Bókasafnið - 01.12.1983, Blaðsíða 18

Borgarbókasafns. Ég sótti um og fékk
starfið.
Hvernig sóttist þér námið og
hvernig líkaði þér bókavarðarstarfið?
Mér þótti starfið strax skemmtilegt
og það bætti upp það sem manni
leiddist við námið, sem getur verið
fremur þurrt á köflum. Nú var ég á
þrem vígstöðvum: hálfur bókavörð-
ur, dansmúsíkant í misjafnlega mik-
illi vinnu og í þriðja og síðasta lagi
nemandi. Sóttist mér því námið
fremur hægt og varð t.d. að taka mér
frí í eitt ár, er ég fór i fulla vinnu í
músíkinni og% vinnu í safninu, enda
stóð ég í íbúðarkaupum. Um það
leyti sem menn voru farnir að hvísla
,,eilífðarstúdent“ lauk ég námi með
bókmenntafræði sem aukagrein, en
ég verð að viðurkenna að mér þóttu
þau fræði öllu skemmtilegri en bóka-
safnsfræðin.
Viltu lýsa starfi þínu á Borgar-
bókasafni. Nú hefur þú alltaf verið á
sama stað. Hefurðu ekki áhuga á að
breyta til?
Mighefuraldrei langaðtil að vinna
annars staðar en í almenningsbóka-
safni, bæði af áhuga á þeim og af eig-
ingjörnum hvötum þ.e.a.s. til að eiga
auðvelt með að ná í skáldsögur, en án
þeirra gæti ég tæpast þrifist. Um það
leyti sem ég útskrifaðist var ég svo
heppinn að fá fasta stöðu í aðalsafni
Borgarbókasafns. Ég hef verið við-
loðandi við upplýsingaþjónustu
safnsins fyrst sem nemi í Bústaðaúti-
búi og síðan i aðalsafni. Annars hef ég
unnið öll þau störf, sem unnin eru í
safninu nema ég hef ekki keyrt stóru
bókabílana. Það voru ekki allirhrifn-
ir af hugmyndinni um upplýsinga-
þjónustu í byrjun og fór hún hægt af
stað. Nú dettur engum í hug, að hægt
væri að vera án hennar, enda er hún
orðin talsvert áberandi liður i starf-
semi safnsins. Ásókn framhalds-
skólanema er nú stundum heldur
mikil og skipulagslaus að okkar mati,
en með bættum skólasöfnum hlýtur
að koma að því að jafnvægi komist á.
Við segjum stundum eftir að hafa
nánast valið ritgerðarefni fyrir nem-
anda vegna þess að það var eina verk-
efnið, sem ekki var algjörlega von-
laust vegna skorts á heimildum, að nú
vanti bara að við skrifum ritgerðina
Iíka. Sífellt verður sá hópur sem not-
færir sér upplýsingaþjónustuna stærri
og íjölbreytilegri, t.d. blaðamenn og
aðrir fjölmiðlamenn, alls konar
grúskarar, fólk í sjálfsnámi, fólk í at-
vinnulífínu, — allir! Við fáum marg-
ar beiðnir frá útlöndum, bæði um
upplýsingar og millisafnalán. Við
erum smátt og smátt að byggja upp
úrklippusafn til að geta þjónað lán-
þegum okkarbetur.
Hvað heldur einkum í þig í starf-
inu?
Ég held ég nenni ekki að vinna
neina aðra vinnu. Eins og ég sagði
áðan, þá er þetta nokkuð skemmti-
legt og fjölbreytt starf. Ég vil samt
ekki ráða mérof mikið sjálfur, því þá
gæti maður lent í því að vera með
vinnuna á heilanum jafnt nætur sem
daga.
Að lokum: Eitthvað minnisstœtt
atvik.
Ekki gott að segja. Bókabíll ók upp
á gangstéttarkant og hillurnar öðrum
megin tæmdust. Við óðum bækurnar
upp í hné og þurftum að raða þeim 1
hillur áður en við komum á næstu
stoppistöð. Sultumálið kannski?
Hringt var utan af landi og beðið
um uppskrift af „fínni“ plómusultu.
Eftir klukkutíma árangurslausa leit
hringdi ég í Húsmæðrakennaraskól-
ann þar sem leyst var greiðlega úr
málinu. Ég man ekkert gáfulegt, þetta
hefurveriðfremurtíðindalaust. ..
Hugtök og heiti í
BÓKMENNTAFRÆÐI
Viðburður í íslenskri bók-
menntaumræðu
Hugtök og heiti
í BÓKMENNTAFRÆÐI
Hvað er dulhyggja? Hvenær kemur orðið
Fílabeinsturn fyrst fyrir? Hvernig er íronía í
skáldskap skilgreind? Hvaö var kallað ofljóst?
HUGTÖK OG HEITI í BÓKMENNTAFRÆÐI er
uppsláttarrit með riflega 700 greinum, gefið út í
samvinnu við Bókmenntafræðistofnun Háskóla
íslands. Ómetanleg bóköllum þeim sem unna
bókmenntum og fást við þær.
Mál IMI og menning
Laugavegi 18 'Sími: 15199-24240 I I Pósthólf 392 121 Reykjavík ■ ísland
18
BÓKASAFNIÐ