Fréttir frá Íslandi - 01.01.1881, Side 23

ÁRFERÐ OG ATVINNUVEGIR.
23
lög við fjörðinn í nóvembermánuði. Annað þeirra var reist
á Akureyri, og nefndist «Eyfirðingur"; höf'uðstóll þess er 40000
kr., og var þegar kveðið á, að útvega skyldi tvær nótaútgjörðir
og smíða timburhús; næsta vor skyldi fá 3 skip frá Noregi til
veiðanna, með nægum tunnum og salti, og taka þegar til veiða.
Tryggvi Gunnarsson kaupstjóri stofnaði og annað fjelag með
20000 kr. höfuðstoli. Voru þá um haustið þegar komin á fót
4 síldveiðaíjelög kring um Eyjafjörð, og allir f'ullir af víga-
hug, er þeir vissu um hinn afarmikla hag hinna fyrri fjelaga.
Síldarfjelögin eystra veiddu og vel, þó að það væri eigi jafn-
mikið og við Eyjafjörð. Undir árslokin var og í undirbúningi
að koma á fót síldveiðafjelagi á Suðurlandi, og var Eggert
kaupstjóri Gunnarsson forsprakki þess. Frá því verður betur
sagt í frjettum frá næsta ári.
Hjer á við að minnast á iiskiferð Trolles hjer til lands.
C. L. A. Trolle, undirforingi (premierlöitinant) í danska hern-
um, var á Ingólfi, danska herskipinu, sem er á vakki hjer með
ströndunum á sumri hverju, sumarið 1880, og tók þá eptir því
hve rösklega Norðmenn mokuðu auðæfunum upp úr sjónum við
tær íslendinga, en þeir stóðu hjá og horfðu á. Sama var að
segja um Frakka, er senda á ári hverju um 230 fiskiskip til
að veiða hjer við land. Trolle fjekk sjer því leyfi stjórnarinn-
ar tii þess að fara hingað til lands um sumarið eptir og
stunda fiskiveiðar og kynna sjer þær hjer við land. Fór hann
kring um land allt nema hafnleysukaflann á Suðurlandi; stund-
aði hann hér veiðina frá því fyrst í maí og þar til síðast í
september, og hagaði ferðum sínum eins og Frakkar, að hann
byrjaði vestan við landið, og f'ærði ,-ig svo norðurfyrir og end-
aði fyrir Austurlandi. þ>egar hann var heim kominn, reit hann
skýrslu um ferð sína í «Nationaltidende», og sýndi þar fram á
það, hvílíkur óhagur Islendingum væri að fastheldni sinni við
bátafiskið, og hve miklu betra þeim væri að stunda sjóinn á
haífærum þilskipum. Sömuleiðis sýndi hann og fram á ýmsa
annmarka, er væri á síldveiðum Norðmanna, og vildi haga þeim
fremur eptir reknetjaveiðum þeim, er tíðkast meðal Hollend-
inga. Amaðist hann heldur við vistum Norðmanna hjer við
land, en ijet í veðri vaka, hvílíkur ósegjanlegur hagur væri fyrir
Dani að leggja betur stund á fiskiveiðar hjer á sumrum en