Dagur - 20.01.2001, Blaðsíða 10

70 - LAUGARDAGUR 20. JANÚAR 2001
Á Arnarstapa með sonunum Finni Torfa Þor-
geirssyni og Hauki Björvinssyni. Anna Mar-
grét er bak við myndavéiina
kirkjunnt þeirri arna.
i/estfirðirnir eru eitt af þvi sem
)gir þau saman, Þorgeir og Onnu
Vlargréti. Hér eru þau stödd að
I átrnm.
Þorgeir og Anna Margrét með Skjaldbreið í baksýn

Kynntust gegnum vinnuna
Það er ekki bara ástin sem
tengir þau saman, hjónin Önnu
Margréti Guðjónsdóttur og
Þorgeir Ólafsson heldur einnig
atvinnan og áhugamálin. Bæði
sinna þau menningu og listum,
hann fýrir ríkið og hún fyrir
borgina og tómstundaiðjan er
á menningarlegum nótum líka.
„Við kynntumst árið 1996 og giftum okkur
ári síðar,“ segir Þorgeir og bætir við: „leiðir
okkar lágu saman gegn um vinnuna." Þau
segjast meðal annars hafa starfað saman
að undirbúningi menningarborgarverkefn-
isins á sínum tíma." Þorgeir er sérfræðing-
ur hjá Lista-og safnadeild í menntamála-
ráðuneytinu en Anna Margrét sem undan-
farið hefur verið verkefnisstjóri þróunará-
ætlunar miðborgarinnar er að taka við
stöðu menningarfulltrúa borgarinnar.
„Þó er rétt að undirstrika að þótt leiðir
okkar liggi saman á opinberum vettvangi
þá erum við þar sem fulltrúar þeirra stofn-
ana sem við vinnum fyrir en ekki sem ein-
staklingar," segir Þorgeir. Anna Margrét
segir að auðvitað ræði þau hjón störf sín
ef'tir að heim komi og þótt þau séu ekki
endilega sammála um leiðir þá sé það
styrkur fyrir þau bæði að þau skuli fást við
svipuð málefni. „Það eykur þekkingu okkar
og víkkar sjóndeildarhringinn að kynnast
sjónarmiðum hvors annars,“ segir hún.
Anna Margrét segir hluta af starfi henn-
ar hjá Borgarskipulaginu hafa tengst
verndunarmálum og það sé meðal þess
sem Þorgeir hafi með að gera hjá ráðu-
neytinu. „A ferðum okkar um Iandið þræð-
um við söfn og sérkennilega staði því við
höfum söniu áhugamál - íslenska náttúru,
menningararf og listir," segir hún. „Já og
þegar við ferðbúumst erurn við yfirleitt
með fullan kassa af bókum og lesum okkur
til um þá staði sem við heimsækjum hverju
sinni,“ bætír Þorgeir við.
Perlurnar á sundunum
I verklýsingu Önnu Margrétar sem menn-
ingarfulltrúa kemur fram að hún verði að-
stoðarmaður og staðgengill menningar-
málastjóra, Signýjar Pálsdóttur og meðal
verkefna verði menningartengd ferðaþjón-.
usta í evjunum á sundunum. Hvernig líst
henni á? „Vel, megináherslan verður á að
koma upp einhverri starfsemi eða viðburð-
um sem hvetur fólk til að heimsækja þess-
ar perlur okkar. Þar eru ýmiss konar
menningar- og fornminjar enda eru eyjarn-
ar allar friðaðar og á náttúruminjaskrá.
Þetta verður því svolítið vandasamt. Auk
þess vill svo skemmtilega til að langa-
langafi minn var fæddur í Þerney. Faðir
hans var bóndi þar og vefari. Það gerir
verkefnið enn áhugaverðara fyrir mig“
Vestfiröirnir tengja þau
Anna Margrét var ferðamálafulltrúi borg-
arinnar í nokkur ár og þá kveðst hún hafa
lagt mikla áherslu á að kynna menningarlíf
borgarinnar og efla menningartengda
ferðaþjónustu. Þorgeir segir þar nánast
hafa verið um nýmæli að ræða. „Fram á
síðasta áratug var nánast aldrei minnst á
menningarmál í sambandi við ferðaþjón-
ustu og lengi vel sást varla bregða fyrir
fólki á kynningarefni frá íslandi, þar var
bara landslag, kindur og hross. A síðustu
árum eru menn allt í einu farnir að sjá
þessa tengingu milli ferðamennsku og
menningarmála og nú er blússandi upp-
bygging um allt land og menn farnir að líta
á menningarmál sem atvinnumál“. Anna
Margrét tekur undir það og segir mannlíf
og menningarlíf á íslandi svo fjölbreytt að
ferðamenn komi hingað í æ ríkari mæli
einkum til að kynnast því. „Menningarlífið
á landsbyggðinni er ekki síður áhugavert
en í borginni," segir hún og kveðst hafa
kynnst því vel á Vestfjörðum þar sem hún
var ferðamálafulltrúi í nokkur ár. „Það var
ofsalega gaman fyrir vestan. Mikil saga og
menning í hverjum fírði." Anna Margrét
segir Vestfirðina eitt af því sem tengi þau
Þorgeir því hann sé ættaður þaðan og hún
þekki þar vel til. „Og saman höfum við
með ýmsum hætti lagt okkar að mörkum
til að efla menningarlífið þar.
Láta gott af sér leiða
Fleiri verkefni á sviði menningarmála
dunda þau hjón sér við í frístundum. Síðast
liðið haust komu hingað dönsku lista-
mannahjónin Jörgen Nash og Lis Zwick
fyrir þeirra milligöngu og sýndu í Listasafni
Reykjavíkur - Hafnarhúsi. „Við vorum í
sumarfríi í Danmörku fyrir tveimur árum og
fórum þá að rótast í þessu og nú erum við
að vinna að því að fá dóttur þeirra, Ceciliu,
þekkta leik- og söngkonu til að koma í vor
og halda tónleika í Norræna húsinu. Hugs-
unin hjá okkur er sú að láta gott af okkur
leiða og að fleiri fái að njóta þess sem við
höfum kvnnst," segir Anna Margrét. Þorgeir
tekur undir það og segir þessi gæluverkefni
líka tengjast áhuga hans á norrænu sam-
starfi sem hann telji afar þýðingarmikið fyr-
ir íslendinga. „Þar á ég einkum við rann-
sóknar-, menningar- og skólasámstarf,“ seg-
ir hann og kveðst hafa fengið sérstakan
áhuga á norrænni nienningu eítir að hafa
búið í Svíþjóð um árabil. Heimkominn hóf
Þorgeir störf seni dagskrárgerðarmaður á
ríkisútvarpinu, þaðan lá leiðin á Listasafn
Islands sem deildarstjóri og síðar í mennta-
málaráðuneytið.
Anna Margrét ólst upp í Garðahreppi
en segir móðurfólkið hafa verið Reykvík-
inga í marga ættliði og búið í miðborginni
og langafi hennar hafi setið í bæjarstjórn
Reykjavíkur. Hún tengist þvi miðborginni
sterkt. „En ég bý líka að því að hafa búið
og unnið úti á landi. Það nýtist mér vel og
í mínu nýja starfi sem menningarfulltrúi
borgarinnar hlakka ég til að eiga samstarf
við menningarfulltrúa á landsbyggðinni,"
segir hún.
Fimm börn og köttur
Talið berst að börnum þeirra hjóna sem
eru fimm talsins, frá fvrri hjónaböndum.
Þorgeir á tvær dætur, 28 og 19 ára og 1 1
ára son. „Eldri dóttir mín er búin að gera
mig að afa, hún á þriggja ára dóttur'' segir
hann brosandi. Anna Margrét á 17 ára
dóttur og 11 ára son. „Svo eigum við kött-
inn Kleópötru. Hún er okkar allra," segir
Anna Margrét hlæjandi. — GUN
„Það eykur þekkingu okkar og víkkar sjóndeiidarhringinn að kynnast sjónarmiðum hivors annars, “ segja
þau Þorgeir og Anna Margrét. - mynd: hari