Dagur - 07.12.1983, Blaðsíða 12
12 - DAGUR - 7. desember 1983
Gluggao í jólavörurnar
Nú er sá tími kominn þegar flest fer að minna á blessuð jólin. Gluggaútstillingarnar
verða skrautlegri og skrautlegri með hverjum deginum sem líður, enda fer þeim nú
fjölgandi sem staldra við í dagsins önn og líta eftir gjöfum handa ættingjum, vinum og
kunningjum. Jólaskreytingarnar fara að setja svip á verslunargötur og íbúðarhús. Bara
að kærleiksboðskapurinn gleymist ekki í öllu glysinu. Mynd: KGA.
Hvað er góðauglýsing?Allir auglýs-
endur borga fyrir að fá auglýsingu
birta íblöðum. Hvers vegna auglýsa
fyrirtæki þá vöru sína? Jú, til þess
að hún seljist. Þannig er hægt að
láta auglýsingu borga sig. En þaðer
ekki sama í hvaða blaði auglýst er,
því mörg hafa litla útbreiðslu og fáa
lesendur. Dagur hefur aftur á móti
mikla útbreiðslu og lesendur eru
fjölmargir.
Það borgar sigþvíað auglýsa íDegi,
þar eru al/ar auglýsingar góðar aug
lýsingar.
Auglýsing i Degi
BORGAR SIG
Framtaks-
samar
stúlkur
Þessar brosmildu stelpur; íris Björk Hafþórsdóttir, Árveig Ara-
dóttir, Berglind Aradóttir og Elma Geirsdóttir, auk Hörpu Haf-
bergsdóttur og Fjólu Sveinmarsdóttur, sem ekki gátu verið við
myndatökuna, héldu hlutaveltu og ágóðinn varð 613 kr., sem þær
hafa gefið til Dvalarheimilisins Hlíðar.
Þessar stelpur Iögðu Hlíð einnig lið. Þær héldu hlutaveltu og
ágóðinn varð 1.094 kr. Stelpurnar heita Sigrún Gylfadóttir, Rósa
Björk Símonardóttir og Hanna Kristín Másdóttir.
„Við ætlum að biðja ykkur að koma þessum peningum til Rauða
krossins,“ sögðu þessar tápmiklu stelpur, þegar þær komu með
566 kr. á ritstjórn blaðsins, en peninganna höfðu þær aflað með
hlutaveltu. Þær heita: Eygló Bergsdóttir, Sigríður Vilmundar-
dóttir, Margrét Lára Jóhannsdóttir, Þórunn Sif Sigurjónsdóttir
og Hrefna Kristín Jóhannsdóttir. Peningunum hefur öllum verið
komið til skila og blaðið var beðið fyrir bestu þakkir til þessara
framtakssömu stelpna.