Dagur - 25.03.1988, Blaðsíða 22
22 - DAGUR - 2é. mars T988
Bílskúrshurðaopnarar
Bílskúrshurðajárn
Eigum á iager ASTRA bílskúrshurðaopnara á
mjög hagstæðu verði vegna tollabreytinga.
Einnig höfum við A
{BDRKUR'
Fjttlnlsgtttu 1i • B00 Akureyrl
Simi (96] 21909
tii aígreiosiu viking I e.
bílskúrshurðajárn. pAL)
Bíla- og bátasími
Mobira er eitt vandaðasta merkið á
markaðinum.
★ Önnumst ísetningu í
bíla, báta og skip
Söluumboð á Norðurlandi.
■■■[
rfi-ynT * i' r" *—* -
"IBli.il. . . TIiT
Höldursf.
Draupnisgötu 1 Simar 21365 og 21715
Háskótimi og
atvinnulífið
Laugardag 26. mars boðar Háskólinn á
Akureyri til ráðstefnu um háskólann og
atvinnulífíð á Sal Verkmenntaskólans á
Akureyri.
Ráðstefnan hefst kl. 10 og henni lýkur kl. 17.
Dagskrá:
1. Haraldur Bessason, forstöðumaður Háskólans á
Akureyri:
Setning ráðstefnunnar.
2. Dr. Björn Dagbjartsson, forstjóri:
Matvælatækni - Hagnýtt háskólanám.
3. Brynjólfur Sigurðsson, prófessor:
Stefnumörkun og viðskiptanám.
4. Dr. Sigfús Jónsson, bæjarstjóri:
Sjávarútvegur og háskólinn.
5. Valur Arnþórsson, kaupfélagsstjóri:
Gagnvegir háskóla og atvinnulífs.
Matarhlé.
Að loknum framsöguerindum verður fram haldið
umræðum í tveimur umræðuhópum. Öðrum hópnum,
sem fjallar um viðskipti og viðskiptanám, veitir for-
stöðu Gunnar Ragnars, forstjóri, en hinum hópnum,
sem hórarinn Sveinsson, samlagsstjóri veitir forstöðu,
er ætlað að fjalla um matvælavinnslu og matvælafræði.
Boðið verður upp á veitingar einhvern tíma síðdegis. í
umræðunum munu fulltrúar Félags stúdenta við
Háskólann á Akureyri skrifa niður helstu atriði og gera
stuttlega grein fyrir þeim í ráðstefnulok.
Ráðstefnan er öllum opin og eru allir áhuga-
menn um atvinnumál sérstaklega hvattir til að
sækja hana.
Háskólinn á Akureyri.
Hallfreður
Örgumleiðason:
„Við drekkum okkar brennivín"
Svona hefur lögreglan fariö með bjórinn sem hingaö liefur borist, en vænt-
anlega fær hann betri móttökur aö ári liðnu.
Góðan daginn vinir mínir nær og
fjær. Af mér og mínum er allt
gott að frétta eins og fyrri daginn,
enda engin ástæða til annars þeg-
ar bjórfrumvarpið er komið vel á
veg í hinu háa Alþingi. Bjórinn
er nokkuð sem við Islendingar
höfum lengi þráð og það verður
aldeilis handagangur f öskjunni
þegar við loks fáum ótakmarkað-
an aðgang að þessari tegund
áfengis. Við höfum alla tíð verið
brennivínsberserkir hinir mestu
og ég veit að við munum halda
því áfram og gefum skít í áætlan-
ir einhverra alþjóðlegra heil-
brigðisstofnana sem stuðla að
25% samdrætti á heildarneyslu
áfengis fyrir árið 2000. Það er
álíka ntikil firra og slagorðið
reyklaust fsland árið 2000. Hvurn
andskotann ætla menn eiginlega
að gera árið 2000?
Við getum alltaf falið okkur á
bak við fámennið. Það hefur eng-
in áhrif á heildaráfengisneyslu í
heiminum hvort við drekkum 20
eða 80 lítra per mann af áfengi á
ári. Við drekkum okkar brenni-
vín og engar refjar, nær væri að
sullarar á borð við Frakka og ítali
færu að hugsa sinn gang eða bjór-
þambararnir í Þýskalandi, Bret-
landi og Danmörku. íslendingar
kunna allt og geta allt og verða
því ekki í vandræðum með að
umgangast bjórinn án þess að
drekka sér til óbóta. Bjór er holl-
ur og er því tilvalið að beina
drykkjunni á þá braut nú á tím-
um hollustu og heilbrigðis.
Andstæðingar bjórsins hafa
gjarnan litið til reynslu annarra
þjóða og þeir leggja Danina í ein-
elti. Þótt Danir svolgri bjór í gríð
og erg þá eru þetta engir aum-
ingjar, síður en svo, og reyndar
skemmtileg þjóð með afbrigðum.
Að mörgu leyti er það bjórnum
að þakka hve fólk er þar félags-
lynt og þægilegt í viðmóti. Hugs-
ið ykkur bara hvaða breytingar
eiga eftir að verða á íslensku
þjóðlífi með tilkomu bjórsins. í
stað þess að menn urri hver á
annan á götuhornum mun fólk
taka tal saman, gera að gamni
sínu og klappa á öxl náungans.
íslenska þunglyndið og tjáskipta-
haftið mun hverfa eins og dögg
fyrir sólu, stéttaskiptingin mun
þverra því bjórinn sameinar
menn burtséð frá stöðu þeirra í
þjóðfélaginu.
Bjórkrá. Þetta undrafyrirbæri
verkar eins og segull á eigin-
menn. Glaðlyndur hópur eigin-
manna mun hittast í bjórkrám á
kvöldin og ræða málin í bróðerni
og eiginkonurnar verða afskap-
lega glaðar yfir því að karlar
þeirra skuli loks hafa fundið sér
skemmtilegt áhugamál. Síðan er
hægt að skipuleggja fjölskyldu-
ferðir á krárnar þar sem eigin-
maðurinn fær sér Elefant, eigin-
konan Guld og börnin sötra
Grön. Ég kynntist þessari sér-
stöku stemmningu þegar ég var í
Köben og man sérstaklega eftir
fólki sem leit við á kránum eftir
að hafa náð í börn sín á dagheim-
ilin um fimmleytið. Börnin undu
sér afskaplega vel á kránum í
reykmettuðu lofti og hlýddu á
fróðlegar umræður um landsins
gagn og nauðsynjar.
Vissulega má kalla þetta stíl-
bragð mitt hér á undan ýkjur og
úrdrátt. Ef ég þekki þjóð mína
rétt þá verða settar strangar regl-
ur um bjórinn í fyrstu, eða þar til
of algengt er orðið að þær séu
brotnar en þá verður þeim
breytt. Fyrst um sinn verður
bjórinn aðeins seldur í Ríkinu og
á skemmtistöðunum. Opnunar-
tími kráa verður innan vissra
marka og aðgangur bannaður
innan 18 ára. Bjórdrykkja á
vinnustöðum og undir stýri verð-
ur stranglega bönnuð og enginn
má kaupa meira en 12 bjórdósir á
dag. Reglur breytast, gleymast
eða verða úreltar.
Hverjum manni hlýtur að vera
í sjálfsvald sett hvort hann drekk-
ur bjór, svo fremi sem það bitnar
ekki á öðrum, og auðvitað getur
hver maður krafist þess að fá að
lifa sínu lífi í friði. Hvað mig
sjálfan varðar get ég ekki annað
en glaðst yfir því að þjóðin skuli
loks verða orðin „vitsmunavera“
eins og Sverrir Stormsker orðaði
það, en hún á þó eftir að sýna
það í verki og þótt allir segi núna:
Nei, nei. Ég mun ekki drekka
neitt meira þótt bjórinn komi.
Kannsi rétt í fyrstu, en svo venst
maður þessu, - þá getur alltaf
verið að efndirnar verði aðrar.
Það verður bara að koma í ljós,
ég get engu spáð um það frekar
en aðrir, en þið getið auðvitað
spurt stjörnurnar um þetta eða
gengið á vit spákvenna og spá-
tölva. Það er bara verst hvernig
bjórþamb fer með mittismálið,
en verði ykkur að góðu.