Dagur - 24.07.1990, Blaðsíða 6

6 - DAGUR - Þriðjudagur 24. júlí 1990
Nýbyggður vegur lagður af...
í nýja skipulaginu er reiknað
með því að vegurinn liggi á milli
símstöðvarinnar og Brúarskála
nokkurn veginn eins og Hólma-
víkurvegurinn er þar í dag. Einar
Gíslason, hjá Vegagerðinni,
sagði að sú hugmynd hefði komið
fram þegar verið var að skipu-
leggja nýja veginn, að hafa hann
fyrir ofan Brúarskálann. Fallið
var þó frá því þar sem með því
hefði Brúarskáli dottið verulega
úr sambandi við þjóðveginn.
Viljum sómasamlegar
tengingar
Við Staðarskála koma aðstæður
til með að breytast töluvert mikið
miðað við Brúarskála. Vegurinn
á að færast niður fyrir skálann
þannig að einhverjar nýjar teng-
ingar verður að gera til að fólk
geti ekið upp að honum framan-
verðum, eða þá að snúa skálan-
um við. Magnús Gíslason, einn
af eigendum skálans, sagði að
þetta myndi náttúrlega breyta
heilmiklu fyrir þau, fólk kæmi til
með að aka framhjá bakdyrunum
eftir þessum nýja vegi og taka
yrði á sig krók til að fara inn á
planið. „Við erum samt ekkert
að nöldra yfir þessu, málið verð-
ur að hafa sinn gang og við mun-
um taka þeim breytingum sem
verða, ef nýr vegur verður sam-
þykktur, með ró. Við förum þó
fram á það við Vegagerðina að
þeir tengi okkur við nýja veginn á
sómasamlegan hátt,“ sagði
Magnús.
Skipulagsnefnd
tekur ákvörðunina
Skipulagið að þessum nýja vegi í
Hrútafirði hangir uppi í anddyri
barnaskólans á Reykjum og í
Sparisjóði Hrútfirðinga á Borð-
eyri til 1. ágúst næstkomandi og
þeir sem hugsa sér að gera
athugasemdir við það, þurfa að
skila þeim skriflegum til oddvita
Staðar- eða Bæjarhrepps í síð-
asta lagi 16. ágúst. Hreppsnefnd-
irnar taka síðan athugasemdirnar
til skoðunar og skila að lokum
skipulagsnefnd greinagerð um
málið. Að sögn Einars Gíslason-
ar er það síðan skipulagsnefndar-
innar að taka ákvörðun um það
hvort ráðist verður í framkvæmd-
ina eður ei. Ef svo fer að þessi
breyting verði samþykkt mun
trúlega verða byrjað á fram-
kvæmdum við veginn strax á
næsta ári. SBG
1 m
1 2 fll ' ’j' 'tf;
|4§l I § i í* § | ; | . X
1 Y': - h V
; \ % ;r
Ifc . d 9m% «
j Staðarskáli:
Aning í alfaraleið
um áratugaskeið
Staðarskáli í Hrútafirði er
löngu orðin þekkt stoppistöð á
leið manna um Norðurlands-
veg. Hann stendur á þeim stað
sem áður var fastur skiptastað-
ur fyrir pósta, sem mættust þar
allt þangað til fært var orðið
fyrir bfla þessa leið milli Norð-
ur- og Suðurlands. Það eru
þau Magnús Gíslason, Bára
kona hans og Eiríkur bróðir
hans sem nú reka skálann og
hafa gert það um margra ára
skeið. Staðarskáli átti 30 ára
afmæli þann 9. júní á þessu ári,
en vísir að þeirri þjónustu sem
nú er þar fyrir hendi á sér mun
lengri sögu.
„Árið 1929 settu Danir upp
bensínafgreiðslu hér, sem
íslenskt fyrirtæki eignaðist síðan
og árið 1954 kom hér lítill skúr
sem í var til sölu smærri varning-
ur handa ferðamönnum. 1960
byggðum við síðan 120 fermetra
hús undir reksturinn og hófum
veitingasölu, en það var eiginlega
strax svo rnikil aðsókn að skálinn
varð of lítill fyrir viðskiptin," seg-
ir Magnús.
„Við fórum raunverulega út í
of mikla veitingasölu miðað við
húsið og sérstaklega var eldhúsið
of lítið miðað við umsvif. Ham-
borgara byrjuðum við að selja
strax árið 1960 og ég man að það
var virkilega erfitt að fá ham-
borgarabrauð. Bakaríið á Blöndu-
ósi hóf þá að baka brauð fyrir
okkur og þróaði þá framleiðslu
smátt og smátt, en lítið var um
hamborgarasölu úti á landi á
þessum tíma,“ skýtur Bára inní.
Árið 1971 var síðan byggt við,
svo að Staðarskáli varð um 600
fermetrar að stærð. Öll aðstaða
breyttist til mikilla mun bæði fyr-
ir gesti og starfsfólk og hefur
þessi stærð á skálanum dugað
hingað til. Bæði ESSO og Skelj-
ungur eru með sölu á olíuvörum
á staðnum og hefur það verið svo
allt frá því 1957.
Hægt er að fá gistingu í Staðar-
skála, nokkur herbergi eru þar
niðri í kjallara og eitt heilsárshús
er búið að setja niður hjá skálan-
um. Magnús segir að ef einhver
stækkun sé í bígerð þá sé það
aukning á gistirými. Oft hafa
heilu hóparnir þurft að gista í
Staðarskála vegna veðurs að
vetrarlagi, en aidrei hafa komið
upp nein vandamál í því sam-
bandi að sögn þeirra staðarhald-
ara.
„Nú er búið að byggja veginn
svo mikið upp að það er orðinn
viðburður ef að stórir hópar
þurfa að gista hér vegna ófærðar.
En áður en vegurinn varð svona
góður var þetta alltaf fastur liður,
eitt til tvö skipti í jólatraffíkinni
og eins um páskana og eitthvað
þar á milli,“ segir Bára.
Að sögn Magnúsar er stöðug
aukning í aðsókninni. Mikið er
um það að rútur stoppi í skálan-
um og er þetta fastur staður hjá
Norðurleið til að hafa viðkomu á.
Ferðafólk, jafnt innlent sem
erlent, stöðvar farartæki sín við
Staðarskála til að rétta úr sér og
fá sér einhverja hressingu á leið
sinni um Hrútafjörð.
„Þessi starfsemi sem við erum
með byggist mikið upp á svoköll-
uðu þjóðvegastoppi hjá fólki.
Fólk ætlar sér að stoppa hér og
þá er það okkar að þjónusta það.
Til þess að halda því síðan í við-
skiptum seinna þegar það á leið
um, verðum við að reyna að sjá
til þess að sem fæstir fari óánægð-
ir héðan. Aldrei verður samt
hægt að koma í veg fyrir það að
einhver fari óánægður, því að
enginn hefur sama smekk. Málið
er bara að halda þeirri tölu eins
lágri og hægt er og þar kemur
starfsfólkið mikið við sögu. Ekk-
ert er hægt að gera nema hafa
gott starfsfólk og það teljum við
okkur hafa,“ sagði Magnús
Gíslason í lok samtalsins við
Dag. SBG