Bókasafnið - 01.08.1974, Qupperneq 12

Elfa Björk Gunnarsdóttir
Bókaþjónusta við aldraða og fatlaða
Þróunin í bókasafnsmálum hefur verið sú,
að safnið hefur opnast meira og meira.
Starfsfólkið hefur leitað út fyrir veggi þess
til að ná til þeirra, sem geta ekki komið í
safnið. Þetta starf er í mörgu ólíkt því að
lána út bækur í safninu. Við förum til lán-
þegans í stað þess, að hann komi til okkar.
Hér er um að ræða bókasafnsþjónustu í
sjúkrahúsum, á dvalarheimilum, í heima-
húsum, í fangelsum og á vinnustöðum. Mun
ég fara hér nokkrum orðum um heimsend-
ingarþjónustuna.
Bókasafnsþjónusta við fólk í heimahús-
um hófst í Cleveland Public Library árið
1941. Er starfsemin þar afar víðtæk nú og
bókasöfn um allan heim hafa tekið hana sér
til fyrirmyndar. í Bandaríkjunum er þetta
kallað Shut-in service. Svíar urðu fyrstir
Norðurlandaþjóðanna til að koma á heirn-
sendingum bóka. Þeir skýrðu þjónustuna
Boken kommer og var hún hafin í Málmey
árið 1955. Reyndar var heimsendingarþjón-
usta skipulögð við Ludvika stadsbibliotek
áður.
Tala aldraðs og fatlaðs fólks eykst. Þjóð-
félagið hefur breyst. Fjölskyldurnar hafa
minnkað og halda ekki saman eins og áður
var. Þörfin er því meiri nú en áður fyrir alls
kyns þjónustu við aldraða og fatlaða, sem
búa heima, enda bendir margt til þess, að
menn vilji búa eins lengi og þeir geta á
heimilum sínum. I þjóðfélaginu, eins og
það er uppbyggt í dag, er maðurinn meira
einn og þörf hans meiri fyrir tómstunda-
sýslu, en hún þarf að vera bæði til fróðleiks
og skemmtunar. Það verður að berjast gegn
einangruninni og einmanafeikanum.
Slysin í umferðinni eru skuggahlið hins
mikla hraða og bílafjölda. Líf manns, ungs
eða gamals, gjörbreytist á augabragði. Af-
skræmi hraðamenningarinnar eru alls kyns
líkamleg og andleg fötlun, sem fólk fær að
búa við, það sem eftir er ævinnar. Hörmung
er til þess að vita, að menn skuli ekki bera
meiri ótta fyrir hinum vélknúnu tryllitækj-
um. Þeir stjórnast alltof oft af hraðanum í
stað þess að vera herrar yfir honum.
Eg er nú komin frá því efni, sem ég ætla
að ræða, en þetta stendur þó í beinu sam-
bandi við það.
Bókin heim
Síðast liðið vor var opnuð ný deild við
Borgarbókasafn Reykjavíkur. Hún hlaut
44