Dagur - 29.10.1988, Blaðsíða 9

29. október 1988 - DAGUR - 9
Eggert Helgason, tamningamaður á Nautabúi.
Hesthúsið á Nautabúi er enn í byggingu en á að geta hýst yfir 40 hross.
hann hjá mér í fjóra mánuði og
hann breyttist mikið á þeim tíma.
Stjörnufákur var toppurinn og
svo Neró frá Gilá, það er mikið
góður hestur.“
- Tamdir þú Neró frá byrjun?
„Nei það var búið að temja
hann fjögurra vetra gamlan í tvo
mánuði og eftir það stóð hann
alveg óhreyfður. Hann var þá
graður en svo var hann geltur
fjögurra eða fimm vetra og ég tók
hann fyrst um sumarið þegar
hann var fimm vetra og var þá
með hann í nokkra daga. Svo tók
ég hann aftur í vetur, skömmu
fyrir ískappreiðarnar, hann vann
þar 150 m skeiðið. Ég var líka
þar með Stjörnufák sem varð þar
annar í töltinu og vann firma-
keppnina.“
- En þessir bikarar þarna á
hillunni, hvernig vannst þú þá?
„Peir eru frá íþróttadeild hesta-
mannafélaganna. Neró vann
fimmganginn á íþróttamótinu,
Stjörnufákur vann fjórganginn
og töltið. Svo varð Neró þriðji í
gæðingaskeiðinu. Svo var ég með
fjórða og fimmta hest í A-
flokknum, það voru Neró og
brúnn klár frá Reykjum. Stjörnu-
fákur vann B-flokkinn og eigandi
hans Trausti Kristjánsson fékk
þar bikar og skjöld. Ég átti sjálf-
ur klárinn sem varð í þriðja sæti í
B-flokknum, ég er nú búinn að
selja hann.
Stóra bikarinn vann ég með
'' því að verða stigahæsti knapinn á
mótinu á Neistavellinum í
mv sumar.“
- Átt þú sjálfur lítið af
hestum?
„Ég á níu merar sem ég er með
í folaldseignum, svo á ég núna
þrjá tamda klára.“
- Þú varst með mann með þér
við að temja hér í sumar, var nóg
að gera fyrir ykkur báða?
„Mágur minn, Sigurður Kol-
beinsson, kom hingað í apríl og
var hjá mér í sumar. Við vorum
að temja fram um mánaðamótin
ágúst-sept. og það var yfirdrifið
nóg að gera, eftirspurn eftir
tamningu er orðin mjög mikil.
Við vorum m.a. með tólf merar.“
- Voru merarnar undan ætt-
bókarfærðum foreldrum?
„Yfirleitt var það nú ekki en
þær geta verið vel ættaðar án
þess. Þessar merar komu nokkuð
vel út og á kynbótasýningunni
sem var haldin í ágústlok voru
átta þeirra sýndar, þrjár fóru
reyndar aðeins í byggingadóm.
Af þeim fimm hryssum sem fóru í
gegnum alla sýninguna fóru bara
tvær í ættbók. Það er nú sérstakt
ef hægt er að hafa einhverja
skrautsýningu á hrossum eftir 2-3
mánaða tamningu."
Jöfn að gæðum
- Ég spurði þig áðan hvort hún-
vetnsku hrossin væru hrekkjótt-
ari en önnur hross, en finnst þér
vera jafn mikið af góðum hross-
um hér og annars staðar þar sem
þú hefur verið við tamningar?
„Hrossin eru miklu jafnari að
gæðum hér en ég hef kynnst ann-
ars staðar. Ég get varla sagt að ég
hafi lent hér á hrossum sem hafa
verið algjörar bikkjur. Það eru
flest af þeim hrossum sem til mín
hafa komið þokkaleg eða a.m.k.
nothæf reiðhross og upp í mjög
góð hross.“
- Er Stjörnufákur sá besti sem
þú hefur fengið í tamningu síðan
þú fluttir hingað norður?
„Já, hann er það en þrátt fyrir
það hefði ég heldur viljað eiga
Neró ef ég hefði átt að velja á
milli þeirra. Ég fór með Neró á
íslandsmeistaramótið og seldi
hann þar. Stjörnufákur er eigin-
lega kominn á toppinn hann
batnar ekki meira hér eftir, hann
er þannig hestur. Hann er alveg
flugvakur en töltið er svo geysi-
lega mikið hjá honum að hann
nýtist betur sem klárhestur með
tölti. En hann er líka vakur og
það mikið og hefur mikinn vilja.
Neró er miklu skemmtilegri
sýningarhestur hann er miklu
geðbetri og allur mýkri og lipr-
ari.“
Ég hef tamið mjög góða
fola frá Enni
- Hefur þú orðið þess var að það
komi sérstaklega góð hross frá
einhverjum ákveðnum bæjum?
„Það er nú ekki gott að segja
til um það vegna þess að það er
svo mikið um að ég hafi bara
tamið eitt hross frá bæ og það
verður aldrei marktækt. Ég hef
fengið flest hross frá Leysingja-
stöðum og Enni. Hrossin frá
Enni hafa skarað fram úr. Ég er
búinn að vera með sex fola þaðan
síðan í vetur og það hafa allt ver-
ið góðir hestar. Þó ekki neinir
topphestar en allt mjög góðir
reiðhestar og auðveldir í tamn-
ingu, geðgóðir og hrekkjalausir."
- Eru þeir þá allir undan sama
stóðhestinum?
„Nei ekki aldeilis, tveir þeirra
eru undan Léttfeta frá Enni, einn
undan Feyki, tveir undan Örvari
frá Hömrum og einn undan brún-
um klár frá Enni sem ég held að
heiti Blakkur."
- Voru folarnir undan Örvari
ekki skapharðir og stórir eins og
faðirinn?
„Þeir voru báðir geðgóðir en
annar þeirra er feikilega vænn,
hinn var bara svona vel meðal-
hestur á stærð. Þeir voru báðir
mjög ljúfir og nægur gangur, þeir
bjuggu reyndar ekki yfir miklu
skeiði en mjög góðu brokki og
tölti.
Ég held að það sé enginn vafi á
því að það séu mjög góð hross í
Enni, a.m.k. er það mín reynsla
af þessum folum. Stóri kosturinn
við þessa fola var hvað þeir voru
auðveldir og skemmtilegir í
tamningu og sérstaklega námfús-
ir og það er ekki lítill kostur."
- Hvernig líst þér á framtíð-
ina, er hægt að lifa af tamning-
um?
„Nei blessaður vertu, þetta
hefst með aðhaldssemi en það
verður enginn feitur af þessu,
það er öruggt mál. Það hjálpar
mikið ef maður kaupir fola og
temur þá og selur en það þurfa þá
að vera góöir folar. Ég hef alltaf
keypt svona fjóra til fimm fola á
ári og það hefur gengið ágætlaga.
Mér hefur gengið vel að selja þá.
Það hefur hjálpað manni við að
lifa af þessu.
Ég er í góðum samböndum og
hef alltaf losnað við þau hross
sem ég hef þurft að selja. Það
sem ég hef selt hafa kaupendurn-
ir yfirleitt verið ánægðir með og
þá koma þeir aftur eða benda
öðrum á að tala við mig ef þá
vantar hest. Það er mjög mikil
eftirspurn eftir hrossum núna.
Svo hef ég fram að þessu alltaf
sótt aðra vinnu á haustin og þá
yfirleitt farið til sjós. Það verður
alltaf að klóra í bakkann."
- Ætlar þú að halda þessu
áfram?
„Já, alveg grjótharður.“
- Hvað finnst þér með verð á
hrossum?
„Mér finnst það vera nokkuð
sanngjarnt. Það er alveg óskapleg
breidd í þessu eftir því hvernig
hesturinn er, en góður og galla-
laus hestur selst á ágætu verði
enda má meta hann hátt. Topp-
hestarnir fara á því verði sem á
þá er sett og stór hluti þeirra er
seldur úr landi, þar er borgað vel
fyrir þá.“
- Éru merarnar þínar ættbók-
arfærðar og ætlar þú að nota þær
í ræktun?
„Þrjár þeirra eru ekki enn
komnar á tamningaraldur. Hitt
eru tamdar hryssur sem ég veit
hvernig eru en þær eru ekki ætt-
bókarfærðar en nokkuð góðar
hryssur.
Að fara út í ræktun verður
ekki nema í litlum mæli því ég
held að ræktunin sem slík verði
sjaldan lifibrauð hjá einstaklingi.
Þetta tekur svo óskaplega langan
tíma en ég stefni að því að koma
mér upp svona þremur til fimm
ættbókarfærðum merum, þær
verða alls ekki fleiri."
- Hvenær hefjast svo tamning-
arnar í vetur?
„Ég stefni á að byrja 1. nóv. Þá
tek ég inn fimm fola sem ég á
sjálíur og ætla að temja og selja.
Það er ekki víst að það komi mik-
ið af hrossum á þessum tíma frá
öðrum en þó er ég búinn að lofa
að taka nokkur hross frá öðrum
þá.
Það er gott að eiga hesta til-
búna í söluna þegar markaðurinn
fer að lifna eftir áramótin. Ég
stefni að því að mínir folar verði
orðnir sölufærir í lok janúar eða í
byrjun febrúar eftir svona þriggja
mánaða tamningu. Það er oft
góður sölutími í kringum áramót-
in þegar menn eru að taka reið-
hestana á hús. Þá fara þeir á stúf-
ana og skoða þá hesta sem vitað
er að eru til sölu, og kaupa þá
gjarnan eitthvað um leið og þeir
fara að taka hesta inn.“
- Ert þú bjartsýnn á að það
verði mikið að gera í tamningum
í framtíðinni?
„Já, því ekki það. Það virðist
vera mikil eftirspurn eftir tamn-
ingum og það er alveg geysilegur
fjöldi af hrossum hérna í hérað-
inu og það eru ekki líkur til að
þau verði öll étin. Áhuginn fyrir
ræktun á hrossunum hefur aukist
alveg gríðarlega mikið. Það er
það mikið gott í húnvetnsku
hrossunum að það ætti ekki að
taka langan tíma að ná veruleg-
um árangri ef ræktuninni verður
sinnt af einhverju viti og það
virðist nú vera að gerast. Maður
hefur rekið sig á það héma að
hrossin skortir ekki hæfileika né
vilja en það eru vissir vankantar í
sambandi við byggingu margra
hrossanna. Ég held að það sé
hlutur sem fljótlegt ætti að vera
að laga með ræktun þegar hæfi-
leikarnir eru fyrir hendi.“
- En svona að lokum, stefnir
þú að því að halda bikurunum
sem eru þarna á hillunni næsta
ár?
„Þeir verða fleiri næst.“ fh
Hér situr Eggert verðlaunahryssuna Gustu frá Ketu. Eigandi hryssunnar er
Símon Traustason á Ketu í Hegranesi.