Dagur - 12.10.1990, Blaðsíða 8

8 - DAGUR - Föstudagur 12. október 1990
KRAKKAR
Nú byrjar barnavikan
16.-20. október á hverju
kvöldi kl. 17.30.
Allir eru velkomnir á her!
Leikir, sögur, söngur,
heimsókn, kvikmynd..
Hjálpræðisherinn,
Hvannavöllum 10.
Steinvarði gefinn af hjónunum Margréti Magnúsdóttur og Ágústi Jónssyni,
byggingarmeistara. Ágúst hannaði varðann.
Kjarnalundur.
Lágmynd a bakhlið varðans.
Jón Kristinsson.
veitti umbeðið land við Kjarna-
skóg undir fyrirhugaða byggingu.
Peningar afla þeirra hluta
sem gera skal
Strax er kynning á þessu stóra
verkefni sett í gang og fjáröflun
hafin af miklum krafti, sem stað-
ið hefur uppihaldslaust síðan.
Mikil og góð samstaða náðist um
þetta verkefni, og er athyglisvert
að skoða gjafalista og reikninga
félagsins þessi 20 ár síðan söfnun
hófst. NLFA er ekki fjölmennt
félag en hefur jafnan átt ótrúlega
stóran og samstilltan hóp kvenna
og karla, sem hvorki hafa sparað
tíma né fyrirhöfn og verið ótrautt
við að hvetja einstaklinga og fé-
lagasamtök að leggja fram liðs-
inni sitt. Jafnframt hefur þessi
hópur verið fundvís á margskon-
ar fjáröflunarleiðir - merkjasölu,
köku- og kaffisölu, flóamarkað,
bingókvöld, hlutaveltur, happ-
drætti, áheitagöngur, símaskrár-
Kjarnalundur
- heilsulind NLFA og NLFÍ
Nú, þegar bygginga-
framkvæmdir við
Kjarnalund eru
komnar á nokkurt
tímamótastig, er
ekki úr vegi að líta
yfír farinn veg og
lesa á nokkrar
vörður, sem varða
þessa löngu bygg-
ingarslóð.
Upphafíð
Árið 1944, sunnudaginn 27.
ágúst, var Náttúrulækningafélag
Akureyrar, NLFA, stofnað sem
deild í Náttúrulækningafélagi
íslands, eins og segir í stofnfund-
argerð. 58 innrituðust í félagið á
stofnfundi og formaður var kos-
inn Sigurður L. Pálsson, mennta-
skólakennari.
í lögum félagsins segir að til-
gangur félagsins sé að efla og
útbreiða þekkingu á lögmálum
lífsins og heilsusamlegum lifnað-
arháttum. Félagið hyggst ná til-
gangi sínum m.a. með fræðandi
fyrirlestrum og útgáfu rita um
heilbrigðismál og náttúrlega
heilsuvernd, og með því að vinna
að stofnun heilsuhæla þar sem
einkum verði læknað með náttúr-
legum aðferðum (ljós, loft, vatn,
mataræði, hreyfing, hvíld). Mörg
fyrstu árin var starfið fólgið í
fræðslu og útbreiðslu rita um
heilsuræktarmál. En þegar bygg-
ingarframkvæmdir hófust í
Hveragerði studdi félagið heilsu-
hælisbygginguna þar eftir mætti.
Alllengi rak félagið kornmöl-
unarvél og seldi nýmalað korn
um árabil. Líka var reynt að fá
brauðgerðarhús bæjarins til að
baka úr slíku korni og skilaði það
nokkrum árangri og varð smám
saman vinsælla, og þróunin til
dagsins í dag hefur verið jákvæð
og ánægjuleg, eins og öll heilsu-
brauðin sem við nú eigum völ á
að neyta sanna best.
Bygging heilsuhælis í Hvera-
gerði var nýr og mikilsverður
áfangi í starfsemi N.L.F.Í. sem
hefur sannað gildi sitt og ágæti
sem stöðugt tekur til fleiri sviða
heilbrigðis, jafnt margskonar lík-
amlegrar þjálfunar sem heilsu-
fæðis, auk jákvæðra félagslegra
samskipta sem gefa dvölinni gildi
ánægju og vellíðunar.
Orð eru til alls fyrst
Félagar N.L.F.A. voru með
störfum sínum þátttakendur í
uppbyggingunni í Hveragerði og
margir nutu þar síðan hvíldar og
hressingar. Og þó að enn væru
ekki þau orð sögð, hefur vafalítið
blundað í huga margra félaga von
og þrá, að slík aðstaða gæti risið
hér norðanlands. Pað var svo á
aðalfundi félagsins 1970, er
nokkrir félagar rabba saman yfir
tebolla, að inn í umræðuna flétt-
ast hugmyndir um byggingu nátt-
úrulækningahælis hér á Norður-
landi. Og þegar á fundinum er
borin upp svohljóðandi tillaga,
sem er samþykkt: Fundurinn
samþykkir að styðja þá
hugmynd, sem fram hefur
komið, um byggingu heilsuhælis
á Norðurlandi.
Staðarval
Þegar er hafist handa um eðlileg-
an undirbúning málsins. Fá leyfi
NLFÍ fyrir slíkri byggingu hér
norðanlands, og afla loforðs heil-
brigðismálaráðuneytis fyrir
rekstri slíkrar stofnunar, þegar
þar að kæmi. Þá var farið að huga
að byggingarstað, og komu ýmsir
staðir inn í þá umræðu. Fyrst
Reykjahlíð í Mývatnssveit, sem
vissulega hafði marga góða kosti,
en ekki náðist eining um þá
hugmynd, og töldu margir
Eyjafjörð álitlegri, legu sinnar
vegna. Komu þar og ýmsir staðir
til skoðunar, og 30. ágúst 1972
býður bæjarstjórn Akureyrar
land í Skjaldarvík undir slíka
byggingu. Næstu árin er sá staður
talinn æskilegur og jafnvel byrjað
að leggja veg að fyrirhuguðum
byggingarstað. Þó er enn ekki um
fulla samstöðu að ræða, og á
fundi félagsins 2. júlí 1977, þar
sem stjórn og framkvæmdastjóri
NLFÍ voru mætt, er samþykkt að
skipa sex menn, þrjá frá hvorum
aðila, til að grandskoða þá staði
sem í umræðunni höfðu verið og
skila ákveðnum tillögum um
staðarval. Nefndin starfaði hratt
og skilaði álitsgerð 12. júlí. Þar
segir m.a.: Af þeim stöðum sem
skoðaðir voru teljum við aðeins
Skjaldarvík og land við Kjarna-
skóg koma til greina. Nefndin
telur þó staðsetningu við Kjarna-
skóg stórum hagkvæmari, þar
sem staðurinn er í bæjarlandinu
og allir aðdrættir ódýrari, og auð-
veldara fyrir starfsfólk að sækja
þangað vinnu. Þá er heitt og kalt
vatn alveg við hendina. Auk
þessa býður staðurinn upp á mik-
ið og fallegt útsýni, og Kjarna-
skógur ákjósanlegur útivistar-
staður fyrir dvalargesti.
Félagsfundur samþykkti þetta
álit nefndarinnar og bæjarstjórn
Unnið að innréttingum á herbergjum væntanlegra dvalargesta.
Saurbæjarhreppur
Hrossasmölun í Saurbæjarhreppi fer fram föstu-
daginn 12. október.
Réttaö veröur í Borgarrétt, laugardaginn 13. október
kl. 11.00.
Fjallskilastjóri.