Dagblaðið Vísir - DV - 06.12.1986, Blaðsíða 16

16
LAUGARDAGUR 6. DESEMBER 1986.
„Hugmyndin að útgáfu dagbók-
arinnar kviknaði fyrir Qórum eða
fimm mánuðum. Ég hef haldið dag-
bók allt þetta ár, meðal annars til
að geta sagt frá reynslu minni í
síðustu Miss World keppni,“ sagði
Hólmfri'ður Karlsdóttir fegurðar-
drottning í samtali við DV.
Almenna bókafélagið gaf í vik-
unni út dagbók hennar. Hún
nefriist Hófí - Dagbók fegurðar-
drottningar. Jón Gústafsson
skráði.
„Hófí segir frá frægðinni, ferða-
lögunum, íjölskyldunni og bömun-
um, sem henni eru svo kær,“ segir
í auglýsingu um bókina. Hvorki
meira né minna.
Ekkert aö fela
„Mér leist bara vel á að gefa dag-
bókina út,“ sagði Hólmfríður. „Eg
held að þar komi fram allt það
markverðasta sem gerðist hjá mér
á þessu ári. Það er mikið af mynd-
um í bókinni og þær segja líka
heilmikla sögu. Jaftjvel meira en
textinn."
Kemur eitthvað fram í bókinni sem
fólk hefur ekki vitað um áður?
„Já, ég er ekki frá því. Þetta er
eiginlega hin hlið málsins. Ég segi
frá hlutunum eins og þeir komu
mér fyrir sjónir.“
Finnst þér ekkert óþægilegt að
opna þína persónulegu dagbók fyr-
ir alþjóð?
„Nei, í rauninni ekki. Ég hef
ekkert að fela.“
Er bókin endapunktur aftan við
árið góða?
Ungfrú heimur. Dagbókin komin út.
„Nei, alls ekki. Þetta er einfald-
lega frásögn af viðburðaríku
tímabili. Þessum kafla er lokið.
Lífið heldur áfram,“ sagði Hólm-
fríður Karlsdóttir.
Sameiginleg niðurstaða
„Ég byrjaði á að fara yfir dag-
bókina og draga saman það sem
mér fannst markverðast,“ sagði
Jón Gústafsson. „Síðan ræddum
við Hólmfríður saman og ég skrif-
aði uppkast sem við lásum yfir í
sameiningu. Ég skipti bókinni nið-
ur í kafla eftir tímaröð atburðanna.
Bókin byrjar á undirbúningi og
aðdraganda krýningarinnar. Ég
enda svo á keppninni í London á
dögunum þar sem Hólmfríður
krýndi arftaka sinn.“
Þurftir þú að stytta dagbókina
mikið?
„Vissulega þurfti ég að draga
eitthvað saman. Þeir dagar þegar
lítið var að gerast hjá Hólmfríði
eru til dæmis ekki teknir með í
bókinni. Hvað efnisvali viðvíkur
þá vorum við ekki alltaf sammála
um hverju bæri að sleppa.
Við raeddum þau mál hins vegar
í mesta bróðemi og komumst að
niðurstöðu sem bæði gátu fellt sig
við.“
Erfitt ár
„Að mínu áliti er bókin nokkuð
ítarleg. Ég reyndi hvað ég gat að
leyfa persónulegri frásögn Hólm-
fríðar að halda sér. Hún segir
einlæglega frá og lýsir ýmsu mjög
nákvæmlega. Það er margt sem
fólk kemur til með að sjá í nýju
ljósi.“
Hvernig gekk þér að taka saman
bókina?
„Það gekk í sjálfu sér ágætlega.
Erfiðast var að ná í Hólmfríði þar
sem hún var á stöðugum ferðalög-
um erlendis. Ég þurfti oft að leita
hana uppi. Stundum sendi hún mér
spólur sem hún hafði talað inn á.
Að öðru leyti gekk samantektin
prýðilega. Ég held að við höfúm
átt ágætlega saman. Það tók að
vísu dálítinn tíma að kynnast
henni. Hún er afar varkár. Undir
lokin held ég þó að hún hafi borið
fúllt traust til mín.
Mér fiimst Hólmfríður hafa tekið
mjög skynsamlega á sínum málum
þetta ár. Ég held að það sé vand-
fundin sú persóna sem hefúr staðið
betur að sliku umstangi gagnvart
sjálfri sér. Þetta var erfitt ár fyrir
hana.“
Bók og barn
Dagbók Hólmfi-íðar er fyrsta bók
Jóns Gústafssonai.
„Þegar mér var boðið að taka að
mér verkið hugsaði ég mig ekki
tvisvar um. Þetta er spennandi
verkefni. Ég hefði að vísu viljað fá
meiri tíma til að skrifa hana. Helst
heilt ár.“
Ertu ánægður með útkomuna?
„Ég gerði eins vel og ég gat. Að
þvi leyti er ég ánægður. Ætli það
sé ekki svipuð tilfinning að skrifa
fyrstu bókina eins og að eignast
fýrsta bamið," sagði Jón Gústafs-
son.
ÞJV