Bókasafnið - 01.04.1993, Side 56

Veðrið. Vaka/Helgafell, 1987. Páll Bergþórsson þýddi.
Bók þessi er skrifuð með börn og unglinga í huga. Bókin
útskýrir á auðveldan hátt allt það sem þarf að vita um
veðrið. Hún greinir frá öllum táknum sem sýnd eru á
veðurkorti í sjónvarpi. Einnig útskýrir hún öll orðtökin
sem notuð eru um veður.
ANNAÐ EFNI
Cohen, Leonard. Blá fiðrildi (ljóð). Reykholt, 1989.
Guðmundur Sæmundsson þýddi.
Leonard Cohen er heimsfrægur söngvari og tónlistar-
maður. I þessari ljóðabók fáum við að kynnast nýrri hlið
á honum. I henni er úrval ljóða sem hann hefur samið
allt frá árinu 1956 til dagsins í dag.
Ég elska þig. Forlagið, 1990.
Níu sögur um æsku og ástir, skrifaðar af íslenskum höf-
undum. Skemmtilegar sögur sem lýsa fyrsta fálmi unga
fólksins á ástarbrautinni, augnatillitum, kossum, boðum
og bönnum - og fá jafnvel suma til að roðna.
Gunnlaugur Guðmundsson. Stjörnumerkin. Iðunn,
1990.
I hvaða stjörnumerki ert þú? I þessari bók er umfjöllun
um öll stjörnumerkin og pláneturnar. Þekktir Islending-
ar eru teknir fyrir og þeim lýst út frá stjörnspeki.
Silja Aðalsteinsdóttir og Asbjörn Morthens. Bubbi.
MM, 1990.
I ævisögu sinni segir Bubbi Morthens frá stormasömu
lífi frá barnæsku til þrítugsaldurs. Bókin er prýdd fjölda
ljósmynda, mikið af textum er birt og á jöðrum eru til-
vitnanir úr blaðaviðtölum. Aftast eru skrár.
Steinunn Eyjólfsdóttir. Bókin utan vegar (ljóð). Bók-
rún, 1989.
Bókin hefur að geyma ljóð ort í minningu sonar höf-
undar sem lést af slysförum tvítugur að aldri. Ljóðin
fjalla um lífið og tómleika. Þau hitta beint í hjartastað og
eiga erindi til allra.
Stéphanie. Súrar gúrkur og súkkulaði. MM, 1991.
Guðlaug Guðmundsdóttir þýddi.
Óvenjuleg bók, skrifuð af 13-14 ára stúlku um hugrenn-
ingar hennar. Hún segir frá glímu sinni við lífið, sam-
bandi við foreldra sína, skólasystkini, vinkonuklíkuna og
köttinn Garfúnkel. Hún lýsir á einlægan hátt tilfinning-
um sínum, gleði, sorg, örvæntingu og ýmsum uppgötv-
unum sem gjarnan fylgja gelgjuskeiðinu og kynþroskan-
um.
Stoppard, Miriam. Stelpnafræðarinn. Iðunn, 1987.
Anna Ólafsdóttir Björnsson þýddi.
Þetta er bók sem svarar flestum þeim spurningum sem
vakna á unglingsárum stúlkna um þær sjálfar og um-
hverfi þeirra. Þetta er gott uppflettirit og ættu piltar
einnig að glugga í bókina, þar er að finna ýmislegt sem
þeir þurfa einnig að vita.
Bókalisti þessi var gerður í samvinnu fjögurra bókasafns-
fræðinema á námskeiði hjá Sue Sherif: Bókasafnsþjón-
usta fyrir unglinga.
Listinn er ekki tæmandi yfir þær bækur sem okkur þóttu
áhugaverðar og vildum mæla með. Við tókum ekki með
gömlu meistarana eða þá höfunda sem eru til umfjöllun-
ar í grunnskólum og framhaldsskólum.
100 ára afmæli - Bókasafn Kjósarhrepps
ann 14. febrúar 1992 átti Bókasafn Kjósarhrepps 100
ára afmæli. Haldið var upp á tímamótin þann 15.
janúar sl. í Félagsgarðí í Kjós með myndarlegri menning-
ardagskrá. Guðný Ivarsdóttir bókavörður sagði frá
stofnun og sögu bókasafnsins. Séra Gunnar Kristjánsson
á Reynivöllum flutti cigið efni, Þórarinn Eldjárn las úr
smásagnasafni sínu Ó fyrir framan og ljóðabókinni Óð-
fluga og Elsa Waage söng listavel íslensk
þjóðlög og lög úr óperum.
Hinn 14. febrúar 1892 var stofnað á
Reynivöllum Bræðrafélag Kjósverja. Á
þessum árum var mikil félagsleg vakning
víðast hvar á landinu. Ungmennafélög
voru stofnuð og í kjölfar þeirra ýmis önn-
ur félög, svo sem fjölmörg lestrarfélög.
Bræðrafélagið átti að efla bróðurhug og
eindrægni, og sinna fræðslu og menning-
armálum, þ. á m. að efla lestur bóka. Einn
af stofnendum félagsins og jafnframt fyrsti
formaður þess var Eggert Finnsson á
Meðalfelli.
Bræðrafélag Kjósverja var formlega lagt
niður árið 1978 af þáverandi formanni, Oddi Andréssyni
á Neðra-Hálsi, og varð hann fyrsti formaður nýrrar
bókasafnsnefndar. Samkvæmt lögum félagsins voru eigur
þess afhentar hreppnum, bækurnar þar meðtaldar. Áður
hafði bókasafnið verið flutt í Ásgarðsskóla, þar sem það
er enn til húsa. Bókasafn Kjósarhrcpps hefur uppfrá því
verið í umsjá bókavarðar og bókasafnsnefndar. Núver-
andi bókavörður er Guðný ívarsdóttir, og
í stjórn eru Kristján Oddsson, formaður,
Neðra-Hálsi, Bergþóra Andrésdóttir
Kiðafelli og Ólafur Þ. Ólafsson Valda-
stöðum. Tvö verkefni stjórnar hafa verið
útgáfa á myndbandi sem á er gömul kvik-
mynd um bæi og ábúendur í Kjós og und-
irbúningur að endurútgáfu á bólcinni
Kjósarmenn eftir Harald Pétursson.
Héraðsbókasafn Kjósarsýslu er miðsafn
í sýslunni og á að þjóna söfnum í Kjós og
á Kjalarnesi. Hafa samskiptin gengið nteð
ágætum.
Guðný ívarsdómir bókavörður
56