Dagur - 23.09.1988, Blaðsíða 19

f íþróttir li
Ólympíuleikarnir í Suður-Kóreu:
íslendingar lögðu
Alsírbúa með 6 mörkum
- eru efstir í riðlinum með betri markatölu en Sovétmenn
íslendingar sigruðu Alsírbúa í
sínum öðrum leik á Ólympíu-
leikunum í Suður-Kóreu í gær.
Lokatölur urðu 22:16 eftir að
Islendingar höfðu haft þriggja
marka forystu í leikhléi, 11:8.
íslendingar sitja því enn í efsta
sæti riðilsins en hafa ber í huga
að þessir leikir sem eru að baki
geta vart talist annað en upp-
hitun fyrir það sem framundan
er - alvaran er eftir.
íslendingar fóru jafnvel verr af
stað í gær heldur en í fyrsta leikn-
um gegn Bandaríkjamönnum.
Atli Hilmarsson skoraði fyrsta
mark leiksins en síðan gerðu Als-
írbúar sér lítið fyrir og skoruðu
fimm mörk í röð. Vörn íslenska
liðsins var götótt og sóknar-
leikurinn ráðleysislegur og óneit-
anlega rifjaðist upp martröðin
gegn Suður-Kóreumönnum í síð-
ustu heimsmeistarakeppni. Krist-
ján minnkaði muninn úr vítakasti
en Alsírbúar svöruðu strax aftur.
Þá var komið að þætti Sigurðar
Gunnarssonar. Með þremur
þrumuskotum minnkaði hann
muninn f tvö mörk, Alsírbúar
skoruðu áttunda markið og síðan
jafnaði Kristján Arason leikinn
með tveimur mörkum og íslend-
ingar fóru að anda léttar. Enn
komust Alsírbúar yfir en stór-
góður lokakafli íslendinga
tryggði þeim þriggja marka for-
ystu í hléi.
Fljótlega í síðari hálfleik
misstu íslendingar tvo menn út af
í einu og Alsírbúar gengu á lagið
og jöfnuðu. íslendingar gerðu
síðan út um leikinn með góðum
kafla, skoruðu fimm mörk í röð
og eftir það var spurningin aðeins
hversu stór sigurinn yrði. Á loka-
mínútunum fengu þeir Alfreð
Gíslason og Geir Sveinsson báðir
rautt spjald vegna þriggja brott-
vísana en það mun ekki hafa
áhrif á aðra leiki þannig að þeir
mæta galvaskir í slaginn við
Svía.
Eftir að íslendingar náðu sér á
strik léku þeir oft stórgóðan
handbolta en óneitanlega hlýtur
að vera áhyggjuefni hversu lengi
liðið hefur verið í gang í fyrstu
leikjunum. Hægt var að afsaka
það gegn Bandaríkjamönnum
þar sem lið þeirra var alveg
óþekkt fyrir leikinn en íslenska
liðið vissi nákvæmlega við hverju
var að búast frá Alsírbúum og
hafði undirbúið sig í samræmi við
það. Líklegasta skýringin er sú
að um vanmat hafi verið að ræða
og þá ætti þetta vandamál að vera
úr sögunni því fæstir vanmetalið-
in sem íslendingar eiga eftir að
spila við. Eitt er a.m.k. víst og
það er að illa fer ef íslenska liðið
byrjar á þennan hátt í þeim leikj-
um.
Kristján Arason átti stórgóðan
leik með íslenska liðinu í gær,
gífurlega traustur í vörninni og
yfirvegaður í sókninni. Kristján
var enn markahæstur í liðinu
með átta mörk. Sigurður Gunn-
arsson átti einnig góðan leik og
skoraði fimm mörk og þeir Atli
Hilmarsson, Þorgils Óttar
Mathiesen og Bjarki Sigurðsson
skoruðu þrjú mörk hver. JHB
Þorgils Óttar og félagar hafa farið vel af stað á Ólympíuleikunum.
TcVinVVf •
Héðinn til Svíþjóðar?
Hugsanlegt er að Akureyring-
urinn Héðinn Björnsson fari til
Svíþjóðar í vetur og æfi þar og
leiki íshokkí með sænsku liði.
Héðinn var búinn að fá pláss
hjá Iiði þar í landi í fyrra en
viku fyrir brottför meiddist
hann illa og varð að hætta við.
íþróttafulltrúi í Vásterás er nú
að athuga málið að nýju og er
búist við svari einhvern næstu
daga.
Héðinn sagði í samtali við
blaðið að þetta væri gamall
draumur hjá sér. Sagði hann að
verið væri að tala um einn og
hálfan til tvo mánuði sem hann
fengi að dvelja hjá sænsku liði og
æfa og spila með því. Sagðist
hann vonast til að sú reynsla
myndi í framhaldinu nýtast
Skautafélagi Akureyrar á ein-
hvern hátt því hann myndi á
þessum tíma reyna að kynna sér
sem flest, m.a. þjálfun.
Forsaga málsins er sú að fyrir
fjórum árum barst boð til skauta-
félagsins frá Finnlandi um að
senda þangað mann. Héðinn var
við nám á þeim tíma og gat ekki
þegið boðið af þeim sökum en
sagðist nú vonast til að geta látið
drauminn rætast. JHB
Handknattleikur:
Áheit á landsliðið
Dalvíkingar riðu á vaðið
Landinn getur nú sýnt stuðn-
ing sinn við handknattleiks-
landsliðið, sem er á fullu á
Ólympíuleikunum, með því að
leggja inn áheit á gíró 754005.
Það voru sex Dalvíkingar sem
riðu á vaðið í fyrra með því að
heita vissri fjárhæð fyrir sæti á
Ólympíuleikunum. Upphæðin
hækkar sífellt eftir því sem lands-
liðið kemst ofar á leikunum og að
sjálfsögðu er upphæðin mest ef
íslendingar komast í úrslitaleik-
inn sjálfan. AP
23. september 1988 - DAGUR - 19
Sigurður Gunnarsson átti góðan leik gegn Alsír og skoraði mikilvæg mörk.
Afmælismót enska knatt-
spyrnusambandsins:
Arsenal og Man. Utd.
í úrslitaleikinn
- Watford sigraði Bradford 2:0
og er í efsta sæti 2. deildar
Það verða Arsenal og Manch-
ester Utd. sem leika til úrslita
á 100 ára afmælismóti Enska
knattspyrnusambandsins þann
9. október.
Arsenal sigraði Liverpool á
þriðjudaginn með tveimur mörk-
um gegn einu. Liverpool saknaði
nokkurra leikmanna sem eru
meiddir auk þess sem markvörð-
ur þeirra Bruce Grobbelaar er
veikur. Framkvæmdastjórinn,
Kenny Dalglish dró því farm
skóna, en allt kom fyrir ekki.
Arsenal á einnig í vandræðum,
Paul Davis hinn sterki miðvallar-
leikmaður liðsins á nú yfir höfði
sér langt keppnisbann fyrir að
kjálkabrjóta Glen Cockerill
leikmann Southampton í leik lið-
anna sl. laugardag þegar dómar-
inn sá ekki til, en sjónvarps-
myndavélarnar tala sínu máli.
Á miðvikudaginn sigraði síðan
Man. Utd. lið Newcastle í fram-
lengdum leik 2:0 og skoruðu þeir
Steve Bruce og Brian McClair
mörk liðsins í framlengingunni.
2. deild
Heil umferð fór fram í 2. deild í
vikunni. Watford sigraði Brad-
ford heima 2:0 og er nú efst í 2.
deild með 15 stig. Rick Holdon
skoraði bæði mörk Watford.
Chelsea tapaði enn einum leikn-
um, nú heima gegn Man.City.
Payton skoraði fyrir Chelsea á 7.
mín., en tvö mörk frá Ian Bright-
well og eitt frá Paul Moulden
tryggðu City sigur.
Ipswich og Blackburn eru í
öðru til þriðja sæti með 13 stig,
Simon Milton skoraði þrjú mörk
í stórsigri Ipswich 5:1 á útivelli
gegn Shrewsbury. Blackburn
vann einnig góðan útisigur, 3:1
gegn Hull City.
Perry Digweed markvörður
Brighton fór meiddur út af í fyrri
hálfleik gegn W.B.A. sem sigraði
með marki Don Goodman.
Leeds Utd. vann sinn fyrsta
sigur á keppnistímabilinu, Bobby
Davison og Vince Hilaire skor-
uðu mörk liðsins gegn Barnsley.
Mike Newell tryggði Leicester
sigur gegn Plymouth með eina
marki þess leiks. Þ.L.A.
Enska knattspyrnan:
ÚrsÚt
100 ára afmælismót ensku
deildanna - undanúrslit.
Arsenal-Liverpool 2:1
Manchester Utd.-Newcastle 2:0
2. deild
Chelsea-Manchester City 1:3
Hull City-Blackburn 1:3
Oldham-Oxford 3:0
Shrewbury-Ipswich 1:5
Stoke City-Portsmouth 2:2
Sunderland-Crystal Palace 1:1
Swindon-Bournemouth 3:1
Walsall-Birmingham 5:0
Watford-Bradford 2:0
Brighton-W.B.A. 0:1
Leeds Utd.-Barnsley 2:0
Leicester-Plymouth 1:0
Staðan
Watford 6 5-0-1 11: 3 15
Ipswich Town 5 4-1-0 12: 4 13
Blackburn 5 4-1-0 9: 313
Portsmouth 6 3-2-1 13: 7 11
Bradford 6 3-2-1 6: 311
Oldham 6 3-1-2 13: 7 10
W.B.A. 6 2-3-1 6: 4 9
Oxford 6 2-3-1 7: 8 9
Bournemouth 5 2-2-1 5: 3 8
Manchester City 62-2-2 9:10 8
Leicester 6 2-2-2 6: 8 8
Walsall 5 14-0 9: 4 7
Plymouth 5 2-1-2 8: 6 7
Barnsley 614-1 4: 5 7
Huil City 6 2-1-3 5: 7 7
Swindon 5 1-3-1 6: 6 6
Leeds Utd. 5 1-3-1 4: 6 6
Crystal Palace 5 0-4-1 3: 5 4
Sunderland 5 0-3-2 4: 7 3
Chelsea 6 0-3-3 5: 9 3
Stoke City 6 0-3-3 3: 9 3
Birmingham 51-04 5:15 3
Shrewsbury 5 0-2-3 4:10 2
Brighton 5 0-0-5 5:11 0