Dagur - 23.09.1988, Blaðsíða 20

Fjölskyldutilboð Bautans sunnud. 25. sept.
Rjómalöguð sveppasúpa ★ Salatbar ★
Grísasteik með sykurbrúnuðum kartöflum og kryddsósu
Triffle í súkkulaðibolla kr. 850,-
Hálft gjald fyrir 11 ára og yngri eða
hamborgari með frönskum og ís, kr. 250,-
Sölufélag Austur-Húnvetninga:
LA og Gríniðjan:
Miklar birgðir af
óseldu hrossakjöti
- nýtt dilkakjöt ekki sett á markað
fyrr en samið hefur verið um verð
Hrossakjöt hefur varla hreyfst
í kjötgeymslum Sölufélags
Austur-Húnvetninga á Blöndu-
ósi að undanförnu og liggur
félagið nú með tæpan helming
þess kjöts sem lagt var inn hjá
því á síðasta verðlagsári.
Vetur að ganga í garð:
Varthefur
orðið hálku
á fjallvegum
Nú þegar fjöll eru farin að
grána svo mjög, að gárungarn-
ir tala um skíðafæri í Hlíðar-
fjalli er tími til kominn fyrir
ferðalanga að íhuga útbúnað
bifreiða sinna með tilliti til
vetraraksturs.
Með lækkandi hitastigi eykst
nefnilega hættan á hálku, sér-
staklega á fjallvegum. Dagur
hafði samband við vegaeftirlit-
ið og athugaði hvort vart hefði
orðið hálku á Norðurlandi í
haust. Ekki vildu þeir meina að
ástandið væri orðið alvarlegt, þó
svolítil hálka hafi verið á Oxna-
Orsök þess að sala hrossakjöts
hefur dregist saman er að verð á
þessari vörutegund hækkaði
verulega til framleiðenda á sl.
hausti og um áramótin var svo
lagður á það söluskattur sem ekki
hafði verið á hrossakjöti fram að
þeim tíma.
Að sögn Ragnars Inga Tómas-
sonar var innlagt hrossakjöt hjá
SAH 89 tonn á árinu, þar af
komu til innleggs í sláturtíð 83
tonn. Af því innleggi eru nú 40,7
tonn enn í frystigeymslum og lít-
ur ekki vel út með sölu á þeim
birgðum.
Ragnar sagði að ráðamenn
vildu ekkert fyrir þessa fram-
leiðslugrein gera, svo sem að
fella niður söluskatt og þetta hlyti
að koma verulega við pyngju
bænda í þeim héruðum þar sem
mest hefði verið framleitt af
hrossakjöti á undanförnunt árum
og menn treyst á árvissar tekjur
af þessari framleiðslu.
Sauðfjárslátrun er nú hafin hjá
SAH en kjöt af nýslátruðu verð-
ur ekki sett á markað fyrr en
samið hefur verið um nýtt verð á
því fyrir yfirstandandi fram-
leiðsluár. fh
Gífurleg
ásókn
í miða
á NÖRD
Mikil ásókn er í miða á
NÖRD, gestaleik Gríniðjunn-
ar, hjá Leikfélagi Akureyrar.
Ráðgerðar voru fjórar sýning-
ar, 22.-25. september, kl.
20.30, en sl. miðvikudag var
þegar orðið uppselt á þrjár
fyrstu sýningarnar.
Þegar ljóst var hvert stefndi
var ákveðið að halda aukasýn-
ingu á NÖRD laugardaginn 24.
september kl. 15. Ef þessi ráð-
stöfun nægir ekki er möguleiki á
annarrí aukasýningu á sunnudag-
inn á sama tíma, en síðasta sýn-
ing verður kl. 20.30 á sunnudags-
kvöld.
NÖRD er gamanleikur eftir
bandaríska leikarann og leik-
skáldið Larry Shue. Gríniðjan
sýndi leikinn við góða aðsókn á
Hótel Islandi sl. vetur og sýning-
ar verða teknar upp í íslensku
óperunni um næstu mánaðamót.
Leikstjóri er Gísli Rúnar Jónsson
og auk hans fara þau Randver
Þorláksson, Sigrún Waage,
Júlíus Brjánsson, Edda Björg-
vinsdóttir, Björgvin Franz Gísla-
son og Laddi með hlutverk í
NÖRDINUM. SS
Áður en haldið er í róður, er betra að atliuga hvort allt sé ekki klárt.
Mynd: TLV
Skriðurnar í Ólafsfirði:
Heildartjón vel yfir 20 minjónum
- fólk ánægt með hversu skjótt viðlagatrygging brást við
dalsheiði fyrr í vikunni. Þeir
vildu þó beina þeim tilmælum til
fólks, að fara ekki á vanbúnum
bílum í langferðir, því ástand
vega getur hæglega breyst á einni
klukkustund.
Dagur hafði spurnir af fólki
sem ætlaði snemma í gærmorgun
yfir Öxnadalsheiði en varð að
snúa við vegna ófærðar, en
reyndar var bifreið þess á sumar-
dekkjum. VG
Týndu milljónirnar sem Verk-
menntaskólinn á Akureyri hef-
ur auglýst eftir eru ekki enn
komnar í leitirnar. Fram-
kvæmdir við miðálmu skólans
munu stöðvast eftir 2-3 vikur
þar eð fjárveiting til byggingar-
innar er að verða uppurin.
Þröngt mega sáttir sitja í
kennslustofum skólans í vetur
og óvíst hvort eitthvað rætist
úr vandanum næsta haust.
Magnús Garðarsson, fulltrúi
skólanefndar VMA, sagði að
framkvæmdir við miðálmuna
myndu ekki komast eins langt og
áætlað hafði verið vegna
fjárskorts. Þessi álma tengir sam-
an þá fjóra áfanga sem búnir eru
og ráðgert var að innrétta fimm
kennslustofur í bókasafnsrými til
að leysa bráðasta vandann í
húsnæðismálum skólans.
Starfsmenn viðlagatryggingar
hafa nú metið hvert heildar-
tjónið vegna skriðufallanna
var í Ólafsfirði. Samkvæmt
fyrstu tölum nam bótaskylt
„Það er jafnvel orðið hæpið að
við getum lokið við kennslustof-
urnar fyrir næsta haust vegna
þess hve skammt á veg fram-
kvæmdir eru komnar. Nú er
mjög stór árgangur í skólanum
og von á stórum árgöngum næstu
tvö ár, þannig að ef við fáum ekki
þetta hús fer að verða spurning
hvað Háskólinn gerir. Ef hann
þarf viðbótarhúsnæði þá getur
hann ekki fengið það hjá okkur,"
sagði Magnús.
Hann sagði að skólinn hefði
gert yfirvöldum grein fyrir stöð-
unni, ekki kæmi til greina að
keyra fram úr fjárveitingu, en
VMA yrði að fá aukafjárveitingu
ef framkvæmdir ættu ekki að
stöðvast. Til þessa hefði ekki
komið ef aukafjárveiting upp á
rúmar 20 milljónir, sem fullyrt
var að skólinn fengi, hefði komist
rétta boðleið. SS
tjón 20 milljónum, en sú tala
mun væntanlega hækka og
verða nær 30 milljónum, því
enn eru að koma í Ijós
skemmdir sem ekki hafa verið
metnar.
„Það er ekki alveg fullkannað
hjá bænum hvert heildartjón
hans verður, þessar tölur eru til
bráðabirgða og eiga eftir að
hækka talsvert, svo hér er ekki
um vanmat að ræða,“ sagði
Bjarni Grímsson bæjarstjóri í
Ólafsfirði.
Aðspurður um hvort einstakl-
ingar séu sáttir við mat viðlaga-
tryggingar sagði hann að megin
þorri fólks væri það. „Fólk ersér-
staklega ánægt með hversu skjótt
var brugðist við, en bæturnar
hafa þegar verið greiddar út.“
Bjarni sagði að ákveðnir hlutir
væru ekki bótaskyldir hjá við-
lagatryggingu og það tjón verða
einstaklingar og bæjarfélagið að
bera. Hér er um að ræða lóðir;
hjá bænum eru það opin svæði,
götur sem grófust í sundur
o.s.frv. „Það er fyrst og fremst
þetta sem verður útundan. Lóðir
einstaklinga eru aðeins bættar
samkvæmt lóðamati, sem þýðir
að garðyrkjuvinna er ekki bætt
og í sumum tilfellum sáu ein-
staklingar tveggja áratuga vinnu
hverfa á einum sólarhring.“
Auk þessa, urðu golfvöllurinn
og skeiðvöllurinn fyrir verulegum
skemmdum sem ekki verða
bættar. Tjón þessara aðila nemur
um 700 þúsundum.
Fjallshlíðin ofan við bæinn er í
sárum eftir skriðuföllin og hefði
ekki enn verið rætt um upp-
græðslu þar. Þar eru hins vegar
fyrirhugaðar forvarnaraðgerðir
sem að öllum líkindum verða
„Kvótamál skipa Samherja eru
þolanleg, vio viljum allir fá
meiri þorsk, en við höfum
reynt að stýra því hvað skipin
veiddu og stöndum því alveg
þolanlega,“ sagði Þorsteinn
Már Baldvinsson, fram-
kvæmdastjóri Samherja hf. á
Akureyri, þegar hann var innt-
ur eftir kvótamálum fyrirtækis-
ins.
Öll skip Samherja hf. eru á
aflamarki. „Við höfum kvóta
Þorsteins upp á að hlaupa,“ sagði
Þorsteinn Már, en skipið Þor-
steinn EA 610 skemmdist í ís sl.
vetur, eins og kunnugt er. Kvóti
Þorsteins hefur því nýst vel en
fjármagnaðar af ofanflóðasjóði.
Bjarni sagði að í fjallinu væru
hafnar bráðabirgðaframkvæmdir
sem lokið yrði við í vikunni. „Það
er ekkert fallegt að sjá hér upp í
hlíðina núna, en við stefnum að
því að græða skurðina upp jafn-
framt því að hlíðin verður grædd
upp.“ VG
veiðum skipanna hefur verið
stjórnað þannig að þau hafa verið
töluvert á skrapi og veitt allmik-
inn karfa auk rækju. Niðurstaðan
er sú að þeir Samherjamenn eru
þolanlega settir, eins og Þor-
steinn Már komst að orði.
Samherji hf. keypti fyrir
skömmu Hraunsvík, 58 tonna bát
frá Grindavík, en Oddeyri hf.
keypti Þorlák helga, 150 tonna
skip frá Siglufirði. „Við fáum
ekki mikinn kvóta með þessum
skipum í ár en ef þetta kerfi sem
nú er heldur áfram þá er engin
launung á því að ætlunin er að
láta önnur skip veiða kvóta
þeirra," sagði Þorsteinn Már
Baldvinsson. EHB
Verkmenntaskólinn á Akureyri:
Framkvæmdir við mið-
áJmu að stöðvast
- Týndu milljónirnar ekki komnar í leitirnar
Kvótamál Sam-
herja þolanleg
- segir Þorsteinn Már Baldvinsson