Dagblaðið Vísir - DV - 11.10.1986, Blaðsíða 15

LAUGARDAGUR 11. OKTÓBER 1986.
59
Iklædd röndóttum silkikjól sat Raisa við hlið YSL og horfði með athygli á
sýningarstúlkurnar iklæddar nýjustu Parisartiskunni. Þetta var í byrjun okt-
óber á síðastliðnu ári.
Parisarborg lagðist flöt að fótum hinnar rússnesku Raisu. Hérna er hún í heimsókn hjá tískukónginum Yves Sa-
int Laurent í tískuhúsinu við Avenue Marceau.
Fundað í
fataskápum
Hinn sovéski senuþjófur frá Gen-
farviðræðunum - Raisa Gorbatsjov -
verður einnig við hlið eiginmannsins
hér í Reykjavík. Nancy mætir ekki
og illar tungur segja bandarísku for-
setafrúna hreinlega ekki tilbúna i
aðra keppni við hina heillandi leið-
togafrú að austan.
Það var raunverulega pólitískan
sem var á toppnum í Genf þvi þar
var háð stílstríðið mikla með glæsi-
legum sigri Sovétmanna. Þeir eru
óðum að átta sig á mikilvægi þess
áð nýta tískuna sem vopri í áróðurs-
tækninni þannig að útlit leiðtoga
þykir á köflum ekki minna virði en
það sem í höfðinu leynist. Stórblöð
eins og Newsweek og Time birtu ítar-
legar fréttir af klæðnaðinum, allt frá
fótabúnaði upp í höfuðföt. Á köflum
virtist sem úrslit fundar leiðtoganna
tveggja væru ráðin i fataskápum eig-
inkvennanna.
Hér í Reykjavík verður aðeins ann-
ar fataskápurinn með í myndinni en
þess er að vænta að ekki verði Raisa
í vandræðum með að stela senunni
ef hún kærir sig um. Mánuði fyrir
Genfarferðina frægu fóru hjónin í
opinbera heimsókn til Frakklands
og þar lagði hún Parísarborg að fót-
um sér. Vesturlandabúar eru vanir
því að leiðtogar risans í-austri láti
sem allra minnst uppi um einkamál
sín fæstir hafa átt eiginkonur ef
undan er skilin ein heiðarleg undan-
tekning. Nikita Krúsjoff hafði sér við
hlið hina dæmigerðu rússnesku
móðurímynd - Nína Krúsjoff var
myndarkvenmaður sem virtist geta
leikið sér jafnt að erfiðisverkum og
grautargerð.
í Parísarferðinni bað Raisa um að
áætlun yrði breytt og hún fengi að
kynnast fatagerðinni í háborg tísk-
unnar. Menn komu af fjöllum því
ekki hafði verið búist við slíku fyrir-
fram en samstundis komið á sérstök-
um tískusýningum hjá Pierre Cardin
og Yves Saint Laurent.
„Þetta er stórgáfuð og sterk kona
Texti:
Borghildur Anna
með góðan fatasmekk," sagði Cardin
eftir sýninguna og Yves Saint Laur-
ent tók í sama streng. í heimsókn
hjá þeim síðarnefnda var henni færð
ilmvatnsflaska að gjöf - Paris var
tegundarheitið.
„Þið gerið líka ilmvatnið - það
stórkostlega Opium,“ sagði þá Raisa,
öllum til undrunar, og samstundis
var gerður út maður til þess að finna
eina slíka flösku líka. Hún var eftir-
læti pressuliðsins sem elti frúna á
röndum um alla borgina. 1 listsasöfn-
um kom hún fylgdarmönnum á óvart
með þekkingu á listum og hún
klykkti út með því að skreppa inn í
verlun og kaupa sér Cartierúr - með
allan skarann á hælunum. Þeir laun-
uðu henni þolinmæðina með því að
kaupa handa henni blóm að skilnaði
og er það nokkuð sem gerist ekki á
hverjum degi á þeim vígstöðvum.
Raisa er frábrugðin eiginkonum
leiðtoga vestra að því leyti að hún
hefur reynt að halda starfi utan
heimilisins. Til skamms tíma hefur
hún kennt marxísk fræði við
Moskvuháskóla. Þau hjónin eiga
dótturina Irina sem er sálfræðingur
að mennt. Hún er gift lækni sem
heldur sig vandlega utan fjölmiðl-
anna og á eina dóttur barna - hina
fimm ára gömlu Oksana sem oft sést
í fylgd með afa sínum og ömmu.
Heilinn á bak við breytta ímynd
sovéska leiðtogans er sagður vera
fjölmiðlamaðurinn Aleksandr
Yakovlev. Hann var áður sendiherra
Sovétríkjanna í Kanada og kom þar
á óvart með óformlegri framkomu.
Frægt varð þegar hann rakst á for-
sætisráðherrann Trudeau baksandi
með barnahópinn sinn fyrir utan so-
véska sendiherrabústaðinn. Hann
bauð honum samstundis inn fyrir
til þess að snæða sunnudagsmáltíð-
ina með Yakovlevfjölskyldunni.
Trudeau þáði boðið.
Líklega er þess langt að bíða að
við sjáum leiðtoga Sovétríkjanna
kyssa smábörn af jafnmikilli atorku
og Bandaríkjaforsetar eru frægir fyr-
ir. Einnig er ólíklegt að Gorbatsjov
smehi nokkrum slíkum opinberlega
á Raisu hérna í henni Reykjavík. Það
er þó aldrei að vita - svo hratt fer
þróunin um þessar mundir. En þess
er þó altént að vænta að nærvera
Raisu létti örlítið yfirbragð viðræðn-
anna og vonandi að hún finni eitt-
hvað heimsóknarvert á klakanum
kalda - þótt varla getum við keppt
við franska tískukónga á jafnréttis-
grundvelli.
Sovéski senuþjófurinn var síður en svo tornæmur á listina að klæðast glæsi-
lega á vestræna visu. Rúmum mánuði síðar hreinlega rúllaði hún Nancy
Reagan upp í Genfarviðræðunum - og kjóliinn er ekki langt frá frönsku
fyrirmyndinni.
Alexandr Yakolev er sagður heilinn á bak við breytinguna - hann hannar
leiðtoga meö hressilegra yfirbragði en áður þekktist.