Dagblaðið Vísir - DV - 19.02.1988, Blaðsíða 2

2
FÖSTUDAGUR 19. FEBRÚAR 1988.
Fréttir
Sveinn Jónsson, tvvtugur Eskfirðingur:
„Þú ert ekki
dauðurennþá"
- sagði einn lögreglumaðurinn
„Þú ert ekki dauður ennþá. Þetta
sagði einn þriggja lögreglumanna
sem fóru með mig á slysadeild eftir
að þeir höfðu handleggsbrotiö mig,“
sagði Sveinn Jónsson, tvítugur Esk-
firðingur. Sveinn varð fyrir óhugn-
anlegri lífsreynslu um síðustu helgi.
Án þess að hann hefði neitt til saka
unnið sótti lögreglan hann í heima-
hús og honum var síðan misþyrmt á
lögreglustöðinni.
„Þetta hófst með því að ég var
ásamt þremur öðrum að koma af
veitingahúsinu Fógetanum. Ég varð
fyrir því að ég rann til á hálkunni
og skall á bíl. Eigandi bílsins brást
hinn versti við. Hann sagði að ég
hefði beyglað bíhnn og rispað. Ég og
fólkið, sem var með mér, sáum engar
skemmdir á bílnum. Samt gaf ég bíl-
eigandanum nafn mitt og heimilis-
fang og gaf honum þar með kost á
að hafa samband við mig daginn eft-
ir.
Það leið ekki langur tími þar til var
bankað heima hjá mér. Bróðir minn
fór til dyra. Fyrir utan voru þrír ein-
kennisklæddir lögregluþjónar og
eigandi bílsins sem ég hrasaði á. Lög-
reglan vildi fá að tala við mig. Þegar
ég kem út segjast þeir vOja fá mig í
lögreglubílinn. Ég haíði ekkert á'
móti því enda haíði ég ekkert af mér
gert og taldi að ég ætti ekki von á
neinu slæmu. Þegar ég var kominn
inn í lögreglubílinn var ég handjám-
aður. Eg streittist á móti en fékk
ekki við neitt ráðið. Lögreglumenn-
imir ákváðu að- fara með mig á
lögreglustöðina.
Þegar þangað var komið var farið
með mig til varðstjóra. Hann spurði
mig nokkurra spuminga. Eftir það
segir hann við lögreglumennina að
þeir skuli fara með mig í fanga-
geymslu. Þar var ég leiddur í fata-
geymslu. Kona, sem þar var, bað mig
um skilríki. Þegar hún sá að ég er frá
Eskifirði byrjaði hún að svívirða mig
og Austfirðinga almennt, sagði alla
sem þaðan koma hið versta fólk. Þeg-
ar mér var sýndur slíkur dónaskap-
ur og svívirðingar neitaði ég aö fara
úr jakkanum. Tveir lögreglumann-
anha voru enn til staðar. Þegar ég
neitaði að fara úr réðust þeir að
mér. Þeir sneru mikið upp á vinstri
handlegginn. Þegar handleggurinn
var orðinn stífur af snúningnum hélt
annar mér á meðan hinn barði hand-
leggnum í borðbrún. Ég fann strax
mikið til og var nærri því að missa
meðvitund. Þeir sögðu við mig eitt-
hvað á þá leið aö ég væri ekkert
alvarlega slasaöur, hefði í mesta lagi
farið úr liði og ætluðu samt að setja
mig inn í fangaklefa. Þá fóru þeir að
gera sér grein fyrir að ég hafði meiðst
mikið. í því kom þriðji lögreglumað-
urinn og í framhaldi af því ákváðu
þeir að fara með mig á slysadeild. í
lögreglubílnum kveinkaði ég mér og
sagði þá einn lögreglumannanna:
„Hvað er þetta, þú ert ekki dauður
ennþá.“
Þegar við komum á Borgarspítal-
ann er farið með mig í myndatöku.
Þá kom í ljós að ég var tvíbrotinn á
vinstri upphandlegg og einnig skadd-
aðist olnbogi eitthvað. Lögreglu-
mennimir fóru við svo búið. Þeir
kvöddu mig ekki. Ég var á Borgar-
spítalanum um nóttina. Daginn eftir
sækir bróðir minn mig. Við förum
beina leið til Rannsóknarlögreglunn-
ar og ég kæri. Þar var mér vel tekið
og eftir að skýrsla hafði verið tekin
af mér var ég hvattur til að fá mér
lögfræðing. Það gerði ég strax eftir
helgina. Lögmaðurinn hefur sagt
mér að það hggi ljóst fyrir að lög-
reglumennimir höfðu enga heimild
til handtöku. Ég fer að sjálfsögðu
fram á miskabætur og víst er að ég
kem hvergi til með að gefa eftir í
þessu máli,“ sagði Sveinn Jónsson.
Sveinn kom til Reykjavíkur fyrir
tveimur vikum. Hann var aö fara að
viima á nýjum vinnustað. Af því get-

Sveinn Jónsson, tvítugur Eskfirðingur, tvibrotinn á handlegg eftir meðferð
lögreglu. DV-mynd KAE
ur ekki orðið fyrr en í fyrsta lagi í
maí. Hann á eftir að vera í gifsi í átta
vikur og síðan tekur endurhæfing
við. Hann sagðist hafa mikla óbeit á
lögreglumönnunum sem fóra svo ilia
með hann. Sveinn vissi ekki í fyrstu
að eigandi bílsins væri lögregluþjónn
og að hann og sá sem gekk lengst í
ofbeldinu væru feðgar.
„Maður er alveg vamarlaus gegn
svona löguðu. Það er bölvanlegt að
lenda í slíku. Ég sé ekki fram á að
fá neina peninga út úr þessu á næst-
unni. Fyrst ég er kominn til Reykja-
víkur ætla ég að vera hér áfram. Ég
get ekki gert nauðsynlegustu hluti
án hjálpar og auk þess er ég að verða
auralítill og verð óvinnufær í nokkr-
ar vikur. Þetta verð ég allt að þola
og það án þess að hafa nokkuð til
unnið.“
-sme
Sykurmolar í fýrsta sæti
Cold sweat með Sykurmolunum
korast í efsta sæti óháða listans í
Melody Maker í þessari viku, ein-
ungis fáeinum vikum eftir að
Birthday með sömu sveit yfirgaf
það sæti. Um leið og Cold Sweat
náði toppnum á óháða listanum
féll það töluvert á almenna listan-
um; úr 29. sæti og niður í þaö 46.
í þessu hefti tímaritsins eru frétf-
ir af Sykurmolunum eins og
vanalega. Greint er frá því að sveit-
in hafi ákveðið að halda sér við
útgáfufyrirtækið One Iáttie Indian
í Bretlandi en viðræður standi við
stærri fyrirtæki, Elektra og Sire,
um dreifingu á Bandaríkjamark-
aði. Þá er greint frá fyrirhugaðri
tónleikaferð sveitarinnar um Bret-
land í vor og einnig er stutt spjall
við Björk Guðmundsdóttur söng-
konu. Þar segir hún frá leik sínum
í nýju sjónvarpsleikriti Kristínar
Jóhannesdóttur sem Björk segist
líta mjög upp til.
-gse
^ Fleiri „flóðabflar" á leiðinni:
A annað hundrað bílar
frá Drammen væntanlegir
Fjórmenningamir, sem fluttu til
landsins 235 Subarabíla, sem lent
höfðu í flóði á hafnarsvæðinu í
Drammen í Noregi, hafa fest kaup á
rúmlega hundrað bílum til viðbótar.
Þeir bílar voru einnig á hafnarsvæð-
inu í Dramen þegar flóðið varð.
Bílarnir era keyptir í Amsterdam í
Hollandi. Þeir bílar era af Mazda- og
Daihatsugerðum. Bílamir era vænt-
anlegir til landsins um mánaðamót-
in.
Bílana keyptu fjórmenningamir af
sömu aðilum og þeir keyptu Subara-
bílana af. Hér á landi verða bílamir
seldir á hlutfallslega sama verði og
Subaruamir. Endanlegt verð er ekki
ákveðið og hyggjast fjórmenningam-
ir auglýsa verðið og bílana fljótlega.
Ábyrgð verður eins háttað og á Su-
barabílunum.
Margeir Margeirsson, einn inn-
flytjendanna, sagði að Mazdabílamir
hefðu farið best allra bíla úr flóðinu.
Sumir Daihatsubílana sluppu ekki
eins vel. Margeir sagði að þá bíla
væri búið að þurrka og að það hefði
verið gert í Amsterdam.
-sme'
Forráðamenn fískvinnslunnar leggja til að samningaviðrðeðum verði siltið
Beðið eftir ríkisstjóminni
Niðurskurður á opinberum framkvæmdum á borði ríkisstjómarinnar
Forráðamenn fiskvinnslustöðva
hafa lagt það til innan Vinnuveit-
endasambandsins að viðræðum við
Verkamannasambandiö verði shtiö.
Þessir aðilar telja að í Ijósi afkomu
frystingarinnar sé enginn grandvöll-
ur fyrir kjarasamningum fyrr en
ríkisstjómin hefur gefiö upp til
hvaða aðgerða hún ætlar aö grípa til
þess að bæta stöðu greinarinnar.
Ákvörðun ríkisstjómarinnar um að
bíða með aðgerðir þar til á lokastígi
samninganna eða jafnvel að samn-
ingunum loknum stendur hins vegar
óhögguð. Það stendur því jám í jám
í samningaviðræðunum, ekki milli
samningsaðila heldur fiskvinnsl-
unnar og ríkissljórnarinnar.
„Við erum orðnir langþreyttir á að
bíða eftír því að ríkisstjómin grípi
til aðgerða þegar komið er að ein-
hveijum dularfullum punkti í
viðræðunum," sagði Ólafur B. Ólafs-
son, forstjóri Miðness í Sandgerði, í
samtali við DV. „Viö getum ekki
samið um neitt eins og ástandið í
greininni er núna. Fyrirtækin eru
komin að þrotum. Menn horfa upp á
það skelfingu lostnir að ríkisstjómin
virðist stefna að-því aö kreppa svó
að fiskvinnslunni að hún semji við
sitt fólk um nánast ekki neitt. Það
getur hins vegar verið að fyrirtækin
standist þessa kreppu ekki mikið
lengur."
En hvaða aðgerða er beðið frá rík-
isstjóminni? Allir era sammála um
það að gengisfelling ein og sér skilar
litlum árangri. Hún gæti auk þess
orðið til þess að taprekstur frysting-
arinnar yrði í raun fluttur á aörar
greinar í sjávarútvegi. Samkvæmt
útreikningum Þjóðhagsstofnunar frá
því seint í janúar era saltfiskverkun
og útgerð reknar með hagnaði.
„Gengisfelling yrði til þess að lán
útgerðarinnar hjá Fiskveiðasjóði
myndu hækka og sömuleiðis öll að-
fóng útgerðarinnar. Þessu yrði að
mæta með hækkun á fiskverði sem
aftur leiddi til útgjaldaaukningar hjá
húsunum. Ef fiskverði yrði haldið
Fréttaljós
Gunnar Smári Egilsson
niðri þýddi það í raun að tap frysting-
arinnar yrði flutt yfir á útgerðina.
Eða þá að ásókn í ferskfisksölu er-
lendis myndi stóraukast og útflytj-
endur myndu yfirbjóða fiskinn á
mörkuðunum hér,“ sagði Kristján
Ragnarsson, formaður Landssam-
bands ísl. útvegsmanna, í samtali við
DV.
Gengisfelling hefur auk þess
þensluáhrif og skammtímaáhrif
hennar flara út á tveimur til þremur
mánuðum. Þær aðgerðir sem for-
svarsmenn fiskvinnslimnar krefjast
era því auk gengisbreytinga endur-
greiðsla á laima- og söluskatti,
niðurskurður í opinberum fram-
kvæmdum og aðrar þær aðgerðir er
draga úr þenslu og geta orðið til þess
að vextir og fjármagnsbyröi lækkar.
„Menn sjá nú fram á allt annan og
meiri jafnvægisvanda en gert var ráð
fyrir í haust. Bakgrunnurinn fyrir
fjárlögum og lánsfjárlögum er því
orðinn annar. Framkvæmdir ríkis-
ins og þeirra sem það getur haft áhrif
á era því til endurskoðunar en það
er enn ekki ástæða til að varpa neinu
fram í þeim efnum,“ sagði Jón Sig-
urðsson viðskiptaráðherra í samtali
við DV. Um gengismál og endur-
greiðslu á sköttum sjávarútvegsins
sagði Jón að ákvörðun ríkisstjómar-
innar um að hafa ekki afskipti af
samningnm aðila vinnumarkaðarins
stæði óhögguð. „Við teljum að það
sé óráðlegt að gripa inn í málið á
þessu stigi,“ sagði Jón.
Það stendur því jám í jám milli
fiskvinnslunnar og ríkisstjómarinn-
ar. Verkamannasambandið leggur
mesta áherslu á aö bæta kjör fisk-
vinnslufólks. Samningsaðilar þeirra
á því sviði telja sig hins vegar ekkert
hafa upp á að bjóða.
„Það hefur skýrt komið fram hjá
forsvarsmönnum fiskvinnslunnar að
við getum ekki skrifað undir neina
samninga við óbreytt ástand,“ segir
Ólafur B. Ólafsson.
En þó ríkisstjómin ætli sér ekki
að grípa inn í samninga bíða hennar
ákvaröanir um hvernig unnið skuli
á áætluðum tíu milljarða viðskipta-
halla á þessu ári. Auk niöurskurðar
í opinberam framkvæmdum kemur
til greina að hækka lántökugjald á
erlendum lánum til að minnka ásókn
í þau, hækka tekju- og eignaskatt sem
ekki hefur jafnmikil þensluáhrif og
hækkun óbeinna skatta ásamt fleiri
úrræðum. Að sögn Jóns Sigurðsson-
ar hafa þessar aðgerðir enn ekki
verið ræddar í ríkisstjóminni.
Það liggur hins vegar pressa á rík-
isstjóminni að grípa til aðgerða
gagnvart viöskiptahallanum þar sem
þær munu slá á þenslima, lækka
vexti og minnka irmlendan kostnað
fiskvinnslunnar. Að sögn forsvars-
manna fiskvinnslunar bíða þeir ekki
síður eftir slíkum aðgerðmn en geng-
isleiðréttingu. -gse