Fréttir frá Íslandi - 01.01.1871, Blaðsíða 16

1()
IíANDSTJÓRN.
1869, en meðan fje er eigi fengið til að byggja hús þessi,
skal fylgja hinum eldri hegningarlögum í því efni.
3, Tilskipun, er hefur inni að halda viðauka við tilskipun 5.
jan. 1866, um fjárkláða og önnur næm fjárveikindi á íslandi,
dagsett 4. dag marzmánaðar.
4, Tilskipun til bráðabirgða um eptirlaun handa yflrdómara
Benedikt Sveinssyni, sem vikið hefur verið frá embætti, dag-
sett I. dag aprílmánaðar.
Enn fremur má geta um :
1, auglýsing lögstjórnarinnar um áætlun um tekjur og útgjöld
íslands frá 1. apríl 1871 til 31. marz 1872, dagsetta 4. dag
marzmánaðar, og byggða á konungsúrskurði, dagsettum sama
dag, — og
2, auglýsing póstmálastjórnarinnar um að ákvörðun tilskipunar
28. marz 1871, um sendingar með póstum, verði beitt á ís-
landi 1871, dagsetta ll.dag aprílmánaðar.
Um dóma og dómsmál á íslandi er fátt að segja.
Málaferli eru þar eigi mikil. Glœpir eru þar sjaldgæfir og saka-
mál því örfá; brot á móti lögreglu eru þar alltíð, en örðugt að
gæta hennar, svo að lögreglumál eru þar því nær engin; deilur
manna á meðal eru í meira lagi, en með því að mjög er kostn-
aðarsamt að reka rjettar síns, þá koma eigi mörg prívatmál til
dóms og laga. í hinum íslenzka landsyfirrjetti voru næstliðið ár
dœmd 42 mál; af þeim voru 26 prívatmál, en 16 sakamál og
lögreglumál.
Af málum þeim, er dœmd voru í yfirrjetti, má geta tveggja,
er merkust þykja. Annað þeirra er hið svokallaða laxa-
veiðamál milli Ágústs Thomsens, kaupmanns í Reykjavík,
og Benedikts Sveinssonar, yfirdómara á Elliðavatni. Thomsen á
veiði í Elliðaánum og veiddi í þeim með þvergirðingum; Benedikt
á land að ánum ofar; hlóð hann flóðgarða til að veita þeim á
engi sitt og hepti með því framrás vatnsins, svo að Thomsen
þóltu árnar eigi laxgengar; en er vatninu var aptur hleypt fram,
varð megin þess svo mikið, að flóði yfir veiðigirðingar Thom-
sens, svo að lax stökk upp yfir þær; Thomsen þótti veiði sinni
spillt og krafðist þess, að Benedikt yrðu bannaðar vatnsveiting-
arnar. Hins vegar þóttist Benedikt eiga fullan rjett á að nota
árnar fyrir sínu landi, bæði til veiða og vatnsveitinga, og þótti