Dagblaðið Vísir - DV - 04.01.1994, Blaðsíða 2

2
ÞRIÐJUDAGUR 4. JANÚAR 1994
Fréttir
Hrikalegar atvinnuleysistölur á Akureyri
Einn af hverjum tíu á
vinnumarkaði atvinnulaus
Gylfi Kristjánssan, DV, Akureyii
Atvinnuleysi á Akureyri er nú
meira en það hefur nokkru sinni
verið áður og lætur nærri að einn
af hveijum tíu á vinnumarkaði sé
atvinnulaus. Inni í þeim tölum er að
vísu fiskvinnslufólk sem er atvinnu-
laust tímabundið vegna verkfalls sjó-
manna, en sé litið á ástandið burtséð
frá því er það samt sem áður miklu
verra en áður hefur veriö.
í því sambandi nægir að nefna að
um áramótin 1992-1993 var tala at-
vinnulausra á Akureyri 491 og hafði
hærri atvinnuleysistala ekki sést í
bænum áður. Nær allt síðasta ár var
tala atvinnulausra yfir 400 en um
áramótin var talan hins vegar 730
auk um 280 manna sem vinna við
fiskvinnslu og koma á atvinnuleysis-
- þetta er landsböl, segir formaður atvmnumálanefndar
skrá vegna sjómannaverkfallsins.
„Ég sagði það í haust að svona
myndi þetta fara ef ríkisvaldið gerði
ekkert til að spyrna við fótum. Iðnað-
urinn er að hrynja og ég óttast þaö
að þetta eigi eftir að versna. Ég tel
víst að frekara atvinnuleysi verði í
verslun og þjónustu þegar undirstöð-
umar eru brostnar," segir Heimir
Ingimarsson, formaður atvinnu-
málanefndar Akureyrarbæjar.
Heimir segir að bæjaryfirvöld hafi
engar fleiri lausnir til að bæta
ástandið en þegar hafi verið gripið
til. „Við höfum í mörgum tilfellum
gripið inn í og stuðlað að endurreisn
fyrirtækja sem farið hafa í gjaldþrot
eða verið í erfiðleikum, en við getum
ekki haldið því áfram og höfum eng-
ar töfralausnir. Þótt atvinnuleysið
komi verr við okkur en aðra vegna
þess hversu illa iðnaðurinn hefur
farið þá er þetta ekki okkar einka-
vandamál, þetta er landsböl," segir
Heimir.
Ekkert atvinnuátak fyrir atvinnu-
lausa er í gangi um þessar mundir,
en Heimir segir að Akureyrarbær
hafi fengið úthlutun í næsta átaki í
samvinnu við Atvinnuleysistrygg-
ingasjóð. Þar sé um að ræða 150
mánaðarstörf sem væntanlega verði
skipt niður á fleiri aðila. Vandamálið
sé hins vegar að finna verkefni á
þessum árstíma. „Fyrirtæki hafa
ekki tekið því vel aö fá niðurgreitt
vinnuafl einhverra hluta vegna og
við gerum fólki engan greiða með því
að setja það bara í einhverja vinnu,“
segir Heimir.
Fáskrúösflöröur:
Sjómannafé-
lög eiga að
verja félaga
sína gegn
kvótabraski
- segir Eiríkur Stefánsson
Ægir Kristmsson, DV, Fáskrúðsfirði;
„Þama er komið í höfn, allavega
frá útgerðarinnar hendi, það veiga-
mesta í þessari deilu sem nú er í
gangi,“ sagði Eiríkur Stefánsson,
formaður Verkalýðs- og sjómannafé-
lags Fáskrúðsfjarðar, en VSF og Út-
gerðarfélagið Akkur á Fáskrúðsfirði,
sem gerir út rækjuskipið Klöru
Sveinsdóttur, hafa gert samning:
„Útgerðarfél. Akkur og VSF gera
með sér eftirfarandi samkomulag.
Akkur lýsir því yfir að það mun aldr-
ei láta sjómenn taka þátt í leigu né
kaupum á fiskkvóta". Ofanritað stað-
festa með undirritun eigendur Akks
og stjórn VSF.
„Það er enginn fognuður hjá Sjó-
mannasambandinu út af þessum
samningi - hvort við ætlum að fara
að losa einhveijar ákveðnar útgerðir
undan verkfallinu. Við spurðum þá
hvort ekki væri eðlilegt að þeir út-
gerðarmenn sem kæmu og væru til-
búnir að semja um kröfur okkar
fengju að gera það og hvort ekki ætti
að athuga um fleiri útgerðir sem til-
búnar væru að gera svona samning.
Þannig væri LÍU brotið á bak aftur,“
sagði Eiríkur Stefánsson.
Hvað útgerð togarans Óttars Birt- *
ings varðar þá eru útgerðarmenn
skipsins ekki í LÍÚ og verkfallið bein-
ist ekki að þeim, aðeins að félögum
í LÍÚ.
„Þetta verkfall er aðeins um kvóta-
kerfið. Þar sem sjómannafélög eru
starfandi í svo til öllum byggðarlög-
um á íslandi þá eiga félögin sem slík
að geta varið sig gegn þeim útgerðar-
mönnum sem ætla að stunda þann
ófögnuð að láta sjómenn taka þátt í
kvótakaupum eða leigu á kvóta. Það
hefur komið upp angi af þessu hér
en var algjörlega hafnað af sjómönn-
um. Sjómannafélögin eiga skilyrðis-
laust að veija félagsmenn sína gegn
svona kvótabraski," sagði Eiríkur
Stefánsson.
Þetta húsnæði Brunabótafélags íslands við Laugaveg hefur staðiö autt I fjögur ár.
Brunabótafélag fslands:
DV-mynd JAK
Fasteign við Laugaveg
staðið auð í fjögur ár
Fimm hæða hús Brunabótafélags
íslands að Laugavegi 103, alls 1734
fermetrar, hefur staðið autt í fjögur
ár. Þrátt fyrir viðræður við ýmsa
aðila hefur hvorki orðið af sölu né
leigu.
„Það gefur augaleið að þetta er
mikið tap. Við höfum verið í viðræð-
um við kaupendur og leigjendur öðru
hveiju en ekki orðið af samningum.
Stundum hefur húsnæðið ekki hent-
aö viðkomandi og stundum hentar
rekstur væntanlegs leigjanda ekki
okkur. Stundum hefur viökomandi
ekki verið tilbúinn aö borga nóga
leigu,“ segir Benedikt Sigurösson,
fjármálastjóri VÍS. Hann vill ekki tjá
sig um hversu mikiö hafi borið á
milli i sambandi við tilboð.
Benedikt segir það alltaf matsatriði
hvort sé betra að samþykkja lága
leigu eða láta húsnæðið standa autt.
Það fari eftir rekstri leigjanda.
„Það að húsiö skuli standa autt
endurspeglar ástandið á markaðn-
um. Það er alltof mikið til af hús-
næði sem enginn hefur not fyrir,“
leggur Benedikt áherslu á.
-IBS
Sjómannalisti fyrir alþingiskosningarnar
Gylfi Kristjánssan, DV, Akureyri:
Á aðalfundi Skipstjórafélags Norð-
lendinga var samþykkt áskorun til
sjómannasamtakanna þess efnis að
íhuguð verði stofnun stjórnmála-
flokks, sjómannahsta, fyrir næstu
kosningar til Alþingis.
Þá beindi fundurinn því til utanrík-
isráðherra að stjórn Aflamiðlunar
verði settar skýrar starfsreglur til
að fyrirbyggja misvísandi leyfisveit-
ingar eða geðþóttaákvarðanir varð-
andi útflutning á ísuðum fiski í gám-
um á erlenda markaði. Brýnt sé að
þær reglur séu auglýstar og séu öll-
um viðkomandi ljósar og skipum
verði ekki mismunað í leyfisveiting-
um eftir veiðigreinum.
Þá skoraði fundurinn á þingmenn
Norðurlands að beita sér fyrir tafar-
lausri afgreiðslu þyrlukaupamálsins
og benti fundurinn í því sambandi á
nýlegt dæmi þar sem þyrla Land-
helgisgæslunnar mátti frá hverfa
þegar Bergvík VE strandaði.
Stuttar fréttir
Vistmenn á Sólheimum fengu
ekki greidd laun fyrir vinnu sína
í fyrra fyrr en eftir afskipti trún-
aðarmanns. Viðræður um fram-
lög til heimilisins eru í hnút.
Sjónvarpið greindi frá þessu.
Landsbankinnfundar
Bankastjórar; Lahdsbarikans
ætla að hitta kaupendur SR-mjöls
að máli í dag. Bankinn krefst
ábyrgða eða greiðslu á lánum
sem hann hefur veitt fyrirtæk-
inu, alls um einum milljarði.
Sendihetra í Makedóníu
Ríkisstjómin hefur stofnað til
stjómmálasambands við Make-
dóníu í fyrrum Júgóslavíu.
Ákvörðun um sendiherraskipti
verður tekin síðar.
Fáaromistuflugvélar
Orrustuflugvélar Varnarliðsins
hafa oft verið færri en 12 að und-
anfömu. Skv. Sjónvarpinu era
dæmi um að þær hafi aðeins ver-
ið 4.
Gámaþjónustan hf. keypti um
áramótin eignir hreinsunarþjón-
ustu Hirðis. Þá hefur Gámaþjón-
ustan skuldbundið sig til aö
standa við þá samninga sem
Hirðir hefur gert.
Bandarísk stjórnvöld hafa lagt
til að blýinnihald vatns á flöskum
sé ekki meira en 5 mikrógrömm.
Á Heiðarfjalli hefur blýinnihald
vatns mælst allt að 5,8
míkrógrömm.
Verð á bensíni hækkaði ekki
um áramótin þrátt fyrir skatta-
hækkanir. Á hvern lítra lagðist
1,40 króna skattur. Gasolía lækk-
aði hins vegar um 60 aura lítrinn.
Þjóðarbókhlaðan vígð?
Til framkvæmda og frágangs á
Þjóðarbókhlöðunni verður varið
415 milljónum króna í ár. Skv.
Morgunblaðinu er stefnt að því
að vigja húsiö 1. desember í ár.
-kaa