Dagur - 13.12.1989, Blaðsíða 15

Miðvikudagur 13. desember 1989 - DAGUR - 15
íþróttir
Konráð Óskarsson og Stefán Pétursson berjast um knöttinn í viðureign Þórs
og Tindastóls á Akureyri fyrir skömmu. Mynd: kl
Nágrannaslagur á Króknum:
Léttur sigur Stólanna
Þórsarar sóttu ekki gull í greip-
ar Tindastólsnianna er liðin
áttust við í Úrvalsdeildinni í
körfuknattleik á Sauðárkróki í
gærkveldi. Jafnræði var með
liðunum framan af en um
miðjan síðari háldeik fór
Tindastólsvélin að ganga ug
eftirleikurinn var auðveldur.
Lokastaðan var 108:80.
Fyrri hálfleikur var frekar í jafn-
vægi en þó höfðu Stólarnir yfir-
leitt nauma forystu. Um miðjan
hálfleikinn komust Þórsarar yfir
en heimamenn náðu aftur frum-
kvæðinu og leiddu í hálfleik
44:40.
Seinni hálfleikur hófst eins og
sá fyrri cndaði og alltaf vantaði
herslumuninn að Stólunum tæk-
ist að stinga gestina af. Það tókst
á endanum mest fyrir stórleik
þeirra Vals og Bo Heidens sem
gerðu hverja körfuna á fætur
annarri. Fór svo að lokum að
Tindastóll vann stórsigur á erki-
fjendum sínum Þórsurum 108:80.
Tindastólsliðið lék mjög yfir-
vegað í leiknum og nýtti tímann
vel. Bestu menn liðsins vor þeir
- unnu Þór örugglega
Valur og Bo, voru algerlega
óstöðvandi á lokamínútunum.
Höfðu mé'nn það á orði að Valur
hefði líklega komið ineð fjölina
með sér heim sem hann fann í
Hafnarfirðinum í síðustu viku.
En hann gerði aðeins fjórar
þriggja stiga körfur í leiknum.
Þess má geta að Bo tók 20 varn-
arfráköst. Sturla var mjög góður
í vörninni og sá til þess að Kenn-
ard gerði enga stóra hluti. Sverrir
var einnig öruggur og lék liann
með fjórar villur á bakinu nær
allan seinni hálfleik. Ólafur var
sterkur að vanda. Þá áttu Pétur
og Björn ágæta spretti.
Þórsarar virkuðu þungir í
jeiknum og náðu ekki að sýna sitt
rétta andlit. Munar þar mestu um
að Dan Kennard náði sér aldrei á
strik enda var hann í strangri
gæslu allan leikinn. Hann tók þó
mörg fráköst að vanda. Jón Örn
var bestur Þórsara, hitti ágætlega
og lék góða vörn. Það vakti at-
hygli að Guðmundur Björnsson
skyldi ekki vera í byrjunarliðinu,
en þegar hann kom inn á sýndi
hann sínar bestu hliðar. Konráð
var ágætur franian af en dalaði
þegar á leið.
Stig Tintlaslóls: Bo 37. Valur 35.
Sverrir 17, Sturla 8, Pétur 6. Björn 3 og
Ólafur 2.
Stig Þórs: Jón Örn 25, Guðniundur 16.
K.onráð 12, Dan 10; Stefán og Ágúst 6,
Jóhann 3 og Davíð 2. kj
Áfall fyrir Þórsara
Halldór áfram með Valsmömmm
- „Ekki fullreynt aö Hlíðarenda,“ sagði Halldór
Halldór Áskelsson knatt-
spyrnumaður hefur ákveðið að
leika áfram með Valsmönnum
í 1. deildinni í knatt-
spyrnu.„Ég tel að það sé ekki
fullreynt með þennan mann-
skap sem Valsmenn hafa og
hef því ákveðið að leika áfram
að HIíðarenda,“ sagði Halldór
í samtali við Dag í gærkvöld.
Halldór segir að mannskapur-
inn hjá Val sé áfram mjög sterkur
jafnvel þó t.d. Atli Eðvaldsson
leiki ekki nteð liðinu og enn sé
spurning með Sigurjón Kristjáns-
son. „Það styrkir Valsliðið mikið
að Antony Karl Gregory ætli að
leika með því næsta sumar og
það verður gaman að spila með
honum. Svo má ekki gleyma því
að 2. flokkur félagsins varð
íslandsmeistari þannig að efni-
viðurinn er fyrir hendi. Síðan má
ekki gleyma Inga Birni Alberts-
syni sem hefur sýnt það og sann-
að að hann er snjall þjálfari.“
Halldór heldur suður eftir ára-
mótin en ekki er alveg ákveðið
hvenær það verður. Hann tnun
æfa sjálfur til þess að koma sér í
íslensk knattspyma
1989 komin út
Jólagjöf knattspyrnumannsins,
bókin íslensk knattspyrna
1989, eftir Víði Sigurðsson er
komin í búðir. Þetta er níunda
árið í röð sem bókin kemur út
en hún hefur þegar skipað sér
sess sem ómissandi uppsláttar-
rit um menn og máíefni sem
tengjast knattspyrnunni.
Bókin er svipuð að sniðum og
undanfarin ár en að sjálfsögðu er
mikið rætt um sigur KA á
íslandsmótinu í knattspyrnu.
Einnig er fjallað um allar aðrar
deildir og rætt við Þorvald
Örlygsson KA-mann og Ólaf
Jóhannesson þjálfara FH.
Sérstakur kafli er um Bikar-
keppnina, annar um landsleiki,
um Evrópuleiki og atvinnumenn-
ina. Þá er haldið áfram að rekja
sögu íslenskrar knattspyrnu og
að þessu sinni er fjallað um árin
1963-1966.
í bókinni er mikið magn upp-
lýsinga um lið og einstaka leik-
menn, svo sem leikjafjöldi og
mörk leikmanna í öllum deildum
á íslandsmótinu á árinu. Sem
sagt, jólabók knattspyrnumanns-
ins og knattspyrnuáhugamanns-
ins í ár.
VítMr Sigurðsson ISLENSK
KNATTSPYRNA 1989
form en síðan er ekki ólíklegt að
hann skreppi nokkrum sinnum
suður til þess að heilsa upp á
félaga sína fyrir sunnan.
Þessi ákvörðun Halldórs er
nokkurt áfall fyrir Þórsara sem
margir hverjir höfðu vonast til að
Halldór mundi konta aftur til síns
gamla félags. En liðið þarf ekki
að kvíða sumrinu því margir ung-
ir og efnilegir leikmenn banka nú
á dyr meistaraflokksins.
Knattspyrna:
Kristinn áfram
með Dalvíkinga
Nú liggur það næsta Ijóst fyrir
að Kristinn Björnsson niun
þjálfa Dalvíkingana áfram í 3.
deildinni í knattspyrnu næsta
sumar. Á tímabili leit út fyrir
að Kristinn kæmist ekki norð-
ur aftur vegna erfíðleika að fá
leyfí frá vinnu sinni en nú hafa
þau mál gengið í gegn.
Kristinn þjálfaði Stjörnuna í
nokkur ár og kont þeint úr 4.
deild í 2. deild. Á síðasta ári náði
hann góðum árangri með Dalvík-
ingana sem tryggðu sér sæti í
hinni nýju 3. deild.
Dalvíkingar mæta erkifjendun-
um frá Árskógsströnd í fyrstu
umferð deildarinnar 25. eða 26.
ntaí. Þá mætast einnig TBA og
Einherji á Akureyri, ÍK og
Völsungur í Kópavoginum,
Haukar og Þróttur R., og Þróttur
N. og BÍ á Norðfirði.
Kristinn Björnsson.
KA svarar Þrótti:
„Fóraum ekki hagsmunum kvennaliðsms“
- ekki mikill metnaður að mæta með 7 leikmenn
Ég varð vægast sagt undrandi
þcgar ég las í Degi í gær klögu-
bréf Ól. Sigurðssonar formanns
blakd. Þróttar. Finnst mér sem
Ól. sé að kasta steini úr glerhúsi
og það reyndar ekki í fyrsta
skipti.
Það er markmið okkar í blak-
deild KA að fá sem flesta áhorf-
endur á leiki okkar. Því er reynt
að hafa leikina ekki á sarna tíma
og vinsælir íþróttaviðburðir í
sjónvarpi ss. beinar útsendingar
í knattspyrnu. Ól. bendir rétti-
lega á að hann hafi, fyrr í vik-
unni, samþykkt að umræddur
leikur hæfist kl. 13.30 og er því
tilgangslaust að tala um leik-
tíma skv. mótaskrá þar sem allir
aðilar voru samþykkir auglýst-
um leiktíma.
Viö leggjum mikið uppúr því
að auglýsa leikina og leiktíma
bæði með beinum og óbeinum
hætti. Þess vegna frestum við
ekki leikjunt nema í algerum
undantekningartilfellum.
Reyndar kom aldrei fram
beiðni um það frá Þrótti eins og
fullyrt er í bréfinu.
Hins vegar voru leikmenn
m.fl. karla tilbúnir til að láta
kvennaleik félaganna fara fram
á undan.
Það strandaði á því að tveir
leikntenn kvennaiiðsins voru í
prófum í VMA frá kl. 13.30 og
ein í vinnu auk þcss sem ein
fastamanneskja var fjarverandi
vegna veikinda. Þcssi leikur var
mjög mikilvægur fyrir kvcnna-
lið KA þar scnt þessi tvö lið
virðast ætla að berjast um 4.
sæti í deildarkeppninni, og þar
með um sæti í úrslitakeppninni
scm hefst í febrúar. Það er því
auðskilið að kvennalið KA fór
ekki að fórna sínum hagsmun-
um fyrir karlalið Þróttar.
Það var því ekki hægt fyrst
svona stóð á aö flýta kvenna-
leiknum sem annars hefði verið
gert í þcssu tilfelli.
Þetta eru fullgild og auðskilin
rök og heföi því ekki þurft að
efna til blaðaskrifa með því yfir-
bragði sem Ólafur Sig. hefur á
skrifum sínum.
Ég held að væri nær fyrir Ólaf
að beina spjótum sínum að
Flugleiðum þar sem niðurfelling
á áætlun kl. 11 umræddan
morgun varö þcss valdandi að
varauppspilarinn komst ekki
norður í leikinn. Það heföi
heldur ekki verið nein goðgá
fyrir varauppspilarann að taka
fyrstu vél um morguninn og
tryggja sig þannig á réttum tínta
í leikinn. Menn geta líka velt
fyrir sér af hverju Þróttur ætlaði
að mæta í leikinn með aðeins 7
leikntenn og þar af með vara-
uppspilara sem lítið sem ekkert
hefur æft eða spilað með liöinu í
vetur. Það er eins og þeir hafi
ekki lagt mikinn metnað í þenn-
an leik.
Það verður svo hver að meta
það fyrir sig hvaða framkoma er
blakinu til vansæmdar í þessu
tilfelli. en blakdeild KA mun
hér eftir sem hingað til reyna að
tryggja að áhorfendur geti
treyst því að leikirnir fari frarn á
auglýstum tíma.
Meö blakkveðju,
Stefán Magnússon,
forin. blakd. KA.