Dagblaðið Vísir - DV - 25.01.1989, Blaðsíða 24

24
MIÐVIKUDAGUR 25. JANÚAR 1989.
Lífcstm___________________________________dv
Átta tíma ferðalag í stað þriggja
- kröfum um endurgreiðslu hafnað
Svo virðist sem áætlanir Flugleiða standist ekki alltaf eins og efni standa til.
23. nóvember keypti Linda Jóns-
dóttir farseðil fyrir sig og 11 mánaða
dóttur sína með Flugleiðum til
Gautaborgar á söluskrifstofu Flug-
leiöa í Lækjargötu. Að sögn Lindu
var fullyrt að flogið væri beint fram
og til baka.
Ferðin til Gautaborgar gekk áfalla-
laust en þegar Linda sneri heim 1.
desember hófust vandræðin. Á flug-
vellinum í Gautaborg var henni tjáð
Neytendur
að beint flug hefði verið fellt niður
og yrði flogið gegnum Osló. Hún fékk
ekki að tékka sig inn fyrr en 15 mín-
útum fyrir brottför sem kom sér illa'
vegna þess að hún var með nótur sem
þurfti að fá endurgreiddar. Þegar
hún svo kom út í ranann, þar sem
ganga átti um borð, var engin flugvél
þar fyrir héldur þurfti hún að ganga
langa leið í 11 stiga frosti með barnið
illa klætt og setjast um borð í Fokker
sem flutti farþegana til Osló. í Osló
var klukkutíma bið eftir flugvél sem
flytja átti farþegana til Keflavíkur en
millilenti í Stokkhólmi þar sem beðið
var í tæpar tvær klukkustundir. All-
an þann tíma fengu farþegar ekki að
fara frá borði.
Þegar lent var í Keflavík hafði
ferðalagið frá Gautaborg tekið alls
um átta tíma í stað þriggja tíma þeg-
ar flogið er beint.
Farangur Lindu skemmdist í þess-
um hrakningum og dóttir hennar
kvefaðist. Það ásamt töfinni varð til
þess að hún ritaöi Flugleiðum bréf
og krafðist bóta og endurgreiðslu.
Svar Flugleiða
Flugleiðir höfnuðu öllum kröfum
um endurgreiðslu og bætur. í bréfi
þeirra er staðhæft að aldrei sé beint
flug frá Gautaborg á fimmtudögum
heldur alltaf millilent í Osló. Ástæð-
an til seinkunar og tilfærslna á far-
þegum í þessu tilfelli er sögð vera
bilun í flugvél og seinkun á leiguflugi
sem flytja átti farþega frá Stokk-
hólmi.
Síðar í bréfinu segir: „Við getum
því miður ekki tekið á okkur ábyrgð
vegna þess að farþegar eru ekki nógu
vel klæddir því hvergi kemur fram í
samningum að farþegum sé lofað að
ganga í gegnum svokallaða rana, en
við vonum þó að dóttir yðar hafi nú
náð fullri heilsu“. -Pá
Fyrir hvaða sjónvarp á að greiða?
Frjálst,óháð dagblað
Askrifendur
Léttið blaðberunum störfin og spariö þeim sporin.
Notiö þjónustu DV og kortafyrirtækjanna.
Greiðið áskriftargjaldið með greiðslukorti.
VISA
Meðþessum
boðgreiðslum
vinnst margt:
e Þærlosaáskrifendur
vlðónæðivegna inn-
heimtu.
# Þær eruþægilegur
greiðslumáti sem
tiygglr skilvtsar
grelðslurþráttfynr
annireðaQaivistir.
# Þær létta Maðberan-
um stórfin en hann
heldurþóóskertum
tekjum.
# Þæraukaóryggl.
Blaðberar eru til
dæmisoftmeðtölu-
verðarflárhæðirsem
getaglatast
Hafið samband
við afgreiðslu DV
kl. 9-20 virka daga,
laugardaga kl. 9-14
i sima 27022
eða við umboðsmenn okkar
ef óskað er nánari
upplýsinga.
1.800 óskráð tæki
þegar fundin
- allir sem geta séó eiga að borga
„Ég get ekki betur séð en að inn-
heimtudeild sjónvarpsins ætli að
loka fyrir Stöð 2 hjá mér þó svo að
ég hafi ávallt greitt af afruglaran-
um,“ sagði óánægður ungur maður
sem hafði samband við neytendasíð-
ima. Hann hafði nýlega fengið menn
frá Ríkissjónvarpinu í heimsókn og
þeir innsigluðu sjónvarpstækið.
Umræddur maður á sjónvarpstæki
sem er í xaun aðeins svokallaður
monitör, þ.e. sjónvarpstæki sem er
ekki með móttakara. Fram til þessa
hefur verið Jitið á þá á sama hátt og
tölvuskjái og ekki greitt afnotagjald
sjónvarps af þeim. Með þessu um-
rædda tæki notar ungi maðurinn
myndbandstæki sem er reyndar með
sjónvarpsmóttakara. Auk þess hefur
hann afruglara fyrir Stöð 2. Þetta
fyrirkomulag hefur verið um tveggja
ára skeið og sjónvarpseigandinn un-
að glaður við sitt og einungis greitt
útvarpsgjald tfl ríkisins og afnota-
gjald sjónvarps tfl Stöðvar 2.
Nú vifl innheimtudeildin að hann
fari að greiða sjónvarpsafnotagjald
tfl rikisins frá og meö áramótum og
hefur innsiglað tækin.
Búnir að finna
1.800 óskráó tæki
„Það er ótvírætt kveðið á um það
í lögunum að gjaldskylda sé miðuð
við möguleika á afnotum. Sá sem á
svona monitor eða skjá og mynd-
bandstæki er þvi ótvírætt skyldur tfl
að greiða," sagði Theódór Georgsson,
innheimtustjóri Sjónvarpsins, í sam-
tali viö DV.
Herferð hefur verið gangi til þess
að hafa uppi á óskráðum sjónvarps-
¥
Innheimtustjóri segir sína menn
hafa fundið 1.800 óskráð sjónvarps-
tæki nú þegar. Hann segir ótvírætt
að allir sem hafa möguleika á afnot-
um séu gjaldskyldir.
tækjum. Sveit manna á vegum Sjón-
varpsins hefur gengið í hús og hefur
þegar haft uppi á 1.800 tækjum sem
ekki voru á skrá. Á síðasta ári var
afnotagjald fyrir sjónvarpið 14.400
krónur á ári þannig að hér er um 26
milljóna tekjuauka fyrir Sjónvarpið
að ræða.
„Þessi herferð er enn í gangi og
þetta kemur svona hægt og bítandi,"
sagöi Theódór. Hann sagði ennfrem-
ur að fjöldi þeirra sem hefðu fundist
með óskráð tæki hefði verið með afr-
uglara og greitt sín gjöld skilvíslega
tfl Stöðvar 2.
Þeir sem eru með óskráð sjónvörp
eða skjái og myndbandstæki mega
því eiga von á heimsókn frá inn-
heimtudefldinni. -PJU
Zero-3 með eða án lyfja
Vegna misskflnings, sem fram hef-
ur komið í kjölfar umíjöllunar DV
um zero-3 megnmarhylkin, er rétt
að taka fram að fólki, sem er á lyfj-
um, er óhætt að taka hylkin. Einung-
is þarf að gæta þess að þá sé að
minnsta kosti liðin ein og hálf
klukkustund frá því að síðast voru
tekin inn zero-3 hylki. Einnig má
taka lyfm fyrst og láta síðan líða
sama tíma þar til zero-3 hylkin eru
tekin inn.
-Pá