Tölvumál - 01.07.2001, Blaðsíða 3

Tímaril Skýrslutæknifélags íslands
• E • F • N • 1 •

Frumkvöðlasetrið J Eggert Þór Bernharðsson J
Rafrænn heimsmarkaður með ebXML Q Stefán Jón Friðriksson
•Net Glsu Rafn Ólafsson 13
Vinnsla persónuupplýsinga Guðbjörg Sigurðardóttir 15
UT-skólar og dreifinám 18
JÓNA PÁLSDÓTTIR
Af CeBIT Einar H. Reynis 23
Er loftið hættulegra en vírinn? SlGURÐUR HJALTI KRISTJÁNSSON 27
Frá Orðanefnd SlGRÚN HELGADÓTTIR 30
Ráðstefnur og sýningar 36
ISSN-NÚMER:
1021-724X
Efnið í blaðinu að þessu sinni kemur víða að og endurpeglar
gróskuna sem er innan upplýsingatækninnar. Vert er að benda á
grein sem fjallar um öryggismál í þráðlausum tölvunetum en að
lokinni ráðstefnu félagsins um þau net létu margir í Ijós áhuga á
frekari umfjöllun um það efni. Einnig er hér að finna grein um rafræn
viðskipfi byggð á ebXML en XML tæknin hefur verið mjög í sviðsljós-
inu og er að breiðast út á mörgum sviðum.
Ef hægt er að tala um þráð í blaðinu er hann um mikilvægi
staðla. Daglegt líf mótast meira og minna af þeim og koma við sögu
á ólíklegustu stöðum. Einfalt atriði eins og þegar vagn er tengdur við
bifreið með dráttarkúlu byggir á alþjóðlegum ISO staðli sem segir til
um hvað þarf til að smíða kúluna og beislið svo þetta Ivennt geti
mæst og unnið saman á snurðulausan hátt. Staðallinn er viðmið fram-
leiðandanna og notendurnir ganga út frá því sem vísu að hægt sé
að tengja undantekningarlaust allar bifreiðar við allar fegundir
vagna, og finnst það sjálfsagt. Kjarni málsins er að leikreglurnar eru
á hreinu þökk sé óháðum staðli og allir njóta góðs af en leiðin að
settu marki getur verið þyrnum stráð.
An staðla er glundroði. Staðall tekur tækni á tilteknu þroskastigi
og frystir en iðnaðurinn fær fastan grunn til að byggja á og fram-
leiðendur hafa sömu tækifæri til að hasla sér völl á viðkomandi sviði.
Þegar um er að ræða tækni sem getur haft óteljandi margar sam-
setningar er nauðsynlegt að byggt sé á traustum, skýrt skilgreindum
grunni.
Innan upplýsingatækninnar eru staðlar fyrirferðamiklir og eru
afrakstur mikillar vinnu fólks um heim allan og sumt sem býr að baki
á sér áratuga langa sögu. Helsf hefur verið að því fundið á þeim
vettvangi að vinnan faki of langan tíma og nauðsynlegt væri að stytta
hann en á móti kemur að það er hálfu verra ef tíminn sem er ætlaður
í verkið reynist of knappur.
Blátönn mætti flokka undir einkastaðal sem framleiðendahópur
stendur að en tækninni er ætlað að gera marga flókna og ólíka hluti
en hefur tafist og yfirlýstum markmiðum ekki náð og viðbrögðin eru
eftir því. Voru aðstandendurnir of fljótir á sér? Neikvæð umræða gæti
núna orðið tækninni til tjóns ef það eina sem upp á vantar er að full-
vinna verkið án hörkulegrar athygli fjölmiðlanna og gefa þróuninni
lengri tíma.
Síðan eru dæmi þar sem klárlega er þörf á stöðlum. Þessu má sjá
stað á Netinu þar sem möguleikarnir til að skoða hreyfimyndir geta
byggt á ólíkri tækni. Hjá sumum er „staðall" eins framleiðanda tekinn
fram fyrir aðra og tiltekinn áhorfendahópur þar með útilokaður.
Fréttastofan CNN býður upp á þrjá kosti til að koma til móts við alla
en það gefur augaleið að þegar svo er ástatt fylgir því óhagræði.
Hér myndi alþjóðlegi staðallinn MPEG-4 einfalda stöðuná og tæknin
verða jafn þjál eins þegar vagn er tengdur við bifreið.
Einar H. Reynis
Tölvumál
3