Dagblaðið Vísir - DV - 19.07.1990, Blaðsíða 2

2
FIMMTUDAGUR 19. JÚLÍ 1990.
Fréttir
DV
Sambandsleysi stofnana við gatnagerð í Kópavogi:
Eins og Bakkabræður að bera
sólina inn í bæinn í húfum
„Fyrst komu menn frá Pósti og
síma og grófu skurö, þegar þeir
voru búnir að leggja nýjar línur
mokuðu þeir ofan í skurðinn.
Næstir komu menn frá rafveitunni
og mokuðu upp úr skurðinum og
lögðu nýja strengi auk þess sem
þeir reistu nýja ljósastaura. Þegar
því var lokið mokuðu þeir ofan í
skurðinn. Síðastir komu svo menn
frá hitaveitunni og grófu skurðinn
upp í þriðja skiptið og tóku niður
staurana sem rafveitan hafði
reist,“ segir Ester Haraldsdóttir,
íbúi við Skólagerði í Kópavogi.
„Slík vinnubrögð benda eiginlega
ekki til neins annars en algjörs
skipulagsleyis. Það hlýtur að vera
hægt að sameinast um einn skurð.
Það er í raun hlægilegt að sjá sama
skurðinn grafinn þrisvar sinnum á
- fyrst gróf srniinn, þá rafveitan og loks hitaveitan
stuttum tíma, að manni virðist að
ástæðulausu."
Nú stendur yfir endurskipulagn-
ing á Skólagerðinu og hefur verkiö
tekið rúmt ár en áætlað er að því
verði lokið í ágúst.
Það er verktakafyrirtækið Háfell
sem sér um jarðvegsskipti, malbik-
un og lagningu gangstéttarhellna í
götunni. Að sögn Eiðs Haraldsson-
ar, framkvæmdastjóra Háfells,
virðist sem hér hafi verið um að
ræða dálítið sambandsleysi hjá
hinum opinberu stofnunum sem
sjá um lagnir í götuna.
„Það hefur verið unnið við end-
urskiplagningu götunnar í áföng-
um síðastliðið ár og þaö verk hefur
gengið vel. Nú er verið að ljúka við
síðasta áfangann sem er á milli 70
og 80 metra langur og þá virðist
sem upp hafi komið ákveðið sam-
bandsleysi milli starfsmanna Pósts
og síma, rafveitunnar og hitavei-
tunnar.
í sumum tilvikum geta þessar
þijár stofnanir sameinast um einn
skurð en í öörum tilvikum liggja
lagnimar á mismunandi stöðum í
götunni og þá þarf að grafa oftar
en einu sinni. Það átti þó ekki við
í þessu tilviki.
Sökum þessa hafa framkvæmdir
tafist nokkuð og þetta verður án
efa kostnaðarsamara," segir Eiður.
„Lagnirnar liggja ekki á sama
stað í götunni og því þarf að grafa
þrisvar sinnum í götuna á þessum
kafla. Það er því ekkert óeðlilegt
við þessa framkvæmd," segir Stef-
án Finnsson, tæknifræðingur hjá
Kópavogsbæ. -J.Mar
Skurðurinn í Skólagerði í Kópavogi. Þrjár stofnanir hafa grafið sama
skurðinn þrisvar á stuttum tíma. DV-mynd GVA
l.ögregluþjónar skoða verksummerki. Þjófarnir skáru tjald í sundur og fóru með það i tveimur hlutum. Keðjan
góða kom því ekki að notum. DV-mynd S
Seglagerðin Ægir:
Tjaldið skorið sundur í miðju
- 40 tonna ankeriskeðia aftraði ekki þjófunum
Þrátt fyrir að sýningartjöld, sem
standa við Seglagerðina Ægi í
Reykjavík, séu fest niður með anker-
iskeðjum, sem þola 30 til 40 tonna
álag, aftrar það ekki þjófum frá því
að stela tjöldum á sýningarsvæði fyr-
irtækisins.
Snemma í sumar var tjaldi stolið
af sýningarsvæðinu. Forráðamenn
fyrirtækisins fengu sér keðjuna
sterku til að sporna við frekari þjófn-
uðum. Það dugði ekki til - heldur var
^aldi stolið með því að skera það
sundur í miðjunni. Þjófarnir hafa því
farið með tjaldið í tveimur hlutum.
Það er árvisst að tjöldum sé stolið
frá Seglagerðinni Ægi. Síðastliðið
sumar var fjórum tjöldum stolið og
sex tjöldum sumarið 1988.
-sme
Tiu ára stúlka varö fyrir bil á Stekkjarbakka i Reykjavík i gær. Stúlkan hjól-
aði í veg fyrir bil sem var aö aka fram úr henni. Stúlkan missti meðvitund
og var flutt á sjúkrahús. DV-myndS
Vestmannaeyjar:
Guðjón ráðinn
bæjarstjóri
Ómar Garðarsson, DV, Vœtraeyj um;
Guðjón Hjörleifsson, skrifstofu-
stjóri Sparisjóðs Vestmannaeyja,
hefur verið ráöinn næsti bæjar-
stjóri í Vestmannaeyjum. Ráön-
ing hans var samþykkt á bæjar-
stjórnarfundi í gær. Fimm full-
trúar meirihlutans greiddu hon-
um atkvæði en minnlhlutafull-
trúarnir sátu hjá.
Guðjón er 35 ára, borinn og
barnfæddur Vestmannaeyingur.
Hann hefur starfað talsvert fyrir
Sjálfstæðisflokkinn undanfarin
ár. Hann hefur átt sæti i ráðum
og nefndum á vegum bæjarins.
Guðjón tekur við nýja starfmu
1. september næstkomandi.
Amarflug og ráðherrann:
Tafirnar eru
sök Arnarflugs
- segir Ólafur Ragnar
Ólafur Ragnar Grímsson ijármála-
ráðherra hélt blaðamannafund í gær
til að svara ummælum Harðar Ein-
arssonar, fráfarandi stjórnarfor-
manns Amarflugs, á aðalfundi fé-
lagsins um að háttalag ráðherrans
hefði valdið félaginu ómældu tjóni
með því að draga að veita Amarflugi
150 milljón króna víkjandi lán og að
borga félaginu út söluhagnaðinn af
þjóðarþotunni svokallaðri. Ólafur
Ragnar sagði að ekkert heföi staðið
á íjármálaráðuneytinu í þessu máli.
Til þess aö geta borgað út lánið þyrfti
Alþingi að samþykkja lög. Þrátt fyrir
ítrekaða beiðni ráöuneytisins heföu
forsvarsmenn félagsins ekki skilað
inn upplýsingum um hvemig staðið
verði að endurskipulagningu félags-
ins. Þessar upplýsingar væm nauð-
synlegar til að frumvarp um lán-
veitinguna væri boðlegt Alþingis-
mönnum. Þá upplýsti Ólafur Ragnar
að skuld Arnarflugs við ríkið væri
nú um 321 milljón þegar söluhagnað-
ur þjóðarþotunnar hefði verið dreg-
inn frá. 150 milljón króna víkjandi
lán eða eftirgjöf skulda væri því ekki
helmingurinn af skuldum félagsins
við ríkið. Ólafur Ragnar sagði að
hann vildi gera upp öll þessi skulda-
mál áður en lánið yrði veitt.
Aðspurður um hvort nægjanleg
gögn frá Arnarflugi hefðu ekki legið
fyrir þegar ríkisstjómin tók sína
ákvörðun fyrir sextán mánuðum
sagði Ólafur að svo heföi verið. Um
síðustu áramót heföi hins vegar legið
fyrir að þær áætlanir heföu ekki
staðist. Ráðuneytið vildi því fá nýjar
áætlanir. Þær hefðu ekki fengist.
Tafir á málinu væru því sök Arnar-
flugs.
-gse
Vestfírðir:
Mokveiði innan
og utan f jarða
Reynir Trauslason, DV, Flateyxi:
Góð veiði hefur verið hjá snurvoð-
arbátum frá Vestflörðum að undan-
fömu. Bátarnir hafa fengið allt að 12
tonnum af fallegum þorski eftir dag-
inn. Veiðisvæðið er gmnnt út af
Dýrafirði.
Þá hafa handfærabátar mokfiskað
bæði utan og innan fjarða og margir
hafa fengið góðan afla á sjóstangir
inn undir bryggju á Flateyri.
Gissur hvíti var að landa milli 8 og
9 tonnum á Flateyri þar sem frétta-
maður DV hitti Tryggva Guðmunds-
son skipstjóra að máli. Tryggvi sagði
að nóg væri af fiskinum en vanda-
málið væri skortur á kvóta. Hann
kvaðst vera mjög andsnúinn kvóta-
kerfinu í heild - aðeins væri tíma-
spursmál hvenær stórfyrirtæki fæm
að sjá sér hag í því að fjárfesta í
kvóta.
Áhöfnin á Gissuri hvita. Frá vinstri
Gunnar Tryggvason, Einar Ágúst-
son og Tryggvi skipstjóri Guð-
mundsson. DV-mynd Reynir
„í því kapphlaupi verða fyrirtækin
úti á landi ekki samkeppnisfær. Það
er spuming hvenær landsbyggöin rís
upp gegn kvótakerfinu," sagði
Tryggvi að lokum.