Dagur - 24.05.1990, Page 4
4 - DAGUR - Fimmtudagur 24. maí 1990
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÚSTHÓLF 58, AKUREYRI, SlMI: 24222
ÁSKRIFT KR. 1000 Á MÁNUÐI
LAUSASÖLUVERÐ 90 KR.
GRUNNVERÐ DÁLKSENTIMETRA 660 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
JÓN HAUKUR BRYNJÓLFSSON (íþróttir),
KÁRI GUNNARSSON (Sauðárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓLI G. JÓHANNSSON,
ÓSKAR PÓR HALLDÓRSSON, STEFÁN SÆMUNDSSON,
VILBORG GUNNARSDÓTTIR. LJÓSMYNDARI: KRISTJÁN LOGASON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SÍMFAX: 96-27639
Ábyrgð kjósenda
er mikil
Allir sem kynnst hafa atvinnuleysi vita, að það er eitt
mesta böl sem hent getur einstaklinga á lífsbrautinni.
Þegar svo er ástatt að fjöldi atvinnulausra á Akureyri
skiptir tugum og hundruðum, hljóta allir bæjarbúar að
gera sér grein fyrir alvöru málsins. Þá skiptir miklu að
traustir aðilar haldi um stjórnartaumana, og láti
atvinnulífið í bænum ekki koðna niður fyrir sjónum
sínum.
En fær hinn almenni borgari engu breytt til hins
betra í þessum efnum? Það er kjósenda að velja á
laugardag þá fulltrúa sem þeir treysta best fyrir
málefnum og velferð Akureyrarbæjar. Ábyrgð þeirra
er mikil.
í umræðunni um atvinnumál má það aldrei gleym-
ast, að heilbrigt atvinnulíf byggist á markvissri sam-
stöðu allra bæjarbúa um að leggja sitt af mörkum til að
efla þau atvinnutækifæri sem fyrir eru, og koma með
hugmyndir að nyjum. Það er síðan hlutverk bæjaryfir-
valda að gera sitt ýtrasta til að koma málum í fram-
kvæmd og aðstoða þá aðila sem eftir því leita.
Nauðsynlegt er að efla Framkvæmdasjóð bæjarins,
og gera atvinnumálanefnd og Iðnþróunarfélagið
þannig virkari.
Það eitt er þó ekki nægjanlegt, því bæjarstjórn og
stofnanir á vegum sveitarfélagsins eiga að bjóða fram
aðstoð að fyrra bragði, ef ljóst þykir að fyrirtæki eigi í
vandræðum, og af því kunni að hljótast atvinnuleysi.
Aðstoð bæjarins þarf ekki endilega að vera bundin
við fjárframlög. Hjá Akureyrarbæ starfa sérfræðingar á
mörgum sviðum, sem gætu aðstoðað við endurskipu-
lagningu og knúið á um opinbera fyrirgreiðslu, þar
sem slíkt væri talið nauðsynlegt.
Sú röksemd dugar því ekki að Akureyrarbær sé van-
megnugur til að rétta atvinnulífinu í bænum hjálpar-
hönd, vegna slæmrar fjárhagsstöðu og skulda.
Úlfhildur Rögnvaldsdóttir, bæjarfulltrúi, gerir
atvinnumálin að umræðuefni í kynningarriti frambjóð-
enda Framsóknarflokksins. Þar segir hún m.a.: „Mikið
hefur verið rætt um atvinnuleysið á Akureyri. Mér
finnst grátlegt að horfa upp á fullfrískt fólk sem vantar
atvinnu. Fólki í fullu fjöri er hafnað á vinnumarkaðin-
um. Hér er ekki eingöngu um að ræða tekjutap, heldur
er það mikið áfall fyrir hvern og einn að vera hafnað. í
.apríl fyrir fjórum árum voru 92 atvinnulausir í bænum,
og þótti þá ýmsum ástandið svart. Nú (apríl 1990) eru
285 á atvinnuleysisskrá. Við þetta megum við ekki
sætta okkur.
Akureyrarbær verður að rétta atvinnulausum hjálp-
arhönd, ekki síst yngra fólkinu. Námskeið og kynning
á réttindum og möguleikum sem til boða eru tel ég
spor í rétta átt fyrir ungt fólk, sem er atvinnulaust en
á þeim aldri að það stígur fyrstu spor sín á vinnumark-
aði.
Akureyrarbær verður að leggja miklu meira fé í
Framkvæmdasjóð, Iðnþróunarfélagið og Atvinnu-
málanefnd. Annað gengur ekki í ástandi eins og nú
ríkir í atvinnumálum. “ EHB
Taka þarf til hendinni
Við framsóknarmenn á Akureyri
göngum til komandi kosninga
með bjartsýnina að leiðarljósi.
Ég hef oft bent á þetta að undan-
förnu í samtölum mínum við
fólk. Viðbrögðin hafa verið mis-
munandi eins og gefur að skilja.
Að mínu mati hefur þó alltof oft
gætt vonleysis. Sumir segja að
ekki sé mikil ástæða til bjartsýni:
Atvinnuleysi hafi stóraukist að
undanförnu og sé nú um það bil
3,5 af hundraði, sem jafngildir
því að á þriðja hundrað séu
atvinnulausir. Þá eigi flestar
atvinnugreinar í bænum undir
högg að sækja og atvinnutækifær-
um fari fækkandi.
Erfitt hefur verið að mótmæla
þessu. Og síðan hafa þessar
spurningar fylgt í kjölfarið:
„Hvað ætlið þið framsóknar-
menn, þið frammarar, að gera?
Hver er ástæða ykkar til bjart-
sýni?“ Við þessum spurningum
getum við ekki gefið stutt og
skorinort svar, nema ef vera
skyldi: Af mörgu er að taka.
Jákvæðari tónn
Víkjum fyrst að atvinnumálun-
um. Ég ætla ekki að fjölyrða um
orsakir núverandi ástands og ég
ætla ekki einu sinni að kenna
núverandi/fráfarandi meirihluta
bæjarstjórnar algerlega um.
Ábyrgð meirihlutans er mikil, þó
að sjálfsögðu megi finna jákvæð
atriði sem unnið hefur verið að
undir hans stjórn. En það sem
okkur framsóknarmönnum hefur
þótt á skorta er jákvæðari tónn
og markvissari aðgerðir. Á yfir-
standandi kjörtímabili hefur
meirihluti Bæjarstjórnar Akur-
eyrar ekki borið gæfu til að ýta
undir trúna á okkur sjálf, bæjar-
búa, og þá möguleika sem vissu-
lega eru fyrir hendi.
Ég nefni ferðamál. Menn virð-
ast sammála um möguleika
bæjarins okkar sem ferðamanna-
bæjar og tala þá í raun um
Eyjafjarðarsvæðið allt. Hlutverk
Akureyrarbæjar ætti að vera að
gefa tóninn, hafa markvissa for-
ystu um stefnumörkun sem hefði
það að aðalmarkmiði að laða
fram nýjungar og nýta krafta og
hugmyndir þeirra aðilja, sem
þegar vinna myndarlega að
ferðamannaþjónustu á svæðinu.
Hlutverk bæjaryfirvalda
Á sviði útgerðar og fiskvinnslu
eigum við Akureyringar tvö af
best reknu og blómlegustu fyrir-
tækjum landsins. Af þeim er
ástæða til að vera stoltur. Fram-
sóknarmenn vilja að bærinn haldi
meirihlutaeign sinni í Útgerðar-
félagi Akureyringa og gegnum þá
aðild verði stuðlað að enn frekari
viðgangi fyrirtækisins.
Jakob Björnsson.
Iðnaður hefur lengi verið einn
af hornsteinum atvinnulífs hér í
bæ. Hlutverk bæjaryfirvalda í
stuðningi við iðnaðinn er að
mínu mati fólgið í því að þau
skapi fyrir sitt leyti sem best skil-
yrði í bænam fyrir allan iðnrekst-
ur, fylgist jafnframt með almenn-
um rekstrarskilyrðum viðkom-
andi greina og þrýsti duglega á
stjórnvöld um aðgerðir þar sem
skórinn kreppir. Við eigum ýmsa
ónýtta möguleika og neitum að
taka undir raddir sem segja að
álver eða ekki álver sé spurning
um „líf eða dauða Eyjafjarðar-
svæðisins". Vissulega er mjög
þýðingarmikið að við fáum álver-
ið til okkar en ef svo fer ekki
megum við ekki leggja árar í bát
og lepja dauðann úr skel.
Framkvæmdir og
forgangsröðun
En þótt atvinnumálin séu undir-
staðan, snýst daglegt líf á Akur-
eyri um ýmislegt annað. Það þarf
víða að taka til hendinni. Hol-
ræsamálin hér í bæ eru vægast
sagt í ólestri. Hér er um mjög
mikilvægt mál að ræða og
aðgerðir til úrbóta eru kostnaðar-
samar. En mín skoðun er sú að
ekki verði beðið lengur með að
taka ákvörðun um framkvæmdir
og forgangsröðun.
Markvissari vinnubrögð þarf
að taka upp í skipulagsmálunum.
Nefna má að nú mun unnið að
skipulagi fyrir Oddeyri. Seina-
gangur þar hefur staðið mörgu
framfaramálinu fyrir þrifum. Það
sem mér finnst vera aðalvandinn
er að menn virðast oft vera að
leita að einhverri fullkominni
heildarlausn. í þessum málum,
sem svo mörgum öðrum, er hún
líklega ekki til. Hér gildir að taka
ákvörðun eftir bestu samvisku og
fylgja henni eftir.
Hitaveitan og skuldasúpan
Eitt af þeim málefnum sem
bæjarbúar velta mikið fyrir sér
eru málefni Hitaveitunnar.
Hennar vandi er fyrst og fremst
skuldastaðan. Skuldir veitunnar
voru 3,2 milljarðar króna um síð-
ustu áramót. Á síðasta kjörtíma-
bili var gert átak til hagræðingar
og lækkunar skulda veitunnar og
ber síst að lasta það. En betur má
ef duga skal og mörgum finnst að
leita verði annarra leiða til að
lækka skuldir Hitaveitu Akureyr-
ar. Ég er í hópi þeirra sem vilja
að sá möguleiki verði kannaður
til hlítar hvort ekki sé ráðlegt að
selja eignarhlut Akureyrarbæjar
í Landsvirkjun gagngert til að
lækka skuldir hitaveitunnar. Um
síðustu áramót var eignarhlutur
Akureyrar í Landsvirkjun met-
inn á 1,2 milljarða króna. Á síð-
asta ári var beinn arður Akureyr-
arbæjar af þessum eignarhluta 5
milljónir króna og auk þess 21
milljón króna í hagstæðara raf-
orkuverði til Rafveitu Akureyr-
ar. Samtals þýðir þetta 26 millj-
ónir króna, eða 2,17%, af ofan-
greindum eignarhluta. Ég vil að
athugað verði í fullri alvöru hvort
fleiri hagsmunir, aðrir en arður-
inn, kunni að vera fólgnir í því
fyrir Akureyrbæ að eiga hlut í
Landsvirkjun. Mér er ekki kunn-
ugt um þá og allavega hafa þeir
ekki verið ræddir opinberlega.
Hugsanlega hagsmuni bæjarins
þarf síðan að meta með hliðsjón
af því hagræði sem af sölu eign-
arhlutans myndi hljótast.
„Opinn í báða enda“
Framsóknarflokkurinn hefur oft
verið sagður „opinn í báða enda“
- og svo er enn. Þótt þessi full-
yrðing hafi upphaflega verið sett
fram af andstæðingum Fram-
sóknarflokksins, er hún sönn og
alls ekki neikvæð þegar grannt er
skoðað. Ég lít til dæmis á þetta
sem einn aðalstyrk flokksins og
túlka það svo að hann er opinn
öllu jákvætt hugsandi fólki og
hugmyndum fólks, sem vill vinna
sínu nánasta umhverfi og þjóð-
félaginu vel og af heilindum, óháð
öfgastefnum til hægri bg vinstri.
B - fyrir betri bæ
Ágæti lesandi. Ég bið þig að hafa
þetta í huga þegar þú mætir á
kjörstað og neytir atkvæðisréttar
þíns, laugardaginn 26. maí næst-
komandi. B-ið getur staðið fyrir
svo margt. Það getur táknað
bjartsýni og hennar þörfnumst
við Akureyringar. Það getur líka
táknað betri bæ. í slíkum bæ vilj-
um við öll búa.
Jakob Björnsson
Höfundur skipar 3. sæti á framboðslista
Framsóknarflokksins í komandi bæjar-
stjórnarkosningum á Akureyri.
Akureyrarkirkja:
Séra Bjöm H. Jóns
son predikar á
uppstigningardag
Undanfarin ár hefur uppstign-
ingardagur verið hátíðlegur
haldinn í Akureyrarkirkju sem
dagur aldraðra. Þá hefur sókn-
arnefnd boðið ellilífeyrisþeg-
um til kaffidrykkju og sam-
verustundar í Kapellunni eftir
guðsþjónustu og jafnan verið
húsfyllir og vel það.
Að þessu sinni verður sami
háttur hafður á, en nú verða,
einnig bornar fram veitingar í
Safnaðarheimilinu svo að það er
von þeirra sem að þessu standa
að engir þurfi frá að hverfa.
Við guðsþjónustuna predikar
séra Björn H. Jónsson, nú sókn-
arprestur í Staðarfellsprestakalli
og áður á Húsavík til fjölda ára.
Séra Þórhallur Höskuldsson
þjónar fyrir altari og Kór Akur-
eyrarkirkju syngur, en stjórnandi
Séra Björn H. Jónsson.
að þessu sinni verður Jóhann
Baldvinsson, organisti Glerár-
kirkju. (Fréttatilkynning)