Fréttir frá Íslandi - 01.01.1871, Blaðsíða 30

30
ATVINNUVEGIU.
fjarðardjúp var allgóður afli á vetrarverlíðinni, þegar gaf til
róðra; á vorvertíðinni var afli þar hinn bezti, en nokkru minni
um haustið. í Hrutafirðiog Miðfirði aflaðist mjög vel
að áliðnu sumri og fram á haust. í Eyjafirði fiskaðist mjög
lítið framan af árinu og allt fram í aprilmánuð; þá tók þar
nokkuð að fiskast, og stóð svo um hríð; en í maímánuði hvarf
aptur allur fiskur við selhlaup, er kom um þær mundir, og kom
eigi aptur fyr en í júlímánuði; þó fiskaðist þar lítið fyr en fyrst
i september; þá tók aflinn að aukast og stóð fram á haust, en
þverraði þó, er á leið haustið. Á Austfjörðum tók að fisk-
ast í aprílmánnði og fiskaðist þar allvel um vorið og sumarið,
en ágætlega um haustið.
Hákarlsafli var næstliðið ár allgóður. Sunnanlands
var tveim skipum haldið til hákarlaveiða um vorið, og öfluðu
þau allvel. Dndir Jökli var og sœmilegur hákarlsafli, þegar
róið var. Úr Eyjafirði gengu mörg skip til hákarlaveiða og
öfluðu þau mætavel fram i júnímánuð, en nokkuð minna síðan.
Á Austfjörðum voru og höfð úti nokkur hákarlaskip um
sumarið og öfluðu þau vel.
Sildar- og upsaveiði var víða lítil næstliðið ár; þó varð
upsaganga mikil í Hafnarfirði fyrstu dagana í febrúar, og nam
það 1600 tunnum, er kom á land á fjórum dögum; úr hverri
tunnu fengust hjer um bil 10 merkur lýsis; tunnan var seld á
64 skildinga; sóttu margir feng þennan langt að og varð að því
góð björg.
Lax- og silungsveiði var í minna lagi á suðurlandi,
en aptur fremur f meira lagi á norðurlandi.
Selafli var víða góður; mestur var hann kringum Eyja-
fjörð og við Langanes um sumarmál.
Hreindýraveiðar eruþví nær hinar einu dýraveiðar á
íslandi, og eru þær þó að minnka; þó voru enn skotin nokkur
hreindýr fyrir ofan Hafnarfjörð næstliðinn vetur. Á tóuveið-
ar er áður minnzt.
Bjargfuglaveiði var á flestum stöðum í minna lagi.
Annarar fuglaveiði er eigi getandi.
Reka má einnig geta hjer, þó að þeir sjeu fremur höpp
en veiðar eða afli. Hvalrekar urðu nokkrir að áliðnu sumri
á Melrakkasljettu, fistilfirði, Langanesi og í Fjörðum austur;