Dagur - 17.12.1987, Blaðsíða 4
4 - DAGUR - 17. desember 1987
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 560 Á MÁNUÐI
LAUSASÖLUVERÐ 55 KR.
GRUNNVERÐ DÁLKSENTIMETRA 400 KR.
RITSTJÓRAR:
ÁSKELL ÞÓRISSON (ÁBM.)
BRAGI V. BERGMANN
BLAÐAMENN:
ANDRÉS PÉTURSSON
(Reykjavík vs. 91-17450, pósthólf 5452, 105 Reykjavík),
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, KRISTJÁN KRISTJÁNSSON (íþróttir),
PÁLL B. VALGEIRSSON (Blönduósi vs. 95-4070), STEFÁN SÆMUNDSSON,
TÓMAS LÁRUS VILBERGSSON, VILBORG GUNNARSDÓTTIR,
ÞÓRHALLUR ÁSMUNDSSON (Sauöárkróki vs. 95-5960),
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Spilað með
sparifjáreigendur
Mikil samkeppni er ríkjandi um sparifé lands-
manna. Bankar og sparisjóðir auglýsa grimmt hina
ýmsu möguleika sem í boði eru og síst skortir hug-
myndaauðgina í nafngiftunum. Ríkissjóður keppir
um spariféð á þessum sama markaði og þá eru
ótaldir allir verðbréfasjóðirnir sem einnig slást um
þetta fjármagn.
Möguleikarnir til að ávaxta fjármagn eru svo
margir að hinn almenni sparifjáreigandi veit ekki í
hvorn fótinn hann á að stíga. Rekstur heimilis og
fyrirtækis er ekki frábrugðinn, nema hvað markmið
varðar. Rekstrarlega er munurinn lítill. Það er því
ekki minni ástæða fyrir einstaklinga en fyrirtæki að
íhuga fjármál sín gaumgæfilega, því rangar
ákvarðanir við lántökur eða val á sparnaðarformi
geta reynst dýrkeyptar. Fyrirtæki hafa oft á tíðum
sérfræðinga sér til aðstoðar við slíkar ákvarðanir
en meginþorri einstaklinga treystir á eigin dóm-
greind og lætur oftlega glepjast af fögrum fyrir-
heitum traustra peningastofnana.
Það er kunnara en frá þurfi að segja, að þeir
sparifjáreigendur sem treystu bönkunum fyrir fé
sínu á síðasta áratug, töpuðu miklum fjárhæðum.
Peningarnir hreinlega „brunnu upp“ á verðbólgu-
bálinu, enda óverðtryggðir. Þrátt fyrir öll gylliboðin
hefur sama sagan endurtekið sig á síðustu misser-
um. Þeir sparifjáreigendur sem geyma fé sitt á
almennum sparisjóðsbókum hafa tapað um einum
milljarði króna frá júní í fyrra til sama tíma í ár.
Vextirnir voru neikvæðir, náðu ekki að halda í við
verðbólguna.
Þótt það færist nú í vöxt að sparireikningar séu
baktryggðir gegn verðbólgunni, þ.e. að verðbætur
komi til ef verðbólgan reynist meiri en „hávextirn-
ir“, fer tiltrú almennings á hefðbundnar sparnað-
arleiðir minnkandi. Og þykir engum mikið.
Það er í raun furðulegt að sparifjáreigendur séu
alls óvarðir gagnvart því auglýsingaskrumi sem
viðgengst á sparifjármarkaðinum. Það er blekking
að blanda saman verðbótum og vöxtum og kalla
blönduna ávöxtun. Það hljómar vel í auglýsingu að
tala um ársávöxtun upp á 30-40%, en mesti glans-
inn fer af boðinu þegar í ljós kemur að vextirnir,
hin raunverulega ávöxtun , er e.t.v. ekki nema 2-
3%, afgangurinn er verðbætur.
Stjórnvöld eiga talsverða sök á því hvernig þess-
um málum er komið. Margir hafa gagnrýnt Seðla-
bankann í þessu sambandi og fullyrt að stofnunin
hafi v'anrækt eftirlitsskyldu sína með fjármagns-
markaðinum og sýnt framtaksleysi í stjórnun pen-
ingamála. Þessi gagnrýni á fullan rétt á sér.
Það er tími til kominn að stjórnvöld láti þessi mál
til sína taka með raunhæfum hætti, því ástandið á
peningamarkaðinum er hrein móðgun við spari-
fjáreigendur. BB.
Nýja Pórshúsið:
Spennamli og áhugavert verkefhi
- segir Gísli Kr. Lórenzson
Þórshúsið sprettur óðum upp úr jörðinni.
Bygginganefndin: F.v. Gísli Kr. Lórenzson formaður, Hallgrímur Skaptason
og Guðmundur Sigurbjörnsson.
Iþróttahús Þórs í Glerárhverfi
er nú í byggingu, eins og flest-
um er kunnugt. Húsið mun
gjörbreyta allri aðstöðu félags-
ins til hins betra en til þessa
hafa félagsstjórnin og einstak-
ar deildir haft fundaraðstöðu í
íþróttahúsi Glerárskóla. Að
sögn Gísla Kr. Lórenzsonar
var lífsspursmál fyrir Þór að
hefja framkvæmdir og hafði
það dregist í mörg ár þar til
skóflustungan var tekin í
haust. Með því var brotið blað
í sögu félagsins.
- Gísli, þú ert formaður bygg-
inganefndarinnar. Var haldið
tafarlaust áfram með verkið eftir
að fyrsta skóflustungan var
tekin?
„Nei, skömmu eftir að grunn-
urinn var gerður klár fór að snjóa
og þá var hætt í bili. Þegar hlán-
aði aftur var byrjað á að slá upp
fyrir undirstöðum og fyrsta steyp-
an var 13. nóvember. Eftir þetta
var haldið áfram á fullu og þetta
hefur gengið ótrúlega vel miðað
við að allt starf hefur verið unnið
í sjálfboðavinnu. Allt að tuttugu
félagsmenn hafa verið í sjálf-
boðavinnu í einu, aðallega á
kvöldin á virkum dögum en einnig
á laugardögum. Núna er verið að
klára innveggi og ef ekkert óvænt
verður að veðri reiknum við með
að kjallarinn verði orðinn fok-
heldur eftir tíu daga.“
- Hvað um áframhaldið?
„í vetur verður haldið áfram
með efri hæðina, eins og tíð leyf-
ir. Jafnhliða því verður unnið af
krafti í kjallaranum sem verður
einangraður og pússaður. Við í
bygginganefndinni vonum að ef
allt gengur vel verði hægt að
flytja starfsemina að hluta í kjall-
arann, sem tæki þá við af þeirri
aðstöðu sem við höfum nú í
íþróttahúsi Glerárskóla.
Við munum halda ótrauðir
áfram að steypa húsið upp og
næsta sumar verður því verki
vonandi lokið. Þá verða efri hæð
hússins og rishæðin innréttaðar.
Bygginganefndin heldur sér
ennþá við þá áætlun að verkinu
verði lokið á 18 mánuðum, ef
ekkert óvænt kemur upp.“
- Hvaða aðstaða verður í hús-
inu?
„Þar verður öll sú aðstaða sem
okkur vantar mikið til núna. í
kjallaranum verða búningsklefar,
sturtur og snyrtingar fyrir
keppnisfólk félagsins. Þá verður
aðstaða fyrir nudd, gufuböð og
ljósalampa. Ennfremur verður
aðstaða fyrir starfsfólk hússins
auk vélageymslu í kjallaranum
Á efri hæðinni verður stór
þreksalur, rúmgóð fundarað-
staða, kaffitería, eldhús og snyrt-
ingar. í risi hússins verður
húsvarðaríbúð eða aðstaða fyrir
þjálfara, ef þjálfari þarf tíma-
bundna aðstöðu hjá félaginu. Þá
verða sérstök herbergi fyrir aðal-
stjórn, deildir og framkvæmda-
stjóra félagsins ásamt setustofu.“
- Hvað er húsið stórt?
„Gólfflötur Þórshússins er alls
rúmlega ellefu hundruð fermetr-
ar á þremur hæðum. Notkun
hússins verður fyrst og fremst í
þágu Þórs en mér finnst líklegt að
almenningur geti fengið aðgang
að þreksalnum, án þess aö slíkt
hafi verið nánar ákveðið. Ég vil í
þessu sambandi benda á að hér er
aðeins um að ræða fyrsta áfanga
framkvæmda Þórs á þessu svæði.
í framtíðinni er ætlunin aó reisa
íþróttahús, sambyggt við Þórs-
húsið. Þetta íþróttahús hefur
ekki verið teiknað ennþá en í vor
mun endanlegt skipulag svæðis-
ins liggja fyrir og þá um leið
teikningar af íþróttahúsinu, sem
verður vestan við húsið sem nú er
í byggingu. Við erum ekki búnir
að fá þá lóð en munum sækja um
hana.“
- Hvernig eru þessar fram-
kvæmdir fjármagnaðar?
„Samkvæmt kostnaðaráætlun
mun húsið kosta 43 milljónir
króna fullbúið. Við vonumst til
að fá 40% af kostnaðarverði þess
hluta byggingarinnar sem sann-
anlega er vallarhús. Síðan mun-
um við leita til félagsmanna um
stuðning. Þór átti nokkurt fé í
startið, eins og við segjum, og
svo á félagið líka íbúð sem hugs-
anlega verður seld. Það er þó ekki
víst að til þess komi, það fer eftir
því hvernig gengur að ná inn
frjálsum framlögum félagsmanna
og annarra velunnara. Eg vil þó
segja að við erum ekki kvíðnir
fyrir þessum hluta málsins á þess-
ari stundu."
- Voru þessar framkvæmdir
ekki mjög brýnar fyrir félagið?
„Ég vil orða þetta þannig að
það var lífsspursmál fyrir félagið
að gera eitthvað í þessum
málum. Undanfarin ár velti
félagið vandanum á undan sér en
það dugði ekki annað en að hefj-
ast handa. Þetta dæmi er í raun
þannig að viðurkennt er að stóru
félögin í bænum, KA og Þór,
urðu bæði að fara í bygginga-
framkvæmdir. Annað hefði ekki
gengið lengur.“
- Viltu segja eitthvað að
lokum?
„Allir félagsmenn og aðrir sem
vilja hjálpa til eru velkomnir á
staðinn. Ólíklegustu menn hafa
látið sjá sig og unnið með okkur
að þessu þarfa málefni. Mér hef-
ur komið mest á óvart hversu
viljugir unglingarnir í félaginu
eru að koma í vinnu, þrátt fyrir
erfiðar æfingar. Þetta er spenn-
andi og áhugavert verkefni, eink-
um þegar maður finnur hversu
vel því er tekið.“ EHB
Smiðirnir hafa lagt sig alla fram um að verkið gangi sem best. „Ég man ekki
eftir annarri byggingu sem hefur gengið betur,“ sagði Óli Svans, en hann er
t.h. á myndinni.