Dagblaðið Vísir - DV - 14.03.1991, Qupperneq 4
4
, i'IMMTUDAGUK j4. M(4PS 1991.
Fréttir
Þórarinn V. Þórarinsson er ósáttur við búvörusamninginn:
Feikileg vonbrigði
- útgjöld ríkisins aukin á fimmta milljarð frá áliti sjömannanefndar
„Þó þessi samningur sé að forminu
til byggður á tillögum sjömanna-
nefndar víkur hann frá þeim í veiga-
miklum atriðum. Til dæmis gerir
hann ráð fyrir eitthvað á fimmta
milljarð í aukin útgjöld og það atriði
eitt sér heggur mikilvægt skarð í það
markmið að ná niður ríkisútgjöld-
um. Við stöndum frammi fyrir gríð-
arlegum hallarekstri ríkissjóðs,
feikilegum lántökum innanlands og
mjög háum vöxtum meðal annars
vegna landbúnaðarstefnunnar. Það
eru því feikileg vonbrigði aö ríkis-
valdið kjósi að ráðstafá jafn harðan
þeim sparnaði sem hugsanlega kann
aö nást með breyttri stefnu,“ segir
Þórarinn V. Þórarinsson, fram-
kvæmdastjóri Vinnuveitendasam-
bandsins.
Þórarinn segir það vekja furðu sína
að í þeim samningi sem nú hefur
verið skrifað undir sé gengið þvert á
mörg af grundvallaratriðum álits
sjömannanefndar. Einkum sé þetta
undarlegt í ljósi þess að um álitið
ríkti samstaða í nefndinni, þar á
meðal fulltrúa bændasamtakanna.
Veigamestu breytinguna segir Þór-
arinn varða hlut óskertrar fram-
leiðslu. í áliti nefndarinnar hafi verið
gert ráð fyrir að framleiösla umfram
8300 tonn væri alfarið á ábyrgð
bænda. í samningnum er hins vegar
gert ráð fyrir auknum styrkjum til
bænda með aukinni neyslu.
Einnig segir Þórarinn orðalag þess
kaíla sem takmarkar innflutning á
landbúnaðarvörum vera á skjön við
álit sjömannanefndar. Ákvæðið í
samningnum megi allt eins leggja út
á þann veg að ekki megi gera al-
þjóðasamninga sem gangi í berhögg
við búvörusamninginn.
„Mér finnst það skapa afar vond
skilyrði fyrir framhaldi samstarfs á
vettvangi sjömannanefndar þegar
aöilar geta ekki treyst því að tillögur
um grundvallaratriði nái fram að
ganga þegar verið er að nota þær á
annað borð. Við því væri hins vegar
ekkert að segja ef tillögum okkar
hefði hreinlega verið kastað.“
En er grundvöllur fyrir áfram-
haldandi samstarfi innan sjömanna-
nefndar?
„Við eigum náttúrlega eftir að hitt-
ast, skoða þennan samning og meta
hvernig vinnan í nefndinni skilaði
sér. Að mínu mati þarf til dæmis að
fá á hreint hvaða skilning menn hafa
á ákvæði samningsins um mjólkur-
framleiðsluna. Ef það er að mati
bændasamtakanna búið að njörfa
hinn fjárhagslega ramma niður þá
gefur það náttúrlega ekki tilefni til
frekari viðræðna. Þetta er þannig
orðað í samningnum að það er
ógjörningur að átta sig á skilningi
samningsaðila."
-kaa
Vinnslusalur
skreyttur
Siguröur Sverrisson, DV, Akranesi:
Stöðugt færist í vöxt að atvinnu-
húsnæði sé fagurlega skreytt. Rann-
sóknir hafa sýnt að mannlegra um-
hverfi eykur afköst og vinnugleði
starfsfólks. Hvort það var sá þáttur,
sem forráðamenn Heimaskaga voru
aö slægjast eftir á meðal annars
harðduglegs starfsfólks, eða bara
einskær listhneigð, vitum viö ekki.
Hitt liggur ljóst fyrir að vinnslusalur
fyrirtækisins er nú enn glæsilegri
eftir að málverkin voru sett upp.
Ungur listamaður á Skaganum,
Jökull Freyr Svavarsson, máfaði
myndimar.
Alþýöuílokkurinn:
Framboðslistinn í
Norðurlandi vestra
Framboöslisti Alþýðuflokksins í
Norðurlandskjördæmi vestra fyrir
alþingiskosningarnar hefur verið
ákveðinn. Efstu sæti listans skipa:
1. Jón Sæmundur Sigurjónsson, 2.
Jón Karlsson, 3. Steindór Haralds-
son, 4. Agnes Gamalíelsdóttir og 5.
Friðrik Friöriksson. -hlh
Málverkin prýða vinnslusalinn.
DV-mynd Arni S. Arnason
DV
LöggurúrBSRB:
Málinu frestað
fram á haustf
Fyrir aðalfundi Lögreglufélags
Reykjavíkur sem haldhm er í dag
verður borin upp tillaga um úr-
sögn féiagsins úr BSRB. Jón Pét-
ursson, formaður félagsins segír
að önnur tillaga verði borin upp
um að fresta hinní fyrri til fram-
haldsaðalfundar í haust.
Aukaþingi Landssambandslög-
reglumanna, sem halda átti í vor
vegna úrsagnarinnar, verður
einnig írestað fram á haust.
„Við gemm þetta vegna þess að
þing BSRB verður haldið í vor
og þar mun margt verða rætt. Við
þurfum að vita hvað gerist á því
þingi áður en við förum að ræða
þessi mál okkar á meðal,“ segir
Jón.
Lögreglufélag Reykjavíkur er í
dálítið sérstakri stöðu því félagið
er sérstakur aðili að BSRB og
getur sagt sig úr bandalaginu án
þess að Landssamband lögreglu-
manna geri þaö. En Lögreglufé-
lag Reykjavíkur hefur einnig at-
kvæðisrétt hjá Landssamband-
inu.
„Við gætum kosið okkur úr
BSRB en verið samt áfram í
bandalaginu. Þessi tvöfalda aðild
okkar er eina tilfellið hér á landi
í stéttarfélagsmálum," segir Jón.
-ns
HUðarflan:
Ástandiðer
miklu betra
Gylfi Knstjánason, DV, Akureyii:
„Þótt ekki sé kominn mikill
snjór hér þá er ástandið orðið
miklu betra en það hefur verið.
Við erum búnir aö opna þrjár
lyftur af fjórum og þær verða í
gangi um næstu helgi,“ segir ívar
Sigmundsson, forstöðumaður
skíðasvæðisins í Hlíðarijalli á
Akureyri.
Búið er að opna stólalyftuna,
Stromplyftuna, barnalyftuna í
Hólabraut og möguleiki er á að
lyftan í Hjallabraut verði einnig
opin. Þá sagði ivar að útlit væri
fyrir að hægt yrði að troöa göngu-
brautir um helgina. „Þótt snjór-
inn sé ekki mikill þá þokast þetta
allt í áttina,“ sagöi ívar.
I dag mælir Dagfari
Ofbeldi Hjörleifs
Alvarlegir atburðir áttu sér stað á
Alþingi í fyrrinótt. Guðrún Helga-
dóttir, forseti Sameinaðs Alþingis,
frestaði umræðu, gekk út í nátt-
myrkrið og skildi þingheim eftir í
óvissu um framhaldið. Ástæðan
var ofbeldi af hálfu Hjörleifs Gutt-
ormssonar gagnvart forsetanum og
var þó klukkan langt gengin í íjög-
ur um nóttina. Sem betur fer voru
nokkrir þingmenn og þingverðir á
stjái þegar hér var komiö sögu og
gátu afstýrt frekari vandræðum og
var meðcd annars kallað í Salome
Þorkelsdóttur varaforseta sem var
komin út í bO á leiðinni heim.
Salome tókst að hraða för sinni inn
í þinghúsið í fullum skrúða og slíta
fundi áður en verra hlaust af.
Var það mikið guðs lán.
Hjörleifur Guttormsson er kurt-
eis maður og dagfarsprúður. Hann
er snyrtimenni til orðs og æðis og
almenningur hefur haldið að Hjör-
leifur hefði taumhald á skapsmun-
um sínum, enda þótt hann setji
stundum dreyrrauðan þegar hon-
um er mikið niðri fyrir. Aldrei er
að sjá að honum fipist í ræðustól
og það kemur óneitanlega á óvart
þegar hann er allt í einu sakaður
um ofbeldi og það gagnvart flokks-
systur sinni úr Alþýðubandalag-
inu.
En Guðrún Helgadóttir þekkir
sitt heimafólk betur en óflokks-
bundnir eða annarra flokka fólk
og hún veit hvar hættumar hggja.
Hún hefur heyrt í Hjörleifi áður.
Það er þess vegna ekki út í bláinn
þegar Guðrún tekur til fótanna út
úr þinghúsinu vegna áreitni og
meints oíbeldis af hálfu Hjörleifs
Guttormssonar.
Nú fylgir það ekki sögunni hvort
hér var líkamlegt ofbeldi á ferðinni
ella kynferðisleg áreitni eða á
hvem hátt Guðrún túlkaði ofbeld-
ið. En alla vega hljóp hún út án
þess að slíta fundi og skildi þing-
heim eftir í uppnámi og var þó
langt liðið á nóttu. Eitthvað hefur
hún hræðst, blessuð konan, enda
ekki á hverjum degi sem forsetar
leggja á flótta án nokkurs fyrir-
vara.
Upphaflega á þetta mál rætur að
rekja til umræðna um þingsálykt-
unartillögu, þar sem Hjörleifur
haföi látið í ljós óánægju sína með
tímatakmarkanir á ræðutíma enda
haföi hann lýst yfir því að hugur
hans stæði til langrar og ítarlegrar
ræðu sem stæði fram á morgun.
Forseti Sameinaös Alþingis lætur
ekki óbreytta þingmenn ráða
ræðutíma sínum og neitar að sam-
þykkja málþóf og aftur hér þekkir
Guörún Helgadóttir sitt heimafólk
og veit hvers konar ræður Hjörleif-
ur flytur. Það er einmitt sá ásetn-
ingur Hjörleifs að tala vel og lengi
sem fór fyrir brjóstið á Guðrúnu.
Þaö var ræöa Hjörleifs sem heitir
ofbeldi á máli Guðrúnar. Þegar
Hjörleifur Guttormsson tekur til
máls verður fundarstjórinn (forset-
inn) að sitja undir þeim ræðuhöld-
um meöan aðrir þingmenn geta
fariö í kaffi eöa þá bara heim til
sín. Það getur forsetinn ekki og
Guðrún veit sem er aö þegar Hjör-
leifur kveður sér hljóðs bíður
hennar löng og ströng nótt og það
er ekki á nokkurn mann leggjandi.
Það er Guðrúnu Helgadóttir algjör-
lega ofviða að sitja undir Hjörleifi
og ræðum hans í svo langan tíma
í einu.
Þess vegna var það að þegar Hjör-
leifur heimtar ræðutíma um miðja
nótt bilar taugakerfið í forsetanum.
Guðrún forseti fór einfaldlega á
taugum. Hún yfirgaf forsetastólinn
og æddi út í náttmyrkrið og burt,
burt frá þessum voðalega manni.
Dagfari hefur fulla samúð með
Guðrúnu. Þingsköp verða að verja
forseta gegn slíku ofbeldi eins og
því að Hjörleifur Guttormsson geti
hótað því að taka til máls á hvaða
tíma sólarhringsins sem er, án þess
að forsetinn geti rönd við reist. Það
veröur að verja þingforseta fyrir
slíkri áreitni. Meðan Hjörleifur sit-
ur á þingi endar þetta með því að
enginn fæst til forsetastarfa, ef
þingmenn vilja á annað borð halda
lifi og heilsu. Ofbeldisverk í nátt-
myrkri þurfa ekki að vera barsmíð-
ar eða nauðganir. Þær eru einfald-
lega í því fólgnar að Hjörleifur
kveður sér hljóðs. Hegningarlögin
verða að taka á þessu. Þingsköp
Alþingis verða að taka á þessu.
Guðrún á annað betra skiliö en
þurfa að hlaupa ein síns liös og
kápulaus undan ofbeldisseggjum á
þingi. Hún þekkir sitt heimafólk.
Dagfari