
litanir.
Útsölustaðir: Apótek og
;■ ::snyrtivöruverslanir
ATH. nú! Frá Tana Maskara Stone. Þessi (svarti) gamli góði með stóra
burstanum. Uppl. í smáblaði sem fylgir augnbrúnalitnum.
1 ? A*- ‘ ;,:í | |
b . i njy
-i:

Frábær vara á frábæru verði
NYTT!
Til háreyðingar
vatnsþynnanlegt
vax og tæki frá byly
byly
fiest í apótekum og
snyrtivöruverslunum.
Dreifinq: S. Gunnbjörnsson ehf. Sími 565 6317