Dagur - 30.05.1984, Blaðsíða 9

fc89r ism .08 - niJDAO - 8
30. maí 1984 - DAGUR - 9
himneskra hollvætta undirstrika svo,
í síðasta kórnum, með þeim rökum,
að glæsi- og göfugmennska hljóti
ávallt að vera lífæð mannkynsins,
hvernig sem skipast kunni um þeirra
tímanlegu örlög. Því að það lífræna
sé ódauðlegt, en hið helræna feigt.
Þetta er að vísu stutt skýring, en
mætti hún verða hlustendum til
nokkurs skilningsauka umfram það,
sem verkið skýrir sig sjálft, þá er til-
ganginum náð.“
0 Efldi mjög
sönglíf í bœnum
Björgvin Guðmundsson fæddist 26.
ápríl 1891 að Rjúpnafelli í Vopna-
firði. Tónlistargáfur hans komu
snemma í ljós, en fá tækifæri voru til
náms á hans uppvaxtarárum. Þó
lærði hann lítils háttar á orgel áður
en hann flutti til Kanada árið 1911.
Pá var hann jafnframt byrjaður að
semja sönglög.
í Kanada hélt Björgvin áfram
námi í hljóðfæraleik og tónfræði, en
jafnframt lærði hann þar húsasmíði.
Árið 1919 lauk hann við sína fyrstu
óratoríu, sem var „Friður á jörðu“
og árið 1924 lauk hann við óratorí-
una „Til komi þitt ríki“. íslendingar
í Vesturheimi tóku sig saman um að
styðja Björgvin til frekara tónlistar-
náms í Konunglegu akademíunni í
London. Þar lauk hann prófi eftir tvö
;ár.
Hátíðarkantötuna „íslands þúsund
ár“ við texta Davíðs Stefánssonar
samdi Björgvin 1929 og var hún fyrst
flutt í Winnipeg í mars 1931. Áuk
þessara verka hafði Björgvin um
þetta leyti gert drög að óratoríunum
„Örlagagátan“ og „Strengleikar“ og
sú síðarnefnda er við texta eftir
Guðmund Guðmundsson. Þar að
auki samdi hann mörg sönglög.
Árið 1931 fluttist Björgvin Guð-
mundsson til Akureyrar og gerðist
söngkennari við Barnaskólann og
Menntaskólann. Auk kennslunnar
efldi hann mjög sönglíf á Akureyri
með stofnun Kantötukórs Akureyr-
ar, sem um tíma þótti einn besti
blandaði kórinn á íslandi. Hæst reis
inerki hans árið 1951, en þá fór kór-
inn í tónleikaferð til Norðurlanda og
tók m.a. þátt í samkeppni norrænna
kóra í Stokkhólmi. í ferðinni voru
fluttir Strengleikar Björgvins, sem
hann stjórnaði sjálfur, en jafnframt
voru flutt íslensk sönglög, sem
Áskell Jónsson stjórnaði flutningi á.
Þrjú þeirra laga voru flutt í keppn-
inni og hafnaði kórinn í öðru sæti.
Mikið var rætt og ritað um kórinn og
frábæra frammistöðu hans í ferðinni,
sem glöggt má sjá í blöðum frá þess-
um tíma.
Kantötukórinn starfaði undir
stjórn Björgvins frá 1932 til 1954, en
þegar hann lét af störfum var enginn
til að taka við sprotanum, þannig að
starfsemi kórsins lagðist niður.
Björgvin Guðmundsson lést á Ak-
ureyri í ársbyrjun 1961. - GS.
Auglýsing um
skattskrá 1983
Skattskrá Noröurlandsumdæmis eystra 1983 ligg-
ur frammi á skattstofu umdæmisins aö Hafnar-
stræti 95, Akureyri frá 30. maí til 12. júní nk.
Einnig liggja þar frammi skrár um álagðan launa-
skatt 1983 og álagt sölugjald 1982.
Hjá umboðsmönnum skattstjóra liggja frammi
skrár hvers sveitarfélags.
Akureyri, 29. maí 1984.
Skattstjóri Norðurlandsumdæmis eystra.
Héraðsskólinn Laugum
Námsframboð 1984-85.
9. bekkur.
Framhaldsskóli:
Fomám almenn iðnbraut. Málabraut (2 ár).
Verknám tréiðna (2 ár). Náttúrufræðibraut (2 ár).
íþróttabraut (2 ár). Uppeldisbraut (2 ár).
Matvælatæknibraut (2 ár). Viðskiptabraut (2 ár).
Símar skólastjóra: Skrifstofa: 96-43112.
- Heima: 96-43113.
Umsóknarfrestur til 10. júní.
Héraðsskólinn Laugum, 650 Laugum.
Kvenfélagið Hjálpin
Saurbæjarhreppi heldur flóamarkað og basar að
Sólgarði laugardaginn 2. júní kl. 14-17. Margt
góðra muna. Notað og nýtt. Blóm, kökur o.fl. Kaffi-
sala og hestaleiga.
Nefndin.
Fimmtudagur 31. maí kl. 17.00.
Sunnudagur 3. júní kl. 15.00.
Allra sfðustu sýningar.
Miðasala opin alla virka daga frá kl. 15-18.
Laugardaga og sunnudaga frá kl. 13 og fram að sýningu.
Sími 24073. Leikfélag Akureyrar.