Dagur - 25.03.1988, Page 4
4 - DAGUR - 25. mars 1988
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 24222
ÁSKRIFT KR. 660 Á MÁNUÐI
LAUSASÖLUVERÐ 60 KR.
GRUNNVERÐ DÁLKSENTIMETRA 465 KR.
RITSTJÓRAR:
ÁSKELL ÞÓRISSON (ÁBM.)
BRAGI V. BERGMANN
BLAÐAMENN:
ANDRÉS PÉTURSSON
(Reykjavík vs. 91-17450, pósthólf 5452, 105 Reykjavík),
ÁSLAUG MAGNÚSDÓTTIR, EGGERTTRYGGVASON, EGILL BRAGASON,
FRlMANN HILMARSSON (Blönduósi vs. 95-4070),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, KRISTJÁN JÓSTEINSSON,
KRISTJÁN KRISTJÁNSSON (iþróttir), STEFÁN SÆMUNDSSON,
VILBORG GUNNARSDÓTTIR,
ÞÓRHALLUR ÁSMUNDSSON (Sauðárkróki vs. 95-5960),
LJÓSMYNDARAR: GUÐMUNDUR HRAFN BRYNJARSSON,
TÓMAS LÁRUS VILBERGSSON,
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Starfsemi áhugaleikfélaga
Nú er sá tími árs þegar leikstarfsemi áhugafélaga
stendur í hvað mestum blóma. Víða um land gefst
fólki kostur á að sjá nágranna sína og vini stíga á
fjalir - oft í fyrsta sinn — og koma áhorfendum á
óvart.
Sú starfsemi sem fram fer hjá áhugaleikfélögum á
íslandi, er að mörgu leyti einstök, bæði hvað snertir
almenna þátttöku og einnig vandvirkni og metnað.
— Formaður samtaka áhugaleikhópa á Norðurlönd-
um lét nýlega þau orð falla, að þegar rætt væri um
leikstarfsemi af þessu tagi á Norðurlöndum, þá væri
jafnan litið til íslands sem fyrirmyndar.
En hver skyldi ástæðan vera þegar fólk leggur á
sig svo gífurlega vinnu í fleiri vikur og jafnvel mán-
uði sem raun ber vitni við uppsetningu á leikriti?
Sumir álíta kannski, að það sé sviðsljósið sem
freistar fyrst og fremst, en þeir sem reynt hafa vita
að það er eitthvað annað. Sennilega ræður þar
mestu sú þörf sem flestir hafa fyrir það að rækta
hæfileika sína og takast á við ný verkefni. Á síðari
árum hefur þjóðfélagið verið að breytast í þá átt, að
möguleikar á að „taka við“ í stað þess að „taka
þátt“ hafa stóraukist. - Þetta er þróun sem ástæða
er til að vera meðvitaður um og gera sér grein fyrir
þannig að menn geti verið á varðbergi.
Manneskjan er að því leyti til vanþroskuð að hún
gerir sér lífið oft erfitt og jafnvel óbærilegt svo til að
ástæðulausu. Hver hefur ekki upplifað það á vinnu-
stað eða í félagsstarfi að fólk hafi ekki getað unnið
saman og allt hefur endað með ósköpum. Ástæður
þess að aðstæður sem þessar skapast eru oft á tíð-
um þær að félagslegur þroski er ekki til staðar og
hæfileikinn að tjá sig og umbera aðra af skornum
skammti.
í starfi við uppsetningu á leikriti á félagslegum
grunni fær fólk tækifæri til þess að þroskast félags-
lega, auk þess sem það lærir framsögn og fram-
komu. Á þann hátt er það færara um að takast á við
lífið eftir en áður.
Áhugaleikfélög á Norðurlöndum hafa með sér
samstarf. Þetta starf hefur verið styrkt af Norður-
landaráði, og var styrkurinn á síðasta ári um 3 millj.
ísl. króna.
Á nýafstöðnu þingi Norðurlandaráðs var til
umræðu ný starfsáætlun á sviði menningarmála,
sem felur það í sér, að áhugafálögin eru sameinuð
atvinnuleikstarfseminni í nefndarumfjöllun.
Þessi breyting hefur verið harðlega gagnrýnd af
hálfu áhugaleikara þar sem þeir óttast að þeir muni
bera skertan hlut frá borði eftir þessa sameiningu.
Það er hlutverk þeirra fulltrúa sem sitja munu í
Norðurlandaráði í framtíðinni og bera hag þessarar
grasrótarstarfsemi fyrir brjósti, að sjá til þess að
svo verði ekki.
Þau 6.000 áhugaleikfélög á Norðurlöndum, sem
eru virk í dag, eiga allt gott skilið. Þeir fjármunir,
sem þau hafa fengið frá Norðurlandaráði hafa verið
notaðir til styrktar leikfélögum, sem farið hafa milli
landa með verk sín. - Það starf hefur verið norrænu
samstarfi mikils virði. Á þann hátt hefur
almenningur á Norðurlöndum fengið tækifæri til að
kynnast og skiptast á skoðunum, auk skemmtunar-
innar sem af hlýst. V.S.
Evrópusöngva-
keppnin í nærmynd
Eins og alþjóð veit þá fóru úr-
slit Eurovisionkeppninnar á
Islandi fram í Sjónvarpinu á
mánudagskvöldið og sigraði
Sverrir Stormsker þar með
glæsibrag. Fjölmiðlar hafa
fjallað mikið um Sverri og
sigurlagið og væri það að bera
í bakkafullan lækinn að fara
nánar út í þá sálma. Við ætlum
hins vegar að fjalla um þá hlið
keppninar sem ekki snýr að
sjónvarpsáhorfendum og sýna
lesendum myndir sem venju-
lega birtast ekki í dagblöðum
frá svona keppni.
Blaðamaður Dags var mættur
vel fyrir útsendingartíma og
fylgdist með undirbúningnum
síðasta tímann fyrir útsendingu.
Að sögn Einars Páls Einarssonar
myndmeistara var mesta stressið
búið þegar blaðamaðurinn mætti.
Sviðið var sett upp á iaugardag-
inn og síðan hefði mánudagurinn
farið í það að stilla tækniútbún-
aðinn, þar á meðal kastara og
hljóðnema. Mesta vinnan hefði
hins vegar farið í að tengja síma-
línur inn í húsið til að ná síma-
sambandi við dómnefndirnar átta
víðs vegar um land.
Björn Emilsson stjórnandi
þáttarins var að vísu ennþá á
fullu að stilla síðustu strengina
fyrir útsendinguna og stormaði
um svæðið og gaf fyrirskipanir í
allar áttir. Nú fóru keppendurnir
að koma úr förðunarherberginu
og Björn bað alla að setjast til að
fara yfir útsendinguna. Lagði
hann mikla áherslu á að þetta
ætti að vera ánægjulegt fyrir fólk-
ið sem væri að horfa á útsending-
una. Hann hafði lagt áherslu á að
keppendurnir mættu í sömu
fötunum og þeir höfðu verið í á
myndbandinu því þótt sent væri
út beint, myndi bandið vera not-
að í útsendingu. Ekki höfðu allir
farið að beiðni upptökustjórans
og gerði þetta því hugmyndir
hans um að „plata“ áhorfendur
heima erfiðara fyrir.
Létt var yfir keppendum og
greinilegt að samkeppnin fór
ekki illa í þá. Magnús Kjartans-
son reytti af sér brandarana,
Eyjólfur Kristjánsson spurði
Björn hvort hann ætti að nota
hárkollu því hann væri nýklippt-
ur á öðru myndbandinu en ekki
hinu. Bjarni Arason sat rólegur í
öftustu röð en Stefán Hilmarsson
Björn Emilsson umsjónarmaður þáttarins gefur Ijósamanninum fyrirmæli
áður en útsending hefst.
var áhyggjufullur á svipinn enda
Sverrir Stormsker ekki mættur
þegar upptakan var að hefjast.
En brátt var komið að útsend-
ingartíma, Sverrir mætti rétt áður
og Hermann Gunnarsson labbaði
fram á sviðið í fjólubláum fötum
sem féllu vel að fölbláu dalíunum
í skreytingunum á gólfinu. Hann
hóf upp raust sína en áhorfendur
í salnum gerðu sér ekki grein fyr-
ir að útsending var hafin og
gleymdu því að klappa fyrir Her-
manni. Ekki gekk útsendingin
alveg snurðulaust fyrir sig eins og
áhorfendur heima í stofu sáu en
þó komu engin stórvandræði upp
á. Ekki er það ætlunin að lýsa
keppninni sjálfri því meirihluti
þjóðarinnar fylgdist með útsend-
ingunni í sjónvarpinu.
Erfíðast að gera öllum
jafnt undir höfði
Eftir að útsendingunni lauk
ræddi blaðamaður Dags við
Björn Emilsson en hann hefur
borið hita og þunga af undirbún-
ingi þessarar keppni fyrir Sjón-
varpið. Hann sagðist vera þokka-
lega ánægður með þessa keppni
en þetta hefði verið strembinn
tími síðan í janúar. Sagði Björn
það hafa verið erfitt að vera hlut-
laus í undirbúningnum þannig að
allir þátttakendurnir fengju sama
tíma, t.d. í upptökum á lögum
sínum.
Björn fer með þeim Stefáni
Hilmarssyni og Sverri Stormsker
til Dublin þegar úrslitin í söngva-
keppninni fara fram. Dagur
spurði Björn hvernig undirbún-
ingnum fyrir þá keppni yrði
háttað.
„Eftir að Evrópusöngvaæðið
ér runnið af þjóðinni, þá munum
við þrír setjast niður og ræða
málin. Ég hef ákveðnar hug-
myndir í sambandi við útfærslu á
laginu en þetta mun allt verða
unnið í samvinnu okkar þriggja.
Ég er bjartsýnn á að lagið hans
Sverris geti plumað sig vel í úr-
slitakeppninni. Pað getur vel ver-
ið að fólk telji að ég sé of bjart-
sýnn en það er trú mín að „Þú og
Þeir" verði fyrir ofan sjöunda
sæti í Dublin.“ Svo mörg voru
þau orð Björns Emilssonar og
óskum við honum velfarnaðar í
undirbúningnum og svo keppn-
inni sjálfri. AP