Dagur - 08.04.2000, Blaðsíða 11
MATARGATIÐ
LAUGARDAGUR 8. APRÍL 2000 - 27
„AÖ bera eintómar kökur á borð finnst mér
svipað og að bera eingöngu áfenga drykki á
borð þegar fullt er af óvirkum ölkum og
öðru bindindisfóiki á staðnum, “ segir Guð-
rún Þóra Hjaltadóttir næringarfræðingur
mynd: hari
Veisla
fyrir
sykursjúka
Þegar fermingarveisl-
urnar eru undirbúnar
getur þurft að taka tillit
til einhverra sem þjást
af sykursýki. Við leituð-
um til Guðrúnar Þóru
Hjaltadóttur næringar-
fræðings sem þekkir
slík vandamál af eigin
reynslu og lét hún okkur
í té ráðleggingar og
uppskriftir.
Sé matarboð í uppsiglingu er Iítil
hætta að sykumeyslan verði óhóf-
leg. Þá er það helst eftirrétturinn
sem þarf að spá í. Málið vandast
hinsvegar þegar kaffiveisla er
annars vegar. Það sem mér finnst
skipta máli, ekki bara í fermingar-
veislum heldur öllum öðrum
kaffiboðum er að alltaf sé eitt-
hvað ósætt á borðum. Brauðrétt-
ur, snittur eða ostar og kex. Þeir
eru fjölmargir sem verða að snið-
ganga sætindi af einhverjum or-
sökum og svo eru ekki allir sem
vilja sætar kökur, jafnvel þótt þeir
hafi engin sérstök heilsufarsleg
vandamál. Því er mjög mikið
atriði að fólk hafi val. Að bera ein-
tómar kökur á borð finnst mér
svipað og að bera eingöngu
áfenga drykki á borð þegar fullt
er af óvirkum ölkum og öðru
bindindisfólki á staðnum.
Kolvetnin skipta öllu máli
Svo við snúum okkur að veislu
fýrir sykursjúka er vert að hafa í
huga að það eru alltaf kolvetnin í
fæðunni sem skipta máli og þau
eru ekki bara í sykri heldur Iíka í
ósætu brauði, kexi og ávöxtum.
Sykursjúklingar eiga að fá ákveð-
ið kolvetnamagn í hverri máltfð
og á hverjum degi og þurfa að
taka tillit til þess því flest telur,
annað en grænmeti, fiskur og
kjöt. Maður verður að hafa aug-
un opin því allt kolvetni hækkar
blóðsykurinn, bara misjafnlega
hratt og hvítur sykur hækkar
hann mjög hratt. Ekki má gleyma
því að fylgikvillar sykursýki hjá
eldra fólki eru hjartasjúkdómar
og þá er fitan jafnslæm sykrin-
um. Ostakökur er hægt að búa til
með gervisykri og Hermezetas
strásætu er hægt að nota í vissan
bakstur. Þá notar maður bolla af
henni í stað bolla af sykri, mat-
skeið móti matskeið. Vigtar ekki,
heldur mælir. Strásætuna getur
maður notað í þeytt krem og ís
en ekki í marengs eða kökur
nema á móti sykri. Auðvitað deyr
enginn þótt hann syndgi svolítið í
einni fermingarveislu en hér eru
uppskriftir að góðgæti sem upp-
lagt er að bera á borð fyrir þá
sem þurfa að passa upp á blóð-
sykurinn.
Ávaxtasalat iyrir 6
5Ö0 g jarðaber
I hunangsmelóna meðalstór
4 kiwi
Lögur:
2 msk. sítrónusafi
2 msk. kalt vatn
'A tsk. fljótandi sætuefni
Skerið jarðaberin í tvennt eða
femt eftir stærð berjanna. Sker-
ið melónuna í tvennt, fjarlægið
kjarnann og skerið melónukjötið
í bita. Afhýðið kiwiávöxtin, sker-
ið í 4 báta og skerið bátanna í
sneiðar.
Blandið öllu varlega saman og
hellið leginum yfir. Kælið.
Vetrar- ávaxtasalat fyrir 6
2 rauð meðalstór epli
2 meðalstórar appelsínur
1 lítil dós niðursoðinn ananas
í eigin safa (227 g)
1 lítill banani
10-12 blá vínber (60 g)
___________Lögur:______________
1 dl appelsínusafi
1 msk. sítrónusafi
'á tsk. fljótandi sætuefni
Skolið eplin, fjarlægið kjarn-
ann og skerið í bita. Afhýðið
appelsínurnar og bananann og
skerið í bita. Hellið safanum af
ananasnum og skerið hringina í
Iitla bita. Skolið vínberin skerið í
tvennt og fjarlægið steinana.
Blandið öllum ávöxtunum sam-
an í skál nema vínberjunum.
Hrærið saman appelsínu- og
sítrónusafa og sykrið eftir
smekk. Hellið safanum yfir
ávextina og setjið vínberin ofan
á. Kælið.
_________Mokkaterta____________
100 g smjörlíki
1 dl (90 g) sykur
2 tsk. fljótandi sætuefni
2 eggjarauður
3 dl (180g) hveiti
2 msk. kakó
2 tsk. lyftiduft
1 tsk. vanilla
1 dl kalt sterkt kaffi
2 eggjahvítur stífþeyttar
30 g hnetukjarnar, saxaðar
___________Krem________________
2 blöð matarlím
1 msk. maisena
1 msk. kakó
1 'A dl kaffiijómi
1 eggjarauða
/ dl sterkt kaffi
1 tsk. fljótandi sætuefni
1 eggjahvíta stífþeytt
Hrærið saman smjörlíki, sykur
og sætuefni þar til það er létt og
ljóst. Hrærið eggjarauðunum út
í einni í einu. Blandið hveiti og
kakó út í ásamt kaffi og vanillu.
Stífþeytið eggjahvíturnar og
blandið varlega saman við.
Hellið í smurt kringlótt mót (22
cm í þvermál). Stráið söxuðum
hnetunum yfir. Bakið neðst í
ofni við 175° C i 45 mínútur.
Skerið kökuna í tvennt og setjið
krem á milli.
Kremið
Leggið matarlímið í bleyti í
kalt vatn. Hitið saman í þykk-
botna potti maisena, kakó og
rjóma, blandið eggjarauðinni út
í hitið þar til þykknar. Hrærið í á
meðan. Takið pottinn af hell-
unni.
Takið matarlímsblöðin upp úr
kalda vatninu og bræðið það í
kreminu. Bætið að síðustu kaff-
inu og sætuefninu. Kælið, hrær-
ið við og við. Þegar kremið er
orðið kalt bætið þá stífþeyttri
eggjahvítunni saman við. Kælið
kremið í kæliskáp. Smyrjið
kremið á neðri botninn og leggið
efri hlutan ofan á. Sprautið hlið-
ar kökunnar með þeyttum rjóma
ef vill.
Heitur brauðréttur
Hveitibrauð eða heilhveitibrauð
200 g ekta skinka
- raftaskinka - góð
1 dós grænn spergill í bitum
(stór dós)
200 g léttsteiktir sveppir
í sneiðum
200 g pizzaostur
____________Lðgur_____________
1 'A dl spergilsoð
2 dl rjómi
____________2 egg_____________
Season all
Skerið skorpuna af brauðinu,
raðið brauðsneiðunum þétt í
eldfast mót, skerið skinkuna í
teninga og raðið yfir brauðið,
ásamt sperglinum og sveppun-
um. Sláið eggin í sundur með
gaffli og blandið rjóma og soði
saman við. Kryddið. Hellið leg-
inum yfir brauðið. Brauðið á að
blotna, ef mótið er of stórt þarf
að auka löginn. Stráið osti yfir
og bakið við 170° C í 40-50
mín (ekki í blæstri)
Skyrterta
1 bolli mulið hafrakex
3 msk. sykur
3 msk. brætt smjör
Blandið saman kexmylsnu,
sykri og smjöri. Setjið í botn á
lausbotna kringlóttu formi. Bak-
ið í 5 mínútur við 225° C.
Kælið.
Fylling
2 eggjarauður
1 'A bolli strásæta
80 g smjör
500 g skyr
1 'A msk. sítrónusafi
2 eggjahvítur
A lítri rjómi
8 blöð matarlím
1 tsk. vanilla
Leggið matarlímið í bleyti í
kalt vatn. Hrærið saman skyri,
strásætu, smjöri, vanillu, eggja-
rauðum og sítrónusafa. Bætið
stífþeyttum eggjahvftunum og
þeyttum rjómanum út í. Bræð-
ið matarlímið í vatnsbaði og
hellið varlega út í hræruna.
Hellið fyllingunni yfir kaldan
botninn. Kælið. Skreytið að
vild.
-GUN.