Dagur - 21.02.1998, Blaðsíða 16

32 - LAUGA RDAGUR 21. FEBRÚAR 1998
ro^tr
LÍFIÐ t LANDINU
JÓHANNESAHSPJALL
Af kynlííi
bifreiða
Þekkingu manna
eru takmörk sett.
Flestir vita fátt
um flest og fleiri
vita minna en
ekki neitt um
meira og minna
allt. Þetta er
ekkert til að
skammast sín
fyrir. Mannsævin
dugar ekki til innbyrða nema Iít-
ið brotabrot af heildarþekkingu
heimsins og yfirleitt beinist
þekkingarleit manna að áhuga-
sviðum þeirra, og verða sumir
sérfræðingar á sfnum. sviðum en
aðrir fáfróðari. Eins og dæmin
sanna.
Eg t.d. veit harla Iítið um
mest og hef ekki stórar áhyggjur
af. En sjálfsagt er vanþekking
mín hvurgi yfirgripsmeiri en á
veröld bifreiða. Ég veit svona
álíka mikið um bíla eins og um
launhelga kynlífssiði Strok-
hamushu ættbálksins sem á sín-
um tíma setti svip sinn á tiltekið
skóglendi einhvers staðar á
Amazonsvæðinu. Eg veit ekki
einu sinni hvort þessi ættbálkur
var yfirleitt til.
10 ára ökiuiám
En eins og flestir sem nú eru á
dögum kemst ég ekki hjá lág-
marksbrúkun eða umgengni við
bifreiðar. Eg Iærði á sínum
tíma að aka bifreið og varð það
10 ára nám, sem ég hóf 17 ára
gamall og lauk á 27. aldursári.
En sjálfum mér til málsbóta tek
ég fram að ég stundaði ökunám-
ið ekki samfellt á þessum tíma.
Neyðin kenndi mér einnig að
skipta um dekk á bíl, en dekkj-
anna umfelgan lukkaðist reynd-
ar ekki vel við fyrstu púnkter-
ingu, því ég snaraði sprungna
dekkinu af, skutlaði því undir
aftur og ók af stað jafn púnkter-
aður og áður.
Það gefur líka auga leið að
fyrirbæri á borð við bíl, sem
maður þekkir hvorki haus né
sporð á (húdd og skott á?) og
ber því ekki verulega heitar til-
finningar til, á það á hættu að
verða vanræktur ef ekki beinlín-
is misnotaður af manni. Enda
var það einu sinni sem oftar er
ég kom með Löduna mína á
verkstæðið ósmurða, óþvegna,
óbónaða og ó - ég veit ekki
hvað, þá Ieit viðgerðarmaður
með blíðlegri hluttekningu á
bílinn, en hatursfullt á mig, rétt
eins og móðir á barnaníðing og
hvæsti: „Menn eins og þú eiga
ekki skilið að eiga bíl.“
Bílalitteratúr
Það liggur í hlutarins eðli að
þegar samband manns við
bílinn sinn er ekki nánara en
hér greinir, þá Iiggur maður
ekki beinlínis í bílalitteratúr alla
daga. Reyndar verður ekki þver-
fótað fyrir bílatímaritum, grein-
um um bílgreinar í dagblöðum
og bifreiðabókum af ýmsu tagi.
En yfirleitt Iæt ég allt þetta
fram hjá mér fara enda botna ég
ekkert í því hvað verið er að
fjalla um. Veit í mesta Iagi að
þegar menn skrifa að Toyota sé
betri en Lada, þá eru þeir hugs-
anlega bara að „plada“ eins og
þeir bera það víst fram fyrir
sunnan.
En fyrir einskæra tilviljun þá
rak á fjörur mínar í vikunni
heilmikið bílablað með DV, og
þar sem ég hafði verið heldur
leiðinlegur við konuna mína fyrr
um daginn og hranalegur við
vinnufélaga og því í vægu ma-
sókismakasti, þá ákvað ég að
refsa sjálfum mér með því að
Iesa þetta blað í heild sinni.
Og hafði, merkilegt nokk,
nokkra ánægju af.
Areksbolli
Það sem kom mér mest á óvart
var að bílaskríbentar skrifa
meira og minna á íslensku og
eru búnir að temja sér orð um
öll fyrirbæri sem fyrirfinnast í
einni bifreið og þau eru mörg. í
sjálfu sér kom þetta allt mér ná-
kvæmlega jafn spánskt fyrir
sjónir og áður, þó á íslensku
væri. En ekki er annað hægt en
að virða viðleitni þeirra sem um
bíla véla í ræðu og riti fyrir
tryggð þeirra við hreintungu-
stefnuna.
Þarna kom m.a. fram að „kag-
aður öxull er ekki lengur vanda-
mál því nú eru komnar fram öx-
ulslífar undir ásþétti."
Ennfremur var að finna þarna
greinargóðar upplýsingar um
fyrirbæri á borð við “áreksbolla,
einbunuvélar, elgsprófið, loft-
Ijöðrun, skriðstilli, tímareima-
strekkjara, kóningatæki,
kveikjuheila, innsprautunar-
spíssa, þjapphlutfall, Iangstæðar
og þverstæðar vélar, spólvörn,"
og fleiri feikilega merkileg og
fyrir mér dulræn fyrirbæri.
Það er ákaflega virðingarvert
hjá bifreiðarithöfundum að rita
nær eingöngu á ástkæra ylhýra
málinu, þegar erlend hugtök
hljóta að vera einkar nærtæk og
á hveiju strái þegar íjallað er
um bíla. Ég er að hugsa um að
styðja þetta átak og semja Iangt
Ijóð um dulin tengsl lands og
þjóðar við einbunuvélar og ás-
þétta.
P.s. Þið fyrirgefið vonandi að
ég hef ekki minnst á kynlíf í
þessum pistli. Eg setti kynlífið
bara inn í fyrirsögnina til að-
fleiri en áhugamenn um bfla
Iæsu þetta.
Jóhannes
Sigurjónsson
skrifar