Tölvumál - 01.10.1988, Blaðsíða 19

aðferð er OSI-líkanið. Nú er ISO að vinna að líkönum fyrir APP (Appli-
cation Portability Profile), hugbúnaðargerð (Software development
reference model) og tölvugrafík (Reference model of computer graph-
ics). Þessi líkön gætu hvert um sig haft svipuð áhrif á sínu sviði og
OSI hefur nú á tölvusamskipti.
Haltu þig í fjarlægð ef þú þorir
Getum við þá setið og beðið eftir að staðlarnir komi upp í hendurnar
á okkur? Ekki aldeilis, og allra síst á sviði sem er í jafn örri þróun
og upplýsingatæknin er. Ef við látum aðra um að færa okkur staðlana
á silfurfati, getum við allt eins hætt að rembast við eigin framleiðslu
vél- og hugbúnaðar. Við bíðum bara þangað til við getum keypt tilbúnar
lausnir erlendis frá.
Þetta væri að sjálfsögðu óðs manns æði. Við íslendingar erum nú svo
gáfaðir að við ættum að geta framleitt okkar hugbúnað og að einhverju
leyti vélbúnað sjálfir. Þetta krefst þess að við fylgjumst vel með,
ekki síst alþjóðlegu stöðlunarstarfi, og tökum virkari þátt í mótun þess.
Þegar kosið er um alþjóðleg staðlafrumvörp vegur atkvæði íslands að
vísu ekki þungt, en staðallinn getur engu að síður orðið meira eða
minna bindandi fyrir okkur. í þeim vinnuhópum sem semja þessi
frumvörp er hins vegar auðvelt að koma að réttmætum rökum. Sjónarmið
okkar koma ekki fram nema við tökum þátt í starfinu.
Það er sjaldgæft að vel unnin frumvörp séu felld, og þær breytingar
sem verða frá fyrstu drögum til samþykktar, eru sjaldan mikilvægar
tæknilega séð. Það líður oft langur tími frá samningu staðlafrum-
varps til útgáfu þess sem staðals. Þennan tíma er hægt að nota til
að þróa búnað sem samræmist hinum væntanlega staðli, og hasla sér
þannig völl á innlendum sem erlendum markaði. Þeir sem fylgjast vel
með staðlaþróuninni fá þannig forskot á vöruþróun.
Hvernig förum við að?
UT-staðlaráð er samræmingaraðili fyrir stöðlun i upplýsingatækni á
íslandi. Þar sitja fulltrúar allra helstu hagsmunaaðila, og ráðið hefur
nú fengið starfsmann til að framfylgja ákvörðunum sínum, kynna staðla,
ráðleggja varðandi notkun staðla, og gæta hagsmuna okkar í erlendu
UT-staðlastarfi. Þetta er hiklaust sá aðili sem fyrirtæki og stofnanir
ættu að leita til varðandi UT-stöðlun yfirleitt, og eru þau hér með
hvött til þess.
19 TÖLVUMAL