Dagblaðið Vísir - DV - 14.12.1985, Side 7

DV. LAUGARDAGUR14. DESEMBER1985.
7
Einstæð heimildar-
mynd um Horowitz
„Fingur hans fljúga eftir nótna-
borðinu á stórfenglegan hátt þegar
hann vekur upp þá gleði sem fylgir
polonaise eftir Chopin."
Þannig kemst fréttamaður AP-
fréttastofunnar að orði þegar hann
lýsir heimsókn á heimili Vladimirs
Horowitz píanósnillings, þar sem
tveir nafntogaðir bræður, Albert og
David Meysles, eru að gera heimild-
arkvikmynd um hann.
„Það gerist bara“
Fréttamaður AP, Arthur Spiegel-
man, lýsir kvikmyndatökunni meðal
annars á eftirfarandi hátt: „Það fer
vel um Vladimir Horowitz, píanó-
snillinginn alkunna, í íbúð hans á
austurhluta Manhattaneyju, þar sem
tveir menn, sem gera heimildarkvik-
myndir, eru að festa hann á filmu svo
að komandi kynslóðir megi kynnast
honum. Þessir kvikmyndagerðar-
menn segjast þó lítið vita um sígilda
hljómiist. Þá skipuleggja þeir aldrei
kvikmyndatökuna. Þeir eiga sér
aðeins einkunnarorðin: „Það gerist
bara.“ Og það veröur ekki annað
sagt en það sé margt að gerast; stórt,
smátt og yndislegt, enda hefur kvik-
myndagerðarmönnunum tekist að
lýsa eðli og einkennum hljómlistar-
mannsins, hljómlist hans og mann-
legri hlið hans.“
Halda á kvikmyndavélunum
Meyslesbræður beita ekki við-
teknum aðferðum i gerð mynda
sinna. Þannig láta þeir kvikmynda-
vélarnar yfirleitt ekki standa á þrí-
fótum, heldur láta þær hvíla á öxlum
sér og nota þá sérstakan búnað sem
veldur því að vélarnar haggast lítið.
Þessi tækni hefur gert þeim kleift
að komast nær Horowitz en nokkrum
öðrum hefur tekist fram að þessu,
og er þá rétt að hafa í huga að hann
hefur verið lítt gefinn fyrir nálægð
kvikmyndatökumanna fram að
þessu. Spiegelman segir það ævintýri
líkast að sjá það sem fest hefur verið
á filmu á heimili listamannsins, því
að leikur fingranna á nótnaborðinu
sé slíkur að næstum megi telja þá
sjálfstæða leikara í myndinni.
Gleði og ánægja
Kvikmyndatakan er sögð hafa
vakið mikla gleði með Horowitz, og
er andlitið sagt lýsa henni „þegar
hann talar við kvikmyndavélarnar"
sem eru aðeins hafðar tvær til þess
að tæknibúnaðurinn verði ekki of
fyrirferðarmikill í íbúðinni.
Horowitz er nú 81 árs og kona hans,
Wanda, er 78. Hún er dóttir Arturo
Toscanini, hljómsveitarstjórans
fræga. Þau hafa verið gift í 52 ár.
Þykir kvikmyndatökumönnunum
hafa tekist að sýna nokkuð af því sem
einkennt hefur samskipti þeirra
hjóna á þessum fimm áratugum, en
þau hafa þótt nokkuð sérstæð á
stundum og verið mörgum, ekki síst
dálkahöfundum, umræðuefni.
Meyslesbræður hafa meðal annars
gert fræga mynd um Bítlana. Þar
kom óvenjuleg tækni þeirra vel fram.
Henni beittu þeir svo með enn betri
árangri er þeir gerðu mynd um mann
sem selur Biblíur, og nefnd var Sölu-
maðurinn. Þá gerðu þeir kunna
mynd um Bandaríkjaferð Rolling
Stones árið 1969.
- Þýð.: ÁSG
Beint leiguflug
Verö aöeins kr. 33.000.-
Nú er hægt að stytta skammdegið á viðráðanlegu verði
og njóta sólar og sumaryls i hinni fögru sólskinsparadis
Kanarieyja, Tenerife, þar sem rósirnar vaxa við gang-
brautir á miðjum vetri og sjórinn, sólskinið og skemmt-
analoftið er eins og fólk vill hafa það.
Þátttaka er heimil öllum fslendingum 60 ára og eldri.
Þátttöku þarf að tilkynna sem fyrst þar sem takmarkað
pláss er til ráðstöfunar. (En venjulegt verð fyrir 4ra vikna
ferð er um kr. 10.000,- dýrari en þetta tilboð).
Allar nánari upplýsingar á skrifstofu okkar.
Aðrar ferðir okkar:
Jólaferð: Landið helga - Egyptaland og London, 18. des.
19 dagar.
Kanarieyjar: Jólaferð 18. des. 2 dagar, 8 jan. 28 dagar,
5 febr. og 26. febr. 22 dagar. Páskaferð 19. mars 15 dagar.
FLUCFERÐIR
SOLRRFLUG
Vesturgötu 17, símar 10661,15331 og 22100
Hermann Ragnar
Stefánsson
skipuleggur
skemmtilega dvöl
fyrir ungt fólk yffir
sextugt og er fólki til aðstoðar ásamt öðrum fararstjórum.
Verslið þar sem
úrvalið er mest >
og kjörin best. Á
/ Munið okkar\
hagstæðu
greiðsluskilmá/a
OPIÐ í DAG
TIL KL. g
Glæsilegt úrval
af jólakonfekti.
ALLAR VÖRUR
Á MARKAÐSVERÐI
ALLTÍ
JÓLAMATINN
húsiö
NYTT! NYTT!
RITFANGADEILD
á annarri hæð.
Barnagæsla frá kl. 10-18
á annarri hæð.
VISA
Jon Loftsson hf.
Hringbrauf 121 Simi 10600