Bókasafnið - 01.01.1975, Síða 8

ófreistað að kynna notendum slíkrar þjón-
ustu þá möguleika, sem hér væri völ á.
Nú er það svo, að slík starfsemi sem
þessi verður ekki að réttu lagi skilin frá
starfsemi rannsóknarbókasafna, og því kom
sú hugmynd snemma upp, að NORDDOK
færði út kvíarnar og léti samvinnu rann-
sóknarbókasafna, að því leyti sem henni
yrði við komið, til sín taka. Á því varð
dráttur, ekki sízt vegna afstöðu Svía, er
völdu fulltrúa í stjórn NORJDDOK úr
hópi starfsmanna Sinfdok, þ. e. Statens rád
för vetenskaplig information och doku-
mentation, svo að þessi mál heyrðu þar
undir Iðnaðarráðuneytið, en hins vegar
Menntamálaráðuneytið í Danmörku, Nor-
egi og Finnlandi og fulltrúar þaðan í stjórn
NORDDOK voru jafnframt forsvarsmenn
aðalrannsóknarbókasafnanna í þeim lönd-
um.
Því var það, að svokölluð rannsóknar-
bókasafnaráð í löndunum fjórum, er ný-
lega höfðu verið stofnuð, komu 1972 á fót
svokallaðri samvinnunefnd norrænna rann-
sóknarbókasafna (á dönsku De nordiske
forskningsbibliotekers samarbeidskomité),
en nefndin hefur verið skipuð tveimur
fulltrúum frá rannsóknarbókasafnsráði
hvers hinna fjögurra landa um sig, og er
formaður eitt ár í senn frá hverju.
Nefnd þessi liefur verið allathafnasöm, og
hafa helztu viðfangsefni hennar verið:
1. Eldri viðfangsefni, svo sem Scandia-áætl-
unin, sem er eins og kunnugt er víðtæk
samvinna og verkaskipting milli nor-
rænna rannsóknarbókasafna um bóka-
öflun, Bibliothéque Nordique í París
(safn Norðurlandarita í París, bókaverðir
frá Norðurlöndum skiptast á að veita
safninu forstöðu), samvinna við SCON-
UL (Standing Conference of National
and University Libraries í Bretlandi) og
við Nordisk videnskabeligt bibliotekar-
forbund.
2. Önnur viðfangsefni, svo sem á sviði
flokkunar og skráningar, tölvunotkunar,
stöðlunar, vals á því upplýsingaefni,
sem dreift er. Þá fjallar nefndin um upp-
lýsingakerfi eða net, kerfi einstakra
landa, svo sem sænska Libris-kerfið o. s.
frv.
Hún undirbýr með samræmdum aðgerð-
um á Norðurlöndum þá alþjóðlega sam-
vinnu, sem stefnt er að með hinu svokall-
aða International Data Serial System.
Þá fjallar hún um norræna samskrá um
tímaritakost á Norðurlöndum, heljarmik-
ið verk, sem komið er á góðan rekspöl.
Ennfremur má nefna sameiginlegar
reglur um bókalán, samvinnu við British
Library Lending Division, lánamiðstöðvar
í einstökum löndum o. s. frv. Þá er sam-
vinna um bókasafnsbyggingar og búnað
þeirra, skýrslugerð, samræmingu tölulegra
upplýsinga um bókasafnsstarfsemina og
bókaútgáfu, tækniorð o. fl.
Þá vill nefndin greiða fyrir samvinnu
skyldra safna, svo sem þingbókasafna,
safna, er fást við sálfræði og uppeldisvísindi,
landbúnað o. s. frv.
Nefndin fylgist með þróun bókasafns-
mála á alþjóðavettvangi, undirbýr sam-
eiginlega ýmis mál, sem síðar verður fjallað
um í IFLA, UNESCO o. s. frv.
Nefndin hefur loks lagt til, að þessi starf-
semi öll verði lögð undir NORDDOK, þ.
e. að sú stofnun eða ný stofnun, er við taki
af henni, leysi nefndina af hólmi og þann-
ig verði sköpuð sem allra víðtækust og
öflugust samvinna norrænna rannsóknar-
bókasafna um þau mál, er sannanlega verði
betur leyst með sameiginlegu átaki.
Okkur ríður á að fylgjast sem bezt með
framvindu þessara mála, jafnframt því sem
við hljótum að taka virkan þátt í þessari
samvinnu, að svo miklu leyti sem við getum
þar orðið aðilar og þá bæði sem veitendur
og þiggjendur. Framh. á bls. 19.
8