Dagur - 24.07.1990, Blaðsíða 14

14 - DAGUR - Þriðjudagur 24. júlí 1990
Lokað vegna jarðarfarar
Skrifstofur Dags og Dagsprents verða lokaðar
fimmtudaginn 26. júlí kl. 13.00-15.30 vegna
jarðarfarar Erlings Davíðssonar, fyrrverandi
ritstjóra Dags.
Atvinna í boði!
Okkur vantar
góðan starfskraft til að sjá um kjötdeild okkar.
Þarf að geta unnið sjálfstætt og byrjað strax.
Ath! Upplýsingar veittar frá kl. 09.00-12.00 næstu
daga.
HAGKAUP
Einingarfélagar
athugið!
Eins dags ferð aldraðra verður farin laugardaginn
18. ágúst n.k. Lagt verður af stað frá Alþýðuhúsinu á
Akureyri kl. 10.00 að morgni.
Farið verður austur um Víkurskarð og ekið inn Bárð-
ardal og snæddur hádegisverður að hótel Kiðagili.
Þá ekið áfram að Mýri og þaðan upp á Sprengi-
sandsleið, og sem leið liggur í Laugafell. Þaðan
verður svo farið niður í Eyjafjörð og til Akureyrar.
Fargjald verður kr. 1.000,-
Upplýsingar og skráning á skrifstofu félagsins að
Skipagötu 14, 2. hæð, sími 23503.
Ferðanefnd Einingar.
AKUREYRARB/ÍR
LAUSAR
KENNARASTÖÐUR
Við Glerárskóla, Akureyri vantar sérgreina-
kennara (íslenska, stærðfræði o.fl.) í eina stöðu,
sérkennara í hálfa stöðu og forfallakennara í
tímabundið starf.
Upplýsingar hjá yfirkennara í síma 96-25243.
Við Síðuskóla, Akureyri vantar bekkjarkennara
og sérkennara í heilar stöður og sérkennara í
smíðar og ensku, auk forfallakennara í tíma-
bundin störf.
Upplýsingar hjá skólastjóra í síma 96-27527.
Einnig veittar upplýsingar hjá skólafulltrúa í síma
96-27245.
Skólafulltrúi.
Akureyringar
Ferskar
fréttir með
morgunkaffinu
Áskriftar® 96-24222
Laugardaginn 21. júlí sl. var borinn
til grafar Jörundur Sigurbjörns-
son starfsmaður Rafmagnsveitna
ríkisins.
Jörundur var næst yngstur
ellefu barna þeirra hjóna Ingunn-
ar Kristinsdóttur og Sigurbjarnar
Hannessonar í Kelduneskoti,
Kelduneshreppi.
Jörundur fæddist 31. október
1951 og var því tæpra 39 ára þeg-
ar hann fórst í flugslysi 16. júlí
s.l.
Jörundur hóf störf í línuflokki
Rafmagnsveitna ríkisins árið
1974, vann þá hálft árið og síðan
hefur hann unnið stöðugt hjá
Rafmagnsveitunum. Fyrstu árin
vann hann í línuvinnu en síðari
ár við línueftirlit og tölvuskrán-
ingu háspennulína.
Jörundur var trúr og vandaður
starfsmaður. Hann leysti öll verk
sem honum voru falin vel af
hendi og var því vinsæll starfs-
maður.
Þegar nú leiðir skilja vil ég f.h.
Rafmagnsveitna ríkisins þakka
gott samstarf og sendi hugheilar
samúðarkveðjur til móður hans
og systkina.
Ingólfur Arnason.
Kveðjuorð:
Sigríður Axelsdóttir
hjúkrunarfræðingur
Fædd 21. janúar 1925 - Dáin 18. júlí 1990
Fregnin um lát vinkonu okkar og
samstarfskonu Siggu Axels kom,
eins og endranær þegar slys ber
að, líkt og reiðarslag. Kynni okk-
ar hófust fyrir góðum tveimur
áratugum á Fjórðungssjúkrahús-
inu á Akureyri. Sigga var þá frá-
skilin sex barna móðir að koma
út á vinnumarkaðinn eftir að hafa
haft börn og heimili að aðalstarfi
langa hríð.
Innan heilbrigðisstéttanna eru
framfarir hraðar og oft erfitt að
setja sig inn í hlutina enda ein-
kennist vinna við fólk af hlýju og
nákvæmni. Siggu tókst þetta
ásamt því að vaka stöðugt yfir
velferð barna sinna.
Eitt af einkennum Siggu var
hversu kærleiksrík og notaleg
hún var við skjólstæðinga sína.
Sigga var líka sérlegur unnandi
listar og kom það ef til vill mest
fram í því hve hún var sí og æ að
fegra og bæta heimili sitt. Börn
hennar bera smekkvísi hennar
gott vitni.
Við viljum með þessum kveðju-
orðum þakka Siggu fyrir frábær
kynni og sendum börnum hennar
og fjölskyldum þeirra þá huggun
í harmi sem okkur er fær.
Hrafnhildur Ingólfsdóttir,
Sólveig Knútsdóttir og
Jóhanna Þorsteinsdóttir.
kvikmyndarýni
f----------------------
Umsjón: Jón Hjaltason
Fallnir englar?
Borgarbíó sýnir: Við erum engir englar
(We’re No Angels).
Leikstjóri: Neil Jordan.
Aðalhlutverk: Robert De Niro og Sean
Penn.
Paramount Pictures 1989.
Ef ég ætti að lýsa þessari engla-
mynd með einu orði kæmi mér
lýsingarorðið langdregin fyrst í
hug. Við það mætti síðan bæta
athugasemdum um ofleik De
Niros. Satt best að segja hef ég
ekki séð hann í jafn miklu óstuði
áður. Um Penn er best að hafa
sem fæst orð. Ég fæ ekki betur
séð en að ganga hans sé öll á
brekkuna og hafi verið það allt
frá því hann lék í The Falcon and
the Snowman árið 1984.
V7ð erum engir englar segir frá
tveimur strokuföngum (og örlítið
þeim þriðja) og ævintýralegum
flótta þeirra til Kanada. Myndin
gerist að langmestum hluta í litl-
um landamærabæ, Bandaríkja-
megin (auðvitað). De Niro og
Penn gera örvæntingarfullar til-
raunir til að komast yfir til Kan-
ada en lenda í heldur skringileg-
um hremmingum þegar klaust-
urmunkar bæjarins fara manna-
villt á þeim og tveimur ákaflega
lærðum bræðrum sem von er á til
bæjarins. Fyrir bragðið breytast
nálega ólæsir tugthúslimirnir í
hálærða latínutalandi munka og
áður en myndinni lýkur hafa
augu bíófarans opnast fyrir öfug-
mælunum er felast í heiti kvik-
myndarinnar; það er að vísu rétt
að þeir De Niro og Penn eru eng-
ir englar en þeir eru þó ekki fjær
því en svo að telja má þá með
föllnum englum er enn eiga sér
viðreisnar von.
Draumur til sölu
Borgarbíó sýnir: Drauminn (The Big
Picture).
Leikstjóri: Christopher Gucst.
Aðalhlutverk: Kevin Bacon og Teri
Hatcher.
Columbia Pictures 1989.
Kannski á Draumurinn að vera
djúphugsað andlega sinnað verk
um helstu eigindir mannsins, þær
sem aðgreina hann frá dýrum
merkurinnar. Kannski á Draum-
urinn að kenna hið eina og sanna
siðferði, það sem gerir mann að
sönnum manni og aðskilur hann
frá ómerkingum götunnar - eða
kannski er Draumurinn um eina
allsherjar mannkyns-svínastíu og
það hvernig einstaka manni tekst
að þvo af sér saur ágirndarinnar.
Vertu trúr vinum þínum og seldu
ekki drauma þína fyrir fulla
kornhlöðu - því hvað stoðar það
manninn og svo framvegis - ;
þessi er lokaniðurstaða Draums-
ins og þegar sannleikurinn renn-
ur upp fyrir aðalsöguhetjunni þá
fyrst fellur allt í ljúfa löð.
Þrátt fyrir að eitt og annað
megi lesa út úr söguþræði kvik-
myndarinnar þá er sá þráður
heldur illa spunninn og alls ekki
hnökralaus. Sífelld innhlaup í
hverfulan draum hins unga nýút-
skrifaða kvikmyndaleikstjóra
Kevins Bacons er heldur þreyt-
andi. Það vantar þó ekkert upp á
fjölskrúðugheit draumsins. Hann
tekur vaxandi breytingum í réttu
hlutfalli við gengissig hugsjóna
Bacons leikstjóra. Eitt er þó víst;
það er af og frá að kalla megi
Drauminn gamanmynd.