Dagur - 18.02.1989, Blaðsíða 11

18. fébrúar 1989 - DÁGUR - 11
poppsíðon
i? Umsjón: Valur Sæmundsson.
U
Loksins er komin ný
piata frá New Order
* - hún og fleiri teknar til umfjöllunar
Ég er nú nokkuð viss um að fáir
muna eftir því að ég var búinn að
lofa að láta ykkur vita álit mitt á plöt-
um sem ég kynni að eignast. Það er
nú sama, ég man eftir þessu loforði
og þar sem ég hef eignast nokkrar
þlötur upp á síðkastið er best að
efna loforðið.
New Order - Tecnique
Núna rétt um daginn kom út ný
plata með þeim eftirlifandi meðlim-
um Joy Division sem nú skipa New
Order. Ég fjallaði heilmikið um
þessar hljómsveitir í þætti fyrir
nokkru, þannig að það er engin
ástæða til að hafa langan formála
að þessari umfjöllun. Þegar þetta
nýjasta afkvæmi New Order kom út,
fór það beint í efsta sæti vinsælda-
lista í Bretlandi, sem er ekki svo lítið
afrek hjá hljómsveit af þessu tagi.
Enda er þarna virkilega góður gripur
á ferðinni og kærkominn öllum New
Order aðdáendum sem hafa beðiö í
ofvæni í alllangan tíma eftir að
heyra eitthvað nýtt frá goðunum.
Lög plötunnar eru alls 9 og mér
kæmi ekkert á óvart þótt öll lögin
gætu plumað sig sem smáskífur.
Fine time hefur þegar komið út og
gert það gott. Spá mín er sú að All
the way verði næsta smáskífulag,
annars veit maður aldrei. Lögin eru
öll það frambærileg, í ekta New
Order stfl. En þrátt fyrir afbragðs-
dóma í erlendum blöðum og góðar
viðtökur erlendis, þá hef ég heyrt
raddir þess efnis að tónlistin á
Tecnique sé „bölvað hip-hop“. Það
er nú það. Eina leiðin er sennilega
að kaupa og hlusta, smekkurinn er
misjafn.
Bubbi Morthens -
Serbian Flower
Á síðasta ári gaf sænska fyrirtækið
Mistlur út plötu með Bubba
Morthens. Platan er stíluð fyrir aðra
markaði en þann íslenska og þ.a.l.
er Bubbi látinn syngja á ensku. Lög-
in á þlötunni eru ekki ný af nálinni
en hafa þó fengið andlitslyftingu.
Það er skemmst frá því að segja að
sem íslendingi sem hefur alist upp
við það að hlusta á Bubba syngja á
íslensku, vefst mér tunga um penna
þegar ég hlusta á þessa plötu. And-
litslyfting laganna hefur að vísu
undantekningalítið heppnast vel og
grunar mig að þar eigi samstarfs-
menn Bubba stærstan þátt, þeir
Stefán Glaumann og Christian Falk.
En ég get engan veginn sætt mig
við ensku textana. Flestir eru þeir
svo kauðskt þýddir af íslenskunni
yfir á enskuna að þeir verða aðeins
hjáróma mjálm af sjálfum sér. Að
minu mati hefði verið heppilegra að
styðjast minna við upprunalegu
textana við gerð þeirra ensku.
Annað atriði sem lýtir plötuna er
hversu „klemmd" rödd Bubba virkar
þegar hann syngur á ensku. Maður
hefur það einhvern veginn á tilfinn-
ingunni að Bubbi geti ekki beitt sér
almennilega þegar hann syngur á
tungumáli sem er honum ekki eins
tamt og íslenskan og jafnvel dansk-
an (sbr. Lili Marlene). Það er í sjálfu
sér mjög eðlilegt. Hins vegar kann
það auðvitað að vera að útlendingar
sem ekki hafa heyrt til Bubba á
íslensku, finni ekki fyrir þessum
annmörkum. Hins vegar er alveg
Ijóst að Bubbi er kominn í góðan
félagsskap með þeim Falk og
Glaumann. Að lokum: Umslag
plötunnar er henni ekki til framdrátt-
ar.
Ornamental -
Crystal Nights
Þarna er um að ræða fjögurra laga
plötu með ensk-íslenska tríóinu
Ornamental. Stór plata er síðan
væntanleg innan tíðar. En aðallagið
(þrjú af fjórum lögum plötunnar) er
lagið Crystal Nights sem hefurfarið
nokkuð hátt á vinsældalistum hér-
lendis, þrátt fyrir fremur litla spilun.
Lagið er, auk þess að vera í venju-
legri útgáfu, í tveimur endurhljóð-
blönduðum útgáfum sem heita
nokkuð svo frumlegum nöfnum. í
fyrsta lagi e'r það gratuiously
extended & really quite silly mix
sem er sú útgáfa sem oftast hefur
heyrst og síðan singalongahigh-
chaperal mix, sem er instrumental
útgáfa eins og nafnið gefur til
kynna. Flljómsveitin Ornamental er
annars skipuð þeim Hilmari Erni
Hilmarssyni, þúsundþjalasmið
svokölluðum, Mel Jefferson og
söngkonunni Rose McDowell.
Crystal Nights er lag sem hefur
eitthvað við sig. Það glymur í
hausnum á manni þegar maður er
búinn að hlusta á það og maður
stendur sig ósjálfrátt að því að raula
það, slík eru áhrifin.
Sitthvaö um hljómtæki 2. þáttur:
Magnarinn er slagæð
hliómtækjakeðiunnar
Þá er komið að öðrum
þættinum í þáttaröðinni um
hljómtæki en eins og ein-
hverjir muna sjálfsagt eftir
þá birtist fyrsti þátturinn fyrir
hálfum mánuði. Þarvarfjall-
að um ýmislegt í sambandi
við hátalara en að þessu
sinni er ætlunin að fjalla
dálítið um magnara og hlut-
verk þeirra í hljómtækjakeðj-
unni. Eins og áður eru upp-
lýsingarnar fengnar úr
bæklingnum Gott er að vita
(nr. 1) sem fræðsludeild SÍS
gaf út árið 1985.
Hlutverk magnara í hljómtækjakeðj-
unni er tvíþætt. Annars vegar for-
mögnun og hins vegar aflmögnun.
Ýmist er þetta sameinað í eitt tæki
eða aðskilið í tvö.
Formögnunin felst í því að magna
mjög veik merki sem koma frá jað-
artæjum s.s. plötuspilara, upp í
svokallaðan llnustyrk. Þessi mögn-
un getur verið allt að þúsundföld.
Öll jaðartækin tengjast formagnar-
anum svo og öll stilli og skiptarar.
Reyndar er það svo að styrkstilli er
eina stillið sem nauðsynlegt er að
hafa á magnara. Tónstilli og
„balance" eru við eðlilega staðsetn-
ingu hátalara hvort sem er í núll og
miðjustöðu.
Segja má að flestir nýlegir magnar-
ar uppfylli þær kröfur sem gerðar
eru um lágmarksbjögun, rása-
aðgreiningu, tíðnisvörun og lítið
suð. Aftur á móti er aflmögnunin
það atriði sem margir framleiðendur
fara flatt á. Uppgefnar vattatölur
eiga að segja til um útgangsafl
magnarans og gera það vissulega.
En hvað þýða þessar tölur? Þýða
þær að 80 W magnari sé helmingi
betri en annar sem er 40 W eða gefi
helmingi meiri hljómstyrk? Svo er
ekki. Þessar tölur segja ekkert til um
raunverulegt útgangsafl magnarans
nema vitað sé við hvaða aðstæður
þær eru fundnar. Hvað álagið var
mikið, hvaða tíðni og hvort báðar
rásir voru keyrðar. Tökum dæmi: 2
x 40 W RMS. 20-2000 Hz. 8 ohm.
Þetta segir að magnarinn geti gefið
út 40 W á hvorri rás, yfir heyranlega
tíðnisviðið ef viðnám hátalaranna er
8 ohm. En við erum litlu nær um
gæði magnarans. Hátalarar eru
þannig úr garði gerðir að viðnám
þeirra er ekki stöðugt heldur er það
breytilegt eftir tíðni og styrk
hljóðsins. Viðnámið getur á einu
augnabliki verið 30 ohm og á því
næsta 2 ohm en samviðnám hátal-
arans er eftir sem áður 8 ohm. Lít-
um nú á hvernig magnarinn þarf að
bregðast við þessu. Hann er 40 W
og gefur 2 ampera straum í 8 ohm
og er spennan þá nálægt 20 volt.
Við 2 ohm þarf hann hins vegar að
skila 8 amper. En getur hann það?
Ábyggilega ekki. Til þess þarf hann
fjórfalt öflugri spennugjafa en þegar
miðað er við 40 W í 8 ohm og
spennugjafinn er dýrasti hluti magn-
arans.
Vísbendingu um hæfni magnarans
í þessa áttina má finna með því að
bera saman hve mikið afl hann gef-
ur við 8 ohm annars vegar og 4 ohm
hins vegar. Áðurnefndur 40 W
magnari er líklega 100 musik vött
við 8 ohm og til þess að teljast góð-
ur þarf hann að vera a.m.k. 180 vött
við 4 ohm. Væri hann aftur á móti
120 vött við 4 ohm kemur munurinn
þannig fram að minni hljómstyrk
þarf til að hlustandanum finnist tón-
listin vera orðin hávaði.
Næmi hátalaranna segir til um
hversu kraftmikinn magnara þarf. í
stóra stofu þarf ekki kraftmeiri
magnara en 2 x 30 vött ef hátalarnir
eru næmir (90 dB SPL 1 m) og topp
straumgeta magnarans er mikil.
Því miður er það svo að margir
magnarar hafa verið framleiddir
frekar af kappi en forsjá, til að
mynda þeir sem hafa máttlítinn
sþennugjafa og eru að öðru leyti
svo illa hannaðir að tónlistarflutn-
ingur er það síðasta sem manni
dettur í hug í sambandi við þá.
Sumir þeirra líta samt glæsilega út,
með mörgum tökkum, Ijósum, mæl-
um og eru jafnvel „tölvustýrðir".
Aðrir hafa verið framleiddir af natni
i og kostgæfni, með það eitt í huga
I að ná sem mestum hljómgæðum.
Athyglisvert er að margir af bestu
mögnurum sem hægt er að fá í dag
eru lampamagnarar.
Framsóknarfélaganna á Akureyri og nágrennis
verður laugardaginn 4. mars að Hótel KEA.
Nánar auglýst síðar.
Skemmtinefnd.
Firma- og
einmenningskeppni
Firma- og einmenningskeppni Bridge-
félags Akureyrar verður haldin
þriðjud. 21. febrúar n.k.
Spilað er í Félagsborg og hefst spilamennskan kl.
19.30.
Skráning fer fram á staðnum.
Spilafólk fjölmennið.
Stjórn B.A.
NámskeiÓ
í raddbeitingu, framsögn og undirstöðum í
ræðutækni, fyrir sjónvarp, hljóðvarp
og ræðustól.
Kennarar: Kristján Hall og Theodór Júlíusson.
Námskeiðið fer fram að Hafnarstræti 90, Akureyri
24. febrúar og hefst kl. 18.00, 25. febrúar kl. 13.00
og 26. febrúar kl. 13.00.
Tilkynnið þátttöku mánud. 20. febrúar,
miðvikud. 22. febrúar og fimmtud. 23. febrúar
milli kl. 16.00 og 18.00 í síma 21180.
V_______________________________________/
Auglýsing
um styrki til þýðinga
á erlendum bókmenntum
Samkvæmt lögum nr. 35/1981 og reglugerð nr. 638/1982
um þýðingarsjóð, en hlutverk sjóðsins er að styrkja út-
gefendur til útgáfu vandaðra erlendra bókmennta á
íslensku máli. Greiðslur skulu útgefendur nota til þýðingar-
launa.
Skilyrði fyrir styrkveitingu skulu einkum vera þessi:
1. Verkið sé þýtt úr frummáli, ef þess er kostur.
2. Upplag sé að jafnaði eigi minna en 1000 eintök.
3. Gerð og frágangur verka fullnægi almennum gæða-
kröfum.
4. Eðlileg dreifing sé tryggö.
5. Útgáfudagur sé ákveðinn.
Fjárveiting til þýðingarsjóðs í fjárlögum 1989 nemur 4.600
þús. krónum.
Eyðublöð undir umsóknir um framlag úr sjóðunum fást i
menntamálaráðuneytinu, Hverfisgötu 6,150 Reykjavík, og
skulu umsóknir hafa borist ráðuneytinu fyrir 31. mars nk.
Reykjavík, 14. febrúar 1989
Menntamálaráðuneytið.

Allar
útgerðarvörur
★ Vírasala* Víravinnsla
★ Þrykkingar* Kaðlar
★ Snæri ★ Girni
Einnig eigum við alls konar smávörur.
T.d. lása, hnífa, keðjur, hosuspennur, skóflur o.fl.
o.fl.
m
• •
EYFJORÐ
Hjalteyrargötu 4 • Sími 96-25222
Útgerðardeild.