Dagur - 22.01.1988, Blaðsíða 8

8 - ÐA<3UR - 22/>janúar 1-988
„TOPPURINNAÐ EIGA KONUAÐ VESTÁN..
hreinlega slegist um að koma
ferðamönnum út fyrir þetta
alræmda Suðvesturhorn. Ping-
eyingar allir þurfa að koma fram
sem ein heild til að taka á móti
þessu fólki. Þá á ég við að
Mývetningar, Húsvíkingar, aðrir
Þingeyingar og jafnvel Eyfirðing-
ar standi saman um að taka
almennilega á móti fólkinu, sýna
því það sem það vill sjá og þjón-
usta það vel.
Við stofnuðum um daginn á Ak-
ureyri félagsskap sem nefnist ís-
lensku hótelin, það er samstarfs-
hópur um að vinna sameiginlega að
vöruþróun, þjónustuþróun og
markaðsmálum. Við erum að
búa okkur til hjálpartæki til að
þróa okkur áfram og örva sam-
starf og það er akkúrat þetta sem
verður að fara að gerast og er að
gerast þar sem einhverjar fram-
farir eiga sér stað. í þessari grein
er verið að efla samstarf hags-
munaaðila á fleiri sviðum og mun
verða gerð grein fyrir því síðar.“
- Finnst þér ferðamanna-
straumur í Mývatnssveit hafa náð
hámarki með tilliti til náttúru-
verndarsjónarmiða?
„Ég vil nú ekki segja til um
það. Ef of mikið er af ferða-
mönnum þá er annað hvort að
skipuleggja sig betur og taka bet-
ur á móti þeim eða að fækka
þeim. Ég vil fara fyrri leiðina og
skipuleggja betur, hindra að
eitthvað sé eyðilagt og taka betur
á móti fólkinu. Ef það er of dýrt
verður hreinlega að fara að selja
aðgang.“
- Nú fylgir þínu starfi mikill
erill, hvernig líkar þér að vinna
sem hótelstjóri?
„Mér líkar vinnan mjög vel.
Það á mjög vel við mig að vera
ekki fastur á einhverjum ákveðn-
um tíma, ég kann mjög vel við að
geta hreyft minn vinnutíma til og
unnið á öllum og engum tímum.
Mér finnst allt gaman í vinnunni.
Það er ekkert sem hægt er að
segja að sé leiðinlegt, sem stjórn-
andi fyrirtækis fær maður náttúr-
lega allskonar mál inn á borð og
sum þeirra væri gaman að geta
sett beint í tunnuna en ég lít
þannig á að vandamálin komi á
borðið til að leysa þau strax og
það á illa við mig að salta hlutina,
ég vil sjá hlutina gerast fljótt.“
Yið verðum að lifa þetta af
- Hvað með nýtingu hótelsins á
veturna?
„Miðað við allar eðlilegar
aðstæður er nýting hér alveg
þokkaleg yfir veturinn þó hún
mætti vera betri. Þeir sem nota
sér þessa þjónustu á veturna eru
þeir sem eru í erindagjörðum hér
í bænum, þeir koma á vegum
fyrirtækja eða eru að þjónusta
þau, svo er alltaf eitthvað um
helgarfarþega Flugleiða. Ég á
ekki von á að þetta aukist að
neinu marki, hins vegar gæti það
orðið tískusveifla að fara hingað
eða eitthvað annað út á land í
stað þess að fara til útlanda t.d. á
skíði.
Það er nokkuð þekkt að það er
lítið að gera á veturna en mikið
aö gera á sumrin og við verðum
að lifa þetta af og laga okkur að
aðstæðum. Síðan er allt sem
veröur að tekjuauka á veturna
jákvætt“.
- Hvað með notkun bæjarbúa
á hótelinu, eykst hún eða eru
bættar samgöngur farnar að
valda því að þeir fari annað til að
skemmta sér?
„Mér dettur ekki í hug að segja
að bæjarbúar fari ekkert annað
til að skemmta sér því ég veit að
þeir gera það. Við getum ekkert
verið að keppa um skemmtana-
hald við aðra. Hins vegar finnst
mér að bæjarbúar mættu átta sig
betur á því að þetta er þeirra eig-
ið fyrirtæki og það á allt sitt undir
því að hafa þessi föstu sam-
kvæmisviðskipti á veturna, árs-
afkoman getur hreinlega byggst á
því. Fyrirtækið á allt sitt undir
viðhorfi eigenda sinna, það er
bæjarbúa, sé það jákvætt gengur
vel, sé það neikvætt gengur illa.
Það er náttúrlega engin einasta
glóra í því að vera með svoleiðis
samkvæmi á röngu verðlagi, það
verður að vera samræmi þannig
að fólk sé ánægt með matinn og
fái góða þjónustu. En ég sé ekki
ástæðu til að menn séu hér með
einhver pílagrímsviðskipti þann-
ig að þeir kaupi hér hangikjöts-
lærið á uppsprengdu verði, bara
af því að það er hérna. En ég vil
að menn átti sig á að þetta er
þeirra fyrirtæki og þeir fái hér þá
þjónustu sem þeir vilja fá, á verði
sem er vel samkeppnisfært.
Fyrirtæki eins og hótelið verða
að lifa á heimamarkaðinum, það
er markaður sem ekki þarf að
sækja og fólk veit hvað við getum
gert. Þegar þú kemur hérna inn
þá veistu alveg hver okkar tak-
mörk eru, þú veist hvað þú vilt fá
og getur nánast fengið nákvæm-
lega það sem þú vilt en það getur
þú ekki fengið alls staðar. Þetta
þyrftu heimamenn að íhuga, að
þeir geta fengið það sem þeir
vilja, bara ef þeir segja hvað þeir
vilja.“
- Nú tók hótelið félagsheimil-
ið á leigu í fyrravor, hvernig hef-
ur þessi sameiginlegi rekstur
gengið?
„Við hjá hótelinu erum hæst-
ánægð með það og finnst eðli-
legra að þetta sé rekið undir ein-
um hatti. Hér voru tvö fyrirtæki
undir sama þaki með nánast
sömu starfsemi en tvær yfirbygg-
ingar, við bættum engu starfs-
fólki við, hækkuðum ekki laun
þeirra sem juku vinnu sína,
þannig að hagkvæmnin er aug-
ljós.“
Loksins að átta okkur
- í fyrrahaust var teríu hótelsins
lokað og var sú ákvörðun
umdeild, hver var orsökin fyrir
henni?
„Það var mjög nauðsynlegt að
loka teríunni í fyrra, fyrir það
fyrsta voru tækin í henni orðin
mjög léleg, teppin og fleira orðið
ákaflega þreytt. Þetta var líka
spurning um að láta eitthvað
innanhúss breytast verulega og
athuga hvort heimamarkaðurinn
mundi taka viðbragð ef hann sæi
breytinguna
fíins vegar fór þetta að sumu
leyti fyrir ofan garð og neðan því
margir brugðust hreinlega reiðir
við, aðilar sem koma hér vægast
sagt mjög sjaldan sem gestir. Þó
varð söluaukning alla mánuðina í
fyrravetur. Nú er þörf á að gera
aðra breytingu því þessi hópur
Húsvíkinga sem borðar úti er svo
lítill að það tekur ekki nema
nokkra mánuöi að klára hverja
hugmynd.
Onnur mjög mikilvæg ástæða
fyrir lokun teríunnar er sú að
teríur eru til fyrir stóra markaði.
Ef flestir Húsvíkingar kæmu að
borða hér í hádeginu og við viss-
um að þeir kæmu væri þetta allt í
lagi. En það eru svo fáir sem
koma, við erum kannski að tala
um tíu manns og þá er ekki hægt
að eiga allar heimsins tegundir af
smurðu brauði, þrjá rétti og svo
framvegis. Það er ekki hægt að
hafa fullt borð af mat þegar von
er á svona fáum og ekki heldur
hægt að hafa hálftómt borð. Við
verðum að passa hráefnisnýting-
una. Þá er alveg eins gott að gest-
irnir tali við þjón eða fram-
reiðslumann og átti sig á því að
það þarf hvort sem er að bíða
smástund í öllum tilvikum. Komi
maður inn á teríu þar sem ein
brauðsneið er í borðinu þá kaup-
ir hann hana ekki því hann verð-
ur alveg viss um að hún sé eld-
gömul. Því borgar sig aldrei að
hafa teríu fyrir lítinn markað en
sú hugmynd hefur komið inn á
borð hjá okkur að opna skyndi-
veitingahús í hádeginu í salnum
sem terían var í og hafa svo meiri
huggulegheit þar á kvöldin.“
- Ertu bjartsýnn á framtíöina
fyrir Hótel Húsavík?
„Menn spyrja að því af hverju
komi ekki ferðamenn til Húsa-
víkur og hvað sé að gerast, hvar
ráðstefnur eins og voru hér fyrir
tíu árum séu. Því er til að svara
að fyrir tíu árum var Hótel Húsa-
vík nýtt og eiginlega eitt sinnar
tegundar á landsbyggðinni svo
samkeppni var lítil sem engin og
þessar ráðstefnur sem hér voru
haldnar var upplögð tilrauna-
starfsemi. Eftirspurn eftir slíku
er lítil í dag og er þess virði að
velta því fyrir sér af hverju þessir
hópar koma ekki aftur, hvernig
þjónustu fengu þeir? Voru þeir
ekki ánægðir? En upplýsingar til
að svara þessum spurningum
liggja ekki fyrir.
Mörguin finnst Húsavík
afskipt hvað ferðamenn varðar
og það er kannski af því að það
er ekkert landsfrægt náttúrundur
hér akkúrat í miðjum bænum.
Það hefur verið lítið fyrir ferða-
menn að gera hér en þar er að
verða veruleg breyting á. Á síð-
asta ári byrjuðu menn með sjó-
stangveiðiferðir og skoðunar-
ferðir á sjó og þar eru menn
kannski einmitt farnir að nálgast
raunveruleikann til að örva ferða-
mannastrauminn, það er sjórinn
sem menn vilja koma til að kynn-
ast hér.
Það er inn í myndinni núna að
hefja skoðunarferðir á landi frá
Húsavík en þær hafa ekki staðið
til boða. í fyrra byrjuðum við
með minigolf. Loksins, eftir öll
þessi ár erum við að átta okkur á
því að það þarf að bjóða fólki
eitthvað á staönum. Það eru fleiri
dæmi um það að hótel sem stend-
ur eitt og sér úti í auðninni það
gengur ekki neitt. Menn héldu
fyrir nokkrum árum að nóg væri
að byggja hótel, þar með væri allt
orðið fullt af ferðamönnum. Það
cr bara ekki málið, ferðamenn
standa ekki í röðum og bíða eftir
að komast hingað eða yfir höfuð
til íslands. Það verður að sinna
þessu eins og hverjum öðrum
markaði, það verður að vera
samband milli framboðs og eftir-
spurnar eins og í öllum öðrum
greinum. Maður hefur trú á að
aukið framboð þjónustu, s.s. að
framan er talið, leiði til aukinnar
eftirspurnar á þeirri þjónustu
sem fyrir er.“ IM
VERKMENNTASKÓLINN
Á AKUREYRI
Tölvunámskeið
Verkmenntaskólinn mun á næstunni bjóöa upp á rit-
vinnslunámskeið (Dos/Word) fyrir almenning, fáist
næg þátttaka. Námskeiðin verða 24 kennslustundir
eða 3 skipti. Hið fyrsta hefst 2. febrúar.
Innritun fer fram dagana 25.-29. janúar á skrifstofu
skólans á Eyrarlandsholti. Skrifstofan verður opin
aukalega mánudaginn 25. jan. frá kl. 17.00-19.00.
Frekari upplýsingar fást á skrifstofu VMA.
Skólameistari.
TU leigu
iðnaðarhúsnæði 60 fm n.h. og
40 fm e.h.
Heppilegt fyrir rafverktaka, léttan iðnað
eða sambærilega starfsemi.
Gott lagerpláss og góð skrifstofuaðstaða.
Húsnæðið er í Skála austurhlið sem snýr að Kald-
baksgötunni.
Nánari upplýsingar á skrifstofu okkar.
FELL hf. Kaupvangsstræti 4 Akureyri • simi 25455
HYunDni
PÍANÓ
Verð frá kr. 99.000.'
■uwmjhiio
; yssnBUÐ/nt ® 22111