Dagblaðið Vísir - DV - 10.09.1992, Blaðsíða 13

FIMMTUDACrUR 10. SEPTEMBER 1992.
13
dv Sviðsliós
Pétur Jónasson, Vogum, Erlingur Sigurðarson frá Grænavatni og Þorgrímur Starri Björgvinsson, Garði.
Fyrstu réttir
haustsins
Finnur Baldursson, DV, Mývatnssveit
Fyrstu réttir haustsins fóru fram
um síðustu helgi og var þá réttað í
Reykjahlíðarrétt í Mývatnssveit í
Það er gott að grípa í réttarfleyginn
i nepjunni og kuldanum.
austan strekkingsvindi og 7 stiga
hita. Fé var í færra lagi í réttinni að
þessu sinni en fólk lét sig ekki vanta
frekar en fyrri daginn. Göngur voru
næstu tvo daga á undan og telja
bændur lömbin vera heldur smá.
Þrátt fyrir vindinn lá vel á mann-
skapnum og virtist fólk skemmta sér
vel eins og venja er í réttum en ald-
ursbilið var breitt því þarna mátti
sjá allt frá ungbörnum og upp í fólk
nálægt níræðu. Slysavamakonur
seldu kafíi, kakó, kökur, pylsur, gos
og sælgæti að vanda.
Reykjahlíðarrétt er merkilegt
mannvirki. Réttin er öll hlaðin úr
grjóti og mun elsti hluti hennar hafa
verið gerður kringum 1880-85. Hann
er því nálægt 110 ára en á þessari öld
var bætt við hana.
Það er ekki verra að fá smjáhjálp
við rollurnar hjá fullorðna fólkinu.
DV-myndir Finnur Baldursson
Ný íþróttamið-
stöð á Blönduósi
Magnús Ólafeson, DV, Blönduósi:
Nýja íþróttamiöstöðin á Blönduósi var formlega tekin
í notkun á sunnudaginn. Fjölmenni var við athöfnina,
ræður voru íluttar, ámaðaróskir og gjafir bámst og fram
fóru kappleikir í knattspyrnu, handknattleik og körfu-
bolta.
íþróttamiðstöðin er 1.690 m- að gmnníleti. Sjálfur
íþróttasalurinn er af löglegri keppnisstærö, alls rúmir
1.200 m2 en annar hluti hússins er á tveimur hæðum.
Áhorfendasvæðið rúmar 400 manns í sæti og í húsinu
era búningsklefar, þrekþjálfunarsalur, gufubað og að-
staða fyrir starfsfólk. Þá eru nokkrar stofur á efri hæð
hússins sem era notaðar sem kennslustofur fyrir grunn-
skólann.
Það var árið 1976 á 100 ára verslunarafmæli Blönduóss
sem þáverandi hreppsnefnd tók ákvörðun um að eitt af
þremur verkefnum hreppsins í minningu þessara tíma-
móta yrði bygging íþróttamiðstöðvarinnar. Nú er þessi
draumur orðinn að veruleika, 16 árum síðar.
Fyrsti kappleikurinn sem fram fór í nýja salnum var
knattspyrnukeppni milli ungra Blönduósinga en síðan
fór fram handknattleikur milli FH og KA í meistara-
flokki og körfuboltaleikur milli úrvalsdeildarliðanna
Tindastóls og Njarðvíkur.
Vígsluathöfn íþróttamiðstöövarinnar á Blönduósi var vel
sótt af heimamönnum. DV-mynd Magnús
Hallur Kr. Stefánsson, annar eigenda verslunarinnar
Svalbarða, með þúsundkallinn gamla, bréfið frá Vestur-
íslendingnum og harðfisk sem hann fær sendan um hæl
til Kanada.
Harðflskur fyrir
gamlan þúsundkall
Verslunin Svalbarði á Framnesvegi hefur löngum verið
þekkt fyrir sölu sína á vestfirskum harðfiski. Það er ekki
bara Reykvíkingum sem þykir harðfiskurinn góður,
heldur eru íjölmargir útlendingar einnig sólgnir í hann
og búðin selur árlega mörg hundrað kíló til útlanda.
Fyrir skömmu fengu verslunareigendur allsérkenni-
lega pöntun á harðfiski frá Vestur-Islendingi sem býr í
Vancouver í Kanada. Hann biður um að sér sé sendur
harðfiskur og lætur fylgja með pöntuninni eitt þúsund
krónur til aö borga fyrir góðgætið.
Hætt er við að nokkuð langt sé liðið síðan Vestur-íslend-
ingurinn G.E. Kristinsson, sem skrifaður er fyrir pöntun-
inni, hefur stigið fæti hér á land því þúsund króna seðill-
inn er frá því fyrir myntbreytingu og því ekki nema 10
króna virði! Eigendum verslunarinnar finnst hins vegar
gaman að fá sendingu af þessu tagi og ætla aö senda
Vestur-íslendingnum vænan pakka af vestfirskum harð-
fiski.
TILBOÐ
VIKUNNAR
HAGKAUP
- allt í einni ferd