Tölvumál - 01.07.2001, Blaðsíða 26

CeBIT 2001
eftir því sem tæknin breiðist út til almenn-
ings, hvort sem það boðar gott eður ei.
JPEG þjöppunartæknin fyrir ljósmyndir
er afar útbreidd svo sem í stafrænum
myndavélum og á Vefnum. Líkt og með
MPEG eru mörg mismunandi stig á
hversu mikið valið er að þjappa til að ná
niður umfangi mynda en það er á kostnað
gæðanna eftir því sem lengra er gengið.
Það sem kalla má hefðbundið JPEG notar
stærðfræði sem skammstöfuð er DCT en
með henni er myndin greind í blokkir sem
hver um sig er ákveðið margir dílar svo úr
verður eitt gildi en hefur þann ókost að
þegar á annað borð er búið að þjappa
myndinni saman er ekki hægt að endur-
heimta það sem var fjarlægt. Rýrnunin er
varanleg. Margir kannast við það af Vefn-
um að velja má að skoða sömu myndina
með mismikilli þjöppun og þannig er
komið til móts við þá sem hafa mishraðar
fjarskiptalínur.
JPEG2000 er ætlað að bæta þar um bet-
ur með því að beita annars konar stærð-
fræði á myndir en hefðbundið JPEG og
þannig ná stærðinni niður um 30% til við-
bótar án þess að það komi niður á gæðun-
um. Einnig hverfur sá annmarki að mynd-
in verði eins og samsett úr mörgum smá-
um „kössum“, litir verða betri og litaskil
skarpari.
En það sem skiptir hvað mestu máli er
að JPEG2000 er sveigjanlegra því beita
má þjöppun í rauntíma. Þegar mynd er sótt
gæti þjöppun í upphafi verið mjög mikil
en minnkað eftir því sem á líður og sá sem
er að taka við gæti stöðvað viðtökuna
þegar honum hentar. Einnig er bent á að
með þessari tækni mætti stækka myndina
til að skoða nánar einstaka hluta hennar.
Eins og nærri má geta boðar þetta betri tíð
fyrir þá sem eru með hæg gagnaflutnings-
sambönd og eins og með MPEG-4 vísað í
hversu þýðingarmikil tæknin er fyrir far-
símanet. Ekki nóg með það heldur hefur
verið sýnt fram á hvernig nota mætti
tæknina á röntgenmyndir en þær þurfa að
vera í mjög góðri upplausn. Myndaiðnað-
urinn hefur þegar tekið við sér og líst yfir
stuðningi við JPEG2000 og að fyrstu tæki
og tól verði fáanleg á næsta ári en flestar
núverandi myndavélar á markaðnum eru
ekki í stakk búnar til að ráða við þessa
þjöppunartækni því hún krefst meira
tölvuafls en eldri aðferðir.
Höfundur starfar hjá Landssíma Islands og er
ritstjóri Tölvumála
26
Tölvumál